Janmaliyo shubh lagan vichaar | krishnapaksh bhaadon nishi aahein

जन्मलियो शुभ लगन विचार | कृष्णपक्ष भादों निशि आहें नक्षत्र रोहिनी और बुधवार ॥१॥ शंखचक्र गदा पद्म बिराजत कुंड मनि उजियार। मुदित भये बसुदेव देवकी परमानंददास बलिहार ॥२॥

Janmashtami ki Badhai

Part1-065

Nayaki

Sub milli aao mangal gaao dhuni . aalee bhaadon maas

सब मिलि आओ मंगल गाओ धुनि । आली भादों मास सुहायो रसबूंदन अमीझर लायो व्रजरानी ढोठा जायो ॥१॥ घर घर ते गोपी आई मिलि चावर चूरो लाई नंदरानीकी कूख सिराई ॥२॥ तिहिं बिरिया बूंद सुहाई ब्रजकी व्रज-जीवनि पाई तहां बाजत विविध बधाई ॥३॥ आली श्याम घन जस गावे व्रजवासीको अमृत प्यावे वृन्दावन वसियो भावे ॥४॥

Janmashtami ki Badhai

Part1-066

Suni badbhagin hoe nendrani god khilawat laal . anendki

सुनि बड़भागिन हो नेंदरानी गोद खिलावत लाल । आनेंदकी निधि मुखलाल कौ ताहिं निहारत निश और बासर छबि नहीं परत बखानी ॥१॥ गुन अपार बुद्धि विस्तार कही न परत निगमबानी । हरिनारायन श्यामदासके प्रभु देखी जसुमति कूख सिरानी ॥२॥

Janmashtami ki Badhai

Part1-066

Bhaee merey manki batju maaee . aaju renni sapano bhayau mokon

भई मेरे मनकी बातजु माई । आजु रेंनि सपनो भयौ मोकों नंदके घर चली आई ॥१॥ हरद दूब कुमकुम दथि अक्षत दि कुमकुम गोरससों नाई । मोकों जसुमति बहोत पहराई कहा बरनों जु बड़ाई ॥२॥ इक पलना पर पौढ्यी है बालक मोतिन झूमक लाई । व्रजनारी घरघर तें आईं लालकी लेत बलाई ॥३॥ घरघर चौक पूरत मिलि भामिनि बंदनबार बँधाई । ग्वाल बाल सब देत बधाई रतनन भूमि सब छाई ॥४॥ जागि परीचितयो महरानौ कान्ह कुँवर दरसाई । रसिक प्रीतम या सुखके कारन आयोौ ब्रजमें माई ॥५॥

Janmashtami ki Badhai

Part1-066

Nayaki

Bhaadon aathein ardhanisaako jaaye mathura jadaurai .. prakat

भादों आठें अर्धनिसाको जाये मथुरा जादौराय ॥ प्रकट चत्रभुज देख दंपति मनवांछितही सो फल पाय ॥१॥ अदूभूत रूप देखि चकित है. यह अचरज क्‍यों समझौ जाय । द्वारकेश प्रभु यह कहे हम तीन जन्म सुत तुम पितु माय ॥र॥।

Janmashtami ki Badhai

Part1-066

Nayaki

Milli milli gunjat aanganan badhaai | ghar ghar naachat chhiraki

मिलि मिलि गुंजत आँगनन बधाई | घर घर नाचत छिरकि दूध दथि मंगल भये सबन मन भाई ॥१॥ मानसरोवर हंस ज्यों राजत विप्रन दान दैनकों अघाई गोविंदप्रभुकी उपमा कहा कहों तीन लोक कीरति थाई ॥२॥

Janmashtami ki Badhai

Part1-066

Nayaki

Pyaare harikau vimal yash gawat gopangana . manimay aangan

प्यारे हरिकौ विमल यश गावत गोपांगना । मनिमय आँगन नंदरायके बालगोपाल करें जहाँ रिंगना ॥१॥ गिरि गिरि उठत घुटुरुवन टेकत जानु पाणि मेरे छगनकौ मगना । धूसर धूरि उठाई गोद लै मात यशोदाके प्रेमको भाग्यना ॥३॥ त्रिपद भूमि मापी न आलस भयौ अब जो कठिन भयो देहरी उलंघना । परमानंदप्रभु भक्तवत्सल हरि रुचिर हार कंठ सोहे बधघनखना ॥३॥

