Dhanya gokul dhanya jasumati dhanya mahar shirmaur . jinn

धन्य गोकुल धन्य जसुमति धन्य महर शिरमौर । जिन जायौ सुत सामरो निश प्रगट भयो मानों भोर । जगत तिमिर हर नंदलला ॥१॥ गृहगृहतें गोपी चलीं मित्रि गावत मंगलचार । अरुन वरन बड़ लोचनी मानों शशि अंबुज अनुहार । गोकुल मंडन नंदलला ॥२॥ देत दान द्विज बोलिकें आँगन मॉँगन भई भीर । सागरहूसे नंदराय मनों उमगि चल्यौ तजि तीर । तात मुदित कर नंदलला ॥३॥ अगर चंदनकौ पालनों गठि लायौ बडढ़ैया विचित्त । मानों बिमान विधिना रच्यो बुधि आपुनही हरि हित्त । विधि बुधि दायक नंदलला॥४॥॥ हाटिक जटित फाटिक मणिमुकता विद्वुम रत्न बहु भाँति | मनु मंडल विधु भान मंद भूगु भौम जीव बुध पाँति । क्रांति कोटि रवि नंदलला ॥५॥ सुभग खिलौना पालनें रंग नील़ पीत अरू लाल। अति अद्भुत शोभा भई मानों विविध विविध खग माल । शोभा सागर नंदलला ॥६। मूरति बाँध्यौ पालनें वर झुलावति है ब्रजनारि | निरखि लाल भई पूतरी मानों चित्रलिखी जो चितारि | नैन सुफल सुख नंदलला ॥७॥ नखशिखलों अंगअंग रूप छबि को कहि सके बनाई । मानों काम तजि धामकूँ रह्यौहै मैन मुरझ्ाई । काम कोटि छबि नंदलला ॥८| चुंचकारत हँसि जमुमति अरु गोद सुतनकों लेत । भुजगोरे मानों दामिनी घन परसि परम छबि देत ! जननी जीवन नंदलला ॥९॥ मुक्तावलि उरराजही हरि लपटि कंठ मुसिकाई । मानों शुभ औसर इंद्र के सुनि नाचत उरवशी गाई । सदन सुहावन नंदलला ॥१०॥ धरिं कपट तन पूतना आई सलज सलौन । मानों सिंघ घर पाहुनों ज्यों आयो मृगकौ छौन । जानि शिरोमनि नंदलला ॥११॥ तनकतनक सुत गोपके मिलि खेलत शुभउच्चार । कनिकसौ आँगन नंदकौ धुनि मानों न्गिम चटसार । श्रुति सुखदायक नंदलला ॥१२॥ अष्टसिद्धि ठाड़ी रहें अरू नवविधि नंद दुवार । खट ऋतु रहीं कर जोरिकें मानों अनुचर श्रीअनुहार | सकल सुखन सुख नंदलला ॥१३॥ शिव विरंचि जानें नहीं मद कीनों हरिसों रोस | मानों कमक कसौटी कीयौ भये दोऊ अमल उद्योस । देत अभय पद नंदलला ॥१४॥ सुनें सुनावै पालनों . जो गावै यह सुखरास । शंभु शेष शुक शारदा कहें ता जनकों ब्रजबास । व्रज के मंगल नंदलला ॥१५॥ मेघबूँद तारागिनें कोऊ लहरें निधिवार । रामदास कवि को कहै गिरिधर गुन अगम अपार । रामदास प्रभु नंदलला ॥१६॥

Phool ke Palna

Part1-110

Aasawari

Palana jhooltahai nandlal . foolanason rachi rachihin banaayo

पलना झूलतहै नंदलाल । फूलनसों रचि रचिहिं बनायो अति सुंदर ब्रजबाल ॥१॥ करग्रही डोर झूलावत रानी फूली अंग न माई ॥ सुघरराय प्रभुकी छबि निरखत ब्रजजन लेत बलाई ॥२॥

Phool ke Palna

Part1-111

Aasawari

Lalit tribhang laadilo lalana . vrindavan gahwar nikunjamen

ललित त्रिभंग लाड़िलो ललना । वृंदावन गहवर निकुंजमें . युवतिन भुज झूलतहै पलना ॥१॥ भामिनी सुरत राधा सुखसागर चितवन चारु बिरह दुध्ख दलना । यमुना तट अशोक वीधिनमें कामिनी कंध बाहुधर चलना ॥२॥ नूपुर क्वणित चरण अंबुजपर मुखरिति किंकिणी शोभित चलना। कृष्णदास प्रभु नखशिख मोहन गिरिधरलाल प्रेम रस खिलना ॥३॥

Phool ke Palna

Part1-111

Aasawari

Palana phool bharyau nandrani | taa madhiya jhoolat chhagan

पलना फूल भर्यौ नंदरानी | ता मधिय झूलत छगन मगनवा निरखत नैन सिरानी ॥१॥ नानाबिधके खिलोना लै ले खिलावत मूदु मुसिकानी । रसिक प्रीतम झूलत मन फूलत किलकत ब्रज सुखदानी ॥२॥

Phool ke Palna

Part1-111

Aasawari

Jasoda maiya lalakon jhulaavai. aaen baare kaanhakin hulraavai.

