Jasumati latkat pony dharey . bhalau manehon jhagarin tuu mati

जसुमति लटकत पॉँय धरे । भलौ मनेहों झगरिन तू मति मनहीं डरे ॥१॥ दीनों हार ढार मनि कंचन मोतिन थार भरे | सूरदास स्वामी प्रगटे हैं ओसर पै झगरे ॥२॥

Naal Chedan

Part1-086

Devgandhar

Kahai jhagarin main badbhagini nirakhyau haye nandjukau laal .

कहै झगरिन मैं बड़भागिनि निरख्यौ है नंदजूकौ लाल । जाकौ दरश देव नहीं पावें सो पायौ इहि काल ॥१॥ यह औसरमें कैसे पायो कौन पुन्य कहो कैसे जायौ। प्रभुकी कृपा बिना कोउ पावत लैहों अब अपनों मन भायौ ॥२॥ जातिन छोटी करमनि मोटी देव निकट कोऊ बैठ न पायौ। में अपने हाथन करि लीनों नाल छेदनकों मोहि बुलायौ ॥३॥ अपनों जनम सुफल करि मानत दुर्लभ दरशन सुलभ पायौ | सगुनदास तिन सब कछु पायौ जिहिं पारसतें लोह मिटायौ ॥४॥

Naal Chedan

Part1-086

Devgandhar

Jhagarini jhagarat nandason thauro nahi maangen. jyon jyon munn hari

झगरिनि झगरत नंदसों थौरो नहि माँगें। ज्यों ज्यों मन हरि निहोरहीं त्यों त्यों उठि लागें ॥१॥ पूरन तप बड़भागिनि जसोदा सुत जायी । शिव विरंचिको ईश है तेरे घर आयो ॥२॥| तीन लोक जाके उदरमें अचरज है महा री | ताकौ छेयौ नाल हों देंहों हो कहा री ॥३॥ सों हों माँगों कहा री कृपा करी पाऊँ । बिखे बिकार बिसारिकें जस जगमें गाऊँ ॥४॥

Naal Chedan

Part1-086

Bilawal

Kaahai jhagarini mein badbhagini nirakhyau haye nandjuko laal |

काहै झगरिनि में बड़भागिनि निरख्यौ है नंदजूको लाल | जाकौ दरस देव नहिं पावें मैं पायो है इहि काल ॥१॥ यह औसरेमें कैसें पायौ कौन पुन्य कोने जान्यौ । प्रभुकी कृपा बिना कछु पावत लैहों अब अपनों मन मान्यो ॥२॥ जातिन छोटी करमनि मोटी देव निकट कोऊ बैठन पावै ॥ मैं अपने हाथन करि लिनों नारछेदनकों मोहि बुलावै ॥३॥ अपनी जनम सुफल करि मार्नेत दुर्लभ दर्शन सुलभ पायौ। सगुनदास तिन सब कछु पायौ जिहि पारस ते लोह मिटायौ ॥४॥

Naal Chedan

Part1-086

Bilawal

Aaj chhati jasumatike sutaki chalau badhaavan maaee. bhushan busson

आज छटी जसुमतिके सुतकी चलौ बधावन माई। भूषन बसन साज मंगल लै सकल सिंगार बनाई ॥१॥ भली बात विधि करी बैस बड़ सुत पायौ नैंदराई । पुन्य पुंज फूले व्रजवासी घर-घर होत बधाई ॥२॥ पूरनकाम भये निजजनके जीवेंगे यश गाई । परमानंद बात भई मनकी मुद मरजाद नसाई ॥३॥

Chhathi

Part1-087

Saarang

Mangal thyos chhathikau aayou . anande vrajraj yashoda manahen

मंगल थयोस छठीकौ आयौ । आनंदे ब्रजराज यशोदा मनहें अधन धन पायौ ॥१॥ कुँवर न्हवाई जसोदा रानी कुलदेवीके पाँय परायो । बहुत प्रकार विजन धरि आगें सब विधि भलौ मनायौ ॥२॥ सब व्रजनारी बधावन आईं सुतकौ तिलक करायों । जयजयकार होत गोकुलमें परमार्नेद यश गायो.. ॥३॥

