Vrajmein adbhut thaadhi aayee | phooli gaye sub gope magan munn

ब्रजमें अद्भुत ठाढ़ी आयी | फूलि गये सब गोप मगन मन जबहिं बधायौ गायौ ॥१॥ कोऊ कहें इंद्र कुबेर वरून है कोऊ कहे रति पति जैसो । कोऊ कहें लोकपाल दिगपाल है कोऊ कहें होई न ऐसी ॥२॥ भाखत विरद जो प्रेम मगन मन गोप सब जुरि आये । अष्टसिद्धि नवनिधि देंनकों मनमें धनद लजाये ॥३॥ हों ढाढ़ी सुरराज ईशकौ ताहि ईशहि जाचों | और देव नरदेवनकों जस मनमें नेंकु न राचों ॥४॥ एक बेर दसरथ मैं जाच्यौ राम पुत्र भयौ जाके । गर्ग महामुनि मोसों भाख्यौ सो सुत भयौ जसोदाके ॥५॥ ढाढ़ी कहै व्रजईशसों मेरे धन बहुत हैं। रामकृष्णकी दरसन पैहों तब ठाढ़ी घर जैहें॥६॥

Daadhi

Part1-118

Dhanashri

Houn vrajavasinaki magaa. srivalalbharaj gope kull mandan aeye

हों ब्रजवासिनकी मगा। श्रीवललभराज गोप कुल मंडन ए दोउ घरकों जगा ॥१॥ नंदराय एक दियौ पिछौरा तामें कनक तगा । श्रीवृषभान दियौ एक टोडर हीरा जटित नगा ॥२॥ कीरति दे कुँवरकी झगुली जसुमति सुतकौ झगा । किसोरीदासकौ दियो कृपाकरि नील पीतकौ पगा ॥३॥

Daadhi

Part1-118

Dhanashri

Nand udey suni aayou houn vrishbhaanako magaa. devekon bado mahar

नंद उदे सुनि आयौ हों वृषभानको मगा। देवेकों बड़ो महर देत न करत गहरु लालकी बधाई पॉँऊँ नंदकों झंगा ॥१॥ तौ लो न बिदा छै जाऊँ औरकें कहाँ बिकाऊँ जौ लों न भवन आवें ऋषिगर्गा । चिरजीवी नंदको कुमार सूरके प्रान आधार जसुमति सुत चले अपने पगा ॥२॥

Daadhi

Part1-118

Dhanashri

Srivrajrajke houn thaadhi dwaaren mogan bheer .. desh deshaten jaachak

श्रीव्रजराजके हों ठाढ़ी द्वारें मॉगन भीर ॥ देश देशतें जाचक आये पढत कीरत आभीर ॥्रु.॥ एक ढाढ़ी ढाढ़िन नाचै । पढ़ि वंश बूंदावन वॉँचे ॥१॥ एक ढाढ़ी हुरक बजावै । ब्रजकी कीरति यश गावै ॥२॥ एक ग्वाल पृदंग बजावत | एक ताल झाँझ लियें गावत ॥ एक अंबर सबै लुटावें। तब फूले अंग न समावें ॥४॥ एक सूवा पढ़ावत आबै । मोहनजूकौ सुजस सुनाबै ॥५॥ एक ठाढ़ी निकट बुलावै । शुक्र कंचन चोंच मढ़ावै ॥॥६॥। एक ठाढ़ी सारो पाली । बोलन सिखवे बनमाली ॥७॥ सहचरी बोहोत जस गावै । ते लीला मनकों भाव ॥८॥ एक मैना मोर पढ़ावै। जसुमतिकी कूखि मल्हावै ॥९॥ कछु रीझेहें नंदजूनकों । लिखि पतियादीनी वह कूदि मुख मोरे । वनचर लै बुलाय त्रन तोरे ॥१८॥ एक हरे बॉसकी डरिया । फल फूलन सों वे भरिया ॥१९॥ एक हरद दूब दधि लावे । व्रजवासिन सीस बँधावै ॥२०॥ एक हरद दही लै छिरके । सब देवनके मन हरखे । गोवर्धन गावै ए हुलास । व्रजजन दासनके दास ॥२९॥ जिनकों ॥१०॥ एकन भृग छोना लै आन्यों | नखंसिख सुंदर छवि बान्यों ॥११॥ एक नंद नंदन तन जोहें । सब गोपनकौ मन मोहें ॥१२॥ एक ढाढ़ी बगुला लायौ | सब गोपनके मन भायौ ॥१३॥ कछु रीक्षी हैं व्रजबाला । तिहीं दीनी मोतिन की माला ॥१४)॥ एकमोर नचावत आयौ । तिहीं भीतर भवन बुलायौ ॥१५॥ छै कुहुकुहु सुर भायौ । लै मोतिन तिनें चुगायौ ॥१६॥ एक ठाढ़ी बंदर लायौ | देखत सबके मन भायौ ॥१७॥

