Manimay aangan nand key khelat douu bhaiya . gaur shyam

मनिमय आँगन नंद के खेलत दोऊ भैया । गौर श्याम जोरी बनी बलि कुँवर कन्हैया ॥१॥ नूपुर कंकन किंकनी रुनु झुनु बाजें । मोहि रही ब्रज सुंदरी मनसा सुत लाजें ॥२॥ संग जसुमति रोहिनी हित कारन मैया । चुटकी दे दे नचावहीं सुत जानि नन्हैया ॥३॥ नील पीत पट ओढ़नी देखत मोहि भाव | बाल विनोद आनंदर्सूँ परमानंद गावै ॥४॥

Baal Leela Ke

Part1-147

Bilawal

Khelat madan sunder anga . yuvati jan munn nirakhi upjat

खेलत मदन सुंदर अंग । युवती जन मन निरखि उपजत विविध भाँति अनंग ॥१॥ पकरि बछरा पूँछ ऐंचत अपनी दिश कर जोर । कबहुँ बच्छ लै भजत हरि को युवती जनकी ओर ॥२॥ देखि परबस भये प्रीतम भयौ मन आनंद | मनही आकुल भई व्याकुल गई लाज अमंद ॥३॥ कोऊ देखत गहत कोऊ हसत छाँडत गेह | करत भायौ अपने मनकौ प्रगट करि निज नेह ॥४॥ अति अलौकिक बाल लीला क्‍्यीं हूँ जानी न जाई । मुग्धतासों महारस सुख देत रसिक मिलाई ॥५॥

Baal Leela Ke

Part1-147

Bilawal

Khelat shyam gwalan sanga .. subal haldhar aru sridama

खेलत श्याम ग्वालन संग ॥ सुबल हलधर अरु श्रीदामा करत नाना रंग ॥१॥ हाथ तारी देत भाजत सब करि करि होड़ ॥ बरजें हलधर श्याम तुम जिनि चोट लागै गोड़ ॥२॥ तब कट्मौ मैं दौरि जानत बहुत बल मो गात । मेरी जोरी है श्रीदामा हाथ मारें जात ॥३॥ जानिके मैं रहो ठाड़ो कहा छुबत तू मोहि ॥ सूरश्याम खीजत सखा संग मनहि कीनो कोहि ॥४॥

Baal Leela Ke

Part1-147

Ramkali

Baal vinod aanganmenki dolni . manimay bhoomi subhag

बाल विनोद आँगनमेंकी डोलनि । मनिमय भूमि सुभग नंदालय बलि बलि गई तोतरी बोलनि ॥१॥ कटुला कंठ रुचिर केहरि नख व्रजमाल बहु मोलनि । बदन सरोज तिलक गौरोचन लट लटकन मधुप गन टोलनि ॥२॥ लोंनी कर पसरत आननपर कछुक खात कछु लग्यौ कपोलनि। कहिधों सूर कहाँ लगि बरनों धन्य नंदजीवन जग तोलनि ॥३॥

Baal Leela Ke

Part1-148

Bilawal

Albal bolat baani tott ree | suni suni vraj lalana kahein

अलबल बोलत बानी तोत्त री | सुनि सुनि ब्रज ललना कहें बलिबलि हिये लाय आनंद होत री ॥१॥ बालिक बचन परत समुझे नहीं हँसि हँसि गाल रसाल छोत री । चतुर नारि चुचकारि चूमि मुख होति अपरिमित रति उदोत री ॥२॥ मनमोहन पल तजें न भावत नहीं चिते सुत सदन कोत री । गोकुल ज्यों खेलत सुख हरिको गोपिनमें रति ओत पोत री ॥३॥

Baal Leela Ke

Part1-148

Bilawal

Dekhat darpan kahat gopal . arrie maiya yeh kaun doosaron

देखत दरपन कहत गोपाल । अरी मैया यह कौन दूसरों मोहीसौ तेरी लाल ॥१॥ याहि गोद लै बैठि जिमावै हों न जेंऊँगो आज | हों बाबाकी गोद बैठिहों लै अपनों सब साज ॥२॥ जाय बसूँगो गोपिनके घर खेलूँगो ब्रज माँही | चोखूँगो गैया अपनीकों छूवों न तेरी छाँही ॥३॥ जो तू मेरी कही न मानें दरपन हदें लगाय । मेरें ओर कौन दूसरी तूही पुत हों माय॥४॥ बालचरित्र रस महामुग्ध सो बरनन करि मन मूढ़ | रसिक प्रीतम सुमिरत निशिवासर अंतर भावनिगूढ़ ॥५॥

Baal Leela Ke

Part1-148

Bilawal

Yeh tunn kamal nain parr vaaron samliya bhohi bhavairi .

