Palana shyam jhulaavat janani .. sutaki lait balaay jasoda

पलना श्याम झुलावत जननी ॥ सुतकी लेत बलाय जसोदा हँसिवेकी छबि जात न बरनी ॥१)। अंग अंग के भाव अवलोकत पॉयन सरस पूँघरुँ बजनी । अति अनुराग परस्पर गावत प्रफूलित बदन नंदजूकी घरनी ॥२॥ किलकि किलकि प्रभुभुजा पसारत अंकन लेत यशोदा गवनी । सूरदास बड़भाग्य महरिके पूरन भई पुरातन करनी ॥२॥

Palna Ke

Part1-091

Ramkali

Jasumati palana sutahi jhulaavai. nirakhi mukharvindaki shobha

जसुमति पलना सुतहि झुलावै। निरखि मुखारविन्दकी शोभा मनमें अति सचुपावै ॥१॥ विविध भौंतिके ले लै खिलौना बैठी आप खिलावै। देखि देखि मुसिकात मनोहर द्ै दतियां दरसावै ॥२॥ लै पलनातें हुलसि हुलसिकें अस्तन पान करावै । यह सुख तीनलोकमें नाहीं सूर कहा कहि यावै ॥३॥

Palna Ke

Part1-092

Ramkali

Jasmumati madan gopal jhulaavati . dekhi saine gati tribhuvan

जसमुमति मदन गुपाल झुलावति । देखि सैन गति त्रिभुवन कंपत्त शिव विरंचि डर पावत ॥१॥ श्याम अरुन आलस अति लोचन उभय पलक मिलि आवत । जनु रविगति सकुच कमल जुग निस अलि उड़न न पावत ॥२॥ चौंकि चौंकि शिशुताई प्रगटकरि छिनु इक माँहि आवत । जानों निशापति करि रवि किरणा श्रुति भंडार समावत ॥३॥ कर शिरपर धरि श्याम मनोहर ऊपर अधिक छबि पावत । सूरदास मानों पन्नग सुत प्रभु ऊपर फन छावत ॥४॥

Palna Ke

Part1-092

Ramkali

Palana ghar bheetar kai aayo . rattan jatit heera gaj motee

पलना घर भीतर कै आयो । रतन जटित हीरा गज मोती कुंदन दिव्य जरायौ ॥१॥ आछे शोभित बने झूमिका दच्छिन चीर बिछायौ । सुंदर डोरि बाँधि रेसमकी लाल सुरंग बनायो ॥२)! विप्र बोलि व्रजराज हुलसिके शुभ मुहूर्त जो धरायो । झूलेंगे गिरिधरन श्रीविहल सबहिनके मन भायौ ॥३॥

Palna Ke

Part1-092

Ramkali

Raniju aachhe vasan bichhaaye . sunder suta apane hathan lai

रानीजू आछे वसन बिछाये । सुंदर सुत अपने हाथन लै पलना माँझ सुवाये ॥१॥ आस पास बैठी ब्रज सुंदरि नीके मंगल गाये । आनैंदराय गोप बधुन मिलि सबहिन हुलसि झुलाये ॥२॥ फिरि आये ब्रजराज नंद सब देखि बहोत सुख पाये | जिनने गढ्यो पलना जो लालकों ते सब हँसि पहराये ॥३॥ ग्रृहगृहक्की तब भई आरती मोतिन पूरि सँभारी । श्रीविडलगिरिधरन झुलावत नंदरानी ब्रजनारी ॥४॥

Palna Ke

Part1-092

Ramkali

Vrajaraani hoe suta hulraavai . aachhi bhukh chumbat lalankau

व्रजरानी हो सुत हुलरावै । आछी भुख चुंबत लालनकौ अति रस मंगल गावै ॥११॥ निरखि निरखि सुंदर बदन तन फिरि फिरि ले उर लावै । कबहुँक नेंक लाल अपनेकों पलना मेलि झुलावै |२॥ रतन जटित बघना कर पोंहोंची लटकन अति छबि पावै। श्री विदलगिरिधर नंदनंदन जसुमतिके जिय भावै ॥३॥

Palna Ke

Part1-092

Ramkali

Jhoolaavati apanau suta palana . atee russ bharee jurie sub

झूलावति अपनौ सुत पलना । अति रस भरी जुरी सब गावत अति प्यारी नंदललना ॥१॥ कुलही पीत झगुली पहराई शोभित सुंदर गात । कठुला रतन जटित कर पोंहोंची लटकन सब लटकात ॥२॥ सुंदर बदन कमल मुख चुंबत लेति उठाय उठाय । फिरि फिरि अस्तन पान करावत राखत उर लपटाय ॥३॥| देखिदेखि हँसत व्रजसुंदरी यह सुख कह्मौ न जाय । श्री विहलगिरिधर पिय निरखत भाग्य बड़े तें पाय ॥४!|

