Shritrajrajke dhaam badhaai baajahi .. badhaai .. thadhuni suni

श्रीत्रजराजके धाम बधाई बाजही ॥ बधाई ॥ थधुनि सुनि उठी अकुलाय मेघन ज्यों गाजही ॥मेघन!॥१॥ जहाँ तहाँ ते चली धाय अटकि नंदपौरपें ॥अटकि॥ वे गावत मंगल गीत ऊँचे स्वर घोरपें ॥ ऊँचे ॥२॥ नौतन सहज सिंगार कीये अंग अंगमें ॥कीये।! बसन लहेरीया भाँति बहु रंग रंगमें ॥बहु।३॥ धूम मची सिंहद्वार हेरी दे दे गावही ॥हेरी॥ प्रेम उमग व्रजनार गिने नहीं काउही ॥गिने|४॥ कोऊ नाचे कोऊ गाय कोऊ कर तारीदे ॥कोऊ॥ कोऊ शिर्तें दधिमाट फोर कर डारीदे ॥फोर॥५॥ बाबानंद नचावत ग्वाल नाचे बड़भूपही ॥नाचे॥ सब तन यों रसवेस भये एक रूपही ॥भये॥६।॥ याचक गुनी अनेक जुरे नंदधाममें ॥ जुरे। मनवांछित फल देत हीरा मणि दानमें ॥हीरा॥७॥ देत असीस जियौ व्रजराजकौ लाड़िलो ।ब्रज॥ चंद सूरजकों तेज त्पै सुख बाढ़िलौ ॥तपे॥८॥ ओीवल्लभके चरण शरण सुख पावही ॥शरण॥ तोपे रसना रसिक रसाल सदा गुन गावही ॥सदा॥ ९॥

Janmashtami ki Badhai

Part1-052

Kafi

Hontau aeka naee baat suni aaee . mahari yashoda dhota jaayau

होंतौ एक नई बात सुनि आई । महरि यशोदा ढोटा जायौ आँगन बजत बधाई ॥१॥ कहिये कहा कहइ नहीं आवै रतन भूमि छबि छाई। नाचत विरध तरुन और बालिक गोरस कीच मचाई ॥२॥ द्वारें भीर गोप ग्वालनकी वरनों कहा बड़ाई । सूरदास प्रभु अंतरयामी नंदसुवन सुखदाई ॥३॥

Janmashtami ki Badhai

Part1-052

Malhar

Badhaai ree baajat aaj suhai srigokulrajke dhaam . raani

बधाई री बाजत आज सुहाई श्रीगोकुलराजके धाम । रानी जसुमति ढोटा जायौ है मोहन सुंदर श्याम ॥१॥ सुनि सब गोप घोषके वासी चले बर बसन बनाय । तापुरकी मंगल ब्रज बीथिन भीर न निकस्यो जाय ॥२॥ आईं सब गोप वधू मिलिं साथन हाथन कंचन थार | कमल बदन सब बनी कमलासी झलकत कुंडल हार ॥३॥ नाचत ग्वाल करत कुतूहल दि घृत खोरें गात । देत मेंगाय बसन पट भूषण फूले अंग न मात ॥४॥ जो जाके मन हुती कामना सो पुजाई नैँंदराय । नंददासकों दई कृपाकरि अपने ललनकी बलाय ॥५॥

Janmashtami ki Badhai

Part1-052

Malhar

Arrie sakhee prakate krishna murari .. vraj gharghar anand bhayau .

