Jasumati vihasati foosati bhaari .. barasgathike shobhit

जसुमति विहसति फूसति भारी ॥ बरसगॉठिके शोभित बधाये ले आवति व्रजनारी ॥१॥ चंद्रावलि व्रजमंगल रोहिणी दूधन अरघ बढ़ावें ॥ इत्तते गाय उठत उतते वे आदर दे बैठावैं ॥२॥ लिये बुलाय रायजू ब हँसि हँसि सबही दिखावैं ।| श्री विद्रलगिरिधरनकूँ गोद ले तिलक आरती करावें ॥

Janmashtami ki Badhai

Part1-073

Devgandhar

Suni chully grihagrihaten vraj baal .. saubhag thaar singar keeye

सुनि चली गृहगृहतें ब्रज बाल ॥ सौभग थार सिंगार कीये तन पहरें सारी लाल ॥१॥ गावति भाव उमगि अपनेनसों आई भवन उताल। आरती करति कहत रानीसों सब ब्रज कियौ निहाल ॥२॥ बदन निहारि बारि सर्वसु दै ममन भई अति भारी । ऐसे मनोरंथ तुमही पुजाये हम बलि रानी तुमारी ॥३॥ नाचत नचावत बाजे बजावत सबकोऊ आँगन आई । श्री विइल गिरिधर निधि हमारी दियो नंदरानी जाई ॥४॥

Janmashtami ki Badhai

Part1-073

Devgandhar

Millie mangal gaavo maaee . aaj laal kau janmayo sahai baajat

मिली मंगल गावो माई । आज लाल कौ जन्मयो सहै बाजत रंग बधाई ॥१॥ आँगन लीपी चौक पुरावौ विप्र पढ़न लागे वेद । करो सिंगार श्याम सुंदरकौ चोवा चंदन मेद ॥२॥ आनंदभरी नंदजूकी रानी फूली अंग न समाई । परमानंददास तिहीं औसर बोहोत न्योछावरि पाई ॥३॥

Janmashtami ki Badhai

Part1-073

Dhanashri

Aiso maaee bahuri vahee dinn aayou .. nandrai chaley nyautanko

ऐसो माई बहुरि वही दिन आयौ ॥ नंदराय चले न्यौतनको सब व्रज होत बधायो ॥१॥ तिलक आरती करति यशोमति सबहिनपै तिलक करावैं ॥ बरसगॉटठिके मंगल आएे प्रेम भरी सब गावें ॥२॥ गोद लाल दोऊ इत उत सब आगें बाजे बाजैं । गावत नाचत सुधर सुनावत नई नई भाँतिन साजैं ॥३॥ निकसे रथन जुराय महर सब मन प्रफुलित सुख पायें । श्रीविदलनगिरिधरनलालकूँ आगें लेंन सब आवें ॥४॥

Janmashtami ki Badhai

Part1-073

Devgandhar

Raniju aapun mangal gaaven | aaj lalco janm yosahai

रानीजू आपुन मंगल गावें | आज लाल़को जन्म योसहै मोतिन चौक पुरावें ॥१॥ गाँमगॉमतें जाति आपनी गोपिन न्‍्यौति बुलावें । अन्वाचार्य मुनि गर्ग परासर तिनपै वेद पढ़ावें ॥२॥ हरदी तेल सुगंध सुवासित लालें उबटि नहवावें | हरि तन ऊपर वारि न्‍्यौछावरि जन परमानेंद पावै |॥३॥

Janmashtami ki Badhai

Part1-074

Dhanashri

Yashodarani sovan foolen phooli . tumhaaren pura bhayo kull mandan

यशोदारानी सोवन फूलें फूली । तुम्हारें पुुर भयो कुल मंडन वासुदेव समतूली ॥१॥ देत असीस बिरध जे ग्वालिनी गॉमगॉमते आई । ले ले भेट सबै मिलि निकरसी मंगलचार बधाई ॥२॥ ऐसे दसक होई जो औरे सबकोऊ सचुपावे । बाढ़ो वंश नंदबाबाकों परमानंद जिय भावें ॥३॥

