Aisau poot devaki jaayi. chaarthon bhuja chaari ayudh dharey cons

ऐसौ पूत देवकी जायी। चारथों भुजा चारि आयुध धरे कंस निकंदन आयौ ॥१॥ भरि भादों आधीराति अष्टमी देवकी कंत जगायो ॥ देख्यौ मुख वसुदेव कुँवरकौ फूल्यों अंग न समायौ ॥२॥ अब ले जह बेगि इहि गोकुल बहोत भाँति समुझायौ ॥ हृदय लगाय चूमी हरिकौ मुख पलनामें पौढ़ायौ ॥३॥ तब वसुदेव लियौ करपलना अपने सीस चढ़ायौ ॥ तारे खुले पहरुवा सोये जाग्यौं कोऊ न जगायौ ॥४॥ आगे सिंध शेष ता पाछें नीर नासिका आयोौ ॥ हूँक देत बलि मारग दीनौ तब तरवन जल आयी ॥५॥ नंद यशोदा सुनों विनती सुत जनि जानि परायो ॥ जसुमति कहै जाउ घर अपने कन्या लै घर आयौ ॥६॥ प्रात भयौ भगनीके मंदिर प्रोहित कंस पठायो ॥ कन्या भई कूखि देवकीकें सखियन शब्द सुनायौ ॥७॥ कन्या नाम सुन्यों जब राजा पापी मन न पत्यायो ॥ क्रोध उपाय कंस मन कॉँप्यो राजा बहोत रिसायी ॥८॥ कन्या मँँगाय लई राजानें धोबी पटकन आयौ भुजा उखारि लै गई उरते राजा मन बलखायौ ॥९॥ बेदहू कह्मी स्मृतिहू भाख्यौं सो डर मनमें आयौ । सूरदास प्रभु गोकुल प्रगटे भयौ भकतन मन भायौ ॥१०॥

Janmashtami ki Badhai

Part1-063

Kanharo

Andhiyari bhadonki raati . baalak aur vasudev devaki padey

अंधियारी भादोंकी राति । बालक और वसुदेव देवकी पड़े पड़े पछितात ॥१॥ बीच नदी घन गरजत बरखत दामिनी आवत जात । बैठत उठत सेज सोवरिमें कंस डरन अकुलात ॥२॥ गोकुल बाजे बजत बधाई सुनि कनहेर सिहात । सूरदास आनंद नंदकें देत कनिक नगदात ॥३॥

Janmashtami ki Badhai

Part1-063

Kanharo

Gawat gopi madhu mudubani . jaake bhawan basat tribhuvanpati

गावत गोपी मधु मुदुबानी । जाके भवन बसत त्रिभुवनपति राजा नंद यशोदारानी ॥१॥ गावत वेद भारती गावत नारदादि मुनिज्ञानी । गावत गुन गंधर्व काल शिव गोकुलनाथ महातम जानी ॥२॥ गावत चतुरानन जगनायक गावत शेष सहस्र मुखरास । मन क्रम वचन प्रीति पद अंबुज अब गावत परमानंददास ॥३॥

Janmashtami ki Badhai

Part1-064

Kanharo

Bhadonki raini andhiyaari | shankh chakr gadaa padm birajat mathura

भादोंकी रैनि अँधियारी | शंख चक्र गदा पद्म बिराजत मथुरा जन्म लियौ बनवारी ॥१॥ बोलि लिये वसुदेव देवकी बालक भयो परम रुचिकारी । तुम लै जाहु बेगि इहि गोकुल अधम कंसको मोहि डर भारी ॥१२॥ सोवत स्वान पहरुवा चहुँदिस खुले कपाट गये छै न्‍्यारी । पाछें सिंध डहारत दूँकत आगें है कालिंदी भारी ॥३॥ तब जीय सोच करत ठाढ़े द्वै अविधि कहा विधाता टानी । कमलनैनकों जानि महातम जमुना भई तरवन तर पानी ॥४॥ पोहोंचे हैं गृह नंदगोपके जिनकी सकल आपदा टारी । गोविंदप्रभु बड़भाग यशोदा प्रगटे हैं गोवर्धनधारी ॥५॥

Janmashtami ki Badhai

Part1-064

Kanharo

Aathein bhadonki andhiyaari . garjat gagan damini kondhati

आठें भादोंकी अँधियारी । गरजत गगन दामिनी कोंधति गोकुल चले मुरारि ॥१॥ शेष सहख्र फन बूँद निवारत सेत छत्र शिर तान्यौ। बसुदेव अंक मध्य जगजीवन कहा करैगौ पान्यो ॥२॥ यमुना थाह भई तिहिं औसर आवत जात न जान्यी । परमानंददासको ठाकुर देव मुनिन मन मान्य ॥३॥

