Apane lalke guna gaaoongi . sunder rattan jatit palnaamein

अपने लालके गुन गाऊँगी । सुंदर रतन जटित पलनामें छगनमगनको झुलाऊँगी ॥१। लाल कुलहि पीत झगुली तन नाक नथुली पहराऊँगी । कंठ हसुली बघना कर पोहोंची कटि कोंधनी बनाऊँगी ॥२॥ रुनकझ़ुनक पैंजनी घुँघरू निरखि निरखि सुखपाऊंगी । लट गूथों उज्वल मोतिनसों मटकन भोंह बनाऊँगी ॥३॥ हुलसि हुलसि ले ले पलनातें कनिया गोद खिलाऊँगी । श्रीविदल गिरिधरनलाल को आँगन बैठि मल्हाऊँगी ॥४॥

Kulhe ke

Part1-113

Ramkali

Tum vrajaraanike laalaa | aho dadhi mathati suhai key laalaa

तुम व्रजरानीके लाला | अहो दधि मथति सुहाई के लाला ॥ध्रु.॥ दिव्य कनककौ पालनों लाल रतन जटित नगहीर । गजमोतिनके झूमिका लाल ऊपर दक्खिन चरे ॥१॥ घुटुरुवन चलत सुहावने लाल पग नूपुरकौ नाद । कटि किंकिनी रुनुझूनु करें लाल सुनत जननी अहलाद ॥२॥ आधे आधे बचन सुहावने लाल सुनत जननी मन मोद । मुख चुंबत स्तनपान दे लाल ले बैठारति गोद ॥३॥ कुल्हे सुरंग सिर ताफताकी लाल झगुली पीत सुदेश । कंठ बधना कर पोहोंचियाँ लाल शोभित सुंदर वेश ॥४॥ तिलक खुल्यो गोरोचना लाल पुूँघरवारे केस । नहॉनी नहॉनी दतियाँ दै दूधकी लाल देखियत हँसत सुदेश ॥५॥ काजर लोचन ऑजिकें लाल भोंह मटुक दे ईठ । अपनी लाल काहू देखन न दैहों जिन कोऊ लावो डीठ ॥६॥ प्रथम हनी तुम पूतना लाल शकट भंजन जन मारि । यमला अर्जुन तारिकें लाल अब किन छाँडो आरि ॥७॥ मेरे लालकी मैया व्रजनारी बाप गोपकुल राज ! धनिधनि तुमारे बलभद्र भैया करत सकल सुख काज ॥८॥ मेरे लालकी गैया अति बाढ़ी चरन वृंदावन जाई । पान्यो पीवें नदी यमुनाकौ अंजन खरि वेखाँई ॥९॥ मेरेलालहो प्यारे लाल तुम कंस मारि गढ़ लेहु | मथुरा फेरी ्रजराज दुहाई लाल गोप सखन सुख देहु ॥१०॥ लिये उठाय व्रजराज गोदकरि दे उगार हदें लाय । बहोरि लिये जननी गोद करि अस्तन चले हैं चुचाय ॥११॥ कहत यशोदा सुनौ मेरे गोविंद लेहुँ कनियाँ चढ़ाय । जों झूलौ तो पालनें झुलाऊँ नातर आँगन बैठि खिलाय ॥१ २॥