Janmashtami ki Badhai

Part1-066

Nayaki

Anand tihin kaal pragate hari aayou . dekhi dampati adbhut

आनंद तिहिं काल प्रगटे हरि आयौ । देखि दंपति अद्भुत सुतकों अति विस्मय मन पायौ ॥१॥ मोर मुकुट पीतांबर पहिरे चार भुजा दरसायौ । शंखगदादि बिराज उदायुध उभय स्तुति गुन गायौ ॥२॥ फिर चित आई ऐसें प्रभुकों कंस दुष्ट दुरें लागे | प्रभु आसय लै चले नंदघर चौकी कोउ न जागे ॥३॥ बालक द्वै भुज सुवाई वसुदेव गमन जब कीनौ । कपाट पौरिया सोये सेस छत्र कर लीनौ ॥४॥ जमुना आवत पंथ दियौ गोकुल पहुँचे आई। माया लई उठाय गोद श्रीकृष्ण तहाँ पधराई ॥५॥ लै आये माया मधुरामें मोहिनी रोंवन लागी । कह्मो पौरिया जाय कंससौ बालक भयौ सुभागी ॥६॥ कंस आय देखि कन्या यों याही कहा हों मारों । को जानै जु दैवगति कैसी सिलापै जाय पछारों ||७)॥ पटकत अष्ट भुजा है नभते वानी यहै सुनाई । द्वारकेस प्रभु प्रगट भये ब्रज तोही मारिवे आई ॥८॥

Janmashtami ki Badhai

Part1-067

Bihaag

Shravan suni sajani baaje mandilra . aaj nishi laagat param

श्रवन सुनि सजनी बाजे मंदिलरा । आज निशि लागत परम सुहाई | अति आवेश होत तन मनमें श्रीगोकूल बजत बधाई ॥१॥ दे दै कान सुनत अरू फूलत रावल़के नरनारी । नंदरानी ढोटा जायौ है होत कुलाहल भारी ॥२॥ अति ऊँचे चढ़ि टेर सुनावत पसरि उठे जे ग्वाल । गैयाहो बगदाबौरे भैया भयौ नंदके लाल ॥३॥ आनंदभरि अकुलाय चलीं सब सहज सुंदरी गोपी । प्रदुर्भाव यशोदा सुतकौ तामें तनमन ओपी ॥४॥ चंचल साज सिंगार चंदमुखी चंचल कुंडल हारा । हाथन कंचन थार बिराजत पग नूपुर झनकारा॥५॥ बरखत कच कुसुमन शोभित गली दरश चोंप जिय भाई । गावत गीत पुनीत करत जग जसुमति मंदिर आई ॥६॥ धन्य दिन धन्य यह राति आजकी धन्य धन्य यह सब गोरी । श्याम सुंदर चंदे निरखत मानों अखियाँ त्रिखित चकोरी ॥७॥ शोभा जुत आई कीरति अपने गृह मानि बधाये | याचक जन घन घन ज्यों बरखत भान गोप तहँ आये ॥८॥ आय जुरे सब गोप ओपसों भयौ जो मनकौ भायी। पंचामृत सीसनतें ढारत नाचत नंद नचायो ॥९॥ नाचत ग्वाल बाल रसभीने हरद दही भरि राजैं इत निशान उत भेरि दुंदुभी हरखि परस्पर बाजें ॥१०॥ खग मृग द्रुम दिशि दिशि भवननमें देखियत हैं सरसाने । प्राननके आयें इंद्री ज्यों यों ब्रजजन हुलसाने ॥११॥ ध्वजा वंदनमालालंकृत नंद भवनमें सोहै । व्यौम विमानन भीर भई लखि अमरनकौ मन मोह ॥१२॥ महाराज ब्रजराज नंदपै जो माँग्यौ सो पायौ । जाकें ऐसौ पूत भयो ताकौ न्याय जगत यश छायौ ॥१३॥ जिनको सुख सुमिरत ब्रह्मादिक थों हुलसै ब्रज गेही | कहि भगवान हित रामराय प्रभु प्रगटे प्रानसनेही ॥१४॥