एरी सखी प्रकटे कृष्ण मुरारि ॥ ब्रज घरघर आनंद भयौ । दधिकाँदों आँगन नंदके ॥ध्रु.॥ एरीसखी बाजत ताल मृदंग और बाजे सब साजिकें ॥ भवन भीर व्रजनारि पूत भयौ व्रजराजकें ॥१॥ घोषघोषते बाम बसनन सजिसजिकें गईं ॥ रोहिनी महाबड़भागि आदर दे भीतर लईं ॥२॥ बिछुवनके झनकार गलिन गलिन प्रति है रहे ॥ हाथन कंचन थार उर पर श्रमकन च्वेरहे ॥३॥ ग्वाल गोपिका जात रावरी सगरो भरि रहो ॥ फूले अंग न मात सबनकौ भागि उघरि रहौ ॥४॥ जहाँ ब्रजरानी आप सेंन कीयौ ढोटा भयें॥ तहाँ कुतूहल होत मिलि 'जुबती जूथन गये ॥५॥ निरखि कमल मुख चार आनंदमय मूरति भई ।| लये अंचल पटछोर मन भाई असीसें दई ॥६॥ राय चौकमें घेरि छिरकत दधि हरदी मेलि ॥ पकरि पकरिकें ग्वाल बोल लेत भुज भुजन पेलि ॥७॥ कावरि मथना माँट अगनित गिनें नहीं जातहैं ॥ धरे भरे सब ठौर कहॉलों सदन समातहैं ॥८॥ होत परस्पर मार माखनके गेंदुक करे॥ एक एककूं ताकि बदन अंग लेपत खरे ॥९॥ ऊपरते दि दूध शीश सीसन गागरि हरें ॥ घोंटुनलों भई कीच रपटि रपटि सगरे परें ॥१०॥ ब्रज गोपिनके चोर भीजिलगे अंगअंगसों ॥ गावत्तहें जुर झुंड अपने अपने रंगसों ॥११॥ हो हो बोलें ग्वाल हेरी दे दे गावहीं ॥ जोरिजोरि सब बांह बाबा नंद नवावहीं ॥१२॥ नंदराय बड़भाग नाचतमें देखत बने ॥ फिरत मंडलाकार अंगअंग सुखमें सने ॥१३॥ चिबुक केश सब स्वेत उरपर सगरे छै रहे ॥ रंग कुमकुमारंग दधि दूधन उरझे रहे ॥१४॥ भाल विशाल रसाल फेंटा शीस सुहावनों ॥ तोंदि थलक और चाल नायैं मृदंग मिलावनों ॥१५॥ गहिगहिकें भुज भूलरहे- गोप सुखमानिकें ॥ रपटि परे जिन नंद सावधान यह जानिके ॥१६॥ ऑगन उदधि आनंद पंक चढ्यौ कटिलों भयौ ॥ दई पनारी खुलाई सरिता ज्यों बीधिन गयौ ||१७॥ भानसुतामें जाई मिल्यौ रंग आनंदमें॥ कलिंदनंदनी आप सुख लूटत यह फंदमें ॥१८॥ यह औसर सब साधि घोष नृपतिजू नहाइयौ ॥ जे बरसोंदी खात ते सब विप्र बुलाइयौ ॥१९॥ पूजा पितर कराय दान करत बहु भायसों ॥ घरके मागध सूत झगरतहैं ब्रजरायसों ॥२०॥ मेंटत सगरी रारि मन धन देत अघाइकें । करत बहुत सनभान भूषन पट पहरायकें ॥२१॥ विधिसों गाई सिंगरि दई द्विजन केई ठाठसों । जो माँगो सो देहुँ कहत नंद विप्र भाटसों ॥२२॥ अभरन अंबर छाय सहस्र॒ पाँच दश आईइयौ । हँसिहँसि रोहिनी आप ब्रज तरुनी पहराइयौ ॥२३॥ घरघर घुर्त निसार कही न जात कछूये जियकी । मंगलमय ब्रज देश फिरत दुहाई गाजकी ॥२४॥ ब्रज दशाकौ रूप कहा कहूँ सखी या समें । निरख निरख नंददास नृत्य करतहैं ता समें ॥२५॥

Janmashtami ki Badhai

Part1-053

Kafi

Merrie jasumati jachcha aho raani dhanya dhanya bhaagi ..tech..