यह तन कमल नैन पर वारों सामलिया भोहि भावैरी । चरन कमलकी रेंनु यशोदा ले ले शीश चढ़ावैरी ॥१॥ लै उछंग मुख निरखन लागी राई लौन उतारे | कौन निरासी दृष्टि लगाई लै लै अंचल झारे ॥२॥ तू मेरो बालक यदुनंदन तोहि विश्वंभर राखै | परमानंददास चिरजीवो बारबार यों भाख ॥३॥

Baal Leela Ke

Part1-149

Bilawal

Baldasha gopalki sub kaahu bhaavai | jaake bhavanmein jaat

बालदशा गोपालकी सब काहू भावै | जाके भवनमें जात है सो लै गोद खिलावै ॥१॥ श्यामसुंदर मुख निरखिकें अबला सचुपावै । लाल लाल कहि ग्वालिनी हँसि कंठ लगावै ॥२॥ चुटकी दे दै मुदित व्है करताल बजाबै | परमानंद प्रभु नाचहीं शिशुताई जनावै ॥३॥

Baal Leela Ke

Part1-149

Bilawal

Baal vinod gopal key dekhat mohi bhaaven . prem pulaki

बाल विनोद गोपाल के देखत मोहि भावें । प्रेम पुल॒कि आनंदभरी जसुमति गुन गावें ॥१॥ बलि समेत घन सामरौ आँगनमें धावै । बदन चूमि गोद लियौ सुत जानि खिलाबै ॥२॥ शिव विरंचि मुनि देवता जाकौ पार न पाबै । सो परमानंद ग्वालकौ हँसि भलौ मनावै ॥३॥

Baal Leela Ke

Part1-149

Bilawal

Douu bhaiya ghuturuvan chalat . harat dukh vraj bhoomi kau dey

दोऊ भैया घुटुरूवन चलत । हरत दुख व्रज भूमि कौ दे मोद दैत्यन दलत ॥१॥ अलक बविथुरे बदन मृुगमद तिलक सोहै भाल । ट्रगन अंजन भौंह बिंदुका अधर रसत रसाल ॥२॥ कंठ बंधना चरन नूपुर किकनी कलनाद । करन पोहोंची उरसि माला शब्द सुनि अहलाद ॥|३॥ देखि जसुमति जन्म अपनों सुफल करि माने । बाललीला भाव हरिके रसिक को जाने ॥४॥\

Baal Leela Ke

Part1-149

Bilawal

Dekhi pratibib gopal khijaavai. leey laduva melat baake mukh

देखि प्रतिबिब गोपाल खिजावै। ले लडुवा मेलत बाके मुख खेलन संग बुलावै ॥१॥ बोलि बोलि उठि चलैरे भैया हट करि करि पकरावै। अपने कंठकौ हार उततारि लै बाके कंठ पहिरावै ॥२॥ मधुर बचन कहि हित करि नीके तोतरे बोल सिखावै | आभूषन सब अपने अँगके लै करि बाहि दिखावै ॥३॥ अरी मैया हो कहा करूँ यह खेलन संग न आवै । मेरी कही न मानें बातें योंही मोहि बिरावै ॥४॥ तू करगहि हटठकरि किन याकों मेरे संग पठावै । सुतके बचन सुनत नेंदरानी आनंद हिये बढ़ावै ॥५॥ बालकेलि रस महा मुग्धके सबहिनके मन भावै | रसिक प्रीतम सुमिरत निशिवासर गावत अति सुख पावे ॥६॥

Baal Leela Ke

Part1-149

Bilawal

Hari leela gawat gopijan aanandamen nishi dinn jaaee.

हरि लीला गावत गोपीजन आनंदमें निशि दिन जाई। बालचरित विचित्र मनोहर कमल नैन व्रज जन सुखदाई ।॥॥१॥ दोहन मथन खंडन गृह लेपन मंडन सुत पति सेवा। चारि याम अवकाश नहीं पल सुमिरत कृष्ण देवदेवा ॥२॥ भवनभवन प्रति दीप बिराजत कर कंकन नूपुर बाजें । परमानंद घोष कौतूहल निरखि्र भाँति सुरपति जिय लाजें ॥३॥

Baal Leela Ke

Part1-150

Bilawal