Rung bheeni thaadhani atee ruchison chaaru mangalra gaavai hoe . laal

रंग भीनी ठाढ़नि अति रुचिसों चारु मंगलरा गावै हो । लाल जन्म सुनी नाचत आई झाँझ्ष मुदंग बजावै हो ॥१॥ उघटत मुख संगीत ललित गति देसी करी दिखरावै हो | चिरंजीयौ जसोदा तेरी सुत यों कहि मोद बढ़ावै हो ॥२॥ सुनि सुनि रीक्षि रीक्षि ब्रजपति अति आनंद उर न समाबै हो । अपने लाल पर करि न्योंछावर ढाढ़निकों पहरावै हो ॥३॥ देत असीस चली मंदिर ब्रजरानी नेग चुकावै हो । बारंबार बिलोकी ललन मुख नंददास मन भावै हो॥४॥

Daadhi

Part1-124

Jetashri

Vrishbhan puraten dhaadhani aaee bhanki | deit assis balaiya lait

वृषभान पुरतें ढाढ़नि आई भानकी | देत असीस बलैया लेत है कान्हकी ॥१॥ या मेरी बहोत बड़ाई तिहारी भाग है | लीजे दान सोड़ माँगी तिहारो लाग है ॥२॥ मेरी महरी सुभामिनि कन्या जो जनें । तेरे पुत्र संजोग सगाई को बनें ॥३॥ बोले बोले कुँवर कर राखी बाँधीकें । चली सकल सुख पाय सगाइ नॉधिके ॥४॥ दानमान ले बहुरी बहोत उलासमें । करि हों बहोत बड़ाई बारिन बासमें ॥५॥ तेरी रसिक मनी लाल होय चिरंजीवनो । किशोरीदासकौ सेवक अपनौ करि गिनौ ॥६॥

Daadhi

Part1-124

Jetashri

Aaj nandgrih kautik sunirke jaachak kai hoe aaye juu ..

आज नंदगृह कौतिक सुनिर्के जाचक कै हो आये जू ॥ बसुधा लैकरि कृष्ण अवतरे यह सुनिकें उठि धाये जू ॥१॥ चातक प्यास जैये कह कैसे स्वाति बूंद नहिं पावैजू | नंद नंदन छबि निरखि निरखिकें प्रेम अनंद बढ़ावेजू ॥२॥ शिव समाधिके ध्यान न आवै जसुमति गोद खिलावैजू ! श्याम सुंदर पै वारि फेर्किं देत कनक नग दावेजू ॥३॥ क्ृष्ण जनम सुनी अपने पतिसों हँसि ढाढ़िनियों बोलीजू । चलौ कंत नंद बाबाके दान कोठरी खोलीजू ॥४॥ तुम अपने पिय अंगकौ बागौ और मोतिन भरि झोलीजू । हमहूँ कों नखशिखलो गहनो चीर सहित और चोलीजू ॥५॥ रतन जटित बहु कुंडल लीजो गैयां धूमरि धोरिजू | बिबिध प्रकार पांबरि सुंदर बहुत अमोलीजू ॥६॥| सोंज सहित एक पलका लीजो और पांननकी ढोलीजू । बीरी करिके तुम्हें खबैहों लीजो अब तंबोलीजू ॥७॥ आछे और कहारन लीजो और चढ़नको डोलीजू । सोंहनीसी एक सुंदरि लीजो टहल करनकों गोलीजू ॥८॥ जन्म जन्म जादों नहिं काहू बहु निरकाहू बोलीजू । जगगोर्विंद श्री कृष्ण जॉविकें भई अजाचिक रोलीजू ॥९॥

Daadhi

Part1-125

Jetashri

Taadhin naachai rung bharee | vrajraniki kookhisirani sub sukh

टाढ़िन नाचै रंग भरी | ब्रजरानीकी कूखिसिरानी सब सुख फलन फरी ॥१॥ गृहग्रहतें गोपी जुरि आईं देखनकों कौतिक री । होत बधाई मंगल गावति देत दान सगरी ॥२॥ तब जसुमति सुंदरि पहराई हरखित मोद भरी । हँसे बोली यों कहत महरिसों देखन लाल अरी ॥३॥ तब जसुमति ले लाल दिखायी शोभा सिंधु भरी | पद्मनाभ सहचरी छबि निरखत वारति सर्बसुरी ॥४॥

