Aaj badhaiko dinn neekau . nandgharani jasumati jaayau haye laal

आज बधाईको दिन नीकौ । नंदघरनी जसुमति जायौ है लाल भामतौ जीकौ ॥१॥ पंच शब्द बाजे बाजत घरघरते आयौ टीकौ । मंगल कलश लियें व्रजसुंदरि ग्वाल बनावत छींकी ॥२॥ देत असीस सकल गोपीजन चिरजीवो कोटि बरीसौ । परमानंददासको ठाकुर गोप भेष जगदीसौ ॥३॥ # राग सारंग & धन्यहो नंद जगवंदते सुकृत फल आज ब्रज चंद आनंद पूरन सुदृठ । नभसि वदी बसु बुद्ध रोहिनी नक्त मधि होत प्रादुर्भाव सप्रफुलित परिवृद्ध ॥१॥ लग्न द्रग चंद युत सिंघ रवि सुवन बुध केतु कवि मंद रिपु नासकीनों । मकर मंगल मीन देव गुरु सम युक्त सफल सुफल करि मानि लीनों ॥२॥ सुनत पत्निका मृदंगादि शंखध्वनि झालरी भेरि कर आदि दैकें । पंच जे शब्द उच्छाहसों बाजहीं नाचत त्रिय गोप गावत अनेकें ॥३॥ पढ़त द्विज वेद यश बदत मागध सूत पूत गुणरूप आकृति विराजै। ये अनुभव दारकेशकौ अब्द प्रति वल्‍लभाधीश कृपयैक छाजे ॥४॥

Janmashtami ki Badhai

Part1-077

Saarang

Devaki munn chakit bhaee . dekhi aaya putra mukh kaahe naan aisee

देवकी मन चकित भई । देखी आय पुत्र मुख काहे न ऐसी कबहूँ होय दई ॥१॥ माथें मुकट पीत पट काँधे भृगुरेखा भुज चारि करें । पूरब कथा सुनाई कही हरि तुम माँग्यौ यह रूप धरें ॥२॥ छूटे निगड़ सुवाओं पलना द्वार कपाट उघार्यौ । अब लैजाहु मोहि तुम गोकुल यह कहिकें शिशुरूपहि धास्यौ ॥३॥ तबही रोय उठे वसुदेव सुनि नंदभवन गये । बालक धरि बसुदेव कन्या लै आप सूर मधुपुरि आये ॥४॥ है पठाय ॥६॥ जागी महरि उठी जब जसुमति नंदमहरके लिये बुलाय । जयजयकार भयौ गोकुलमें व्रजजन आनंद उर न समाय ॥७॥ गोपीग्वाल गोप सब व्रजजन स्रवन सुनतही रंक निधि पाई | हरद दूब अक्षत रोरीसों कर कंचनके थार भराई ॥८॥ बाजत ताल पखावज आबज मुरली दुंदुभी शब्द सुहाय । नंदमहर घर ढोटा जायो दि लै छिरकत करत बधाय ॥९॥ ध्वजा पताका तोरनमाला ग्ृहग्रह मंगल कलश धराय । चित्रविचित्र किये प्रमुदित मन दि माखनके मॉट लुटाय ॥१०॥ तब ब्रजराज गोपसों मतौ करि अति आदरसों

Janmashtami ki Badhai

Part1-077

Saarang

Raani teree chirjiyau gopal . begi badau badh hoy biradh lutt

रानी तेरी चिरजीयौ गोपाल । बेगि बड़ौ बढ़ होय बिरध लट महरि मनोहर बाल ॥१॥| उपजि पर्यौ यह कूखि भाग्य बल समुद्र सीप जैसे लाल । सब गोकुलके प्राण जीवन धन वैरिनके उरसाल ॥२॥ सूर कितौ जीय सुखपावत है देखत श्यामतमाल | रज आरज लागौ मेरी अंखियन रोग दोष जंजाल ॥३॥