मेरी जसुमति जच्चा अहो रानी धन्य धन्य भागि ॥टेक॥ तोसी सील सपूत्ती और न कोई । अखिल लोकनाथ जनसी सिज्या सोई ॥१॥ जाके उदर उपज्यौ ब्रह्मा भ्रम भारी । सोई कमलनाल जतन करतहै ब्रजनारी ॥१)॥ आदि अंत जगतकी गति जाकों सूझें । ताकी यह रासि लग्न विप्रन बूझें ॥३॥ सकल जीव जंतुनकों भोजन पहुँचावै । ताहि छतियाँ लाई लाई दूध पिवावे ॥४॥ जाके गुन गान शेष निशदिन गाये । विश्व कुशल काज अनायास आये ॥५॥ गणपति सरस्वती जाकी करतहें प्रशंसा । यादव नरेश ये मुनिमानस हंसा ॥६॥ जाकी पदरज शिव विरंची विश्व हेरें | सूरदास ऐसौ ध्यान बसौ हिय मेरें ॥७॥

Janmashtami ki Badhai

Part1-054

Kafi

Herry herire bhaiya heriheri .. dhru. .. heride kinn gaavahi bhalrau

हेरी हेरीरे भैया हेरीहेरी ॥ ध्रु. ॥ हेरीदे किन गावही भल्रौ बन्यौ है काज ॥ रानी जसुमति ढोटा जायौ आयोौ ब्रजमें राज ॥१॥ पट पीरो प्यौसारकौ रानी जसुमति पहिरै ताहि ॥ दामिनिके भोरें गयी मोमन धोखों आहि ॥२॥ नेतिनेति जासों कहै ध्यान न आवै रूप ॥ सो या बाबा नंदके परयो देखियत सूप ॥३॥फूले फिरत गुवालिया विप्रन बूझत थाई ॥ कहा कूँवरकी नामहै हमसों कही सुनाई ॥४॥ नामनकी गिनती नहीं सबहिनके सिरताज ॥ पहलौ तो सुनिलेहु भैया जाको नाम गरीब निवाज ॥५॥ बूढ़ी बाँस सब खबें क्षीर प्रवाह बढ़ायौ ॥ चाटत चरन गोपालके मानों इनहींकौ जायौ ॥६॥ सब ग्वालन मिलि मतौ मत्यौ करें मनमें आनंद । आवौ पकरि नचाइये व्रजपति बाबानंद ॥७)| ऊँचे मानकौ चोंतरा बैठे हैं सिरदार ॥ देखत भोरौसी लगै वाकौ चित्त उदार ॥८॥ लघु भैया पौंयनपरे सकुचतहैं व्रजराज) उठि किन दांदा नाचही पूत भयौहैं आज ॥९॥ नाचत बावानंदजू संग लिये. सब ग्वाल ॥ मलकत थोंदा हालही देखि हँसी व्रजबाल ॥१०॥ एक ओर अज ग्वालिया एक ओर सब पोंनि ॥ पहरावत मधु मंगल या व्रजकी महतोंनि ॥११॥ फूलि कहा वृषभानजू पूरब पून्य सगाई ॥ कीरत कन्या होइगी तो दैहों कुंवरकन्हाई ॥१२॥ भैयाभैया कहि टेरियों कहा बड़े कहा छोट॥ ठकुराई तिँ लोककी दुरी अहीरन ओट ॥१३॥ यह पद गायी हेतसों गंग ग्वाल सुखपाय । रौंमरींम रसना करों तो मोपै बरन्‍्यौ न जाई ॥१४॥

