Pragalyau anandkand gokul gopal bhayau aaee nidhi nandke grih

प्रगल्यौ आनंदकंद गोकुल गोपाल भयौ आई निधि नंदके गृह अखिल भवनकी । सजल जलद स्याम बरन सोभित अति चरन कमल उपमाकौ नॉहिन कोऊ देऊँ कबनकी ॥१॥ छिरकत दधि हरद बाल फूले फिरत ग्वाल सबै ले चलीं सब दूध दह्मो भवन भवनकी । नंददास बंदी जस द्वार रह्मौ ठाढ़ौ गावै महिमा कछु उग्र रुचितर माखनकी ॥२॥

Janmashtami ki Badhai

Part1-069

Poorvi

Srigopal laal gokul chaley houn balibali tihinkal . moud bharey

श्रीगोपाल लाल गोकुल चले हों बलिबलि तिहिंकाल । मोद भरे बसुदेव गोद लै अखिल लोक प्रतिपाल ॥१॥ अरुन उदय जैसें तम फूटत खुलि गये कुटिल कपाट । महावेग बल छांडि आपनों दीनी श्रीयमुनादाट ॥२॥ भोर भयें जैसे कुमुदिनी मूँदत कंसादिक भये मोहे | संत जननके मन अम्बुज वन फुले डहडहे सोहे ॥३॥ बारबार फुहीं फूलसी बरखत अंबुद अंबर छायौ । अपनों निज वषु शेष जानि तहेँ बूँद बचावन आयौ ॥४॥ परम धाम जग धाम श्याम अभिराम श्रीगोकुल आये । नंददास आनंद भयौ ब्रज हरखित मंगल गाये ॥५॥

Janmashtami ki Badhai

Part1-069

Maroo

Baaje badhaaiyaan way saiyaan nandade darbar .. huwa suta sonhana way

बाजे बधाइयाँ वे सैयाँ नंददे दरबार ॥ हुवा सुत सोंहना वे मनदा मोंहना रीझवार ॥ आई सब गोपियाँ वे हिलमिल गावहि खुशीआला ॥ जुरे सब गोपमंडल वे गुनीजन गावें दे दे ताल ।टेक॥ गुनी दे ताला नाचे ॥ वाहवा ॥ आँगन पहपट माँचे ॥ वाहवा ॥ नंददा लाला जीवों ॥वाहवा॥ दूधा अमृत पीवो ॥वाहवा॥ उस दे मंगल गावें ॥वाहवा॥ दान दुपढ्टे पावें ॥वाहवा॥ बीच खुशी दिल गाढ़े ॥वाहवा॥ मंगलमुखी उुसाढ़े ॥बाहवा॥१॥ चाल! पावा पट दान मोती वे सौंडे फुल दे दिलमाँज तुझपर घोलियाँ वे जसोदे बोलीआन सुनाई ॥ सांडे हाथ टोडल थे बाजुबंद झूम दे दे भुजचारु ॥ धन्य धन्य आजदा दीन वे दे दी दान क्‍यों न मेंगाय ॥टेक॥ महेरने दान मेंगाया ॥वाहवा॥ कंचन झर बरखाया ॥|वाहवा॥ हे बड़ भागन तूरी ॥वबाहवा॥ कर मुरादें पूरी ॥वाहवा॥ जनम जनम गुन गावें ॥वाहवा। नागरी दरसन पावें ॥वाहवा॥

