Abb darkaunko ray bhaiya . gerg bachan gokulmein paithe hamaare

अब डरकौनको रे भैया । गर्ग बचन गोकुलमें पैठे हमारे मीत कन्हैया ॥१॥ कहत ग्वाल जसुमतिके आगें है जरिभुवन को रेया । तोरयौ शकट पूतना मारी को कहि सके बगैया ॥२॥ नाचौ गावौ कारे बधाई सुखन

Naam Karan ke pad

Part1-138

Ramkali

Gopalke vedh karnakau keejai . gurubal tithi bal nakshatra baar

गोपालके वेध कर्णकौ कीजै । गुरुबल तिथि बल नक्षत्र बार बल शुभ घरी बिचार लीजै ॥१॥ गणिक निपुण द्वै चारि बैठिकें मततौ विचास्थौ नीकौ । मुहूरत जामें दोष रहित सुखसागर छ्वै जीकौ ॥२॥ दियौ मनोरथ सब सुखदाता चीते मनोरथ पाये । नारी सीमंतनी गीत गवाये दिये भूषण मन माये ॥३॥ जसुमति माय गोद ले बैठी लाल देखि मन हरखे । शुची माता के गोद बैठिके मूँदि श्रवन मन करखे ॥४॥ कनिक सूची ले श्रवन को दीनी बेधत बार न लागी । बाल रुदन जब करन लग्यौ रोहिनी मात लै भागी ॥५॥ चुचकारत चुंबत चौंपत हिय लेहुँ बलैयाँ तेरी | देत दान नैंदराय विप्रनकों कहे परमानेंद हेरी ॥

Kaan Chedan Ke

Part1-138

Saarang

Aayou karnavedh dinn neekau. gurki bhelri haath nivaai kiau rochan

आयोौ कर्णवेध दिन नीकौ। गुरकी भेल्री हाथ निवाई कियौ रोचन कौ टीकौ ॥१॥ गुरु शशि नक्षत्र बार बल पहुँच्यौ दिन मनि अति सुखदाई । सौने कंठ भूषन पहराये हाथ सुहारी पाई ॥१॥ विग्रन दान मान बहु दीनौ पूजा करी गुरुदेवा । कृष्णदासकों यह वर दीजै पद पंकजकी सेवा ॥३॥

Kaan Chedan Ke

Part1-138

Saarang

Sutake kaana chhedat nandaraani . soochi dekhat bhaaji chaley hari bahori

सुतके कान छेदत नँदरानी । सूची देखत भाजि चले हरि बहोरि पकरिकें आनी ॥१) छेद कर्ण सबहिन पहरायौ मनमें अति हरखानी । हैंसि दीनौ तब ब्रजपति प्रभुकी सुनि सुनि तोतरि बानी ॥२॥

Kaan Chedan Ke

Part1-139

Saarang

Kanhakau karna chhedan haath suhari bheli gurki | vidhi bihansat

कान्हकौ कर्ण छेदन हाथ सुहारी भेली गुरकी | विधि बिहँसत हँसत हेरि हेरि जसुमतिकें धकथकी उरकी ॥१॥ रोचन भरि लै देत सूची श्रवन निकट अति ही चातुरकी । कंचनके द्वै दुर मैंगाय लिये कहा कहों छेदन आतुरकी ॥२॥ लोचन भरि भरि दोऊ माताके कान छेदन देखत जिय मुरकी। रोवत देख जननी अकुलानी लियौ तुरत नउवाँकौ भुरकी ॥३॥ हँसत नँद युवती सब विहँसीं झुमक चलीं सब भीतर ढुर्की । सूरदास नंद करत बधाई अति आनंद बाला व्रजपुरकी ॥४॥

Kaan Chedan Ke

Part1-139

Saarang

Kunvarkau varnabedh curry leenau . jaati kutumb partumber pahari jinn

कुँवरकौ वर्णबेध करि लीनौ । जाति कुटुंब पार्टंबर पहरी जिन जो माँग्यौ सो दीनौ ॥१॥ अन्नदान गो दान कर इमि धन जो जाकौ अधिकारी। देत आनेंद हरख अपने कों हरुवी को भारी ॥२॥ गोकुलवासी सब सुख रासी पायौ चीत्यौ मनकौ । कृष्णदास पायौ मन भायौ गुन गोपाल के धनकौ ॥३॥

Kaan Chedan Ke

Part1-139

Saarang

Soochi padhe deeni dwij varr devaa . jaate peer naan hoyee karnakon humm

सूची पढ़े दीनी द्विज वर देवा । जाते पीर न होई कर्णकों हम करिंहें तव सेवा ॥१॥ कहत यशोदा द्विज वर देवा तुव मन भायौ कहिये । गोकुल के प्रतिपालन लाइक नंद गोपकें रहिये ॥२॥ एसौ सुख अपने डृग देखों सकल संपदा बाढ़ी । यातें कहा अधिक चहियत है अष्ट महासिधि टाड़ी ॥३॥ चिरजीयौ यह मँदलाल तेरी द्विज वर बोलें बानी । नंदराय यश जुग जुग बाढ़ीो परमानंद बखानी ॥४॥