Janmashtami ki Badhai

Part1-055

Gori

Baaje badhaaiyaan way saeeyan nandade darbar . huwa suta sohanaan way manada

बाजे बधाइयाँ वे सईयां नंददे दरबार । हुवा सुत सोहनां वे मनदा मोंहानां सुकुंवार । आई सुनी गोपियां वे हिलिमिलि गावही खुशीयाल । जुरे सब लोक मंगनवे गुनीगन बोले दै दे ताल ॥ गुनीदे ताला ताला नाचै ॥वाहवाव॥ आंगनपह पटमांचे ॥बाहवा॥ नंददा लाल जीवों ॥वाहवा) दुधा अमृत पीवो ॥वाहवा॥ खुशी दिल पावां थूमां ॥वाहवा)! ललादी तुंनीयूमां ॥वाहवा॥ उसदा मंगल गावां ॥वाहवा॥ दान दुपट्टा पावां ॥वाहवा॥ पावां पटदान मोती वे ) जावां दिल फूल दे घरमांह ॥ असाढा हाथ टोडर वे ॥ बाजूबंध झूलदे बिचु बांह ॥ तुजपर घोलियां ये ॥ जसोदे बोलियां दे सुनाय ॥ धनि धनि आजदा दिन वे ॥ दैदी दान क्‍यों न मगाय ॥ महरने दान मँँगाया |वाहवा॥ कंचन झर बरखाया ॥वाहवा)| हे बड भागन तूरी ॥बाहवा॥ करी मुरादेपुरी ॥वाहवा। बीच खुशी दील गाढ़े ॥वाहवा॥ मंगल मुखी तु साढ़े ॥वाहवा।| जन्म जन्म गुन गावां बाहवा ॥ नागर दरशन पावां ॥वाहवा॥

Janmashtami ki Badhai

Part1-055

Desh

Herry herire bhaiya ..| hailey daiy kinn gavahu hoe bhalau banyau haye kaaj.

हेरी हेरीरे भैया ॥| हेली दै किन गावहु हो भलौ बन्यौ हे काज। रानी जसुमति ढोटा है जन्यी आयौ ब्रजमें राज ॥१॥ पटआयौ प्यौसारसों और जसुमति पहिरै तायि ॥२॥ नेतिनेति जासूँ कहें ध्यान न आवै रूप । सो घर बावा नंदके परयौ देखियत सूप ॥ ३॥ फूले फिरत गुवालिया हो विप्रहि पूछे धाय ॥ कहा कुँवरकौ नाम है बेग बतावी' आय ॥४॥ नामन की गिनती नहीं और सबहिनको सिरताज ॥ पहलेंहि तो यह सुन्यौ याकौ नाम गरीब निवाज ॥५॥ बूढ़ीबॉझ खवें सबे हो खीर समुद्र बहाय ॥ चाटत चरन गुपालके मानों इनहीकी जाय ॥६॥ सब ग्वालन मिलिभतौ मत्यौ हो मनमें अति आनंद ॥ आवौ पकरी नचावहूं व्रजपति बाबा नंद ॥७॥ ऊंचे मणि कौ . चोंतरा हो जहाँ बैठ्यो परम उदार | देखत गोरो सो लग्यौ भोरों चित्त उदार ॥८॥ लघु भैया पॉयन परे अरु सकुचे व्रजराज ॥ उठि किन बाबा नॉँचहू हो पुत्र भयें ते आज ॥९॥ बाबा नंद नचावहीं हो संग लिये सब ग्वाल । नाचत थोंदा हालियो हो देखि हँसे व्रजवाल ॥१०॥ सुबल कहें मधु मंगला चलि नंदीसुर जाहीं । जसुमति जूके हाथकी माँगि खुरचनी खांहीं ॥११॥ एक ओर सब ग्वारिया एक ओर सब पोंनी । पहरावत मधुमंगलें या व्रजकी महतोंनी ॥१२॥ फूलि कह्मौ वृषभानजू हो पूरब पुन्य सहाई ॥ किरति कन्या हें जनी देंहों कुँवर कन्हाई ॥१३॥ मैया मैया कहि टेरहीं कहा बड़े कहा छोट । ठकुराई तिहूँ लोककी होउरी अहीरन ओट ॥१४॥ यह पद गायौ हेतसौं हो गंग ग्वाल सुख पाय । रोम रोम रसना करों मोपै तोउ न बरन्यौ जाय ॥१५॥