Palna Ke

Part1-092

Ramkali

Palana jhoolau hoe nandlal | kamalnain sukhden sakal vraj

पलना झूलौ हो नंदलाल | कमलनैन सुखदेन सकल ब्रज सुंदर जसुमति बाल ॥१॥ पॉयन नूपुर छुद्र घंटिका कर पोंहोंची अति चार । कंठ कंठश्री कर मधि अंगद उर बधना अरू हार ॥२॥ श्रवनन कुंडल नासा बेसरि अंजन नेन विशाल । गोरोचन कस्तूरी कुंकुम तिलक बन्यौ बिच भाल ॥३॥ अलकावलि मुक्तावलि गूँथी बिच लर लटकन लटके । शोभा निरखत सबहीकौ मन जहाँ तहाँ ते अटके ॥४॥ बेनी गुही जसुमति सुंदर श्याम पीठि पर सौहे । मानों मेघ पर नील मेघ छबि चितवतही चित मोहै ॥५॥ परम मनोहर मुरली तेरी लै ठिंग पलना पौढ़ी । अपनौ पीतांबर कटिलों कान्हर अपनेही कर ओढ़ी ॥६॥ विविध खिलौना टिंग राखोंगी ज्यों भावै त्यों खेल। मेवा मिश्री और मिठाई माखन मुखमें मेल ॥७)| जसुमति माई चाइसों यह विधि अपनों सुत हुलरावै | हरि लीला यह आनैंदकी निधि रंसिक सदाई गावै ॥८॥

Palna Ke

Part1-093

Ramkali

Baithi raani jasumati laalai jhulaavai . laale jhulaavai aru nain

बैठी रानी जसुमति लालै झुलावै । लाले झुलावै अरु नैन सिराबै ॥१॥ सीस कुल्हे अरू मोतिन माला । छगनमगन मेरे नैन विशाला ॥२॥ नेति नेति निगम जाहि भाखें | सो जसुमतिकौ पय पान चाखें ॥३॥ चित्त दृष्टि मन अति सचुपावै | भाल कपोल दिठौना लावै.॥४॥ बजमें नहीं कोऊ बड़भागिनी ऐसी । सूर प्रभुकी मैया जैसी.॥५॥

Palna Ke

Part1-093

Ramkali

Ranijukou chhaganmagan jhoolai palana . jhumajhumaati jhoomari

रानीजूकौ छगनमगन झूलै पलना । झुमझुमाति झूमरि मोतिनकी किलकि किलकि हँसे नंदललना ॥१॥ खुलि रही पीत झँगुलिया सामल तन नेह रूप भीज्यौ ललना ! निरखि निरखि गावति ब्रज सुंदरि नैन हियें बसौ लल़ना ॥२॥ भीजी जरूली झलकै सोंधेसों ललकि ललकि मन ललना। जगमगात न समात हियेमें भावरी भावत ललना ॥३॥ घर न सुहाई रहौ परे नहीं काहू देखि देखि यही ललना । श्री विहलगिरिधरनलालकौ गावत भावत ललना ॥४॥

Palna Ke

Part1-093

Ramkali

Niz brahmand sue palanon jagahin jhulaavan haar | taahi palana

निज ब्रह्मांड सु पालनों जगहिं झुलावन हार | ताहि पलना पौढायकें झुलावत ब्रजकी नारि ॥१॥ पोढ़ि पालनें चरणदल मुख मेलत कहि देत । चरणामृत महिमा लखे भक्तनके सुख हेत ॥२॥ पोढ़ि पालनें लाड़िले उद्यम किये अनेक । पटकी पूतना शकट पुनि तृणावर्त से नेक ॥३॥ पलना झूलत मुग्ध छैकें कोटि ज्ञान गंभीर । ताहि झुलावत पालनों श्रुतिरूपा आभीर ॥४॥

Palna Ke

Part1-094

Ramkali

Jhoolo paalane nandanand | gahat fudan duhuunkar curry hansat

झूलो पालने नंदनंद | गहत फुदान दुहूँकर करि हँसत किलकत मंद ॥१॥ चुवत मुखतें लार रस मानों कमलते मकरंद । निरखि गोपी अतिहिं फूलें अधर रस सुख कंद ॥२॥ चरन कोमल अरुन मानों पल्लव नव महकंद । गहि अंगुठा बदन मेलत पीवत रति रस चंद ॥३॥ पौढ़ि सगरे अंग नचावत खेलत मिलवत फंद । रसिक मेरे मन बसौ यह बाललीला छंद।।४॥

Palna Ke

Part1-094

Ramkali