Daadhi

Part1-125

Saarang

Chalauri vrajarajke dwaar baajat badhaaiyaan ..1.. pahare busson

चलौरी व्रजराजके द्वार बाजत बधाईयाँ ॥१॥ पहरे बसन बिबिध आभूखन मंगल साज बनाईयाँ । श्रीफल दूब दहीं घृत अक्षत सोवन सींक सजाईयाँ ॥२॥ दूहूँ द्वार दे साथिये सुंदरि बंदनवार बँधाईयोँ | नॉंचत फिरत सबै नरनारी हरद दही लपटाईयों ॥३॥ देत दान सुखमानि नंदजु ब्रज सुंदरि पहराईयों । जनगोविंद जानि जिय अपने मनोरंक निधिपाईयाँ ॥४॥

Daadhi

Part1-125

Jetashri

Krishna janm suni apane patison hansi dhaadhin yon baliju | jaau

कृष्ण जन्म सुनि अपने पतिसों हँसि ढाढ़िन यों बालीजू | जाउ जाउ तुम नंद नृपतिकें दान कोठरी खोलीजू ॥१॥ तुमकों मिलेगी वागौ बीड़ा और दक्षिणा भरे झोरा । हमकों लैयो नखशिख गहनों जेहरि सहित एक जोरी ॥२॥ लैयो कंत जुगतिसों लैयो हम चढ़िवेकों डोली । छोटीसी भेंसि सुबन सींगन की टहल करनकों गोली ॥३॥ साज सहित एक घुड़िला लैयो गैया दूध अतोली । सुंदरसौ एक हस्ती लैयो हस्तिन संग अमोली ।|४। सिज्या सहित एक ढलीया लैयो ओर पाननकी ढोली । बीरी करि करि मोहि खवावबै लैयो संग तँमोली ॥।५॥| जन्म जन्म काहु नहीं जाचों फिरि नहीं मांडों झोली। नंददास नंदरायकौ ढाढ़ी भयौ अजाचिक ढोली ॥६॥।

Daadhi

Part1-126

Maroo

Daadhi kahat sakal vrajnari . tumhari suta chiranjeev hoe raani

डाढ़ि कहत सकल ब्रजनारि । तुम्हारी सुत चिरंजीव हो रानी बाँधी सुखकी पारी ॥१॥ जादिनते तुमरे यह प्रगट भये सबन मन चाय । फूले गोप ग्वाल अति डोलत फिरी फिरी रस गुन गाय ॥२॥ नैंकहु रहौ न जात भवन में और कछु न सोय । श्रीविड्डल प्रानन के प्यारे गिरिधर राखे उर लपठाय._॥३॥|

Daadhi

Part1-126

Saarang

Houn vrajarajki dhaadhin vrajmein aiho . raani yashomatti jaayi

हों व्रजराजकी ढाढ़िन ब्रजमें आईहो । रानी यशोमत्ति जायी पूत सुधामतें धाई हो ॥१॥ सुंदर रूप अनूप सबै मन भाई हो । मानों उर्वशी इन्द्र अखाड़े तें आप पठाई हो ॥२॥ मंदिरमें लई बोल जहाँ नंदरानी हो । शीश नवाय अशीष दै वंश बखानी हो ॥३॥ बाजत ताल मृदंग उपंग सु बॉसरी । अंवुज नैन विशाल सु गावें गाँसुरी ॥४॥ निर्तत ताथेई ताथेई लीयें गति गोंहनी । नंदके मंदिरतें निकसी मानों मोहनी ॥५॥ रीज् जसोमति रानी सबै ब्रज सुंदरी । दीये कनक कुंडल हार दई कर सुंदरी ॥६॥ दीनी नई नकबेसर बेंदी जरायकी । दीनी है कंचन जेहार पायल पॉयकी ॥॥७॥ दई सोधे भीनी सारी कंचुकी नेहकी । कीनी है माल निहाल सो मालन गेहकी ॥<८॥ ढाढ़ी चलयौ लदि लाद सबै चित चाड़िलो । चिरजीयो चतुर्भुबदासकौ गिरिधर लाड़िलौ ॥९॥

Daadhi

Part1-126

Kafi

Aaj badau darbar dekhayo nandrai teree . bhayau sukh sub bhaanti

आज बड़ौ दरबार देखयो नंदराय तेरी । भयौ सुख सब भाँति दुख गयौ मेरे ॥९॥ बजत निशान ढोल ढाढ़िन यश गायौ ।। सोबैहै कहा उठि जसुमति सुत जायौ ॥२॥ केई देखि लिये जात कीरति तिहारी | गायनके ठाट बाट भीर भई भारी ॥३॥ सुफल फूलन फूली जसुमति रानी । जाके सर्वस दीगे वसुधा अघानी ।।४॥ माँगन जो लिये जात भीख जो तिहारी । तिहूँ लोक सुन्यों जस भयौ अतिभारी ॥५॥ अब लगु नेंम लियें रह्मो बरसानें। लैहों भीख जब पूत व्हैहे महरानें ।६॥ अबके महरि मोहि माँगनौ न कीजै लछी दास कहै मोहि दास पदवी दीजै ॥|७॥