Kulhe ke

Part1-114

Aasawari

Baalaa main jogi jass gaaya . dhanya jasumati tere tanakon jinn

बाला मैं जोगी जस गाया । धन्य जसुमति तेरे तनकों जिन ऐसा सुत जाया ॥१॥ गुनन बड़ौ छोटो जिन जानौ अलख पुरुष घर आया ! जाको ध्यान धरत हैं मुनिनन निगम खोज नहीं पाया ॥२॥ जो चाहौ सो लीजिये रावल करे आपनी दाया। देहू असीस मेरे या सुतकों बाढ़े अविचल काया ॥३॥ ना हों लैहों पाट पार्टबर ना लैहों कंचन माया । अपने सुतकौ दरस दिखावी जो मोय गुरु नें बताया ॥४॥ विनती कियें कहति नंदरानी सुनि जोगिनके राया | देखन न देहुँ तोहि दिगंबर बालक जाय दिठाया ॥५॥ जाकी दृष्टि सकल जग ऊपर सो क्‍यों जाय दिठाया। अलख पुरुष है मेरा स्वामी सो तैंने भवन छिपाया ॥६॥ बालकृष्णकों लाय यशोदा करे अंचलकी छाया । दरसन पाय चरनरज बंदी सिंगी नाद बजाया ॥७॥ निरख निरख मुख पंकज लोचन नैनन नीर बहाया । देखत बनें कहत नहिं आवै नाटिक भला बनाया ॥<॥ टठाकुरदास महाप्रभु लीला महादेवलों लाया । लीला लाल ललित गुन अटक्यो चित्त नहिं चलत चलाया ॥९॥

Jogi leela ke

Part1-115

Aasawari

Haye daiya matwala jogi daare merey aayaa haye ..dhru... jatajoot

हे दैया मतवाला जोगी दारे मेरे आया है ॥ध्रु.॥ जटाजूट शिर गंग बिराजत तैलोचन मन भाया है| वृषभ ऊपर असवार होयकें श्रीगोकुलकों धाया है ॥१॥ बाघंबर पाट्ंबर सोहै अंगछार लपटाया है | कर त्रिशूल डमरू लियें खप्पर सिंगीनाद बजाया है ॥२॥| अरुण नैन विजयाजु चढ़ायें आक धत्तूरा खाया है | तिलक चंद्रमा भूकुटी ऊपर जोगी जुगत बनाया है ॥३॥ सरंडमाल गरैं बीच बिराजत शेषनाग लपटाया है । अदभुत रूप धस्बौ जोगीकौ मेरा गुपाल डराया है ॥४॥ देखों मैया तेश बालक जिन मोय चटक लगाया है। सूरश्याम चरनरज बंदी दरशनमें सचुपाया है ॥५॥

Jogi leela ke

Part1-115

Aasawari

Aayo haye abadhoot jogi kanhaiya dikhalaavai hoe maaee

आयो है अबधूत जोगी कन्हैया दिखलावै हो माई ॥प्रु.॥ हाथ ब्रिशूल दूजे कर डमरू सिंगीनाद बजावै | जटा जूटमें गंग बिराजै गुन मुकुंदके गावै हो माई ॥१॥ भुजंगकौ भूषण भस्म कौ लेपन और सोहै रुंडमाला । अर्द्धच॑ंद्र ललाट बिराजे ओढ़नकों मुगछाला ॥२॥ संग सुंदरी परम मनोहर वामभाग इक नारी | कहे हम आये काशीपुरीतें वृषभ कियें असवारी ॥३॥ कहै यशोदा सुनौ सखीयौ इन भीतर जिन लाऔ । जो माँगे सो दीजों इनकों बालक मती दिखाओ ॥४॥ अंत्तरयामी सदाशिव जान्यौ रूदन कियौ अति गाढ़ो । हाथ फिरावन लाई यशोदा अंतरपट दे आड़ौ ॥५॥ हाथ जोरि शिव स्तुति करतहैं लालन बदन उघारयौ | सूरदा

Jogi leela ke

Part1-115

Aasawari

Kaahu jogiyaki najar laagi merau baari kaanh rovai | ghar

काहू जोगीयाकी नजर लागी मेरौ बारी कान्ह रोवै | घर घर हाथ दिखावै यशोदा दूध पीवै नहीं सोबे ॥१॥ चार डॉडी सरल सुंदर पालने झुलावें । पालनें नहीं सोवे मोहन गोद लियें हुलरावें ॥२॥ मेरी गली जिन बोलौरे जोगी अलख अलख कहि आवै । राई ल्ोंन उतारि यशोदा सूरकौ प्रभु सुहावे ॥३॥

Jogi leela ke

Part1-116

Aasawari

Kaha jogiaki drishti laagi kanhaiya merau roway hoe maaee .

