Maande dwaar harad rorison laagat param suhaaye . vandanwar saathiye

मांडे द्वार हरद रोरीसों लागत परम सुहाये । वंदनवार साथिये कोरेन आएछे चित्र बनाये ॥१॥ गलिन गलिनमें यह कौतूहल कहत कहा निधिपाये । निधरक भये सकल व्रजवासी अब निज गोप कहाये ॥२॥ अतिरस उमगि भरे नरनारी नंद भवन फिरि आये । श्रीविहलगिरिधरन सबन मिलि लै लै - गोद खिलाये ॥३॥

Dasondhi ke

Part1-135

Saarang

Yamuna poojan aaj chully nendrani juu ruchir singar karaaye |

यमुना पूजन आज चली नेंदरानी जू रुचिर सिंगार कराये | सब कोऊ लेति बलाय महरि की बाहर निकसी ढोटा जाये ॥१॥ बाजन बजत संग मिलि गावति झुंडन सब बनि ठनि व्रजनारी । हँसिहँसि कहत सुनो रानी जसुमति नित आनँद किये गिरिधारी ॥२॥ पूजा करि यशोमति यमुनाकी पकवानन के डला लुटाये । पाइन लागि उलटि घर आई गोद उठाय लिये सुत प्याये )३॥ आएछी हरद सुरँग कुँकुम कोरेन साथियें फेरि धराये । श्रीविदलगिरिधरनलाल की तिल चामरी बॉटि सुख पाये ॥४॥

Dasondhi ke

Part1-135

Saarang

Masdinakou chauk aaj naidrani baithi dhota liyein. haath poyi

मासदिनाकौ चौक आज नैदरानी बैठी ढोटा लियें। हाथ पॉइ माँडे रोरीसों पीरे अक्षत माथें दियें ॥१॥ नैंदराय और मात यशोदा रहसि कहत येही दिन आयो | इन आँखिनसों हमें विधाता लालकौं तीसरी चौक दिखायी ॥२॥ फूलि फूलिकें सब व्रजनारिन आछे मंगल गाये । अपने अपने घरके द्वारें सब मिलि बाजे फेरि बजाये ॥३॥ रहसि कहत सबै दुहु वन बहु विधि हमरे अभिलाष पूजाये | श्रीविद्रनगिरिधर दोऊके तुम मैया ये बाप कहाये ॥४॥ # राग सारंग # आनंदराय गृह गावति खेलति आवति है व्रजनारी । नये नये आभूषन अंग पहरे अरु तन उत्तम सारी ॥१॥ बैठी जुरी नंदगृह देत परस्पर गारी । मेवा वॉटि करत नौछावर गोपवधू निज भारी ॥२॥ तुमरे ढोठा पर नेंदरानी हम सगरी बलिहारी ! सब सुख दीने प्रगट श्रीविद्॒ल नंद कुँवर गिरिधारी ॥३॥

Maasdin ke Chouk

Part1-135

Saarang

Douu dhota aur nandrani badey chauk baithe vrajraj . baaje bajat

दोऊ ढोटा और नंदरानी बड़े चौक बैठे ब्रजराज । बाजे बजत सिंध द्वारे पै मंगल होत चौगुनौ आज ॥१॥ छिर्कत खरिक भरे गायन के सौने रूपे सींग मढ़ाय । पढ़ि पढ़ि वेद असीस देत द्विज सुत चिरजीवो जसुमति माय ॥२॥ फिरि फिरि ग्वाल गोप पहराये अरु पहराई सब व्रजनारी । आरती करि हुलसी जसुमति मन आभूषण सब दये उतारी ॥३॥ सर्वसु वारि देत नौछावरि दश दिनके मेरे लाल कहाये श्रीविइलगिरिधरनरायनें अति सुंदर दोऊ नाम धराये.. ॥४॥

Dasondhi ke

Part1-135

Saarang

Karwat laee pratham nandanandan . taakon mahari mahotsav maanat

करवट लई प्रथम नंदनंदन । ताकों महरि महोत्सव मानत भवन लिपायौ चंदन ॥१॥ बोलीं सकल घोषकी नारी तिनकौ कियौ बंदन । मंगल गीत गवावत्त हरखत हँसत कछू मुख मंदन ॥२॥ यह बिधि भई घड़ी द्वै चारिक तब कुँवर उठि जागे । भूलि गई संभ्रममें सुतकों कछु एक रोमन लागे ॥३॥ दई लात गिरि गयौ शक्ट थैंसि तब ही सै उठि दौरे । विस्मय भये विलोकत नैनन भल्रे से कछु बौरे ॥४॥ लिये उठाय कुँवर व्रजरानी रहसि कंठ लपटाई । प्रेम बिबस सब आपुन सँभारत परमानंद बलि जाई ॥५॥

karavat ke

Part1-136

Ramkali

Tail bharey bharey kesh sondhen anga bharey swachch saaree . oormit kumbh

तेल भरे भरे केश सोंधें अंग भरे स्वच्छ सारी । ऊर्मित कुंभ भरे उर दोउ तेंबोल भरे मुख चुचकारी ॥१॥ जसुमतिके अंक त्रिभुवन मंडन गोद लियें चुखावति भारी । हिरदें नैन दोउ वाद लग्योहे दूरी न करै दोऊन अंचल बिडारी । पीढ़ा बैठि पाऊँ धरि नीचें तहाँ ठाड़ी सनमुख सुकुमारी | देखत सूर . भयो अति शीतल गति न करे अंतर मत्ति हारी ॥३॥

