Sohat jaruli poongharvaari | lutt latkat lilat binduli

सोहत जरूली पूँघरवारी | लट लटकत लिलाट बिंदुली अति सोहै पोहोंची देत करतारी ॥१॥ सोहत कंठ कनक केहरि नख मंद हँसन मोहत खगवारी । राजत कटि किंकिनी और घुँघरू चलत घुटुरुवन ऐसे कान्ह की रामदासबलिहारी ॥३॥

Baal Leela Ke

Part1-152

Bilawal

Bali bali jaauun lalaa inn bolan kii . ghoongharvaari lutt

बलि बलि जाँऊँ लला इन बोलन की । घूँघरवारी लट लटकें छबि कुंडल लोल कपोलन की ॥१॥ दंत की पंगति कुंदकली अधरामृत बोलन खोलन की । चपला चमकै तन बीजु छटैँ उर मोतिन माल अमोलनकी ॥२॥ रुनक झुनक पाँय पेंजनी बाजैं चलन चटक इन डोलन की । सूरदास प्रभु करि नौछाबरि लटकें द्विभुजा गल मेलन की ॥३॥

Baal Leela Ke

Part1-152

Bilawal

Giridhar dolat poin poin . anguri gahein nandbawa kii

गिरिधर डोलत पॉइन पॉइन । अँगुरी गहें नंदबावा की घुटुरूवन के चाइन ॥१॥ लटपटाइ पग धरत अटपटे जसुमति लेत बलाइन । कडुला कंठ बाघनख राजत अंग अंग सुखदाइन ॥२॥ यड़ सुख ब्रह्मादिक कों दुर्लभ जो जीवत संत आइन | सो सुख सूरश्याम कहाँ पैयत जो सुख व्रज की गाइन. ॥३॥

Baal Leela Ke

Part1-152

Bilawal

Nanddham khelat hari dolat . yashomati karati rasoi bheetar

नंदधाम खेलत हरि डोलत । यशोमति करति रसोई भीतर आपुन किलकत बोलत ॥१॥ टेरि उठी जसुमति मोहन कहि आवौ चरन चलाई ॥१॥ बैन सुनत माता पहचानी चले घुटुरुवन धाई ॥२॥ लै उठाय पे गहि पोंछत सबै धूरि भरी देह । सूरदास जसुमति रज झारत कहाँ भरी यह हर ॥३॥

Baal Leela Ke

Part1-153

Bilawal

Dhani jasumati badbhagini liyein kaanh khilaavai. tanatanak

धनि जसुमति बडभागिनी लियें कान्ह खिलावै। तनतनक भुज पकरिकें ठाड़े हौन सिखावे ॥१)| लरखरात गिर परत है चलि घुटुरुवन धावै । पुनि क्रम क्रम भुज टेक के पग द्वैक चलाबै ॥२॥ अपने पॉयन कवि चले मो देखन थावै । सूरदास जसुमति यह विधिसों देव मनावै ॥३॥

Baal Leela Ke

Part1-153

Bilawal

Madhauju tankaso badan sadan shobhakau tanak bhukuti parr

माधौजू तनकसो बदन सदन शोभाकौ तनक भूकुटी पर तनक दिठौना | तनक लटूरी सोहें मुनिन के मन मोहे मानों कमल ढिंग बैठे अलि छौना ॥१॥ तनकसी रज लागी निरखत बड़भागी कंठ कठुला सोहै नख बघना। नंददास प्रभु यशोदा के आँगन खेलै जाको जस गाय गाय मुनि भये मगना ॥२॥

Baal Leela Ke

Part1-153

Bilawal

Khelat nand aangan govind | nirakh nirakh jasumati sukh

खेलत नंद आँगन गोविंद | निरख निरख जसुमति सुख पावत बदन मनोहर चंद ॥१॥ कटि किंकिनी चंद्रमनि की आभा मुक्तावलि बनी माल | परम सुदेश कंठ केहरिनख बिच बिच बज्र प्रवाल ॥२॥ कर पहुँची पायन पनसूरा तनु रंजित रज सीत । घुटुरुवन चलत अजर में बिहरत मुख मंडित नवनीत ॥३॥ सूर विचित्र कान्ह की बानिक बानी कहत न आवै | बालदशा अवलोकि सनक मुनि योग बिरति बिसरावै ॥४॥