Chhathi

Part1-087

Saarang

Poojati chhathi kaanh kunwarki thaape peet lagaai | kanchanthar liye

पूजति छठी कान्ह कुँवरकी थापे पीत लगाई | कंचनथार लिये ब्रज बनिता रोचन देत सुहाई ॥१॥ पनवारी भरि खीर खाड घृत पापर बरा बनाये । मेवा दाख बदाम छुहारे मन मोहन मन भाये ॥२)। आँजति आँखिजु सबही सुवासिन माँगत नैन भराये । सूरदासप्रभु तुम चिरजीयौ घरघर मंगल गाये ॥३॥

Chhathi

Part1-087

Saarang

Doonon mangalahai atee aaj . chhai dinake maaee bhaye kushlason phoolat

दूनों मंगलहै अति आज । छै दिनके माई भये कुशलसों फूलत हैं ब्रजराज ॥१)| हुलसी बहोत नंदजूकी रानी यै सुत पुन्यन पये । फिरि-फिरि हाथ रोहिनीके दे दाम बहोत खरचाये ॥२॥ संध्या समय चौक पर बैठी मंगलगीत गवाये । पूजत छठी कान्ह कुँवरकी अरु लै पाँय पराये ॥३॥ फिरि फिरि ग्वाल गोप सब पूजत और पूजत ब्रजनारी श्रीविद्डनगिरिधर चिरजीयौ मॉगत ओलि पसारी ॥ड॥

Chhathi

Part1-087

Saarang

God liyein gopal yashoda poojat chhathi mudit munn pyaari | badade

गोद लियें गोपाल यशोदा पूजत छठी मुदित मन प्यारी | बड़डे वार सनेह चुचाते चूँबत मुख दे दे चुचवकारी ॥१॥ कुलदेवता मनाई सबनकूँ बरन बरन पहरावत सारी । गोपी ग्वाल हरखि गोकुलके नाचत हँसत दे दे करतारी ॥२॥ कंचनथार आरती सजि सजि लै आई सब व्रजकी नारी । वारी लालपर लछीरामकों हरखि नंद दई नवनिधि टारी ॥३॥

Chhathi

Part1-087

Saarang

Madhthurapati jiya adhik daranau sabhaa maanjh asuranke aagein

मधथुरापति जिय अधिक डरानौ सभा माँझ असुरनके आगें बारबार शिर धुनि पछितानौ ॥१॥ ब्रजभीतर उपज्यौ मेरी रिपु मैं जानि यह बात । दिन ही दिन वह बढ़त जात है मोकों करी है घात ॥२॥ दनुजसुता पूतना पठाई छिनक माँझ संघारी खटदिन कौ बालक भयौ तानें पय पीवत ही मारी ॥३॥ अबहीतें यह हाल करत है दिनदिन होत प्रकास । सेनापति सुनाय बात यह नृप मन भयौ उदास ॥४॥ ऐसौ कौन मारी है ताकों मोंहि कहै सौ « आई । वाकों मारी अपनपौ राख सूर ब्रजहि सों जाई ॥५॥

Putana Vadh

Part1-088

Saarang

Vrajpur gharghar atee anand | pragate hain jasumatike dhota door gaye

व्रजपुर घरघर अति आनंद | प्रगटे हैं जसुमतिके ढोटा दूर गये दूख द्न्द ॥१॥ साज छठीको लाई वनिता गावत गीत सुछन्द । नंदराय तब छठी पूजिके दिये दान सुखकंद ॥२॥ भीतर जाय महरिपे देखे सुंदर मुख अरविंद | करत आरती अवलोकत मुख द्वारकेस मन फंद ॥३॥

Chhathi

Part1-088

Saarang

Roop mohini dhari vraj aaee. adbhut saaji singar manohar

रूप मोहिनि धरि ब्रज आई। अद्भुत साजि सिंगार मनोहर अमुर कंस दै पान पठाई ॥१॥ कुच बिच बाँटी लगाई कपट करी बालघातिनि परम सुहाई । बैठी हुती जसोदा मंदिर हुलरावत सुत श्याम कन्हाई ॥२॥ प्रगटी आनि जु तहाँ पूतना प्रेरित काल अवधि नियराई । आवत पिकि बैठना दीनो कुसल पूँछि अति निकट बुलाई ॥३॥ पौढ़ाये हरि सुभग पालने नंदघरनि कछू काम सिधाई । बालक लियौ उठाय दुष्टमति हरखित स्वस्तन पान कराई ॥४॥ बदन निहारी हरि प्रान हरि लीनौ परी राक्षसी जोजन ताई । सूरज दई जननी गति ताकों कृपासिंधु सुख धाम पठाई ॥५॥

Putana Vadh

Part1-088

Aasawari