Curr pada gahi aungushtha mukh melat | prabhu paudhe paalnen akele

कर पद गहि अऑंगुष्ठा मुख मेलत | प्रभु पौढ़े पालनें अकेले हरि हँसि हँसि अपने रंग खेलत ॥१॥ मुनि भयभीत भयौं भुव कंपन बाढ्यौ बड़ सायर जल झेलत । बिडरि चले जग प्रलय जानिके दिगपति दिगदंतों न सँकेलत ॥३॥ शिव सकुचत बिधि बुद्धि विचारत शेष सहख्न शीशन पग पेलत । वब्रजकी नारि तौ मरम न जानत समझि सूर शकट पग ठेलत ॥३॥

Palna Ke

Part1-103

Aasawari

Myrie kamalnain shyamsunder jhoolat palana . balalila

माईरी कमलनैन श्यामसुंदर झूलत पलना । बाललीला गावत सब गोकुलकी ललना ॥१)| लालके अरूुन तरुन चरन कमल नखमनि शशि जोती । कुंचित कच भैँमराकृत लर लटकत गजमोती ॥२॥ लाल अँगूठा गहि कमल पान मेलत मुख माँहीं । अपनीं प्रतिबिंब देखि पुनिपुनि मुसिकाई ॥३॥ रानी जसुमतिके पुन्य पुंज बारबार लाले । परमानंद स्वामि गोपाल सुत सनेह पाले ॥४॥

Palna Ke

Part1-103

Aasawari

Maaee meethe hariju key bolna . paany painjani runjhun baajain

माई मीठे हरिजू के बोलना । पाँय पैंजनी रुनझुन बाजैं आँगन आँगन डोलना ॥१॥ काजर तिलक कंठ कठुला मनि पीतांबरकौ चोलना। परमानंददासकौ ठाकुर गोपी झुलावै झोलना ॥२॥

Palna Ke

Part1-103

Aasawari

Aisau palana jhoolat lalana tumsi maaee jhulaavai hoe | dekhat

ऐसौ पलना झूलत ललना तुमसी माई झुलावै हो | देखत बाबा आनंदरायसे जिन कोऊ डीठ लगावै ॥१॥ जब तुम अपनी गाय बुलावत श्रवन सुनत सोई धावै । जब मुख चूमि देत अस्तन मुख यह सुख कहत न आवै ॥२॥ तुमारे भागिन ओर जसुमति ऐसी सुतहि खिलावै | अरु अति भाग्य सकल गोपिनके जिनकी तपत बुझावे ॥३॥ लेत बलाय कुँवर बलिजूकी लोहोरौ वीर कहावै । श्रीविइ्ल गिरिधरनलालकों तुमसी मैया भावै ॥४॥

Palna Ke

Part1-103

Aasawari

Baari merey latkan pug dharau chhatiyaan | kamalnain balijaaun

बारि मेरे लटकन पग धरौ छतियाँ | कमलनैन बलिजाऊँ बदनकी शोभित नेंन्ही नेंन्ही द्ै दूधकी दतियाँ ॥१॥ यह मेरी यह तेरी यह बाबा नंदजूकी यह बलभद्र भैयाकी यह ताकी जो झुलावै तेरी पलना ॥ इहाँते चली खरखात पीवत जल परिहरों रुदन हँसी मेरे ललना ॥२॥ रुनुक झुनुक पग बाजत पैंजनियाँ अलवल कलबल बोलौ मूदुबनियाँ । परमानंद प्रभु त्रिभुवन ठाकुर जाय झुलावै बाबा नंदजूकी रनियाँ ॥३॥

Palna Ke

Part1-103

Aasawari

Vrajaraani hoe suta palana jhulaavati | nirakhi nirakhi phooli

व्रजरानी हो सुत पलना झुलावति | निरखि निरखि फूली गुण गावति ॥१॥ कबहुँक कर लै झुनझुना बजावति । बारबार लै फिरकी फिरावति ॥२॥ चुंबति मुख मन मोद बढ़ावति । कब्हुँक स्तन पान करावति ॥३॥ चाहि रहत चित अचरज लावति । सुत सुखकौं कुल देव मनावति ॥४॥ कबहुँक दुहुँकर पकरि नचावति | सुख समूह सब दुख बिसरावति ॥५॥ गोद लियें सुत बाहिर आवति । ब्रज जुबतिनकीं खेल दिखावति ॥६॥ सुत उछंग लै चंद्र बतावति | मधुर वचन कहि बोल सिखावति ॥७॥ बड़भागिनि व्रजरानी कहावति | रसिक सदा यह लीला भावति ॥८॥