Daadhi

Part1-119

Dhanashri

Srivallabh pada bandiken kahuun sujas aeka saar . putra bhayau

श्रीवल्लभ पद बंदिकें कहूँ सुजस एक सार । पुत्र भयौ श्रीनंदके बड़ीवैस ततकार ॥१॥ श्रवन सुनत ढाढ़ी चल्यौ सुत दारा ले साथ। नृपतन मणि श्रीनंदकों आय नवायौ माथ ॥२॥ रूप सुंदर सोहनों भूषन वसन सुदेश । ढाढ़ी वाम विशद जश मानों नगर नरेश ॥३॥ बड़े बड़े सब गोपन मधि राजें श्रीमनि नंद । ज्यों उड्गनकी मंडली राजत पूरन चंद ॥४॥ मैं ढाढ़ी तुब वंशकौ सुनौ घोष मनिराय | सावधान व्है चित धरीौ लागै मोहि बलाय ॥५॥ अहिपति सुरपति लोकपति बड़े लोक भूपाल । मन वच कर्म न जाँचि हों बिना एक ब्रजपाल ॥६॥ व्रजमंडल सगरो जिती सब मेरे जिजमान । जिनमें यश जितने कहों आये सब परधान ॥७।॥ सबहिनके जस बरनतहीमें बीति काल बहु जाय । बदन एक करनी अमित कछू कहूँ बुद्धि पाय ॥८॥ वंदन करि सब साधूकुल बरनत वंश उदार । जीवन मरनते छूटि हौ गाय सुनत नरनारि॥९॥ आवीरभानते सुभानते भये जानि उदार। अति विचित्र कहालों कहूँ ए गुन अमित अपार ॥१०॥ बसत महावन पविन्न स्थल जो हरिकौ निज धाम । घोष लोक गोकुल अधिक लीला अति अभिराम ॥११॥ जा रजकों शिव बंदही अज अरु शैष सुरेश । होंजु महिमा नहिं कहि सकत जानत आपुन लेश ॥१२॥ तिनकें चंदसूरत भये जैसें चंद प्रकास | इनके भीलकबाहु भये चारतरों चक्र उजास ॥१ ३॥ काननशशि तिनकें भये कंजनाभ तिहिं जानि । व्नीरभान तिनकें भये महा नृपति बहु मानि ॥१४॥ धर्मधीर तिनकें भये सर्व धर्म जा माँहिं । तिनकें भये कालिंदजू सो लंक दुहाई जाँहि ॥१५॥ कालिंदजूके दश पुत्र भये तेजभान गुनमान । धर्मधीर बलवीर बहु शील संतो्षहिं जान !॥१६॥ जेसनजेबल कहे जकृत जैसो धन होय । कंठभान महा बुद्धि जो मन मेरे पुनि सोय ॥१७॥ मनोरथ वारंगद भये चित्रसेन लघुजानि । महापुन्यके पुंजकों जिहिं नव नंद बखानि ॥१८॥ नौनंद आनंद निधि प्रगटे जिनके बाल | नाम लेत आनंद मन मिट तिमिर कलि काल ॥१ ९॥ सुनंद जानि उपनंदजू महानंद कलिनंद । नंदबधू नव नंदजे नंद नंद प्रति नंद ॥२०॥ महाभाग्य महिमा अमित ज्यों शरदें पून्यों चंद । भक्ति तपस्या तेजतें प्रगट भये श्रीनंद ॥२१॥ पूर्व जन्ममें द्रोण जो बड़े बसुनमें जानि | धरा नाम जसुदा तहाँ महा तप करि यह मानि ॥२२॥ ब्रह्माजू आज्ञा दई व्रजमें जन्म सुलेह । बालक छैकें तू लहौं क्यों तथा श्रुति एह ॥२३॥ नंदघरनी आनंदमय जायोौ मोहन पूत यह सुनि सब परिवार ले अपनी घरनी संयुत ॥२४॥ बालक वुंद जहाँ होतहैं सब कोऊ मोकों देत । अपनों सींच्यौ जानिके बे लेखत बहु हेत ॥२५॥ नाचिनाचि गुणगाय हों पायी पहलौ दान । श्रीवल्लभ कुल कृपातें पायौ पद निरवान ॥२६॥ रे जाचकहै माँगिहों श्रीवल्लभपदकी रेंन । रसिक सदा वल्‍्लभ रहौ नैनन वललभ ॥२७॥