Janmashtami ki Badhai

Part1-064

Kanharo

Aho vipra sou upaay kachhu keejai | jaa upaayaten yaa balkakon

अहो विप्र सो उपाय कछु कीजै | जा उपायतें या बालककों राखि कंसते लीजै ॥१॥ मनसा वाचा कहत कर्मना नृषको कौन पतीजै ॥ छलबलकरि उपाय कैसे हुँ काढि अनतही दीजै ॥२॥ नॉहि ऐसी भागि हमारों सुख लोचन पुट पीजै ॥ सूरदास ऐसे सुतको यश श्रवनन सुनिसुनि जीजै ॥३॥

Janmashtami ki Badhai

Part1-064

Kanharo

Sabate srinandarai badbhagi. prakate putra manohar jinake keerati

सबते श्रीनंदराय बड़भागी। प्रकटे पुत्र मनोहर जिनके कीरति जंग में जागी ॥१॥ दये कनिक मनि दान अचल तिन दूजी न ऐसो त्यागी परमानंद बसों गोकुलमें फिरि कमला पग लायी ॥२॥ हिरदे दूध दह्यौ लपटावत भये वल्लभ अनुरागी । श्रीविदलगिरिधारी कृपानिधि लीला प्रेम सों पागी ॥

Janmashtami ki Badhai

Part1-064

Kanharo

Anand badhaavano nand maharjooke dhaam | badbhagin jasumati

आनंद बधावनो नंद महरजूके धाम | बड़भागिन जसुमति जायौ है कमल नैन घनश्याम ॥१॥ बजत निशान मृदंग ढोल रव मंगल गावत गावत बाम । देत दान कंचन मणि भूषण थेनु बसन ले ले नाम ॥२॥ देत असीस सकल गोपीजन व्रज जन मन अभिराम ॥ हरिनारायन श्यामदासके प्रभु भाई प्रगट हैं पूजन काम ॥३॥

Janmashtami ki Badhai

Part1-065

Nayaki

Phoole gope gwal nandrai . vrajnari ghar ghar tein aaee prafulit

फूले गोप ग्वाल नंदराय । व्रजनारी घर घर तें आई प्रफुलित आनेंद उर न समाय ॥१॥ जा कारण सब निकट बुलाये देत दान कंचन मनि गाय । करत वेद ध्वनि व्रजपति आगे सूर निरखि परम सुख पाय ॥२॥

Janmashtami ki Badhai

Part1-065

Nayaki

Pragat bhaye hari shree gokulmein . naachat gopi gwal paraspar

प्रगट भए हरि श्री गोकुलमें । नाचत गोपी ग्वाल परस्पर आनंद प्रेम भरे हैं मनमें ॥१॥ गृह गृहतें आईं ब्रजसुंदरी कंचन थार धरे हाथनमें । 'परमानंददास” को ठाकुर नंद जसोदाके है घरमें ॥२॥

Janmashtami ki Badhai

Part1-065

Kanharo

Shubh dinn mangal aaj neekau ) raani jasomati dhota jaayi

शुभ दिन मंगल आज नीकौ ) रानी जसोमति ढोटा जायी सोहत श्री व्रजकुलकी टीकौ ॥१॥ मिलि व्रजनारी कहत चिरजीयो बल्लभ सुबवन भावतौजी को । वृंदावन ससिकौ मुख निरखत सुख त्रिभुवनकौ लागत फीकौ ॥२॥

Janmashtami ki Badhai

Part1-065

Nayaki

Sevun srigiridharan chhabilo srimohanlal rangilo syaam .

सेवुं श्रीगिरिधरन छबीलो श्रीमोहनल्ाल रंगीलो स्याम । ओर अनेक अवतार धरत हे वासों नहीं मेरे कछु काम ॥१॥ पिता नंद जाके जननी जसोदा बड़ो वीर जाको बलराम । त्रिया जाकी वृषभाननंदनी श्रीराधा प्यारी जाको नाम ॥२॥ जाके गिरि गोवर्धन मथुरा नगरी ब्रज बृंदावन । श्रीगोकुल गाम मानिकचंदकों एही क्ृपाफल नित्यप्रति दरसन व्रजमें ठाम ॥३॥

Janmashtami ki Badhai

Part1-065

Kanharo