Janmashtami ki Badhai

Part1-077

Saarang

Gwalini niksi deit assis .. tumhari chhota aho nandrani

ग्वालिनि निकसी देत असीस ॥ तुम्हारी छोटा अहो नंदरानी जीवी कोटि बरीस ॥१॥ बरनवरन सारी पहराई चोली राती पीरी ॥ मायें करी खोरि कुमकुमकी हाथनमें दई बीरी ॥२॥ रानीजू तुम्हारा यह दिन आयौ मंगलचार बधाई ॥ श्रीविद्डलगिरिधरकी मैया करिकरि खुसी पठाई ॥

Janmashtami ki Badhai

Part1-078

Saarang

Sabmili gwalini deit assis . nandrani dhota jeevi koti

सबमिलि ग्वालिनी देत असीस । नंदरानी ढोटा जीवी कोटि बरीस ॥१॥ धन्य यह कूँखि भरी सुभ लक््िन जिन सगरो ब्रज छायो । ऐसौ पूत जायी नंदरानी जिन करि अटल बसायौ ॥२॥ अब यै बेगि बढ़ौ तुमरे ग्रह ठुम ठुम खेलत डोलै । श्री विद्रलगिरिधर रानी तुमसों मैया कहि कहि बोले ॥३॥ # राग सारंग ऋ यशोमति सबहिन देति बधाई । मेरे लालकी मोहि विधाता बरसगांठि दिखराई ॥१॥ बैठि चौक गोद ले ढोलन आछी लगन धराई । बोहोत दान द्यावत सब विप्रन लालन देखि सिहाई ॥२॥ रुचिकर देहु असीस ललनकों अप अपने मन भाई श्रीविद्डलगिरिधर गहि कनियाँ खेलत रहो सदाई ॥३॥

Janmashtami ki Badhai

Part1-078

Saarang

Lalakon sufal janmadin aayou . gaamgaamten jaat aapani

लालकों सुफल जन्मदिन आयौ । गामगामतें जात आपनी मोतिन चौक पुरायो ॥१॥ दिन दस पेहेलें बाजे बाजत पंच शब्द घनघोर । सब मिलि गावत गीत बधाई घोख कुतूहल सोर ॥२॥ प्रथम सप्तमी राजभोगमें बल्लभ मोहन भोग । करत बियारू नंद जातिमिलि सैनभोग संजोग ॥३॥ भादों कृष्ण उदित रवि आटें वह ब्रत दिन उहेराय । कृष्ण जन्मदिन पुत्र जनम ते अति प्रफुलित नंदराय ॥४॥ घटिका द्वैक रातिही तबतें उठे कृष्ण गुन गाय। लाल नहवावत पंचामृतसों ब्रज युवती मंगल गाय ॥५॥ पुनि पुनि ले अरु अंग उबटनौ केसर सोहै गात | उष्णोदक ले न्हवावत लालन अंग अंगौछत मात॥६॥ रंग केसरी बागी कुलही सूथन पटका लाल | आभूषन बहुबिधिसों पहरे काजर नैन विशाल ॥७॥ भाल तिलक गोरोचन मृगमद कमलपत्र दोऊ गाल । गुंजा मोर चंद्र धर बैठे सिंहासन नंदलाल |८॥ सनमुख ते सिंगार लड्ैती भूषन भाव अनूप । श्याम अंतरी सारी केसरी राजत जुगल स्वरूप ॥९॥ उपर पीतांबर ले ओढ्यौ व्रजजन गावत गीत । कनकथारमें मोती साथिये मुठिया आरती चीत ॥१०॥ अक्षत पीरे कुमकुम बोरे तिलक करत है मात । भेट धरत पुनि मुठिया वारत आरती करी बली जात ॥११॥ तिल गुड़ मेल दूध ओऑंस्य पुनि बीरा देत विशेष । हरखित दान देत नैदबावा द्वारिकिश मुख देख ॥१२॥ कुँभनदास गिरिधरके प्रगटें नांचत सब मिलि मुदित हिये ॥२॥

