Jaakun neck shyamakon baano .. taake nikat naan jaay jan

जाकुं नेक श्यामकों बानो ॥ ताके निकट न जाय जन कोऊ कहारंक कहा रानो ॥जाकु.१॥ माला कंठ सिर तिलक विराजत अरू चंदन लपटानों । शंख चक्र गदा पद्म विराजत सो कहा रहेगो जानो ॥जाकु. २॥ रविसुत कहत पुकार पुकारी सुनके दूत अकुलानों । सूरदास कहत यह हितकी समज सोच जियजानो ॥जाकु.३॥

Mahatmya Ke Pad

Part1-083

Kanharo

Charankamal bandon jagdish jey godhanke sanga dhaaye .. jey

चरनकमल बंदों जगदीश जे गोधनके सँग धाये ॥ जे पदकमल धूर लपटाने कर गहि गोपिन के उर आये ॥१॥ जे पदकमल युधिष्टिर पूजत राजसूयमें चलि आये || जे पदकमल पितामह भीषम भारत देखन ते आये ॥२॥ जे पदकमल शंभु चतुरानन हृदय कमलके अंतर राखे ॥ जे पदकमल रमा उर भूषन वेद भागवत जे भाखे ॥३॥ जे पदकमल लोकत्रय पावन बलि राजाकी पीठ धरे ॥ ते पदकमल दास परमानंद गावत प्रेम पियूष भरे ॥४॥

Mahatmya Ke Pad

Part1-083

Kanharo

Govardhannath gokul pati garudgami gopijan vallabh jey mukund

गोवर्धननाथ गोकुल पति गरुडगामी गोपीजन वल्लभ जे मुकुंद गोबिंद गुपाल ॥ कान्ह क्ृष्न केसो किसोर हरि स्याम सुंदर दीनानाथ दामोदर रघुपति परमेसुर पुरुषोत्तम अपरंपार पुरनि निश्चय नंदलाल ॥१॥ नारायन नरहरि मुकुंद मधुसुदन माधों मुरारि रनछोड छबिलों केवल नैनं बिसाल ॥ कहि “कल्यान” बृजराज श्री विड्ठल ग्रगटे हे यहाँ मंथन केसी कंस काल ॥२॥

Mahatmya Ke Pad

Part1-083

Gori

Joe hari charan saroj vimukh bhaye vipra janamate kahaju saryau.

जो हरि चरन सरोज विमुख भये विप्र जनमते कहाजु सरयौ। जो कोउ श्वपच भजत भगवंते कहो अब ताको कहा वियर्यो ॥ वेदव्यास सरखे अधिकारी अंशकला द्विजरूप धरयौ | सतरे पुराण किये परसीधे तोऊ अंतश्करन जर्यौ ॥ जब नारदमुनि तत्व बतायो सुख उपज्यो संताप टस्बौ । भज क्ृृष्णदास काज सब सरहे करम धरमते कोउ न तस्थौ ॥

Mahatmya Ke Pad

Part1-084

Kanharo

Vandu charan saroj tihaare .. shyam shriang kamaldal lochan

वंदु चरण सरोज तिहारे ॥ श्याम श्रीअंग कमलदल लोचन ललित त्रिभंगी प्राणपति प्यारे । जे पद पद्म सदाशिवको धन सिंधुसुता उरते नहिं टारे ॥ जे पद पद्म परसि जल पावन सुरसरी दरस कटत अघ भारे। जे पद पद्म परसि ऋषिपत्नि नुग ओर व्याध पतित बहु तारे। जे पद पद्म तात रिपु चरासत मन बच कर्म प्रहलाद सम्हारे । जे पद पद्म रमित वृंदावव अगनित प्रबल मल्‍्ल बहु मारे। जे पद पंद्म रसिक व्रज युवति सुतपत्ति तन मन धाम बिसारे । जे पद पद्म भ्रमति पांडव दल सारथी द्वै सब काज सुधारे | सूरदास तेई पद पंकज त्रिविध तापके हरन हमारे ॥

Mahatmya Ke Pad

Part1-084

Kanharo

Udho joe jan bhohi sambhaare taakun visaru naan palak ghareere .

