Houn balihari merey lalana | khelan jinn doori jaahu trinaavart

हों बलिहारी मेरे ललना | खेलन जिन दूरि जाहु तृणावर्त दलना ॥१॥ बलराम संग अँगुरी गहि सीखौ बलि चलना । जीवन घनश्याम सुंदर कंस मारि मलना ॥२॥ त्रिभुवन जाके तीन पाय वामन बलि छलना । सोई प्रभु रघुनाथ दास झूलत ब्रज पलना ॥३॥

Palna Ke

Part1-107

Aasawari

Priya navneet paalnen jhoolen srivitthalnath jhulaavain hoe. kabahunk

प्रिय नवनीत पालनें झूलें श्रीविद्ठननाथ झुलावैं हो। कबहुँक आप संग मिल झूलें कबहुँक उतरि झुलावैं हो ॥१॥ कबहुँक सुरंग खिलौना ले ले नाना भाँति खिलावैं | चकरी बंकी फिरकनी लहेंटू झुन झुन हाथ बजावें ॥२॥ भोजन करत थार एक झारी दोऊ मिलि खाय खबावें । गुप्त महा रस प्रकट जनावें प्रीति नई उपजावें ॥३॥ धनिं धनि भाग्य दास निज जनके जो यह दर्शन पावें । छीतस्वामी गिरिधरन श्रीविद्ृन निगम एक करि गावें ॥४॥

Palna Ke

Part1-107

Aasawari

Suni ray badhaiya vegi daiho joe chaahe sou lehu | palana nandju

सुनि रे बढईया वेगि दैहो जो चाहे सो लेहु | पलना नंदजू के लालको सब छांडि मोहि गढि देहु ॥ रंगीला हो पलना ॥१॥ विश्वकर्मा रच्यो बैठि नंदजूके द्वार ॥ घोष लोग मनभावतों मिलि मंगल गावें नार ॥ रंगीलो हो पलना |॥२॥ चून्यो किर्मची पाटसो चतुर चोकरी ल्‍्याई | चितवत ही चिंता हरे ताको सुर नर मुनि जस गाई ॥ रंगीलो हो पलना ॥३॥ चंदनको पलना गढ्यो रे मनि अनूप मिलाई । तापर फूल जरायके ताकी सोभा बरनि न जाई ॥ रंगीलों हो पलना ॥४॥ सेत बिछौना अति बन्यो हो मनु हु दुग्धको फेनु । नील रत्नमनि सांवरो बीच बैठी लग्यो सुख देनु ॥ रंगीलो हो पलना ॥५॥ पलना पै ललना रहे हो गोप वधु चहुं ओर | एकनिके कर बिजना एक ढारत पवन झकोर ॥ रंगीलो हो पलना ॥६॥ लाल झुलाये पालने हो पहिराये सब ग्वार । ब्राह्मम भाट सुहागिनि मिलि पूज्यों सब परिवार रंगीलों हो पलना ॥७॥ पहिराये पूजा करी हो बीरा दीने हात । देत असीस आनंदसों सुख निरखी जसोदा मात ॥ रंगीलो हो पलना ॥<८॥ हरि प्रगटे पलना गठ्यौ हो बढ्यौ नंदजू को नाम । जिन जायो एसो सुखनिधि तामें उदयो गोकुल गाम ॥ रंगीलो हो पलना ॥९॥ काम धाम सब छांडिके गई कुँवर के पास । आनंद मगन फूली फिरे बलि जाय “गदाधर दास” रंगीलो हो पलना ॥१०॥

Palna Ke

Part1-107

Aasawari

Jhulaabai sutakon mahari palana karaliye navneet | nainan anjan

झुलाबै सुतकों महरि पलना करलिये नवनीत | नैनन अंजन गाल मिसी बिंदुका तन ओढ़े पटपीत ॥|१॥ बेन देखत मंद हसत है कबहुँ होत भयभीत । दे करतार नचावत गोपी गावत मधुरे गीत ॥२॥ राई लौन उतारति वारतिहै होत सकल अँगप्रीत । पूरन ब्रह्म गोकुलमें झूलैं परमानंद पुनीत ॥३॥ # राग आसावरी & कनक रत्नमय पालनौ हो गढ़यो रमार सूत्रधार | विविध खिलौना भातिकेहों गजमुक्ताके हार ॥१॥ सुभगपालनें बैठिके झूलत है नंदबाल | मात सुक़ृत देखिके कौतुक कहि व्रजबाल ॥२॥ जननी उबट न्हववाय के अत्तिक्रसों लिए गोद । पौढ़ाए पल पालने शिशु निरखि निरखि मनमोद ॥३॥ अति कोमल दिनसातके अधर चरनकर लाल । सूरश्याम छबि अरुणता निरखि हरखि व्रजवाल ॥४॥

