Houn bhori merau kaanh sayanau | yaaheete laal kheejat hii

हों भोरी मेरौ कान्ह सयानौ | याहीते लाल खीजत ही तुमसों दूधकों गई तोलों माट ढुरानौ ॥१॥ कौन उपाय करों सुनि सजनी मंदिर में सब दधि बिखरानौ । बोलि लिये सब सखा संगके पीबौरे बाल नंदलाल कमानों ॥२॥ दौरि उठाय लिये आँकों भरि निरस्त्रि नैन मोहन मुसिकानौ । कृष्ण जीवन लछीराम के प्रभु माई व्रजजुबतिन के हियौ सिरानों ॥३॥।

Baal Leela Ke

Part1-150

Bilawal

Nohin gokul baas hamarau | bairi cons basat shir oopar

नॉहिन गोकुल बास हमारौ | बैरी कंस बसत शिर ऊपर नित उठि करै खगारौ ॥॥९॥ गाम गाम प्रति देश देश प्रति लोक लोक प्रति जानी । यह गोपाल कहाँ लै राखों कहत नंदजू की रानी ॥२॥ शक्टट पूतना तृणावर्त ते याहि विधाता राख्यौ । कैसें मिटै कहाँ संतनकौ गर्ग बचन यों भार्यौ ॥३॥ यद्यपि परब्रहा अविनाशी महतारी डर मानै । परमानंद प्रीति ऐसी पुनि शुक घुनि व्यास बखाने ॥४॥

Baal Leela Ke

Part1-150

Bilawal

Bhawat harike baal vinod . keshav raam nirastri atee

भावत हरिके बाल विनोद । केशव राम निरस्त्रि अति बिहँसत मुदित रोहिनी मात यशोद ॥१॥ आँगन पंक राग तन सोहत चल नूपुर धुनि सुनि मन मोद ॥ परम सनेह बढ़ावत भायन रवकि रवकि बैठत चढ़ि गोद ॥२॥ अतिहि चपल सुखदायक निशदिन रहत केलि रस ओद | परमानंद अंबुज लोचन फिरि फिरि चितवत निजजन कोद ॥३॥

Baal Leela Ke

Part1-150

Bilawal

Baal vinod kharey jiya bhawat | mukh pratibimb pakribe

बाल विनोद खरे जिय भावत | मुख प्रतिबिंब पकरिबे को हरि हुलसि घुटुरुबन धावत ॥१॥ कमलनैन माखनके कारन करि करि सैन बतावत । शब्द जोरि बोल्यो चाहत मुख प्रगट बचन नहीं आवत ॥२॥ कोटि ब्रह्मांड खंडकी महिमा शिशुता माँहि दुरावत । परमानंद स्वामी मनमोहन जसुमति प्रीति बढ़ावत ॥३॥

Baal Leela Ke

Part1-150

Bilawal

Nandjuke laalan kii chhabi aachhi . paay penjani runujhunu

नंदजूके लालन की छबि आछी । पाय पेंजनी रुनुझुनु बाजत चलन पूँछ गहि बाछी ॥१॥ अरुन अधर दधि मुख लपटानौ तन राजत छींट छाछी । परमानंद प्रभु बालिक लीला हँसि चितबत फिरि पाछी ॥२॥

Baal Leela Ke

Part1-151

Bilawal

Shobhit curr navneet liyein. ghuturuvan chalat rennu tunn mandit

शोभित कर नवनीत लियें। घुटुरुवन चलत रेंनु तन मंडित मुख दथधि लेप कियें ॥१॥ चारु कपोल लोल लोचन छबि गोरोचनकीौ तिलक दियें । लर लटकन मानों मत्त मधुप गन मादिक मधुहि पियें ॥२॥ कठुला कंठ वज़ केहरि नख राजत है सखी रुचिर हियें। धन्य सूर एकौ पल यहि सुख कहा भयी शत कल्प जियें ॥३॥

Baal Leela Ke

Part1-151

Bilawal

Doori khelan jinn jaau lalaa merey aayo haye haau ..dhri...