Palna Ke

Part1-104

Aasawari

Vraj sukh tum vizasat vrajaraani . kamalnainkaun palana

ब्रज सुख तुम विज़सत व्रजरानी । कमलनैनकौं पलना झुलानी ॥१॥ नैन निरखि अँसुवनकी धारा । सब तन पुलकि प्रस्वेद अपारा ॥२॥ देखिदेखि अचरज मन आने । यह सपनो केथों साँचहि जाने ॥३॥ अपने धर्म की करैं बड़ाई । मोहि बुढ्यांत महा निधि पाई॥४॥ धन्य धन्य मोहि यों लीये | मोहि विधाता यह सुत दिये ॥५॥ अपने ललनकों धरि हों राखौं | काहु न देंहुँ कछू नहीं भाखों ॥६॥ होय बड़ौ यह रणजीतेगौ। तब अपनीौ करे ब्रज चीतेगी ॥७॥ कब्हुँक कहै अनेक कहानी । हँसत ललन मुख लखि न अघानी ॥८॥ बारबार कर अंचल फेरै | पलकनी बिछुरन मुख हेरे ॥९॥ कबहुँक ले सुत उठि करि नाथै । लट गोबिंद कर गही खांचे ॥१०॥ ब्रज जुबतिन में ठाडी फूल | सुनत बड़ाई त्रिभुवन भूलै.॥११॥ रसिक प्रीतमकी लीला गावै । मन शुद्ध होई महा सुख पावै.॥१२॥

Palna Ke

Part1-104

Aasawari

Jhoolau jhoolauhon palana . jinn curry aari aisee hansau mero

झूलौ झूलौहों पलना । जिन करी आरि ऐसी हँसौ मेरो ललना ॥१॥ तुमकूँ और मँँगाऊँ खिलौना । काहेकौं हटी खेलौ मेरे छौना ॥३॥ हों ढिंग बैठि तुमहिं झुलाऊँ | गीत नये नये तोहि सुनाऊँ॥३॥ देखि लटकें ऊपरके फूँदना | दोऊ कर हरषि गहत नेंदनंदना ॥४॥ तेरे चरनके नूपूर बाजैं | श्रवन सुतन षटपद ज्यों गाज"ं ॥५॥| सदमाखन तेरे कर दैहों । मुखमें मेलि बलैयों लेहों ॥६॥ क्‍यों रोवै मेंरे बहौत दुःखनकौ । मोकों दायक सकल सुखनकौ ॥७॥ हुलरावति सुतको नैंदरानी | रसिक सनेह भरी मृदुबानि. ॥८॥

Palna Ke

Part1-104

Aasawari

Baari baari vrajraj kunwar jhuli hoe palana ! chhodi kinn

बारी बारी ब्रजराज कुँवर झुली हो पलना ! छोडी किन आरि ऐसी मेरे ललना ॥१॥ देखौ देखो ब्रज जुवतीजन ठाड़ी मुख देखें । नैन खोलि मधुर बोलि जन्म करौ लेखें ॥२॥ हाहा हरि नैंक रहौ बिनवत तेरे तात। तन छीजै न रोस कीजै काहे न मुसिक्यात ॥३॥ मेरौ जिन टारो कहो तिहारी हों मात । चाहें सोई माँगि लै हो मनकी कहि बात ॥४॥ अँसुवा भरे द्रगन हँसे आई गरें लागे । रसिकप्रीतम करुनाकर जननी प्रेंमपागे ॥५॥