Daadhi

Part1-120

Dhanashri

Pratham pranath vavrajaish ashish lijaiju . keejai param upkaar

प्रथम प्रनठ वब्रजईश आशीष लीजैजु । कीजै परम उपकार बधैया दीजैजु ॥!भ्रु.॥ पुत्र तुम्हारे कौ हो गावत भूत भविष्य वर्तमान | जब तब द्वार आन रहों पुनिद्वार न जाचों आन । बैया दीजैजु ॥१॥ पहेले सपनो पाईयौ हो मैं देख्यों अद्भूत | यदुकुल प्रकट भये व्रजभूषण नंदराय घर पूत॥२॥ बदि भादों आठें युग द्वापर अर्ध रेंन बुधवार । कौलव करण नक्षत्र रोहिणी जन्मे जगदाधार ॥३॥ द्वादश लग्न सुभग नवग्रह उदित अपरमित भेख | अगम निगम गर्गमुनिकीनौ जन्म पत्रकौ लेख ॥४॥ जिन जानौ मानसमति कोऊ देव देवनकौ देव । पूरनपुन्य अहीर अभैकृत याही जन्म याही भेख ॥५॥ गृह गहतें सुनि सब गोपी कंचन थार लियें साज | पोहोप बधाओ कूख महरकी सो बन फूले ब्रजराज ॥६॥ हय गज रथ पाट्टंबर दीने दीने बहु भंडार । हों ढाढ़ी कबहू न अघाऊँ यद्यपि नंद दातार ॥|७॥ हों माँगों यै जगमैयापै रहो पदरजकी ओट । नैन प्रभाव हारु जित तित रहौ चरणन तेरे लोट ॥८॥ भलेजु राजपूत भयौ यह भक्‍त न पूजी आस । जन्म जन्म येही यश गावै बलि जाय चतुर्भुज दास ॥९॥