Palna Ke

Part1-108

Aasawari

Divya kanikakau banyau paalnau jhooltahai lalana . phoolanke

दिव्य कनिककौ बन्यौ पालनौ झूलतहै ललना । फूलनके फौंदना दीने हैं लटकाय मनोहर पलना ॥१॥ जसुमति हरख झुलावतही नंदराय मन मगना । परम हुलास भयौ गोपिन मन निरख सुरपुर पुष्प बरसना ॥२॥ फूलनके खंभ फूलनकी डॉड़ी फूलन तब आतन सूरदास यह छबि निरखतही वारत हैं फूले मुक्तामन ॥३॥

Palna Ke

Part1-108

Aasawari

Param manohar banyau haye palana jhoolat haye nandlal . jasumati

परम मनोहर बन्यौ है पलना झूलत है नंदलाल । जसुमति माय झुलाय हरखसों निरख हँसत ब्रजबाल ॥१॥ फूल पलना मध्य झूलत ललना झूलत परम रसाल । कृष्णदास प्रभुकी छबि निरखत वारत मुक्तामाल ॥२॥

Palna Ke

Part1-108

Aasawari

Palana pai paudhe hari jhoolat charan aangootha mukh raakhe . maanon

पलना पै पौढ़े हरि झूलत चरन आँगूठा मुख राखे । मानों की सुरसरि मधुर जानि जग आई मधुरकौ रस चाखे ॥१॥ किधों अनल सुत भक्तिरस स्वादनकों वेणु द्वारा अमृतरस बरखे । किधों अनल सुत नरभावनकों चरणोदक दे आ करखे ॥२॥ किधीं ब्रह्मादिक बिभ्रमकारने के बिधु कंज मिलापकरे । द्वारशेश बली मुग्धभाव लखि नैन निमीलत अंकभरे ॥३॥

Palna Ke

Part1-108

Aasawari

Totre bachan jasodaji boley kanakaun hularaaungi . apane

तोतरे बचन जसोदाजी बोले कानाकौं हुलराऊँगी । अपने लालकौ ब्याह करूँगी राधा दुलहनी लाऊँगी ॥१॥ गौतम गरग ऋषि सुरकौ कुल दुरबासाकों बुलाऊँगी । श्री गिरिधर गोविंदकौ सेवक तापै जोग पुछाऊँगी ॥२॥ लाड़कोट करि हों अपने कीं मन अभिलाख पुराऊँगी । जोड़ी जुगल मनोहर देखों तादिन मंगल गाऊँगी ॥३॥ बहुत बधाई देहु बधैयन सबहीकीौं पहिराऊँगी । नंदरायकौं कुल सबहीकौं चंदनसों चरचाऊंगी ॥४॥ नादवेद सुतसुख सबहीकों आनंदसो उपजाऊँगी। जनभगवान जसोदा भाखे संतनकों सुख धाऊँगी ॥५॥

Palna Ke

Part1-108

Aasawari

Phooli phuli firat yashoda maiya . phoole nand jhulaavat lalana

फूली फुली फिरत यशोदा मैया । फूले नंद झुलावत ललना मनही मन हुलसैया ॥१॥ सुनत गोपिका यह आनंद चली बेग उठि थैया । नंदराय आँगन मधि आई गावत है जु बबैया ॥२॥ फूलनकौ अति बन्यौ पालनौ झुलावत जसोमति मैया ॥ कृष्णदास यह छबि निरखतही परम हुलास भयी मन मैया ॥३॥

Palna Ke

Part1-109

Aasawari

Arrie merrie maaee laraauun hularaaoon haal ree . aggar chandankau

अरी मेरी माई लराऊँ हुलराऊँ हाल री । अगर चंदनकौ पालना घड़ायौ बिच बिच हीरा मोत्ती लाल री ॥१॥ सखी सहेली मंगल गा4ें बाँधो बंदनवार री । क्ृष्णणीवन लछीरामके प्रभु माई वारोंगी मोतिन माल री ॥२॥

Chandan ke Palna

Part1-109

Devgandhar

Chakshushrava priyakin palana lalana tihi maanjh jhulaavat hain .

चक्षुश्रवा प्रियकीं पलना ललना तिहि माँझ झुलावत हैं । युवती मुख पंकज बंक चितै मिलिकें क्षितिकौ सुत गांवत हैं ॥१॥ ब्रजराज त्रिया कर डोरि गहे हरुबै हरुबै हुलरावत है । दास गोपाल सबै व्रजभामिनि मिलि ऐसेंहिं लाल लड़यावत हैं ॥२॥

Chandan ke Palna

Part1-109

Aasawari

Palanon atee param sunder gadhi laaure biir badhaiya. sheetal chandan

पालनों अति परम सुंदर गढ़ि लाऔरे बीर बढैया। शीतल चंदन कटाय धरि खराद रैंग लगाय पचरँंग रेसम मेंगाय विविध चोकरि बुनाय बिचविच हीरामोती लाल लगैया ॥१॥ पालनौ आन्योौ अति मन मान्यो आछोसौ दिन धराय रोप्यौ है रंग महल थूलै मेरी बारी कन्हैया | जनहरिया प्रभुकी मैया नैंदरानी जोई माँगे ताहि देत बधैया ॥२॥

Chandan ke Palna

Part1-109

Todi