Jasoda tere bhaagiki kahee naan jaaee . joe moorati brahmaadik

जसोदा तेरे भागिकी कही न जाई । जो मूरति ब्रह्मादिक दुर्लभ सो प्रगटे हैं आई ॥१॥ शिव नारद सनकादिक महामुनि मिलिवे करत उपाय । ते नैंदलाल धूरि धूसर वषु रहत कंठ लपटाय ॥२॥ रतन जदित पौढ़ाय पालनें बदन देखि मुसिकाय । झूलौ मेरे लाल जाऊँ बलिहारी परमानंद जस गाय. ॥३॥

Palna Ke

Part1-099

Bilawal

Jasumati sutkau palana jhulaavai | parasi chibuk moodu bachan

जसुमति सुतकौ पलना झुलावै | परसि चिबुक मूदु बचन बुलावै ॥१॥ मोसों ललन कही मेरी मैया । ऊँचे टेरि बुलावी गैया ॥२॥ बोलि सुनावी तोतरी बतियाँ | शीतल करो लाल मोरी छतियाँ ॥३॥ बोलि लेहु बाबा कहि ताते । भैया कहि रामहिं मुसिकाते ॥४॥ बचन सुनन ब्रज युवती ठाड़ी । तोसें सहज प्रीति अति बाढ़ी ॥५॥ ऊँचे सुर मधुरे किन गावौ। बाजत नूपुर शब्द सुनावी ॥६॥ हँसत जाय ढिंग चुटकी बजावै । करिकरि कंठ गुलगुली हँसावै ॥७॥ देखौ मेरे सुत हों फिरकी फिराऊँ । झुनझुना ले कर नीके बजाऊँ ॥८॥ कबहुँरू दरपन कर लै दिखावै । अँगुरी गहि यह कौन कहावै ॥९॥ हँसत बदन लखि लेति बलैया । जिन लागौ लालै दीठि भेरि दैया ॥१०॥ कबहुँक दृग मींड़त दोऊ करसों । पोंछति जननी छोर अँचरसों ॥११॥ कबहुँक कर लै अँगूठा चूसें | ब्रजजनकी तन मन थन मूसे ॥१२॥ कर पोहोंची फुंदना मुख मेलें | बदन जुूंभाय मुग्ध ज्यों खेलें ॥१३॥ चरन कमल दोऊ कर कर धरे | ध्वनि सुनि श्वन मन हरे ॥१४॥ करवट लेत किंकिनी बाजै । श्रवन सुनत कोकिल मन लाजै ॥१५॥ लाल तेरे मित्र बुलावन आये । तिनके संग खेली मन भाये ॥१६॥ तेरे ढिंग धरी मेवा मिठाई | मुखमें मेलौ जो मन भाई ॥१७॥ बैठि सबनमें तोहि सिंगारों । भूषन बसन विविध तन धारों ॥१८॥ भरी तबकड़ी धरे खिलौना । खेलों हँसी मेरे श्याम सलौना ॥१९॥ लाल तेरे पलनाकी पंचरंग डोरी | लटकत है फूँदनाकी जोरी ॥२०॥ विविध कुसुमकी बंदन माला । बाँधीहैं तेरे पलना लाला ॥२१॥ ऊपर उडैंक्यौ पटोरो पीरो । पलना जड़ंयो रतन नग हीरो ॥२२॥ गोरोचनकौ तिलक संभारों | बिच मुक्ताफल बिंदु सुधारों ॥२३॥ भोंह निकट मसि बिंदुका सोहै | डीठि न लगै दई मन मोहै ॥२४॥ दि मंथू नवनीत निकारों । मुखमें मेलि अपनपौ बारों ॥२५॥ आवोौ गोद प्राननके प्यारे । आँगन बैठि खिलाऊँ ला रे ॥२६॥ छतियाँ लगावति चुंबत मुखकों। करत हेत जसुमति सब सुखकों ॥२७॥ जसोदा अपनो भाग्य सराहै । बालक लीला मन अवगाहै ॥२८॥ बोलौ कछु देखूं दोऊ दतियाँ | अबही तनक दूध उपजतियाँ ॥२९॥ लाल तेरी मुरली ढिंग राखी । उठो बलि जाऊँ बैन सुभाखी ॥३०॥ दूरि भयौ है ब्रज अँधियारी । श्याम सुंदर मेरी जग उजियारी ॥३१।। कब मेरी ढोटा पॉयन चलिहै । बलि संग लै बैरी दल मलि है ॥३२॥ इहि विधि कहति जननी ब्रजरानी | रसिक प्रीतम बोले मूदुबानी ॥३ ३॥