Janmashtami ki Badhai

Part1-069

Desh

Sukhad ravikoti summ bhawan bhraaje . udayau anandanidhi gupt

सुखद रविकोटि सम भवन भ्राजे । उदयौ आनंदनिधि गुप्त संकेतमें प्रगट दुंदुभी दिव्य तूर बाजे ॥१॥ कमललोचन अद्भूत अमित शोभा बढ़ी पढ़ि न आबै बदत नियम चारो । शिव ब्रह्मा सुर वचनते धरनी कौ प्रगट प्राणेश द्वै भार टास्बो ॥२॥ महामुनि कंठ जीवन मुक्तिकी रूप ब्रह्म शाखा त्रिय शक्ति कीनी । सहस्र कुंतल बिथुरी कंज मधुपावलि पीबत मकरंद झनकार हीनी ॥३॥ सांख्य योगाधिपति श्रवन कुंडल धरें हरे नैनन एन तात माता । दसन दामिनी छठा श्याम अंग घन घटा हदें श्रीवत्स अंक विश्वत्राता ॥४॥ हरित बनमाल दुति कंठ हिंडोलगति देखि सुरनाथ कर धनुष छाँडयौ | चार आयुध चार भुजनमें धरें छबि देखि वसुदेव आनंद बाढ्यों ॥५॥ निगम आगम वचन मेघ गंभीर सम सुखद सरस विस्तार कीनौ । विविध उपदेश आनकदूंदुभीकौं दियो मुदवति ब्रह्मपथ बोध दीनो ॥६॥ जननी जाचन हेत दै भुज प्रभुभये स्तुति प्रसन्न बदन कहा कहूँ शोभा । कुसुम सुकुमारसुत प्रसूत प्रपंच युत गति मति कथित तहाँ भये सुलोभा ॥७॥ जड़ जात लोह बंधत मोक्ष भयौ प्रीति करि स्मरण किये क्‍यों न लेखे । असुरगण यूथ यूथाधिपति भ्रम भयो चले व्रज ईश तहाँ कहाँ विशेष ॥८॥ सप्तपातालते नागपतिकी छठा आई प्रभु शीशपर छत्र तान्यो | कूजत कोकिल पवित्र सिंघकल माधुरी धन्य वसुदेव सुत अधिक मान्यो ॥९॥ द्रुम लता फूली स्तबकाकार होइकें विवशभये प्राणपति चरन लागे। जलद कण एकएकहि परत हरि हेत मनहुँ पुलकित वृक्ष ख़वत रागे ॥१०॥ सिंधुके निकट गये महाभकत मेघ तब पति जानि लाजिके कटक भाजे | आपगति स्थूल सुर जानि आपहि खिसेहेत याते विधु नक्षत्र राजे ॥११॥ जगतहिं को भवत विशुद्ध मति सौरिमहाभाग्य वर भाग्य गाऊँ । तरणिजा कूल अति अमिय पूरण बहै गवनकौ हेत सुनिजे बनाऊँ ॥१२॥ सिंधुगृहणी सुतानाथ आये जानि ब्रीड़ाते सकुच अति तन दुरायौ । कनक अर्घादि उपचारकों थकि रहे जामात्रा बहुत आनंद पायौ ॥१३॥ चले अंतर मध्य वृष्टि घोषमें जसुमति भवनमें अपर अजनी । लीनी दुहिता हाथ कुँवरकों तहाँ धरें हरण करि नाथ ब्रह्मांड रजनी ॥१४॥ व्रजनाथ नंद आनंदमय विमल वषु सुख देन निज रूप प्रगट कीनौ । लीला विस्तार करि रिपु यूथ सकल हर धरि गिरिराज ब्रज राखि लीनौ ॥१५॥

Janmashtami ki Badhai

Part1-070

Maroo

Sub mill aavo gaanvo bajabo mridang bajabo aaj hamaare

सब मिल आवो गांवों बजाबो मृदंग बजाबो आज हमारे लालनजुकी बरसगांठ | सात सखी मिल मंगल गावो कनक थार मोतियन चौक पुरावो ॥१॥ सुघर पंडित बुलावों सुभधरी दिन लावो आबो लालन आवो हार पहेरावों ) जगन्नाथ प्रभुकी कीरति सुन दिन दिन नोछावर पावो ॥२॥

Janmashtami ki Badhai

Part1-071

Malkoos

Sohilau gaaoo lalako . shree vrajraj dulaare lalako naanon

सोहिलौ गाऊ ललाको । श्री ब्रजराज दुलारे ललाको नानों वारों चिरजीयों जुग जुग उदयो मनाऊं ॥१॥ नित मोहन मुख चंद निहारों तैनन हियो सिराऊं। परमानंद” नंदजू के द्वारे दौर दौर हों आऊं ॥ लख फली अंग न स्माऊं ॥२॥