Daadhi

Part1-121

Dhanashri

Vrajpati maangiyai juu daataa param udaar | jaake heim ruhevaru deejai

व्रजपति माँगियै जू दाता परम उदार | जाके हेम रुहेवरु दीजै हाती हाथ हथ्यार | अगनित नग मणि बसन मुकुट सिर धरत न लागै बार॥१॥ कामधेनु सुरपतिके सब कोउ गैया जानें एक । ऐसी बोलि बोलि बिप्रनकों दीने ठाठ अनेक ॥२॥ जे मनकामना करी आये तुम तेउ कलपतरू कीन । तिन अपने घरही बैठे फिर फिर और न बरदीन ॥३॥ तुम माँगि माँगि बी अजाची करते जाचक न जात । भये पुरंदर चले पुरनकों फूले अंग न मात ॥४॥ तुम्हरे पत्र भयौ जग जान्यौ दीने नाना दान । बोलो विरद बिदा नहिं कवै हों नंद महर की आन ॥५॥ तब तुम तात बात कहि है हँसि देहे मोकों पाँत | तब उचित मन भागयो लैहों सुनि हो महरिं सुजान ॥६॥ महरिया हो बास बसोंगो सदा करों गुण गान | एक बार दिन दरस ए पाऊँ हरिजूकों जिजमान ॥७॥ दनुज दवन नंद भवन प्रगट भए गरग बचन परमान । जगजीवन घनश्याम मनोहर कृष्ण स्वयं. भगवान ॥८॥

Daadhi

Part1-122

Dhanashri

Nandju houn dhaadhi vrishbhan gopkau laine badhaai ayauju. raavalmein

नंदजु हों ढाढ़ी वृषभान गोपकौ लेन बधाई आयौजू। रावलमें मैं सुनी बधाई जसुमतिने सुत जायौ ॥१॥ सुरपति नरपति नागलोकपति भयौ जु जयजयकार । वरखत कुसुम देवता सब मिल नंदराय दरबार ॥२॥ उदित भयौ कुल यह चंद्रमा पूरी मनकी आस । जिन जो माँग्यौ सो तुम दीनों भयौ त्रिभुवन उल्लास ॥३॥ तुम तौ परम उदार नंदजू दीने रतन भंडार । दान देंनकों अपने मनमें नांहिन करत विचार ||४॥ जाचक भये सब भूष नंदजू वहोरि न मॉँगत दान । कीरति ओर कहाँ लगि बरनों भयेजु तेरे समान ॥५॥ सतयुग त्रेता दापर कलियुग भयौ न ऐसी दाता । तुमारे जसको पार न पावत तीन लोक विख्यात्ा ॥६॥ कल्पवृक्ष तिनके घर भीतर कामधेनुसी गैया | जिनकी कौन चलावै भैया जा घर गोकुलकौ रैया ॥७॥ जन्म जन्मकी आशा मेरी पूँजी गोकुलके राजा | पायौ दरशन तुमारे सुतकौ मनवॉछित भये काजा ॥<॥ एकवेर रज चरन कमलकी ले धारौ मेरे माथा । क्ृष्णदास वल्लभकुलकौ ढाढ़ी कीमौ जन्म सनाथा ॥९॥

Daadhi

Part1-122

Dhanashri

Nand hoe barasaane kau dhaadhi . jaayau putra tihaaren sunike mohi

नंद हो बरसाने कौ ढाढ़ी । जायौ पुत्र तिहारें सुनिके मोहि अधिक रुचि बाढ़ी ॥१॥ कारनहै कीरति ताहूकें सोहै त्रिभुवनसार । बालिक बिरध तवीसावासी सबके यहै विचार ॥२॥ प्रीति पुरातन हती पहलेंही अब है परम सगाई । पुत्र तिहारी सुता भानुकी बिधिना बात बनाई ॥३॥ ढैहै जो जगदीश्वर करिहे तुम लै ढाढ़ी दान | हय गज हीर यूथ गाइनके अरु मुक्ताफल कान ॥४॥ अचिरकाल सुख आनि कहेंगे भक्ति देहु ममतात । अग्रदास ढाढ़ी प्रण कीनौ तबही दानकी बात ॥५॥