Palna Ke

Part1-099

Bilawal

Jhulau paalnen balijaay maay vrajke ujiyaare | abahi dii

झुलौ पालनें बलिजाय माय व्रजके उजियारे | अबही दि मंथू आनि देहुँगी नवनीत पाणि काहेकीं आर करत कान्ह कुंवर बारे ॥१॥ तुमती अति सुभग रूप नख शिख सुंदर स्वरूप मेरे ब्रज भूपसों अब कौन कहै कारे। फेरों चकडोर बंगी फिरकनी नवरंग चंगी झूमरि मनि मानिक खबित भोंरा रतनारे ॥२॥

Palna Ke

Part1-099

Bilawal

Yashoda hari paalnen jhulaavai | hulraavai hulrai malhaavai joee

यशोदा हरि पालनें झुलावै | हुलरावै हुलराई मल्हावै जोई सोई कछु गबै ॥१॥ मेरे लालकों आऊ नींदरियां काहे न आई सुवाबै । तू काहे न वेगि सौं आवै तोकों कान्ह बुलावै ॥२॥ कबहुँ पलक हरि मूँदि लेतहें कबहूँ अधर फरकावै । सोवत जानि मौन छैकें रहे करिकरिं सैन बतावै ॥३॥ इहि अंतर अकुलाई उठे हरि जसुमति मधुर हलावै। जो सुख सूर अमर मुनि दुर्लभ सो नित जसुमति पावे ॥४॥

Palna Ke

Part1-100

Bilawal

Halrau hulawat maiya hallery merey baare kanhaiya halrau . houn

हालरौ हुलावत मैया हालरी मेरे बारे कन्हैया हालरौ । हों बारी या बदन इंदुकी आछौ आछौ अलसानरौ ॥१॥ मेरे माई कमल नयन पर कपट किये आई होई । बाल गोविंद बेग तुरतही बकी बिगोई ॥२॥ सुनी देवता देख. पावन अति तू पति है याकुलकौ"। पुनि पूजी है देवकुल तो कुँवरि देहे मो बलकौ ॥३॥ यह सुख सूरदास इन नैनन दिशा दश डुनो होई । दुतियाकौ शशि ज्यों बढ़े शिशु निरख ज॑ंन निज सोई ॥४॥

Palna Ke

Part1-101

Bilawal

Ratankhachit kanchankau palana taamadhi jhoolat giridharlal .

रतनखचित कंचनकौ पलना तामधि झूलत गिरिधरलाल । जसुमति हरखी झुलावती गावती सुंदर गुण दे दे करताल ॥१॥ करी गुलगुली हँसावत हरिकों कबहुँक मुखसो चुँमती गाल । कुंभनदास किलकत नंदरानी अँगुरी गहीकैं सिखावत चाल ॥२॥

Palna Ke

Part1-101

Bilawal

Jasoda atee harkhit guna gaavai . madangopal jhulat hain

जसोदा अति हरखित गुण गावै । मदनगोपाल झुलत हैं पलना आपुन बैठि झुलावै ॥१॥ शिव विरंची जाकों नहिं पावत ताकों लाड़ लड़ावै । भाँत भाँतके सुरंग खिलोना श्याम सुँदरकों खिलावै ॥२॥ माखन मिश्री और मलाई ऑँगुरिन करिकें चखावै | छीत स्वामी गिरिधरन श्रीविदल रुचि करी सो पावै ॥३॥