दूरि खेलन जिन जाऊ लला मेरे आयो है हाऊ ॥धृ.।। कुँजन कुंजन गौ चराईं निशदिन यमुना जाऊँ | बैठि पाताल कालीनाग नाध्यो तहाँ न देखे हाऊ । मैया कैसे है हाऊ ॥१॥ वामनरूप छल्यो बलि राजा तीन पेंड बसुधाऊ । बाँधि समुद्र सबै दल लूटे तहाँ न देख्यो हाऊ ॥२॥ राम रूप है रावण मास्बो दश मस्तक बीस भुजाऊ | सुबरन लंका विघन करी है तहाँ न देखे हाऊ ॥३॥ बालकपन में माटी खाई तीन लोक दिखराई । सूरदास प्रभु अद्भुत लीला मोपै बरनी न जाई ॥४॥

Baal Leela Ke

Part1-151

Bilawal

Karbalaten hari haari parey | nautan sanga naveen jalad chadhi

करबलतें हरि हारि परे | नौतन संग नवीन जलद चढ़ि मानों दै शशि आनि अरे ॥१॥ तब गिरि कमठ सुरासुर सर्पहिं धरत न मनमें नेंक डरे । तिन भुज भूषण भार परत कर गोपिनके आधार धरे ॥२॥ इंदु बदन मानों मधि काढ़्यों बिहँसत मानों प्रकाश करे । सूरदास गोविंद उदधि में निरखत मुख हूतें न टरे ॥३॥

Baal Leela Ke

Part1-151

Bilawal

Aeka samein sutakon hulrawati jasumati mudit karat moodugaanen.

एक समें सुतकों हुलरावति जसुमति मुदित करत मूदुगानें। बिधुसीौ बदन कमलदल लोचन सुंदर श्याम तबै जुभानें ॥१!॥ तब विलोकी व्याकुल भई जननी तीनहुँ लोक बदन दरसानें । सूरदास प्रभु मंद मंद हँसि तबही महरि माया अरू झाने ॥२॥

Baal Leela Ke

Part1-151

Bilawal

Bali gaee balcharitra murari | paany paijaniyaan bajat runjhun

बलि गई बालचरित्र मुरारि | पाँय पैजनियाँ बजत रुनझुन नचवति नंदकी नारि ॥१॥ कबहुँ हरिकों लाय अँगुरियन चलन सिखावत ग्वारि ॥२॥ कबहुँक हृदय लगाय चूँमति मुख बैठी अंचल डारि । कब्हुँक हरि तन कोषि चितवत कबहुँ दिवावत गारि ॥३॥ कबहुँढ अंग भूषण बनावति राईलौन उतारि । सूरदास सुरनर सब मोहे देखि यह अनुहारि ॥४॥

Baal Leela Ke

Part1-152

Bilawal

Merau saanvaron kanhai maaee ekau dey naan jaanen ! doodh aur

मेरौ साँवरों कन्हाई माई एकौ दे न जानें ! दूध और दावानल दोऊ एकही करिकें मानें ॥॥॥ कमल और गोवर्धन लाला दोऊ एक करि लेखे । सूर लीला केती करि गाबै देव सपनेहुँ नहीं देखे ॥२॥

Baal Leela Ke

Part1-152

Bilawal

Maadhau juu tanaksau badan tanakse charan tanak curran parr

माधौ जू तनकसौ बदन तनकसे चरन तनक करन पर तनकसी माखन । तनकसे अधर तनकसी दतियाँ तनक हँसन हरि लेत सबन मन ॥१॥ तनकसे कपोल तनकसी भूकुटी तनकसे बसन तनकसे आभरना तनकही तनक सूर प्रभु रिंगत तनक कृपा कीजै राखो शरन ॥२॥

Baal Leela Ke

Part1-152

Bilawal