Janmashtami ki Badhai

Part1-078

Sara

Jasumati tihaaro ghar subus sou . sunari jasoda tihaare thotaako

जसुमति तिहारो घर सुबस सो । सुनरी जसोदा तिहारे ठोटाको न्हावत हू जिनि बार खसो ॥१)॥ कोऊ करत मंगल वेद ध्वनि कोऊ गाओ कोऊ हँसो । निरखि निरखि मुख कमलनैन को आनंद प्रेम हिये हुलसो ॥२॥ देत असीस सकल गोपीजन चिरजीवो कोटि बरीसो “परमानंद' नंद घर आनंद पुत्र जन्म भयो जयतनसों ॥३॥

Janmashtami ki Badhai

Part1-078

Saarang

Nandmaharken poot bhayo | badee bases jaayo hain thotha nikhat sub

नंदमहरकें पूत भयो | बड़ी बेस जायो हैं ठोठा निखत सब संत्ताप गयो ॥१॥ घरघरतें सब चली जुवती जन अंग अंग सुभग सिंगार किये। कुँभनदास गिरिधरके प्रगटें नांचत सब मिलि मुदित हिये ॥२॥

Janmashtami ki Badhai

Part1-079

Bilawal

Teree gati agaadh mope barni naan jaay niranjan niraakaar narayan

तेरी गति अगाध मोपे बरनी न जाय निरंजन निराकार नारायण सप्त द्वीप सप्त खंड अष्टकुल पर्वत को मेरु रच्यो सप्त धारायन ॥१॥ तू ही चंद तू ही सूरज तू ही उडगन के तारे तू ही तेज पवन पानी तू ही धरनि आसमान | तानसेन के प्रभु घटघट में करत ज्ञान अगमनिगम सकल सृष्टि धरत ध्यान ॥२॥

Mahatmya Ke Pad

Part1-079

Lalit

Praatasmein harinam leejiye anandamangalmein dinn jaay ..

प्रातसमें हरिनाम लीजिये आनंदमंगलमें दिन जाय ॥ चक्रपाणि करूणामय केशव विध्नविनाशन यादवराय ॥१॥ कलिमलहरण तरण भवसागर भक्तचिंतामणि कामधेनु ॥ एसो समर्थ नाम हरीको वंदनीक पावनपद रेनु ॥२॥ शिव विरंचि इंद्रादि देवता मुनिनन करत नामकी आस ॥ भक्‍्तवत्सल हरिनाम कल्पतरू वरदायक परमानंददास ॥३॥

Mahatmya Ke Pad

Part1-079

Bibhaas

Karat hain bhagatani kii sahaai . deendayal devakinandan samrath

करत हैं भगतनि की सहाई । दीनदयाल देवकीनंदन समरथ जादौराई ॥ हस्त-कमल की छाया राखैं जगत निसान बजाई । दुष्ट-भवन-भय हरत घोष-पति गोवर्द्धन लियो उठाई ॥ कृपा-पयोधि भगत-चिंतामनि ऐसें बिरद बुलाई । “परमानंददास' प्रतिषालक बेद बिमल जसु गाई ॥

Mahatmya Ke Pad

Part1-080

Bibhaas

Janani chaampat bhuja shyamko thaade dekhi hasat balram . chaud

जननी चांपत भुजा श्यामको ठाडे देखि हसत बलराम । चौद भुवन उदर जाके कहूं गिरिवर धारबौ बहुत कर वाम ॥१॥ कोटि ब्रह्मांड रोम रोम प्रति तिहिं तिहि निशि वासर धाम | जोई आवत सोई देखि चक्रित कै कहत करे हरि ऐसे काम ॥२॥ नाभिकमलते ब्रह्मा प्रगट्रयो देखि जलार्णव तज्यो विश्राम । आवत जात बीच ही अटक्यों दुखी भयो खोजत निज धाम ॥३॥ तीनसो कहत सकल व्रजवासी कैसे कर राख्यो गिरि श्याम । 'सूरदास” प्रभु जल थल व्यापक फिरि फिरि जन्म लेत नंदधाम ॥४॥

Mahatmya Ke Pad

Part1-080

Dhanashri