Sou mukh vrajajan nikat nihaarat . jaa mukhakon chaturanan

सो मुख व्रजजन निकट निहारत । जा मुखकों चतुरानन ज्ञानिन साधन करि करि हारत ॥१॥ जा मुख कों श्रुति नेति नेति प्रति शिव सनकादिक आरत । सो मुख नंदगोपके गोकुल बन बछरा गौ चारत ॥२॥ जामुखकौ शेष सहसमुख नाम लेत दिन टारत | सो मुख परमानंद यशोदा लै उछंग चुचकारत ॥३॥

Mahatmya Ke Pad

Part1-080

Bilawal

Govind tihaaro swaroop nigam neti neti gaaven .. bhaktake

गोविंद तिहारो स्वरूप निगम नेति नेति गावें ॥ भक्तके वश श्याम सुंदर देह धरें आवें ॥१॥ योगी मुनि ज्ञान ध्यान स्वपने नही पावे)॥ नंद घरनि बांधिताहि कपि ज्यों नचावें ॥२॥ गोपीजन प्रेमआतुर संगलागी लोलें ॥ मुरलीको नाद सुनत गृहतजि वन डोलें ॥|३॥ वेदपुराण स्मृतिकथा कहत शुक बिचारी ॥ परमानंद प्रेमकथा सबहिनते न्यारी ॥४॥

Mahatmya Ke Pad

Part1-080

Bilawal

Sou bal kahaa bhayau bhagwan . jihi bal meenroop jall

सो बल कहा भयौ भगवान । जिहि बल मीनरूप जल थाप्यौ लिये निगम हति असुर परान ॥१॥ जिहिंबल कमठ पीटठि पर गिरिधर सजल सिंधु मधि कियौ वितान | जिहिं बल रूप बराह दशन पर धरी घरा करि पुहुप समान ॥२॥ जिहिंबल हिरणकश्यप उर फास्थो भये भक्‍्तकों कृपा निधान। जिहिंबल बलि पाताल पठायौ बसुधा त्रिपद करी पर मान ॥३॥ णिहिं बल विप्र तिलकदे थापे रक्षा आपू करी विद्यमान | जिहि बल रावण के शिर तोरे कियौ विभीषण नृपति समान ॥४॥ जिहिं बल जाम्बदंत बल मरणीौ जिहिं बल भूष विपति सुनि कान । सूरश्याम अब धामअवधि पर चढ़ि न सकत प्रभु खरे अयान _॥५॥

Mahatmya Ke Pad

Part1-080

Bilawal

Mohan nandrai kumar pragat brahm nikunj naayak bhakt hita

मोहन नंदराय कुमार प्रगट ब्रह्म निकुंज नायक भक्त हित अवतार ॥१॥ प्रथम चरण सरोजवंदो श्यामघन गोपाल । ललित कुंडल गंडमंडित चारुनेन विसाल ॥२॥ बलराम सहित विनोद लीला शेष संकर देत। दास परमानंद प्रभु हरि निगम बोलत नेत ॥३॥

Mahatmya Ke Pad

Part1-081

Malav

Jaakon veda ratat brahma ratat shambhu ratat shesh ratat

जाकों वेद रटत ब्रह्मा रटत शंभु रटत शेष रटत नारद शुक व्यास रटत पावत नहीं पाररी ॥ ध्रुवजन प्रत्हाद रटत कुंतीके कुंवर रटत द्रुपदसुता रटत नाथ अनाथन प्रतिपालरी ॥१॥ गणिका गज गीध रटत गौतमकी नार रठत राजनकी रमणी रटठत सुतन देदे प्याररी ॥ नंददास श्रीगोपाल गिरिवरधर रूपजाल यशोदाको कुंवरलाल राधा उरहाररी ॥२॥

Mahatmya Ke Pad

Part1-081

Sarang

Bhak‍tta-bachhal gopal dayaanidhi devani koo sukh deenon . atee

भक्‍्त-बछल गोपाल दयानिधि देवनि को सुख दीनों । अति प्रताप वेद नहिं समुझत तनक ही में लघु तन कीनों ॥ बलि राजा कें अति कृपा जिहिं निगम नेति कर गीनों । 'परमानंद” पूरन कृपा हरि घर बसि आनैंद दीनों॥

Mahatmya Ke Pad

Part1-081

Devgandhar

Chakr key dharanhar garud key aswar nand key kumar mero sankant

चक्र के धरनहार गरुड के असवार नंद के कुमार मेरो संकंट निवारो जू ॥ यमलार्जुन नारे गज ग्राहे तें उबारे नाग के नाथन हारे मेरे तू अधार हैं जू ॥१॥ जल हू ते कियो न्यारो इंद्र हू कों गर्व गारबौ ब्रज के रक्षनहार विरद बिचारों जू ॥ द्पद सुता की वार नेक हू न करी अवार अब कहा वार 'सूर” सेवक तिहारों जू ॥२॥