Janmashtami ki Badhai

Part1-068

Bihaag

Aaj unmaadiyaan way badhaai desh vrajbhupal . huwa vraj chand chhauna

आज उनमादियाँ वे बधाई देश व्रजभूपाल । हुवा ब्रज चंद छौना वे सलौना साँवरा गोपाल ॥ व्रजमें सादियाँ वे करें रायजा दीयाँ कुलरीत ॥ उतारी लोन राई थे सखी सब गावें मंगल गीत ॥टेक। सखी सब मंगल गावा ॥वाहवा॥ गुनि मिलि चोल मगावा ।वाहवा॥ बजाबें ढोलक झाँझे ॥वाहवा॥ फूलेसे गावें माँझे ॥बाहवा॥ सुनावें बात अनूती ॥बाहवा॥ सदा तुम रहो सपूती ॥वाहवा ॥ लाल केसरके जामा ॥वाहवा॥ करपर ढोल दमामा ॥वाहवा॥१॥ इसदी बलाइयाँ वे परोसे रेसमंदिर जाय ॥ रहौ दिन-रात खुसीयाँ वे लड़ावी कान्ह गोकुलराब ॥ करौ नित्य रंग रलीयाँ वे, खिलावो लाल कंठ लगाय ॥ यह अरदास मेरी वे कुँवरदा दरसतोौ दिखलाय ॥टेक॥ कुँवरदा मुख दिखलाया ॥वाहवा॥ खुसिदा खिलत दिलाया ॥वाहवा॥ खुलाया माल खजाना ॥वाहवा॥ लुटाया मूल अमोला ॥वबाहवा॥ भरे सो फेर न रीते ॥ वाहवा ॥ गुनिजन भये बचिते ॥बाहवा॥ कहि सो फेर न बांचे ॥बाहवा॥ भये हैं ब्रजपति सांचे ॥वाहवा॥ २॥

Janmashtami ki Badhai

Part1-068

Desh

Rawalke kahein gope aaj vraj dhuni ope kaana haye daiy suno baaje

रावलके कहें गोप आज ब्रज धुनि ओप कान है दै सुनो बाजे गोकुल मँदिलरा | जसोदाकें पूत भयो वृषभानजूसों कह्मों गोपी ग्वाल ले ले धाये दूध दधि गगरा ॥१॥ आगे गोपबूंद वर पाछे त्रिय मनोहर चल न सकत कोऊ पावत न डयरा । चतुर्भुजप्रभु गिरिधारीकौ जन्म सुनि फूल्यो फूल्यौ फिरत नारद जैसे भेँवरा ॥२॥

Janmashtami ki Badhai

Part1-068

Bihaag

Aaj kahuunte yaa gokulmein adubhut barkha aiho .. manigan

आज कहूँते या गोकुलमें अदूभुत बरखा आईहो ॥ मणिगण हेम हीर धाराकी व्रजपति अति झरलाई ॥१॥ बानी बेद पढ़त द्विज दादुर हिये हरखि हरियारे ॥ दध्ि घृत नीर क्षीर नानारंग बहि चले खार पनारे ॥२॥ पटह निसान भेरि सहनाई महा गरजकी घोरें ॥ मागध सूत वद चातक पिक बोलत बंदी मोर्ें ॥३॥ भूषन बसन अमोल नंदजू नरनारिन पहराये शाखा फल दल फूलन मानों उपवन झालर लाये ॥४॥ आनंद भरी नाचत व्रजनारी पहरें रंगरंगकी सारी ॥ वरनवरन बादरन लपेटी विद्युत न्‍्यारी न्‍्यारी ॥५॥ दरिद्र दावानल बुझे सबनके याचक सरोवर पूरे | बाढ़ी सुभय सुजस की सरिता दुरित तीरतरु चूरे ॥६॥ उल्हौं ललित तमाल बाल एक भई सबन मन फूल॥ छायाहित अकुलाय गदाधर तक्यौ चरनकौ मूल ॥७॥

Janmashtami ki Badhai

Part1-069

Maroo