Daadhi

Part1-123

Paraj

Badhaaiyaan jasode badhaaiyaan | nandrani dey laal upanaan cess nahae

बधाइयाँ जसोदे बधाइयाँ | नंदरानी दे लाल उपनां सेस नहए सीज वाइयों । साजन चंगा साँड कीता असीफूली अंग न माइयाँ ॥१॥ पुत्र जायौ जगजीवनि तंडि लगि याँ पर बड़ाइयाँ | भाग सुलखननूं असीस वे धोलि धुलाइयोँ ॥२॥ आज सहीये सुख बसदानू ब्रज मैना सब भूलाइयाँ । आनंद भरी सोहनियाँ सब गोपी तो धर आइयाँ ॥३॥ बड़भागी नंद बेठा दे दामोह माँगी ठकुराइयाँ । दूध दही सिर पावै दे नाचे देवा राखे उमचाइयाँ ॥४)॥। सुखी हुये सुरनर मुनिजन मानो रंक निधि पाइयाँ । रामराय प्रभु प्रगटिया भगगन गरलों मन भाहइयाँ ॥५॥

Daadhi

Part1-123

Dhanashri

Ajavababa nand hii jaachan aayo .. janm sufal karivekon

आजवबाबा नंद ही जाचन आयो ॥ जन्म सुफल करिवेकों अबमें रहस बधायौ गायौ ॥१॥ महर कहत या बालक के गुन किनहूँ न मोहि सुनायो ॥ भलौ-भल्लौं सब लोक कहत है सोई गीतन गायो ॥२॥ प्रथम मछछ संखासुर भार्यों कमठ पीठ ठहरायौ ॥ श्रीवाराह नरसिंह औतरे दैतन नखन दुखायौ ॥३॥ श्री वामन विराट विस्तायों वली पताल पठायौ ॥ परसराम पृथ्वी निक्षत्री करि लैकर बाह छुड़ायौ ॥४। रघुपति रावण शीश भुजाहत जानकी ले घर आया ॥ विभीषण को राजतिलक दे लंका में बैठायौ ॥५॥ अब श्रीकृष्ण प्रगटे पुण्यनते तुमरौ पुत्र कहायौ ।| बालकेलि रसकेलि करेंगे नटवर भेष बनायी ॥६॥ श्रीगोवर्द्धन सात दिवस वांये नख अग्र उठायौ ॥ दास विलास करें बृन्दावन गोपीन प्रेम बढ़ायौ ॥७॥ मारें कंस मल्‍ल अरू केसी मल्‍्लन साल सलायो |! जस अपार महिमा अनंत ब्रह्मा हूँ पार न पायो ॥८॥ महरि कहत यह भलो दसोंदिस सबहिनके मन भायौ ॥ बाबा विहेँंसि कहारे घरते बकुचा वेगि मंगायौ ॥९॥ झगा पटुका अरु पाग पिछौरा नीके करि पहरायौ ॥ हरि दरियाई कौ दगला ऊपर उपनंद उढ़ायी ॥१०॥

Daadhi

Part1-123

Dhanashri

Laal parr dhaadhin vaaranen keaney . pulki rome rome nandrani

लाल पर ढाढ़िन वारनें कीनी । पुलकी रोम रोम नंदरानी नोंछावरि बहु दीनी ॥१॥ गौर वरन एक श्याम बरन दोऊ शोभाके ऐना । रोग दोष लागौ मेरी अंखियन दीठ लगी जिन नैना ॥२॥ रतन जटित आँगनमें खेलत जब देखोंगी आई । झूमरि पारि नचोंगी तादिन मुरि मुरि लैहुँ बलाई ॥३॥ ब्रजमें निकट बसाबौ मोकों नित प्रति आसीस दैहों । वृुषभान गोप कीरति मंगल गृह दूनी बधाई लैहों ।४॥ जसुमति पट भूषन पहराई ढाढ़ीकों नंदराय । कर हल नाच नचे जब दोऊ रति पति निरखि लजाय ॥५॥ यह सुख निरखत शिव ब्रह्मादिक नारदसे मुनि रीझे । ढाढ़ी क्‍यों न भये या ब्रजमें राम कृष्ण गुण भीजे ॥६॥

Daadhi

Part1-124

Paraj