Janmashtami ki Badhai

Part1-074

Dhanashri

Sabnason kahati jasrodamay janmadin lalkau firi aayou

सबनसों कहति जसरोदामाय जन्मदिन लालकौ फिरि आयौ ॥ध्रु.॥॥ जब बीते सब मास बहोरि आयौ पुनि भादों । दिन आठें बुधवार होत गोकुल दधिकाँदी । बोलि लईं व्रजसुंदरि हिलिमिलि मंगल गाय । बॉधति बंदनवार मनोहर मोतिन चौक पुराय ||१॥ केसरि चंदन घोरि कान्ह बलि प्रथम नहवाये। नानावसन अनूप कनिक भूषन पहराये । रोरी कौ टीकौ दियौ अंजन नैन लगाय। देत नौछावरि रोहिनी फूली अंग न माय ॥२॥ बजत बधाई द्वार नगारे भेरी ढोला । द्रज कौतूहल होई उमग्यौं मानों सिंधु कतोला ॥ भई दुंदुभी की गरजना सुर विमान चढ़ि आये । शिव विरंचि स्तुति करें सुर सुमनन बरखाय ॥३॥ गाम गामतें विप्र भाट गंधर्व जु आये । जाकौ जेसौ चाउ दान तिन तैसो पाये । भली भाँति पूजा करी नीके नंद जिमाय | दे असीस घरको चले सोंधे सौ लपटाय ॥४॥ ऐसी लीला देखि फिरत फूले ब्रजवासी । फूली थेनु और बच्छ फूली द्रुम कंज पलाशी । गोवर्द्धन फूल्यौं सदा फूली श्रीयमुना बहाई । रामदास मन फूल भई श्रीगिरिधरकौ जस गाई ॥५॥

Janmashtami ki Badhai

Part1-075

Dhanashri

Yashodarani jaayau haye suta neekaui . anand bhayau sakal gokulmein

यशोदारानी जायौ है सुत नीकौी । आनंद भयौ सकल गोकुलमें गोप बधू लाईं टीकी ॥१॥ अक्षत दूब रोचन वंदन नंदे तिलक दहीकौ । अंचल बारि बारि मुख निरखत कमल नैन प्यारी जीकौ ॥२॥ अपने अपने भवनते निकर्सी पहरे चीर कसूंभी कौ | यादवेंद्र ब्रजकुल प्रतिपालक कंस काल भय भीकौ ॥३॥

Janmashtami ki Badhai

Part1-075

Dhanashri

Aaj badhaai baabaa nandke vraj mangal chaar . aangan maachi

आज बधाई बाबा नंदके ब्रज मंगल चार । आँगन माची कीच फूलीं गोपिका ब्रज मंगल चार | आँगनथार हाथन सजे ॥वब्रज.॥ अक्षत रोरी बीच ॥फूली.॥ साथिये धरत है द्वारमें ॥व्रज.॥ नानाचित्रविचित्र ॥फूली.)] मोती चौक पुरायकें ॥ब्रज.॥ बंदनवार बैँधाय ॥फूली.॥ हरदी तेल सुगंध ही ॥ब्रज..॥ लालहि उबटि नहवाय ॥फूली.॥ पट भूषण पहरावही ॥व्रज.]। नख शिख अंग सिंगार ॥फूली.॥ तिलक करत नंदलालकौ ।॥ब्रज.॥ प्रमुदित सब ब्रजबाल ॥फूली.॥ लै दर्पन मुख देखहीं ॥ब्रज.॥ मंद मंद मुसकात ॥फूली.॥ नाचत गावत सबै मिल ॥वब्रज.॥ मंगल गीत बधाई ॥फूली.॥ हरद दही उड़ावहीं ॥ब्रज.॥ भई घुंठसुलों रोहिणी बुधवार ॥फूली.॥ धन्यधन्य नंदजसोमति ॥व्रज.] धन्य धन्य गोपी ग्वाल ॥फूली.॥ दुंदुभी देव बजावहीं ॥व्रज.।॥! पुहुपन वृष्टि कराय ॥फूली.)॥ कही न जात यह सुखही ॥व्रज.॥ सूरदास बल जाय ॥फूली.॥ कीच ॥फूली.॥ नाम करणकों गर्ग मुनि ॥व्रज.]! सोतिन माल पहराई ॥फूली.॥ देत दान बाबा नंदजु ॥ब्रज.| विप्रन भाद बुलाय ॥फूली-॥ सौने सींग मढ़ावहीं ॥ब्रज.]। विप्रन दीने दान ॥फूली.)| सारी सुरंग मगायके ॥व्रज.॥ ब्रज तरुनि पहराय ॥फूली.॥ बानी पढ़त द्विज आँगने ॥ब्रज.॥ करत वेदध्वनि गान ॥फूली.) गाम गामते ज्ञाति सबै ॥व्रज.॥ आए नंद दरबार ॥फूली॥। मोहन बदन निहारकें ॥ब्रज.॥ आनंद उर न समाय ॥फूली-॥ धन्य भादों वदी अष्टमी ॥ब्रज.॥ धन्य