कह जोगियाकी दृष्टि लागी कन्हैया मेरौ रोवे हो माई । घरघर पूँछतत फिरत जसोदा दूध पीवे ना सोवै ॥१॥ कहाँ गये जोगी नंदभवन ब्रजमें फिरि फिरि हारे । फन जोगिया कों ढूँढ़ि निकासी सुतकौ ताप निवारै॥२॥ चलिरे जोगी नंदभवनमें जसुभति मात बुलावें । लटकत लटकत शंकर आवें मनमें मोद बढ़ावें ॥३॥ आये जोगी नंदभवनमें राईलौन कर लीनौ । वारि फेरि लालनके ऊंपर हाथ शीशपै दीनौ ॥४॥ रोग दोष सब दूरि गयो है किलक हँसे नंदलाला | मयन भई नंदजूकी रानी दीनी मोतिन माला ॥५॥ रहो रहो जोगी नंदभवनमें ब्रजमें बासौ कीजै जब जब मेरी लाला रोवे तबतब दरशन दीजै ॥६॥ तुम तो जोगी परम मनोहर तुमको बेद बखानें । बूढ़ो बाबू नाम हमारी सूर श्याम मोहि जानें ॥७॥

Jogi leela ke

Part1-116

Aasawari

Houn vraj mognauju vraj taja anat naan jaauun ..dhru... badade

हों ब्रज मॉगनौजू ब्रज तज अनत न जाऊँ ॥ध्रु.॥ बड़डे भूषति भूतल महियाँ दाता सूर सुजान | कर न पसारों सीस न नाऊँ या व्रजके अभिमान ॥१॥ सुरपति नरपति नागलोकपति मेरे रंक समान । भाँति भाँति मेरी आशा पूजी यै ब्रज जन जिजमान ॥|२॥ मैं व्रत करि करि देव मनाये अपनी घरनी संयूत । दियौ विधाता सब सुखदाता गोकुलपतिके पूत ॥२॥ हों अपनी मनभायौ लैहों कित बौरावत बात । औरनकों धन घन ज्यों बरखत मो देखत हँस जात ॥४॥ अष्टसिद्धि नवनिधि मेरे मंदिर तुब प्रताप ब्रज ईश । कहत कल्यान मुकुंद तात करकमल धरी मम शीश ॥५॥

Daadhi

Part1-116

Dhanashri

Nandju tumare sukh duhkh gaye sabanke deva pitar bhalau maanya!

नंदजू तुमारे सुख दुःख गये सबनके देव पितर भलौ मान्य! तुह्ारौ पुत्र प्रान सबहिनकौ भवन चतुर्दश जान्यौ ॥१॥ हों तौ वृद्ध पुरातन ढाढ़ी नाम सुनें सिरनॉऊँ । गिरि गोवर्धन बास हमारी गिरि तजि अनत न जाऊँ ॥२॥ ढाढ़िन मेरी झाँझ्न बजावै हों हूँ हुरक बजाऊँ | मेरौ चीत्यौ भय तुमारें जो माँगों सो पाऊं ॥३॥ अब तुम मोकों करी अजाची बहुस्चौ कर न पसारूँ । दवारें रहूँ देहु एक मंदिर श्याम स्वरूप निहाझूँ ॥४॥ महाप्रसाद तुमारे घरकौ बिनुं मांगे जो पाऊँ । जब जब जन्म धरों ठाढ़ीकौ तब जन्म कर्म गुन गाऊँ ॥५॥ लै ढाढ़ी कंचन मनि मुक्ता नाना वसन अनूप । टोडर और पार्टंबर अंबर पहरे दीखे भूष ॥६॥ हँसि बोली ढाढ़िन ढाढ़ीसों अब कछु बरनि बधाई। ऐसौ दियौ न दैहे कोऊ जैसी जसुमति पहराई ॥७॥ हों पहरी पहस्यौ मेरौ ढाढ़ी दान मानकी अथाईं। नंद उदार भये पहरावत देत सबै बनि आई ॥<८॥ बालक बली भयौ नारायनदास निरखि निधि पाई । भक्ति करूँ पालनें झुलाऊँ यह मन अनत न जाई ॥९॥

