Shulo paalnen govind | dadhshi mathon navneet kaadhon tumakon

शूलो पालनें गोविंद | दध्षि मथों नवनीत काढ़ों तुमकों आनंद कंद ॥१॥ कंठ कडुला ललित लटकन भूकुटी मनके फंद | निरखि छबि छिनप्ठिन झुलाऊँ गाऊँ लीला छंद ॥२॥ दे दूधकी दँतियाँ सुखकी निधियाँ हसत जब कछु मंद । चतुर्भुज प्रभु जननी बलि गिरिधरन गोकुलचंद ॥३॥ # राग रामकली # सूलो पालनें बलि जाऊँ। स्याम सुंदर कमल लोचन निरखि अति सचुपाऊँ ॥१॥ अति उदार विलोकि आनन पावत नहीं अधघाऊँ चुटकी दे दे नचाऊँ हरिकों चूमि चूमि उर लाऊँ ॥२॥ रुचिर बाल बिनोद तिहारे निकट बैठी गाऊँ । विविध भाँति खिलोना ले लै गोविंद प्रभुकों रिज्ञाऊँ ॥३॥

Palna Ke

Part1-094

Ramkali

Palana jhulaavati jasoda maiya . kamalnain houn vaari mukhpar

पलना झुलावति जसोदा मैया । कमलनैन हों वारी मुखपर लाड़िले कुँवर कन्हैया ॥१॥ दूध दही पकवान मिठाई और पिवावी थैया । विविध खिलोना लेहु मेरे प्यारे बंगी भौर चकैया गावत गीत रुचिर मूदु बानी अति प्रफुलित मन मैया | बालकेलि सुख निरखत गोविंद पुनि पुनि लेत बलैया ॥३॥

Palna Ke

Part1-095

Ramkali

Nandaraani harinhi ladayaavai . rattan jatit paudhaay paalnen prem

नँदरानी हरिंहि लड़यावै । रतन जटित पौढ़ाय पालनें प्रेम नेह हुलरावै ॥१॥ कमलनैन मुँदि कर किलकत यों कर चरन चलावै । लै बलाय सुंदर मुख चुंबत उर आनंद बढ़ावै ॥३॥ पोंछत आँखें पलकन भाल डिटौना बनावे । राई लोन उतारि शीशतें केहरि नख पहरावै ॥३॥ मानत सुफल जनम अपनों करि जिय अभिलाष बढ़ावै । देहु वर निज उदैराजप्रभु जग गोपाल कहाबै ॥४॥

Palna Ke

Part1-095

Ramkali

Vrajnari suta palana jhulaavai | aachho mukh chumbat lalankau

व्रजनारी सुत पलना झुलावै | आछो मुख चुंबत लालनकौ अति रस मंगल गावै ॥१॥ निरखि निरखि सुंदर आनन तन फिरि फिरि लै 'उर लावै । श्रीविद्वलगिरिधर नंद नंदन ब्रजजन के मन भाव ॥२॥

Palna Ke

Part1-095

Ramkali

Houn apane lalke guna gaauun. barbar palnaaten lai leey kaniyaan

हों अपने लालके गुन गाऊँ। बारबार पलनातें लै ले कनियाँ ले हुलराऊँ ॥१॥ कटठुला कंठ रुचिर पोहोंची कर नाक नथुनी पहराऊँ । श्रीविदल गिरिधरनलालकों आँगन बैठि खिलाऊँ ॥२॥

Palna Ke

Part1-095

Ramkali

Palana jhoolat balgopal . bali gaee inn badan oopar chaaru

पलना झूलत बालगोपाल । बलि गई इन बदन ऊपर चारु “मैन बिसाल ॥१॥ कंठ हँसुली उरही बघना बनी मोतिन माल । करही पौहोंची अतिहि सुंदर जटित हीरा लाल ॥२॥ कुटिल केश सिर बिराजत लटकि आई भाल । मनहुँ अलिछोंना कमल पर निरखि मोहि बाल ॥३॥ चरन नूपुर कोंधनी कटि कुंडल झलकत गाल । अद्भुत रूप निहारि हरिकौ होत रसिक निहाल ॥४॥

Palna Ke

Part1-095

Ramkali

Paalane jhoolat giridharlal . janani jasoda baithi jhulaavat

पालने झूलत गिरिधरलाल । जननि जसोदा बैठि झुलावत निरखत बदन रसाल ॥१॥ बालक लीला गावत हरखित देत करनसों ताल । कुंभनदास बडभागिनि रानी वारत मुक्तामाल ॥२॥

Palna Ke

Part1-096

Ramkali

Srivallabharaj kumar jhulaavat srinavaneet priye palnaan .

श्रीवल्लभराज कुमार झुलावत श्रीनवनीत प्रिये पलनाँ । गावत गुण गोविंदके चहुँ दिस जुरि सगरी व्रजकी ललनों ॥॥१॥ ब्रज रानी लड़ावत लावत है उरमें लाल सम भूतलनाँ । मोहन विद्डजननाथ कृपा करि पाइये और बछौ बलनाँ ॥२॥

Palna Ke

Part1-096

Ramkali

Jhulaavat jasumati suta palna . kamalnen sukh daine badan

झुलावत जसुमति सुत पल्ना । कमलनेन सुख देन बदन बिधु हुलरावत ललना ॥१॥ हाटक रुचिर जटित नग खग मृग देत विविध खिलोना । बलि बलि जाय मोहन या छबि पर पूरव फल फलना ॥२॥

Palna Ke

Part1-096

Ramkali

Gokulchand paalnen jhoolat . herry herry vrajraj jhulaavat kilaki

गोकुलचंद पालनें झूलत । हेरी हेरी व्रजराज झुलावत किलकि किलकि देखि मन फूलत ॥१॥ माखन मिश्री मेलि चखावत झुनझुना बजाय सुनावत ॥ द्वारिकेश प्रभु हँसि मुसकाय अंग पुलकि मन भावत ॥२॥

Palna Ke

Part1-096

Ramkali

Jhoolau paalane nandlal . jaauun bali bali badan oopar chapal

झूलौ पालने नंदलाल । जाऊँ बलि बलि बदन ऊपर चपल नयन बिसाल ॥१॥ कंठ कंटुला केहरीनख सुभग मुक्तामाल । गरे हँसुली कोंधनी कटी चरन नूपुरजाल ॥२॥ निकट बैठी जननी झुलावत भाग मानत भाल । लै खिलोना कहत हरिसों खेलिये मम बाल ॥३॥ कबहुँक सुतके गाय गुणगान देत करसों ताल । कबहुँ अँगुरी लाय लालहिं चलन सिखावत चाल ॥४॥ लेऊ माखन और मिश्री खाऊ मेरे लाल | निरखि यह सुख जसुमतिकौ सूर होत निहाल ॥५॥

Palna Ke

Part1-096

Ramkali

Sunder shyam paalnen jhoolen . jasumati maay nikat atee baithi

सुंदर श्याम पालनें झूलें । जसुमति माय निकट अति बैठि निरखि निरखि मन फूलें ॥१॥ झुनझुना लैकें बजावत रुचिसों लालहिंके अनुकूलें। देखि हँसत किलकत मनमोहन देहदशा तब भूलें ॥२॥ बदन चारु पर छूटि अलक रहीं देखी मिटत उर सुलें। अंबुजपर मानहुँ अलि छोनाँ घिरि आये बहु टूलें ॥३॥ दसन दोऊ उघरत जब हरिके कहा कहूँ समतूलें । नंददास घन में ज्यों दामिनी चमकि डुरत कछु खूलें ॥४॥

Palna Ke

Part1-096

Ramkali