Daadhi

Part1-127

Maroo

Nand vrishbhaanke humm bhaat . udey bhayau vraj vall‍labh kulkau

नंद वृषभानके हम भाट । उदे भयौ ब्रज वल्‍लभ कुलकौ मेंटि हमारी नाट ॥१॥ इंद्र कुबेर हमारें भाये ब्रजके गूजर जाट | इतनो देहु जो मोल लैहूँ हों मथुराकी सब हाट ॥२॥ भूषन बसन अनेक लुटाये और गायनके ठाट । बढ़ौ वंश हरिबंश व्यासको बास चीर के घाट ॥३॥

Daadhi

Part1-127

Maroo

Dhaadhi prem magan vhai naanche | dhaadhin sanga vrajraj nand ghar atee

ढाढ़ि प्रेम मगन व्है नाँचे | ढाढ़िन संग व्रजराज नंद घर अति अद्भुत सुख साँचे ॥९॥। पुत्र जन्म मैं सुन्यौ तिहारें सबहिनके सुखदानी । बहुत दिनन की हुती लालसा सुफल आज मैं जानी ॥२॥ धनि धनि घरी मुहूरत पल छिन धन्य दिवस निस मानी । अबहों आयो देंन असीसा जसुमति कूरि सिरानी ॥३॥ मच्छ कच्छ बारह नृसिंघ परसराम बपु धारञ । श्रीरघुवीर धी प्रगट व्है बहु बिधि जस विस्तारञ ॥४॥ अब श्रीकृष्ण प्रगट भये तुम्हारें सब जगके उजियारे । लीला चरित्र बिनोद बढ़ावत यह जस सरस तुम्हारे ॥५॥ अब तुम सुनौ पढ़ूँ विरदावलि श्रीवललभ कुल जस गाऊँ । परम उदार दयानिधि दाता तिनकौ सुजस सुनाऊँ ॥६॥ गाय बच्छ सब नरनारि के आनंद प्रेम बढाऊँ । तिनकी कृपा अनुग्रह मोपै बारवार शिरनाऊँ ॥७|| महा बाहु भये कंजनाभजू तिनकौ जस सुनि लीजै | भुज बल चित्रसेन अज मींडृहू परनाली मन दीजै ॥८॥ तिनके पुत्रन बहू सुखदाई रहत प्रेममें भीजै | महानंद सूर सुरानंदसो नंदनंद सुख कीजै ॥९॥ धरानंद ध्रुवनंद और उपनंद परम उपकारी | अभिनंदन श्रीनंदरायजू वर ऐसी महतारी ॥१०॥ जसुमतिकें श्रीकृष्ण प्रगट भये तिनकी हों बलिहारी । असुर संघारन दुष्टन मारन संतन के सुखकारी ॥११॥ जसुमति कुल्या तुल्या तुंग और पियारी रानी । पाँच गोप की विदित भामती सो मैं प्रगट बखानी ॥|१२॥ अविचल यह परिवार तिहारी भूर भाग्य रजधानी । यह असीस ढाढ़ी ढाढ़िन की वेदन हू में गानी ॥१३)। सात साखिकौ ढाढ़ी तिहारौ तुम बिन ओर न जाँचू । सत् संपति तिहारे प्रताप सों गोपन के गुन बाँचूँ ॥१४॥ जब लों वह उच्छाह तिहारे ठाढ़िन संग ले नाँचूँ। अब चाहत गोपाललालकी चरन कमल रज रॉचूँ ॥१५॥ रतन जटित हेम टोडर मुदरी पार्टंबर पहराये । मणि तुरंग भूषन गज महिषी गायन खरिक बताये ॥१६॥ अन्न धन दीनों ब्रजजन जो सबन भयौ मन भायौ । सूरदास व्रजरानी रीक्षि हँसि अपनी बाँह बसायौ ॥१७॥

Daadhi

Part1-127

Maroo

Shritrajrajke humm dhaadhi | baarenheeten govind guna gawat seth

श्रीत्रजराजके हम ढाढ़ी | बारेंहीतें गोबिंद गुन गावत सेत भई मेरी ढाढ़ी ॥|१॥ हम हरिके हरिहें जू हमारें सोने लीक जो काढ़ी । दास गुपाल ही माँगत हैं भक्ति प्रेम सों गाढ़ी ॥॥२॥

Daadhi

Part1-127

Maroo