Maasdin ke Chouk

Part1-136

Saarang

Suvaran kalash dhwaja paurinpai aachhi bhaanti sanbhaare | harad dahee

सुवरन कलश ध्वजा पौरिनपै आछी भाँति सँभारे | हरद दही रोरीतें छिरके सब गोपिनके द्वारे ॥१॥ भीर रहत नरनारिन की गृह गावत गीत बधाये । काहू नहीं सुहात कछू अब ललन भामते पाये ॥२॥ आनंदमें बीतत सगरी दिन इन ढोटाके जाये । श्रीवि्रलनगिरिधरन प्रगटिके बोहोत बड़ाई गाये ॥३॥

Maasdin ke Chouk

Part1-136

Saarang

Sunau hoe jasoda aaj kahuun tey gokul mein aeka pandit aayou.

सुनौ हो जसोदा आज कहूँ ते गोकुल में एक पंडित आयौ। अपने सुतकौ हाथ दिखावी सो वह कहै जो विधि निरमायौ ॥१॥ तुरत ही जन पटयौ देखनकों आनि बुलाय दियौ अरघासन । पॉय पखारि पूँजि अँजुली ले तब द्विजपै मॉग्यो अनुशासन ॥२॥ मुख पखारि काजर टिकुली दे कंठन सो हरि कंठ लगायौ । सुंदर तात मात कनियाँ लै विप्र चरन बंदन करवायौं ॥३॥ दे असीस कर धरि कर देख्यौ सुनि विशालनैनी सुतके गुन | लोचन चिह्न होइ ये श्रीपति उदर दाम पावन शुभ बंदन ॥४॥ हस्त सूत पग दूत बहुत गुन भुव मंडल या सम नहीं कोऊ ! परमानंद करी नौछावरि हरखे नंद जसोदा दोऊ॥५॥ चरावो गैया । परमानंददासको ठाकुर सब प्रकार सुख दैया ॥३॥

Naam Karan ke pad

Part1-137

Ramkali

Jahaan gagan gati gerg kaho | yeh baalik avtaar purush haye

जहाँ गगन गति गर्ग कहो | यह बालिक अवतार पुरुष है कृष्ण नाम आनंद लक्मौ ॥१॥ द्रोण धरा वसु परम तपोधन पुत्र नाम निरभय करी । ते तुम नंद यशोदा दोउ वर माँग्यौ सुत देहु हरी ॥२॥ कहै नैंदराय सबनके आगें सकल मनोरथ पूरन करे | परमानंददासकौ ठाकुर गोकुल की आपदा हरे... ॥३॥

Naam kAran ke pad

Part1-137

Ramkali

Deit gaj baaji vrajraj birajat gopanke sirtaj . desh

देत गज बाजि ब्रजराज बिराजत गोपनके सिरताज । देश देशते खट दरसन आवत मन इच्छित फल पावत कीरति अपंरपार पहुँचे चढ़ि दान जहाज ॥१॥ सुरभि तिल पर्वत अर्ब खर्च कंचन मनि देत सहज सुत हितके काज ॥ नारायनरहि स्यामदासकें प्रभुकौ नामकरन करवावत नंद मुदित मन बँधी ख्दि । करएं+।ह, !। ॥ जा |] नम नमन मत मम मम

Naam Karan ke pad

Part1-137

Ramkali

Nandgrih aayou gerg bidhi jaani ! ramkrishnake naam curran

नंदगृह आयौ गर्ग बिधि जानी ! रामकृष्णके नाम करन हित यदुकुल के सनमानी ॥१॥ गजमोतिनके चौक पुराये नामकरन विधि टठानी । मंगल गीत गावत यशोमति बोलत अमृत बानी ॥२॥ प्रथमही सुनों बड़े ठोटा के नाम राम बलदेव । हलधर और नाम संकर्षण कोऊ न जाने भेव ॥३॥ अब यह नाम तुम्हारे सुतके सुनौ चित्त दे नंद | कृष्ण नाम नारायण केशव है हरि परमानंद ॥४॥ पद्मयनाभ माधों मधुसूदन वासुदेव भगवान । और अनंत नाम इनके हैं कहों कहाँ लों आन ॥५॥ नंदसुवन त्रिभुवन के ठाकुर तिनके नाम धराये । परमानँंद प्रभु अखिल लोकपति गोप वेष धरि आये ॥६॥

Naam kAran ke pad

Part1-137

Ramkali

Deit gajdan aaj vrajraj birajat gopanke sirtaj ..

देत गजदान आज व्रजराज बिराजत गोपनके सिरताज ॥ देशदेश तें खट दरशन आवत मन ईच्छा फल पावत किरत समुद्रपार पहोंची चढ़ दान जहाज ॥१॥ सुरभी तील पर्वत अर्व खर्व दीने सो सब सुतहित काज ॥ हरिनारायन स्यामदासके प्रभुको नाम करन करवावत महर मुदित मन बंधीहें धर्मकी पाज _॥३॥

Naam Karan ke pad

Part1-138

Todi