Daadhi

Part1-117

Dhanashri

Nandju merey munn anand bhayau suni govardhan tein aayou | tuhaaren

नंदजू मेरे मन आनंद भयौ सुनि गोवर्द्धन तें आयौ | तुह्ारें पुत्र भयो हों सुनिकें अति आतुर उठ धायी ॥१॥ बंदीजन और भिक्षुक सुनि सुनि देश देशतें आये । एक पहलेहीं आशा लागत बहोत दिननके छाये ॥२॥ तुम दीने कंचन मणि मुक्ता नाना बसन अनूप । मोहि मिले मारगमें मानों जात कहूँ के भूष ॥३॥ दीजै मोहि कृपाकरि सोई जो हों आयौ मॉगन । जसुमतिसुत अपने पायन चलि खेलन आवै आँगन ॥४॥ कोटि देहूं तो पर्यौ रहुँगो बिनु देखे नहीं जाऊँ । नंदराय सुनि बिनती मेरी तबही बिदा भलें पाऊं ॥५॥ तुम तौ परम उदार नंदजू जो मॉौग्यो सो दीनौ | ऐसी और कौन त्रिभुवनमें तुम सर को को कीनौ ॥६॥ मदनमोहन मैया कहि बोलें यह सुनिके घर जाऊँ। हों तौ तुहारे घरको ढाढ़ी सूरदास मेरी नॉऊँ ॥७॥

Daadhi

Part1-117

Dhanashri

Heen tau tihaare gharki dhaadhi jaachon nand sujan . soee lehun joe

हीं तौ तिहारे घरकी ढाढ़ी जाचों नंद सुजान । सोई लेहुँ जो मनकौ भायौ नंदरायकी आन ॥१॥ धन्य नंद धन्य यशोदा धन्य धन्य जायो पूत । धन्य धन्य भूमि धन्य ब्रजवासी आनंद करत अकूत ॥२॥ घरघर होत आनंद बधाई जहाँतहोँ मागध सुत । मनमानिक पार्टंबर अँबर दीने नंद बहूत ॥३॥ हय गज हेम भंडार दिये सब फेरि भरे सौ भाँत | जबही देत तबही फिरे देखें संपत्ति घर न समात ॥४॥ ते मोहि मिले जात घर अपने मैं बूज्ञी तब बात । हँसि हँसि दौरि मिले अंक भरे हम तुम एकै जाति ॥५॥ संपत्ति देहूँ लेहुँ नहीं एकी अन्न वस्त्रके काज । जो तुमपै हो मांगन आयौ सोही लैहों ्रजराज ॥६॥ अपने सुतकौ बदन दिखावौ बड़े महर शिरताज । तुम साहिब हौ ढाढ़ी तेरो प्रभु मेरी ब्रजगाज ॥७॥ चंद बदन दरसन संपत्ति दे सोई घर ले जाऊँ | जो संपत्ति सनकादिक दुर्लभ सो सब तुमरे ठाऊँ ॥८॥ ब्रजमें रहों आन नहीं जाचों प्रसाद तिहारो पाऊँ । हों तो जन्मजन्मकौ याचक सूरदास . मेरौ नाऊँ ॥

Daadhi

Part1-118

Dhanashri

Dhaadhi tein padhi nand rijhaayi | jasumati sutaki keerati gaaee

ढाढ़ी तें पढ़ि नंद रिझायी | जसुमति सुतकी कीरति गाई संबहिनके मन भायो ॥१॥ नंद सुबागौ अपने गरेकौ ढाढ़ीकों पहरायौ । दीनी धेनु धौरी और धूमरि अरु भंडार खुलायी ॥२॥ ढाढ़िनकों सोनेके नूपुर गहनो अगढ़ गढ़ायौ । रतन खचित खगवारों गरेकौ ढाढ़िनकूँ पहरायो ॥३॥ तेरे भरें भलौ यथा व्रजकौ या घर मंगल गायौ । सूरदासकों सर्वसु दीनौ मंगल सुजस सुनायी ॥४॥

Daadhi

Part1-118

Dhanashri