Kaan Chedan Ke

Part1-139

Saarang

Yeh merey lalkau annaprasana | bhojan dakshana bohot dwijanakon

यह मेरे लालकौ अन्नप्रासन | भोजन दक्षना बोहोत द्विजनकों देहू मणि मय आसन ॥१॥ पायस भरि हर पल्‍लव लै हो सब गुरजन अनुशासन। परमानंद अभिलाख यशोदा बेगि बढ़े खटमासन ॥२॥

Anna Prashan ke

Part1-140

Saarang

Sudin savaarau shodhiken lalju bhojan keejai | kuldevta manai

सुदिन सवारौ शोधिकें लालजू भोजन कीजै | कुलदेवता मनाई हरखसों यह मानि मन लीजै ॥१॥ ब्राह्मण भोजन और दक्षना अति आदरसों दीजै । आशीर्वाद देत सबै मिल मन इच्छित फल लीजै ॥२॥ यह बाढ़ौ बेलि का कड़ेंते लोचन पुट अमृत रस पीजै । परमानंद कहत नँदरानी देखि देखि मुख जै. ॥३॥

Anna Prashan ke

Part1-140

Saarang

Annaprasana dinn nandlalkau karat yashoda maay . brahmin deva

अन्नप्रासन दिन नंदलालकौ करत यशोदा माय । ब्राह्मण देव पूजि कुलदेवी बोहोत दक्षना पाय ॥|१॥ कुटुंब जिमाय पाट्टंबर दीने भवन आपने आय । मायध भाट सूत सममाने सबहिन हरख बढ़ाय ॥२॥ जो जिहिं जाँच्यौं सो तिन पायी नंदराय बड़ दानी । भक्त हेत प्रगटे जग जीवन परमानंद गुन _गानी ॥३॥

Anna Prashan ke

Part1-140

Saarang

Aaj kaanh curry haye ann praasan | manee kanchanke thaar bharaaye

आज कान्ह करि है अन्न प्रासन | मनि कंचनके थार भराये भाँति भातिके बासन ॥१॥ नंदघरनी ब्रज बधू बुलाई जे सब अपनी पॉँतिन। कोऊ जौनार कोऊ करे घृत पके खटरस के बहु भाँतिन ॥२॥ बोहोत प्रकार किये बहु बिजन अनेक बरन मिष्टान । अति उज्ज्वल कोमल अति सुंदर अति अद्भुत पकवान ॥३॥ जसमुमति नंदहि बोलि कह्मौ तब महर बुलावो जाति। आपु गये सब गोपनके घर ले आये सब ज्ञाति ॥४॥ आदर करि बैठाय सबनकों भीतर गये नैंदराय । जसुमति उबटि न्हवाय कान्हकों पट भूषन पहराय ॥५॥ बारबार मुख निरखि यशोदा पुनि पुनि लेत बलाई । तनकसी झगुली माला मोतिन कर चूरा दुहुँ पाई ॥६॥ और जात सुत मुख जुठरायौ नंद बैठाये गोद | महरि बुलाई बैठारी मंडली आनँद करत विनोद ॥७॥ कनिक थार भरि खीर धरी ले तापर मधु घृत नाई । नंद लै लै हरि मुख जुठरावत नारि उठीं सब गाई ॥८॥ खटरस के परकार जहाँ लगि लै लै अधर छुवावत | विश्वभर जगदीश जगत गुरु परसन मुख करवावत ॥९॥ तनक तनक जल अधर पौंछिकें जसुमतिपै पहोंचाये | हरखित युवति सब लै लै मुख चूमि चूमि उर लाये ॥१०॥ महरि गोप सबही मिलि बैठे पनवारे परसाये | भोजन करत अधिक रुचि उपजावै जो जिहिं जिहिं मन भाये ॥११॥ यह विधि सुख बिलसत व्रजबासी धनि गोकुल नरनारी । नंदकुँवरकी या छबि ऊपर सूरदास बलिहारी ॥१२॥

Anna Prashan ke

Part1-140

Saarang

Mohan tein maati que‍yon khaai . thaade gwal kahat sub baalik

मोहन तें माटी क्‍यों खाई । ठाड़े ग्वाल कहत सब बालिक जे तेरे समुदाई ॥१॥ मुकरि गये मैं सुनी न देखी झूठेई आनि बनाई । दे प्रतीति पसारि वदन तब सब बसुधा दरसाई ॥२॥ मगन भई जसुमति मुख चितवत ऐसी बात उपजाई । सूरदास उर लाय लालकों लोन उतारत राई ॥३॥

Mrutika bhakshan

Part1-141

Ramkali