Janmashtami ki Badhai

Part1-075

Dhanashri

Anande anand batyau atee . devan milli dundubhi bajaaye

आनंदे आनंद बत्यौ अति । देवन मिलि दुंदुभी बजाये निशि मथुरा प्रगटे जादोंपति ॥|१॥ गावत गुण गंधर्व पुलकि चित नाचे सुरभारीजु रसिक रति | विद्याधर किन्नर सुकंठ कल तिहिं तिहिं ताल जात उघटगति ॥२॥ शिव विरंचि सनकादि अगोचर फूले चित न मात अमित मति | बरषत सुर समूह सुमन गण हरखत कलोल करतजु मुदितगति ॥३॥ कमलनैन अति बदन मनोहर देखियत ये विचित्र अनूपगति | श्याम सुभग तन पीतवसन दुति और मानो सोहैजु सुभग अति ॥४॥ नख मणि मुकुट प्रभा अति उदित चित चकित भये अनुमान न पावत | अति प्रकाश निशि विमल तिमिर छट झलमलात रतिपतिहिं लजावत ॥५। दरशन सुखी दुखी अति सोचत खटसुत सोक सुरति उर आवत सूरदासप्रभु भये हैं प्राकृत भुजके चिह्न सबैजु दुरावत ॥६॥

Janmashtami ki Badhai

Part1-076

Bilawal

Pragate mathura maanjh hari . maat taat hita putrarup miss apani

प्रगटे मथुरा माँझ हरी । मात तात हित पुत्ररुप मिस अपनी प्रतिज्ञा सत्यकरी ॥१॥ श्यामवर्ण ब॒पु उरपर भुगुपद जटित कंचन शिर क्रीट खरी । चारिभुजा बनमाल कोटि रवि शंख चक्र गदा पद्म धरी ॥२॥ द्वार कपाट भेद चले ब्रजपति तब सुर कुसुमन वृष्टिकरी । परमपुरुष भगवान जानि जिय वसुदेव मन अति भीति हरी ॥३॥ जयजय शब्द बोलि निसान ध्वनि व्योम विमानन भीर भरी । गोविंद प्रभु गिरिधर जसुमतिसुत भक्तन हित आये नंदघरी. ॥४॥

Janmashtami ki Badhai

Part1-076

Bilawal

Janmaliyon jadaunkulrai . curry karuna vasudev devaki

जन्मलियों जादौंकुलराय । करि करुणा वसुदेव देवकी अद्भुत बालक दरस दिखाय ॥१॥ अंबुज नैन अमोल मुकुटमणि रतन जटित कुंडल झलकाय । कोमल अलक श्याममुख ऊपर श्रीवत्स लक्ष्मी उर शोभाय ॥२॥ कोौस्तुभभणि पीतांवर सोहै चारिभुजा शंखादिधराय । कंटिकिकिनी करकंकन अंगद बनमाला पदकमल बनाय ॥३॥ कोटिचंद भानु उदय मानों सुमरि सुखद भुव तिमिर नसाय। मात तात आश्वासन करिंकें प्राकृत होई चले ब्रज धाय ॥४॥ मात तात छुड़ाई बंधते गोपुर दिये किवार खुलाय । शेष सहस्रफन बूंद निवारत जमुना चरन परसि भई थाय ॥५॥ लै वसुदेव गये श्रीगोकुल नंदघरनि की सेज सुवाय । निज सामर्थ योगमाया लै मोहन मथुरा दई विप्र बुलाय । हेम गो रत्न भूमि दक्षता दै आशीरवचन विप्र पढ़ाय ॥११॥ यहि विधि भयौ महोत्सव व्रजमें सुर समाज कुसुमन वरषाय सचिपति देव मुनि चढि विमानन अंबर लियौ है छाय ॥१२॥ गोविदप्रभु नंदनंदन देखत कोटिक मनमथ गये लजाय । श्रीविद्डलपद रज प्रतापबल यह लीला संपतिमें पाय ॥१३॥

Janmashtami ki Badhai

Part1-076

Bilawal