Mahatmya Ke Pad

Part1-081

Saarang

Padm dharbou jan taap nibaran chakrasudarshan dhasbau kamal curr

पद्म धरबौ जन ताप निबारन चक्रसुदर्शन धस्बौ कमल कर भकतनकी रक्षाके कारन ॥१॥ शंख धरयौ रिपु उदर विदारन । गदा धरी दुष्टन संघारन ॥ चारों भुजा चारों आयुध धरे नारायन भुवभार उतारन ॥२॥ दीनानाथ दयाल जगत गुरु आरति हरन भक्त चिंतामनि । परमानंददासकौ ठाकुर यह औसर औसर छाँडो जनि ॥३॥

Mahatmya Ke Pad

Part1-081

Malav

Namo namo jey shree govind anandam vraj saras sarovar prafulit

नमो नमो जे श्री गोबिंद आनंदम ब्रज सरस सरोवर प्रफुलित बदन नील अरविंद ॥१॥ जसुमति नेह नीर नित पोखत नव नव ललित लिलाद सुख कंद ॥ ब्रज पति ऋन प्रताप प्रफूलित परसत सुजस सुवास अमंद ॥२॥ सहचरी जाल राल माल संगनि बरस रंग रंग खेलत आनंद ॥ अलि गोपीजन नैन “गदाधर” सादर पीबत रूप मकरंद ॥३॥

Mahatmya Ke Pad

Part1-082

Gori

Bandey dharan girivar bhoop | radhikamukh kamal lampat mattamdhup

बंदे धरन गिरिवर भूप | राधिकामुख कमल लंपट मत्तमधुप स्वरूप ॥१॥ बंदे रसिक वर संगीत सुखनिधि । क्वनित वेणु अनूप ॥ कहि कृष्णदास उदार उरपर लोलमाल अनूप ॥२॥

Mahatmya Ke Pad

Part1-082

Malav

Pralay prayodhi jaley dhratvaansivedam .. vihit vihinn charitra

प्रलय प्रयोधि जले ध्रतवानसिवेदं ॥ विहित विहिन्न चरित्र मर्खेद ॥ केशव ध्ृत मीन शरीर जय जगदीश हरे ॥|१॥ क्षिति रति विपुलतरेतव तिष्ठति पृष्ठे ॥ धरणि धरण किणचक्र गरिष्ठे ॥२॥ केशवध्ृत्त कच्छप रूप जय जगदीशहरे ॥२॥ वसति दशन शिखरे धरणि त्व लग्नां ॥ शशिनिकलंक कलेवनिमग्ना ॥ केशवधुत सूकर रूप जय जगदीशहरे ॥३॥ तब कर कमल वरे नख मद्भूत श्रृंगण ॥ दलित हिरण्यकशिपु तनु भुृंगं ॥ केशव धृत नरहरि रूप जय जगदीशहरे ॥४॥ छलयसि विक्रमणेबलिमद्रभुत वामन ॥ पद नख नीरजनितजन पावन ॥ केशव ध्ृत्त वामन रूप जय जगदीश हरे ॥५॥ क्षत्रिय रुधिर भये जगदपगदपापं स्नपयसिपयसि शमित भवतापं ॥ केशवधृत भगृपतिरूप जय जगदीशहरे ॥६॥ वितरसिदिक्षुणणे दिक्‍्पति कमनीयं, दशमुखमौली बलिंस्मणीयं ॥ केशवधृत रघुपति रूप जय जगदीशहरे ॥ ७) वहसिवपुषि विषदेवसनं जलदाभं .)। हलहतिभीतिमिलितयमुनाभ ॥ केशवधुत हलधर रूप जय जगदीशहरे ॥८॥ निंदसियज्ञ विधेरहहश्रुतिजातं ॥ सदयहदय दर्शित पशुघातं॑ ॥ केशवधृत शुद्ध शरीर जय जयदीशहरे ॥९॥ स्लेच्डनिवहनिधनेकलय सिकरवालं धूमकेतु मिवकिमपिकरालं ॥ केशवश्ृतत कल्किशरीर जय जगदीशहरे ॥१०॥ श्री जयदेव कवेरिदमुदित मुदारंग ॥ श्रुणु सुखद शुभदं भवसारं ॥ केशवधृत दशविधरूप जय जगदीशहरें ॥११॥

Mahatmya Ke Pad

Part1-082

Malav

Vandon charan saroj tumhare .. sunder shyam kamal dall lochan

वंदों चरन सरोज तुम्हारे ॥ सुंदर श्याम कमल दल लोचन ललित त्रिभंगी प्रान पियारे ॥१॥ जे पद पद्म सदासिव कों धन, सिंधु सुता रउर तें नहि टारे ॥ जे पद पद्म तात रिस ब्रासत मन वच क्रम प्रहलाद संहारे ॥३॥ जे पद पद्म फिरत वृन्दावन अहि सिर धरि अगनित रिपु मारे ॥ जे पद पद्म परस ब्रज जुबती सरबसु दे सुख सदन बिसारे ॥३॥ जे पद पदूम लोकत्रय पावन सूर सूरि दरस कटत अध भारे ॥ जे पद पद्म परसि ऋषि पत्नी मृग अरु व्याध अमित खल तारे ॥४॥ जे पद पद्म फिरत पंडव घर दूत भये सब काज संवारे ॥ जेई पद पंकज 'सूरदास” सुख करन बचन अहि फन प्रति धोरें ॥५॥

Mahatmya Ke Pad

Part1-083

Kanharo