Janmashtami ki Badhai

Part1-056

Gori

Herry herire bhaiya herry herire ..dhru.. sakal kaaj pooran

हेरी हेरीरे भैया हेरी हेरीरे ॥ध्रु॥ सकल काज पूरन भये नैनन देखे आज । रानी जसुमति ढोटा जायो आयौ ब्रजमें राज ॥१॥ उपनंद कहें नंदसों मेरे मनकौ भाव । उठि किन बाबा नाचहू आज भलौ बन्यो है दाव ॥२॥ नाचनकों बाबा उठे संगलिये बड़े ग्वाल । मलकत थोंदा हालही निरखि हँसी व्रजबाल ॥३॥ उपनंद कहे तब नंदसों गैया सकल मैंगाई । नांदीमुख पूजा करें सब विप्रन दई बुलाई ॥४॥ बहोत भाँति बस्तर दिये जैसो जाकौ लाग । काहूकों पटुका दिये काहू दीनी पाग ॥५॥) काहूकों चादरि दई काहू दीनी खोर ॥! काहूकों दुपटा दिये करि करि पीरे छोर ॥६॥ काहूकों झगुला दिये काहू दई कवाई । काहू दीनी पावरी सब बागे दिये बनाइ ॥७॥ माधो ग्वाल सबसों कहे सुबस बसो व्रजवास । श्रीजसुमतिजू के लाड़िले हम कबहूँ न छोॉंडे पास ॥८॥

Janmashtami ki Badhai

Part1-056

Gori

Aaj bachadhaayo srivrajrajken raniju jaayohai mohan poot ..bhru...

आज बचधायो श्रीव्रजराजकें रानीजू जायोहै मोहन पूत ॥भ्रु.॥ मास भादों द्योस आठें रोहिनी बुधवार ॥ यशोदाकी कूखि प्रगटे श्रीकृष्ण लियौ अवतार ॥१॥ बहोत नारि सुहाग सुंदर सबै घोषकुमारी । सजन प्रीतम नाम ले लै देत परस्पर गारी ॥२॥ पुत्र मानों भये घरघर निर्तत ठामठाम । नंददारें भेट लै लै उमग्यो गोकुल गाम ॥३॥ साथिये श्यामा धरत दारें सात सींक बनाय ॥ नव किसोरी मुदित डै है गहत जसुमति पाय ॥४॥ चौक चंदन लीपिके आरती घधरीहै संजोय ॥ कहत घोषकुमार ऐसो आनंद जो नित होय ॥५॥ एक मानिनी मंगल गावे लीला गावें ग्वाल ॥ एक माखन दूध दधि लै छिरकत फिरतहैं बाल ॥६॥ एक हेरी दै दै नाचे एक झटके धाई ॥ एक काहू बदत नॉही एक खिलावत गाई ॥७॥ एकनारी वृद्ध बालिक एक जोबनजोरि ॥ एक काहू बदत नॉही एक हँसत मुख मोरि ॥८॥ कृष्ण जन्म प्रेम सागर होत घोष विलास ॥ देखि ब्रजकी संपदा जन फूले माधौदास ॥९॥