Palna Ke

Part1-101

Bilawal

Palana jhoolat balgopal . gaadi baithi jhulaavat jasumati

पलना झूलत बालगोपाल । गादी बैठि झुलावत जसुमति अति प्रफुलित देखत व्रजबाल ॥१॥ कबहुँक रोहिनी गोद लेइकें बोले हो हो बलिहारीलाल । कबहुँक कनियाँ लेत गोपिका झुनझुना फिर लावत ख्याल ॥२॥ यह सुख नंदभुवनकौ वैभव गुप्त प्रकट ततकाल | गुन सरूप सम दारकेस प्रभु परम तत्व जे जसोदाबाल ॥३॥

Palna Ke

Part1-101

Bilawal

Chhaand mathani mathanade pyaare giridharlal .. tum jhulo suta

छांड मथानी मथनदे प्यारे गिरिधरलाल ॥ तुम झुलो सुत पालने गाउं गीत रसाल ॥१॥ मोहन मथकहा जानहे शूठे करतहो आरि ॥ सिंधु मथननकी सुध भई तब हसेहें मुरारि ॥२॥ रवि प्रगट्यौ सुरभी दोहु मोहे तिहारी आस ॥. हठ छांडो भोजन करों बलिवलि माधोदास ॥३॥

Palna Ke

Part1-101

Bilawal

Jhoolat palana mahari suta curr liye navneet . nainan anjan

झूलत पलना महरि सुत कर लिये नवनीत । नैनन अंजन भ्रू मससिबिंदुका तन ओढ़ें पटपीत ॥१॥ बेनी देखि मंद हँसत हैं कछू कहत भयभीत । दे करतारी नचावत गोपी गावत मधुरे गीत ॥२॥ राई लौंन उतारत वारत होत जगत जयजीत । पूरन ब्रह्म गोकुलमें गोविंद रसना करो पुनीत ॥३॥ # राग आसावरी #& गिरिधरलाल पालनें झूलैं जसुमति आप झुलावै । देखि देखि मुख कमलनैनको बाल चरित्र यश गावै हो ॥१॥ कबहुँक सुरंग खिलोना ले लै नाना भांति खिलाबै । चुटकी दे दे लाड़ लड़यावै और कर ताल बजावबै॥२॥ पुत्र सनेह चुचात पयोधर आनंद उर न समावै । चिरजीवो नंदमहर दोऊ ढोटा सूरदास हुलराबै ॥३॥

Palna Ke

Part1-102

Aasawari

Rattan khachitkau ree palana hulrawati halaria daiy jhulaavati/

रतन खचितकौ री पलना हुलरावति हालरिया दै झुलावति/ बदन बिलोकत बारबार बलैया लेति जनम सुफल करि लेखति महरि मुदित मन अति सचुपावतिं ॥१॥ जगजीवन जायौ है जसोदा धन्य कूखि यों कहत गोपवधू मिलिं मंगल गावति । गिरिधरदास कल्यान नंदराय फूले फिरत आनंदित कछु सुधिहूं न आवति ॥२॥

Palna Ke

Part1-102

Aasawari

Merey laadile gopal paudhi paalane jhulaauun ..tech.. dadhiki

मेरे लाड़िले गोपाल पौढ़ी पालने झुलाऊँ ॥टेक॥ दधिकी भधथन बेर मेरे सैंग जागे । मैं मथन कियो तोलों रहे जानु लागे ॥१॥ जसुमति अतिही निकट हुलरावै । बाल विनोद प्रमुदित गावे ॥२॥ चौंकि चौंकि जननीकौ बदन निहारें | धाम काम जाय जिन बारबार संभारें ॥३॥ कहुँ न जाऊँ लाल तुमहिं हों लागी । जाहि जनें जग मैं भई हों बड़भागी ॥४॥ गोपकुल गायनको प्राण प्रतिषाल | सबको भावतौ मेरी सुलछिन लाल ॥५॥ नींद भरी स्वायवेकों माय अभिलाखै । उर क्षीर धारनकों रोक्ति रोकि राखै ॥६॥ महरि मुदित मन तृपति न पावै । मदनमोहन श्याम सुतहिं लड़ावै ॥७॥

Palna Ke

Part1-102

Aasawari