Janmashtami ki Badhai

Part1-071

Lalit

Merrie gata agaadh ray moshai barni naan jaat niranjan niraakaar

मेरी गत अगाध रे मोषै बरनी न जात निरंजन निराकार नारायन । सात द्वीप सप्त साहेर अष्तकुल पर्वत मेरु रच्यो है सप्त धीरायन ॥१॥ तुंही तेज पवन पानी तुंही धरती आसमान । तुंही सूरज तुंही चन्द्र तुंही उड्गण तारायन । कहत 'तानसेन' प्रभु घटघटमें करत गान | अगम निगम सकल सृष्टि सुधारायान ॥२॥

Janmashtami ki Badhai

Part1-071

Malkoos

Bhadonki ashtami aadhi raajmein kaanh bhayo sabke munn bhaayo..

भादोंकी अष्टमी आधी राजमें कान्ह भयो सबके मन भायो॥ जोरि बटोरि धर्यों धन सोरीमेंसोरी जसोदाजु लुटायो ॥१॥ मोदसों गोद लिये हुलरावत प्रान पियारे को प्रान सो पायो रोहनी में भयो मोहनी मूरति नंददास लखि हि. पोसिरायो ॥२॥

Janmashtami ki Badhai

Part1-072

Bibhaas

Param sukh nandrai ghar jasumati dhota jaayo .. vrajki taruni

परम सुख नंदराय घर जसुमति ढोटा जायो ॥ ब्रजकी तरुनी नख सिख बनिआई प्रमुदित करत बधायों ॥॥१॥| गोप सकल दथि दूध परस्पर छिरकत हितचित चायो ॥ विप्रनकों गौदान देतहें जाचक जन मन भायों ॥२॥ व्रजपुर बेंरख बंदन मालें मोतिन चौक पुराये ॥ बाजत पंच शब्द मधुरें सुर देवकुसम बरखायो ॥ अतिरवनीय रमा क्रीडन लखि व्रजाधीश गुण गायो ॥४॥

Janmashtami ki Badhai

Part1-072

Todi

Deit gaj baaj aaj vrajraj biraje gopeen key sirtaj ..

देत गज बाज आज व्रजराज बिराजे गोपीन के सिरताज ॥ देस देस ते खट दरसन आवत मनवां छीत फल पावत किरत अपरंपार ऊंचे चढ़े दान जहाज ॥१॥ सुरभी तिल पर्वत अर्ब खर्ब कंचनमन दीने सो सुतहीत के काज ॥ हरिनारायन श्यामदास के प्रभु को नाम कर्म करावन मेहर मुदित मन बंधि है धर्म कि पाज ॥२॥

Janmashtami ki Badhai

Part1-072

Todi

Baaje ray aaj baaje mandilra nandrai darbar . guni gandharv

बाजे रे आज बाजे मंदिलरा नंदराय दरबार । गुनी गंधर्व मिल मंगल गावे मालनीयां गुंथे हार ॥१) एक आवत एक भेट चढावत एक वारत भुक्ता थार । कृष्णदासकी जींद कुरबानी वारतहें घरबार ॥२॥

Janmashtami ki Badhai

Part1-072

Malkoos

Mandilra baajen madhur sur nandrai darbar .. jasumati jaayo sapoot

मंदिलरा बाजें मधुर सुर नंदराय दरबार ॥ जसुमति जायो सपूत छबीलो कुलदीपक अवतार ॥१॥ ब्रज बनिता मिलि करत साथिये घरघर मंगलचार ॥ मालनि बंदनमालें बांधति वारत मोतिन थार ॥|२॥ द्विजबर अरु जाचक बंदीजन देत असीस अपार ॥ ब्रजाधीश प्रभु पर बरसावत देव कुसुम सुखसार ॥३॥

Janmashtami ki Badhai

Part1-072

Todi