Janmashtami ki Badhai

Part1-057

Gori

Badhaavau vrajaraajken gaavi sakhi mangalchar ..dhru... raani

बधावौ व्रजराजकें गावी सखि मंगलचार ॥ध्रु.॥ रानी जसुमति कूखि चंद्रमा प्रगट्यौ पूरन कला प्रकास । सुधा वृष्टि ब्रजजन शीतल किये बिविध ताप तन नास ॥१॥ कुमुद कलीसी फूली जुबती नंद भवनमें आई । प्रमुदित नैन चकोर बदन लखि आनंद उर न समाई ॥२॥ रीझी प्रान करति नोछावरि छिनुछिनु लेत बलाय । फूले ब्रजजन बदत न काहू मानों रंक निधि पाय ॥३॥ जुवतिनकों पहरावत नयेनये भूषण वसन अमोल । व्रजरानी लगि पॉय सबनके हँसिहँसि देत तंबोल ॥४॥ पहरे गोप ओप पट भूषन उपमा बरनी न जाय | कविजन कहत लजात निरखि सुख मानों लोकके राय ॥५॥ मायध सूत विप्र बंदीजन आवत ब्रज पति धाम । ढाढ़ी भाट बिर्ध गोपनके लै ले बोलत नाम ॥६॥ देत तिन्‍्हें गोगज बसन कंचन मणि मुक्तादान | मान करि नंद सबनकों पूरे मनके काम ॥७॥ कंचन मणिमय बने झरोखा हीरा लगे अपार । निरखि सदन छबि निधिपति सुरपति लजत कोटि शत मार ॥८॥ भवन चतुर्दश तीन लोक आनंद रह्मौ जहाँ तहाँ छाय | दामोदर बलि रामकृष्णकौ रहसि बधायों गाय ॥९॥

Janmashtami ki Badhai

Part1-058

Gori

Mandilra bajehi baaje baaje maaee nandrai darbar ..dhru... dhuni

मंदिलरा बाजेही बाजे बाजे माई नंदराय दरबार ॥ध्रु.॥ धुनि सुनि चलीं अली जिततिततें नबसत साजि सिंगार। भूषण वसन विचित्र कीये शुभ ग्रह लग्न विचार ॥१॥ तिलक साज रोरी अक्षत ले श्रीफल कंचनथार ! प्रेम मगन भई गावति आवतिं सब मिलि मंगलचार ॥२॥ दामिनिसी भामिनी चुुँदिशितें आईं भवन मँझार । जसुमति सुत घनश्याम विलोकत देति अपनपौ वारि ॥३॥ बदन विलोकत हियौ न तोषत इकटक रही निहार । मनहुँ चंद लखि थकित चकोरी भई है सकल मनुहार ॥४॥ साथिये चित्र किये शुभ युवतिन बाँधी बंदनवार | मानों अखिल भुवनकी शोभा राजत गोप दुवार ॥५॥ आये गोप ओपसों व्रजजन फूल्यौ सब परिवार । हँसिहँसि मिलत नंद आनंदित करत सकल मनुहार ॥६॥ पितर पुजाय बहुरि नांदीमुख कीनों कुल व्यौहार। नामकरन पुनि कियौ गर्ग मुनि शुभ ग्रहलग्न विचार ॥७॥ कामधेनु सम दई हैं द्विननकों विधिसों धेनु अपार । औरनकों पार्टबर अंबर है गये भवन भंडार ॥८॥ ठाढ़ी भाट बिस्ध गोपनके करत जो यश उच्चार । विप्र असीस देत चिरजीयो महरि मनोहर बार ॥९॥ काँवरि कंध धरें अति हरखत सुनि आये सब ग्वार । हरदी दूध दह्यौ बरखावत मानों घन भादों धार ॥१०॥ गोरस कीच मची द्रज विधिनि दूध दही बहे खार । सगबगे वसन नंद मिलि ग्वालन नाचत झूमत तार ॥११)। नाचत नंद थोंदि हालत है आनंद उर न संभार । हँसिहँसि ग्वाल बालन गहे फेंट अभरन लिये उतारि ॥१२॥ डुंदुभी शब्द किये नभ सुरनर मुनि उचरत जयजयकार । नाचत सनक सनंदन नारद चतुरानन निपुरारी ॥१३॥ रिद्धि सिद्धि दीनी जो जाँची श्रीत्रजराज उदार । दामोदर बलि राम क्रृष्णफी दरसन प्रान अधार ॥१४॥

Janmashtami ki Badhai

Part1-058

Gori