उधो जो जन भोहि संभारे ताकुं विसारू न पलक घरीरे । काटूं कटिन कर्मके संकट राखु सुख आनंद भरीरे ॥उधो.॥ जो मोही भजे भजुं हुं ताकुं यही प्रतिज्ञा मोय आय परीरे । सदा समीप रहु ताहीके गुप्त हती सो प्रकट करीरे ॥उधो.॥ ज्यों भारतमें बरहीके अंडा राख लिये गजघंट परीरे । सूरदास ताही डर काको निशवासर जो जपत हरीरे ॥उधो.॥

Mahatmya Ke Pad

Part1-084

Kanharo

Hari koo bhakt maane darr kaake . jaake karanjere brahmaadik deva

हरि को भक्त माने डर काके । जाके करणजेरे ब्रह्मादिक देव सबे दंडोती जाके । सिंघ सखा कर ग्रामवसावे यह विपरीत सुनी नहीं देखी । हाथी चढे कुकरकी शंका यह धोंकोन पुराणन लेखी | सुगयम लोग अरु विगम मूठमति कृपा सिंधु समरथ सब लायक । परमानंददासको ठाकुर दीनानाथ अभयपददायक ।

Mahatmya Ke Pad

Part1-084

Kanharo

Jhagarin tein houn bohot khijai . kanchanhar diyein naheen maanat

झगरिन तें हों बोहोत खिजाई । कंचनहार दियें नहीं मानत तुही अनौखी दाई ॥१॥ बेगि तू नार छेदि बालककौ जातहै ब्यार भराई । सत संयम तीरथ व्रत कीने तब यह संतति पाई ॥२॥ दीजै बिदा जाऊँ घर अपने कालि सॉझकी आई ॥ सूरदास प्रभु गोकुल प्रगटे भक्तनके सुखदाई ॥३॥

Naal Chedan

Part1-085

Devgandhar

Vedaanuddharte jagannivahate bhugol mudvibhrate .. daityan daaryate

वेदानुद्धरते जगन्निवहते भूगोल मुद्विभ्रते ॥ दैत्यान दारयते बलिंछलयेत क्षत्रक्षयं कुर्वते ॥ पौलस्तयं जयते हलंकलयते कारुण्य मातन्वते ॥ म्लेच्छान्‌ मूर्छयते दशाकृति थध्रृते कृष्णायतुभ्यं नमः ॥१॥

Mahatmya Ke Pad

Part1-085

Malav

Jasoda naal naan chhedan daihon . manimay jatit hargrivakou

जसोदा नाल न छेदन दैहों । मनिमय जटित हारग्रीवाकौ वहै आज हों लैहों ॥१॥॥ औरनके हैं सकल गोप मेरें एके भवन तुह्ारो । मिटि जो गयौ संताप जनमकौ देख्यौ नंद दुलारी ॥२॥ बोहोत दिननकी आशा लागी झगरिन झगरी कीनौ । मनमें विहँसत है नंदरानी हार हियेकौ दीनौ ॥३॥ जाकौ नाल आदि ब्रह्मादिक सकल विश्वआधार। सूरदास प्रभु गोकुल प्रगटे मेंटनकों भूभार ॥४॥

Naal Chedan

Part1-085

Devgandhar

Jugal mein jugal jugal key naam .. chaap trikon mean gopad

जुगल में जुगल जुगल के नाम ॥ चाप त्रिकोण मीन गोपद नभ अर्द्ध इंदु घट वाम ॥१॥ जंबू ध्वज रेखा अंकुश यव स्वस्तिक बज्र सरोज अष्टकोण ये दक्षिण राजत देखत लजे मनोज ॥२॥ इत हे अंकुश छन्र चक्रध्वज इंदीवर यव रेख ॥ गदा अंबुज रथ कुंडल बेंदी शैल शक्ति झख देख ॥३॥ ब्रह्मादिक सनकादिक शंकर ध्यान न आवत जेव ॥ तेई श्रीबल्लभ प्रतापतें दारकेश नित्य सेव ॥४॥

Mahatmya Ke Pad

Part1-085

Bihaag

Agarini tathaanyon jhagari harikau naal chhuvan naheen dehi . jaahi

अगरिनि टठान्यों झगरी हरिकौ नाल छुवन नहीं देही । जाही नालतें ब्रह्मा उपज्यौ सोई नालहै ऐही ॥१॥ शिव नारद जाकौ यश गावें जसोदा जायौ सोई । मनि मानिक खपरौटी लैहों तोलों छुवै न कोई ॥२॥ छेद्यौ नाल अंकमें लीने जनम सुघुँटी पिवाई । रोहिनी क्षमा क्षमा करि राखत सूरदास बलि जाई. ॥३॥

Naal Chedan

Part1-085

Devgandhar