Baal Leela Ke

Part1-153

Bilawal

Anand prem umagi jasoda harkhi gopal khilaavai . shiv

आनंद प्रेम उमगि जसोदा हरखि गोपाल खिलावै । शिव सनकादिशुकादि ब्रह्मादिक खोजत अंत न पावै ॥१॥ ताहि गोदलै जननी दुलराबति तोतरे बोल बुलावै । कबहूँ कर पल्‍्लव टेकि उठावै फूली अँग न समावै ॥२॥ मोहे सुरनर किन्नर मुनिवर रवि रथ हू न चलावै । मोहिं सब ब्रजनारी मनहीमन सूरदास यश गावै ॥३॥

Baal Leela Ke

Part1-153

Bilawal

Leu laal merey laal khilauna . duri jinn jaau bahir haau

लेउ लाल मेरे लाल खिलौना । दुरि जिन जाउ बाहिर हाऊ है खेलौ बलि मोहन यह भौना ॥१॥ डरपि आय जननी उर लागे जटित नीलमणि ज्यों मधि सोना । फेरत हाथ शीश मुख चुंबत हाऊ भाजि गयी मेरे छौना ॥२॥ अति डर डरे रोम उठि आये कॉपत अंग गह्मौ अति मौना । तब जमुमति खिजि नंद अंक भरि परचावत मुख देखि सलौना ॥३॥ पूतना शकट तृणावर्त मारे अदृभुत लीला नंद डिठौना । कृष्णदास इहि विधि ब्रज खेलत नित प्रति सुंदर श्याम सलौना ॥४॥

Baal Leela Ke

Part1-154

Bilawal

Balibali jaauun madhur sur gavahu . abki baar merey kumbar

बलिबलि जाँऊँ मधुर सुर गावहु । अबकी बार मेरे कुँबर कन्हैया नंदहि नाच दिखावहु ॥१॥ तारी देहु आपने करकी परम प्रीति उपजावहु | आन अंत धुनि सुनि डरपत कत मो भुज कंठ लगावहु ॥२॥ जनि शंका जिय करो लाल मेरे काहेकों सरमावहु | बाँह उठाय काल्हिकी नॉई धौरी थेंनु बुलावहु ॥३॥ नाचहु नेंकु जाँऊँ बल तेरी मेरी साथ पुरावहु । रतनजटित किंकिनी पग नूपुर अपने रंग बजावहु ॥४॥ कनक खंभ प्रतिबिबत शिशु इक लोंनी ताहि खबावहु । सूरश्याम मेरे उरतें कबहुँक टारें नेंक न भावहु ॥६॥

Baal Leela Ke

Part1-154

Bilawal

Kilkat kaanh ghuturuvan aavat . manimay kanik nandke

किलकत कान्ह घुटुरुवन आवत । मनिमय कनिक नंदके आँगन मुख प्रतिबिंब पकरवे धावत ॥१॥ कवहूँ निरख हरि आप छाँहकों करसों पकरन चाहत । किलकत हँसत राजत दे देंतुली पुनि पुनि तिहिं अवगाहत ॥२॥ कनक भूमि पर कर छाया यह उपमा इक राजत । कर कर प्रति पद प्रति मन बसुधा कमल बैठकी साजत ॥३॥ बाल दशा मुख देख जसोदा पुनि पुनि नंद बुलावत । अँचरातर लै ढॉँकि सूरके प्रभुकों दूध पिवावत ॥४॥

Baal Leela Ke

Part1-154

Bilawal

Aaj praatahi tutaraat baat kahat bali kanhaiya ! jaise shuk

आज प्रातहि तुतरात बात कहत बलि कन्हैया ! जैसे शुक पीक बोलतहैं अरसपरस सुनसुन सुखपावत लावत नंद यशोदा मैया ॥१॥ बचन रचन कहत समझ परत नहीं कछु बिच बिच दाब जीभ कहत मेरी मैया । रीझ् रीझ् पुलकि पुलकि उर लागत चुंबत मुख बारबार कहत यह लेत पुनि बलैया !।१॥ बहु बिध पकवान पय खीर नीर माखन मधुमेवा मिश्री ले प्यावत मथ पैया | बलबल ब्रजवनिता जहाँ दामोदर हित चित नित हरत लरत भूखन पट नटवर दोऊ भैया ॥३॥

Baal Leela Ke

Part1-154

Bilawal