जसोदा मैया लालकों झुलावै। आएं बारे कान्हकीं हुलरावै। कनियाँ कनियाँ अईयाँ अईयाँ यों कहि लाड़ लडावै । ह॒लुलुलु हलुलुलु हैं हो हाँ हाँ कहि कै गोद लियें खिलावै ॥१॥ दोऊ कर पकर जसोदा रानी ठुमकी पाँय धरावे । घननन घननन घुँघरुबाजें, झाँझरियाँ झ्मकावै ॥२॥ सूरदास मदनमोहनकों याही भाँति रिझ्ावै । म॑ म॑ म॑ म॑ पप्‌ पप्‌ पप्‌ पप्‌ चच चचू चचू चचु ततू ता थेई यह बिधी लाड़ लड़ावै ॥३॥

Phool ke Palna

Part1-111

Aasawari

Palana phoolan goondh banaayau .. jaati joohi chameli champa

पलना फूलन गूँध बनायौ ॥ जाती जूही चमेली चंपा कनेर सुरंग सुहायौ ॥१॥ राईवेल गुलतुर्रा सोहत बीच फोंदना लै लटकायौ॥ लेकर गोद श्याम सुंदरकों जसुमति पलनामें बैठायी ॥२॥ गोदी लियें हुलरावत गावत तन मन अति आनंद बढ़ायौ ॥ रसिक प्रीतमकी बानिक निरखत व्रज जन निरख निरख सुख पायोौ ॥३॥

Phool ke Palna

Part1-112

Aasawari

Lalit laal russ palana jhulaauun. hriday kamalki patali dharaken

ललित लाल रस पलना झुलाऊँ। हृदय कमलकी पटली धरकें मन झौंटा दे लाड़ लड़ाऊँ ॥१॥ नैन कमल शुभ बदन विलोकत मुख पंकज गुनगान सुनाऊँ । चरनकमल नूपुर धुनि लैकें हावभाव निरतन उपजाऊँ ॥२॥ यह बिधि अपने प्राण पियाकूँ मनसिज सुख मन मोद बढाऊँ | उभयभाव उर अंतर लैके सरसरंग रस सुख बरसाऊँ ॥३॥

Phool ke Palna

Part1-112

Aasawari

Jhoolau hoe laadale lalana .. phooli jasomati chaav jhoolavat

झूलौ हो लाड़ले ललना ॥ फूली जसोमती चाव झूलावत फूलन मध्य पलना ॥१॥ सुरपुर निरखि देव आनंदित वर्षावत बहु पुष्पना ॥ कृष्णदास प्रभुकी छबि निरखत वारत तनमन धना ॥२॥

Phool ke Palna

Part1-112

Aasawari

Phoolankau palana jhoolat lalana harakh jasomati jhulaaven hoe.

फूलनकौ पलना झूलत ललना हरख जसोमति झुलावें हो। गहत डोर कर पाटकी मन प्रभु अति हुलसावें हो ॥१॥ बहु विधि विविध खीलोना ले लै गाय बजाय हूलसावें हो ||२॥ नंद हरख मनभयी निरख सुख गोपीजन मंगल गावें हो । रस यह देख देव हरखत भये सूर चरित जस गावें हो ॥३॥

Phool ke Palna

Part1-112

Aasawari

Vividh phool palana rachyo .. hoe nandalalana .. janani

विविध फूल पलना रच्यो ॥ हो नंदललना ॥ जननी हरखे झुलाई ॥ हो नंद ॥१॥ फूलन खंभ सोहावने ॥हो नंद.॥ फूल मयार बनाय ॥ झूलत फूलही हो नंदललना ॥२॥ झूमर फूलनकी बनी ॥हो नंद.॥ फूलन झूमका कराय ॥ झूलत हो नंद.॥३॥ फूलन लटकन लटक रही ॥हो नंद.॥ फूलनबेनी भराय ॥झूलत.हो नंद.॥४॥ बाजत मृदंग मोर जू ॥हो नंद.॥ गावत गीत रसाल ॥झूलत.हो नंद.॥५॥ “व्रजभूखन” प्रभु रसिक कुंवर ॥हो नंद.॥ दासनके प्रतिपाल ॥ झूलत. हो नंद. ॥६॥

Phool ke Palna

Part1-112

Aasawari

Aaj falan bharthau palana falan bharthau palana jhoom rahee

आज फलन भरथौ पलना फलन भरथौ पलना झूम रही जता चहुँ ओर आज फलन भस्बौ पलना ॥टेका। बैठि रानी जसोदा झुलावे रानी ललना खिलावे रानी पलना झुलावे ॥ झुक झूले श्री बालकृष्णलाल आज फलन भर्तबौ ॥१॥ शिश पाग चंद्रिका सोहै चंद्रिका सोहे लट लटकन तिलक सुभाल आज फलन भस्थौ ॥२॥ शिशफूल करनफूल झलकै करनफूल झलकै नासा मोती सिरपेच आज फलन भर्बौ ॥३॥ श्री कंठ धुकधकी माला सोहै धुकधकी माला सोहै हीराहार हमेल आज फलन भस्यौ ॥४॥ गुंजामाल कमल वनमाला कमल वनमाला चोटी मुदरी रसाल आज फलन भस्बौ ॥५॥ श्री विद्लनाथ संग मिलि खेले संग मिलि खेले 'निजजन” को समाज आज फलन भरयौ ॥६॥

Phool ke Palna

Part1-113

Aasawari

Apane lalke yun gaauun . tum jhoolau houn harkhi jhulaau prem

अपने लालके युन गाऊं । तुम झूलौ हों हरखि झुलाऊ प्रेम कलोलन जाऊँ ।|१॥ नखशिख लौं सिंगार बनाऊँ भाल डिठौना लाऊँ ॥ कुलह सुरंग सिर पीत झगुलिया हरि नखशिखलों पहराऊँ ॥२॥ चकई भौंरा पाटके लटकन विविध खिलोंना खिलाऊँ । बार-बार पलनातैं लैकें स्तनपान कराऊँ ॥३॥ मधुमेवा माखन मिश्री लै प्यारें कों जु चटाऊँ । श्रीविट्रठल गिरिधरनलालकों देखि देखि सुख पारऊँ ॥४॥

Kulhe ke

Part1-113

Ramkali