Palna Ke

Part1-104

Aasawari

Dekho jhoolat palana kanhai | baalroop curry baal bhaav dhari

देखो झूलत पलना कन्हाई | बालरूप करि बाल भाव धरि जननीके सुखदाई ॥१॥ कोमल अरुन चरन युग सोहें दश नखकी अरुनाई। मानों भक्त अनुराग एकके दश विधि दैंई दिखाई ॥२॥ बारबार जब चरन उचावत नूपुर बाजत पाई । मानों भक्तजन अति आनंदित उठत उमड़े रस गाई ॥३॥ कटि किकिनी बिराजत अतिशय लटकत फुँदना श्याम । मदन भुजंग सीस पर शोभित लसत नीलमणि दाम ॥४॥ पीतांबर ढॉकत अंग जननी चरनन देत उड़ाई । मानों नील घनमें दामिनी बिच बिच प्रगट लखाई ॥५॥ कर अँगुरी मुदरी दशराजें नख चंद्रनके पास | मानों मणिधर पीयन चले हैं सुधा भहा रस आस ॥३॥ दुहुँकर पोहोंची रतन जटित नग ता ढिंग फुँदना लटके। मानों अलिकुल सबै एक कै चलत द्वारमें अटके ॥७॥ बाजूबंद जरे नग हीरा उठत अनूपम जोती । मानों श्याम रस महासिंधुतें सुधा प्रकटसी होती ॥८॥ कंठाभरण खच्यौ रतननसों हरिके कंठ लग्यौ | मानों गह्मयौ आसरोौ उरमें बघना देखि भग्यो ॥९॥ उर सोहे मोहे सबकौ मन बघना दुहुँदिश बॉँक । ज्यों श्री उकसि नसके डरपि ब्रज ओर कौन है रॉक ॥१०॥ तारठिंग पदिक बिराजे अदभुत मुक्ता । रतन जरबौ मानों हृदयमें ही जुबतिन को सुध अनुराग धरयौ ॥११॥ चिबुक बिराजत बदन चंदमें उपमा एक खरी । अधरबिबते दशन लगत मानों ले एक बुंदपरी ॥१२॥ कहाकहूँ अधरनकी शोभा बरनी न जाय अपार । मानों कमलतें उदै होत रवि चुंबत कुसुम रससार ॥१३॥ नासा मुक्ता भूषन सोहत मधि सोहै लाल । मानों दुहुँनके द्ै मन बिच सोहै अनुराग विशाल ॥१४॥ श्रवनन मकराकृत दोऊ कुंडल झलकें ललित कपोल । मानों लावन्य सरसिमें मिलि दोऊ मकर करत कल्लोल ॥१५॥ बदन कमल अलकावलि राजै उपमा अद्भुत एक । जोरि पॉँति सुर मानों बैठे पीवन अमृत अनेक ॥१६॥ मलयज तिलक चित्र मृगमदकौ ता मधि मुक्ता बिंदु | बदन चंद्र लखि भाज्यो उड़ुपति मनु गठमें धसि रहो इंदु ॥१७॥ लटकन भाल सीसते भूषन अति राजत है बोर । मानों केस सिंधुते आयो मगन भये रवि भोर ॥१८॥ बेंनी गुही कुसुम आभूषन राजत हरिकी पीठि | मानों सिढ़ी सँभारी मनमथ चढ़न युवतीजन दीठि ॥१९॥ ऐसौो रूप विलोकत काकौ धीरज तबै रहै । व्रजजुबती सबहिनके देखत हरि कर आनि गहै ॥२०॥ जसुमतिके मन बालिक जुवतिनकीं मनमथ रूप धरे । अचरज रसिक बाललीलामें लीला और करे ॥२१॥

Palna Ke

Part1-105

Aasawari

Divya kanikako paalnau raani lalakon jhulaavai. nain nirakhi

दिव्य कनिकको पालनौ रानी लालकों झुलावै। नैन निरखि मन विहँसत पुलकित बालविनोदहि गावै ॥|१॥ लटकन कीर लगे मुक्ताफल हँसत निरखिकें चरन चलावै | पचरंग पाटके फोंदना नीके कर गहि मुख तन लावै ॥२॥ सुरंग हिंडोरा परम मनोहर बहु विधि सुत्तहिं खिलावै | जननी कर लखि मुकर मुद्रिका मुख प्रतिबिंब बतावै ॥३॥ अति सुख महरि मुदित नहिं समुझत कनियाँ लै हुलरावै । मेरे प्रान जीवन ब्रज बल्‍लभ कहिकहि लाड़ लड़यावै ॥४॥

Palna Ke

Part1-105

Aasawari

Maat jasoda dadmon bilovai pramudit baal gopal yash gaavai. .

मात जसोदा दद्मों बिलोवै प्रमुदित बाल गोपाल यश गावै। . मंदमंद अँबर घनघारे रई घमरके लावै ॥१॥ नूपुर कंकन छुद्रघंटिका रजु आकरखत बाजै । मिश्रित ध्वनि उपजत तिहिं औसर देखि सचीपति लाजै ॥२॥ मंगलघोष सदा कुतूहल अजन जन्म हरि लीनौ | नंद जसोदाकौ सुकृत फल वपु दिखाय सुख दीनों ॥३॥ शिव विरंचि जाके पद वंदत्त सो गोकुलके वासी । परमानंददासकौ ठाकुर पलना झूले सुखरासी ॥४॥

Palna Ke

Part1-106

Aasawari