Vrajkeereeti anokhiri maaee | joe kouu nandbhavanmein aabat

ब्रजकीरीति अनोखीरी माई | जो कोऊ नंदभवनमें आबत ताको मनहरलेत कन्हाई ॥१॥ उरबघनां मुख मांखन सोहे तनकी कहाकहूं जो निकाई ॥ घुटुरुवबन चलतछांह कोप करत किलकत हैँसत खेलत अंगनाई ॥१॥ मातयशोदा लेतबलैया मनमें मोदबढ़्यों न समाई ॥ कल्याणके प्रभु यह छबि निरखत पलककी ओटसही नहिं जाई ॥३॥

Baal Leela Ke

Part1-155

Bilawal

Nita prati maanati sou dinn dekhon . ghuturuvan chalat paijani

नित प्रति मानति सो दिन देखों । घुटुरुवन चलत पैजनी बाजें जीवन जनम सुफल करि लेखों ॥१॥ रबकि उठाय लई कनियाँ पै बारबार लाल मुख पेखों । द्वारकेस प्रभु नीके लागत पलक ओट जिनि अर्ध निमेखों॥२॥

Baal Leela Ke

Part1-155

Bilawal

Jasomati apanau laal khilaavai prem kii kalolante laad

जसोमति अपनौ लाल खिलावै प्रेम की कलोलनते लाड़ लड़ावै | उबटि मजन कर सिंगार भूकुटि मसि बिंदुका लाय जाहि गावत बेद ताहि चलनौ सिखावै ॥१॥ विश्वभरन शिवकौ शरन जाहि थौँमे गहे हाथ ठुमक ठुमक चलत श्याम नृपुर बजाबै । मणिमय आँगन जगमगाय कदली खंभ रहे छाय साँवरी माधुरी मुरतिकी छबि कहत न आवै ॥२॥ बीजना करत गोपीजन पीत झगुली फरहरात मानों निपट नील घनमें दामिनी दुरावै | तैसेई सोहत सखा संग खेलबेको आनँद रंग कबहुँ हंस चकोर परेवा पकरनकों धावै ॥३॥ कबहुँक उछंग लेत कनिया कर राखे कंठ मनिया पुनि उतार मुख निहार भूषण पट बनावै ॥४॥ बाललीलाकौ महासुख ब्रह्मादिक दुर्लभ भूरि भाग्य नंदघरनि बिना कौन पावै। रामराय प्रभु गिरिधरन कहा न करत हेत ऐसे गोकुलचंदकों भगवानदास गावे. ॥५॥

Baal Leela Ke

Part1-155

Bilawal

Basudev key douu dhotha . gaur shyam tunn neel peet putt

बसुदेव के दोऊ ढोठा । गौर श्याम तन नील पीत पट कल हंसनि के जोटा ॥ कुंडल एक वाम खुति जाकें सो रोहिनी कौ अंसु । उर बनमाल देवकी-नंदन जाहि डरत है कंसु ॥ ले राखे ब्रज-सखा नंद गृह बालक-त्रास दुराई । दै समान विराट के से लोचन उदित भए हैं आई ॥ काली-दवन पूतना-सोषन लीला-गुननि अगाध । 'परमानैंद' प्रभु प्रग” दमन-खलु अभय-करन सुर साधु ॥

Baal Leela Ke

Part1-156

Bilawal

Aajmein dekhyon balvinod .. apanesutahi khilawat raani

आजमें देख्यों बालविनोद ॥ अपनेसुतही खिलावत रानी मनमें मानत मोद ॥१॥ मनमोहन मांखनमिश्रीदे ले बैठारत गोद ॥ श्रीविइलगिरिधर मुखचुंबत धन्य धन्य मातयशोदा ॥२॥२॥

Baal Leela Ke

Part1-156

Bilawal

Dhana dhana jasoda kaun punya tapa kinon .. jaake aangan

धन धन जसोदा कौन पुन्य तप किनों ॥ जाके आंगन मध्य रेगन करत गोविन्द गौरज भीने ॥१॥ गोद लिये हुलरावत गावतः सबहीन हीत चीत दिन ॥ नंददास प्रभु निपट निरंजन सोतें अंजनसें कर लीने ॥२॥ # राग आसावरी # आजु गई हों नंदभवनमें कहा कहूँ गृह चैनरी । चहूँ ओर चतुरंग लक्ष्मी कोटिक दुहिये बैनुरी ॥१॥ घूमि रहे जित तित दधि मथना सुनत मेघ धुनि लाजै | बरनों कहा सदनकी शोभा बैकुँठ हूते राजे ॥२॥ बोलि लई नव बधू जानिकें जहाँ खेलत कुँवर कन्हाई ॥ मुख देखत मोहनी गत रूप न बरन्यों जाई ॥३॥ लटकन लटकि रहौ भुवि ऊपर रंग रंग मनि गन पोहे । मानों शुक्र शनि भौम एक व्है लाल भाल पर सोहे ॥४॥ गोरोचनकौ तिलक भूकुटी बिच काजर बिंदुका लाग्यौं। मानों कमल कौ पिय पराग लै अलिसुत सोयन जाग्यौ ॥५॥ विधु आनन पर दीरघ लोचन नासा लटके मोती । मानों सोम संग करि लीनों जानि आपनौ गोती ॥६॥ सीपजमाल श्याम सुंदरके बघना छवि पावै | मानोहुँ बाल शशि जु नक्षत्र गन उपमा कहत न आबै ॥७॥ शोभा सिंधु अगाधि अंबुनिधि बरनत नाँहि न ओर । जित देखों मन तहीं तहींकौ भयो भरेको चोर ॥८॥ केतिक कहों कहा मति मेरी क्‍यों घेरों जलरास । मोहनलाल गोपालहि बरनत कवि कुल करौ जिन हास ॥९॥ जो मेरी अँखियन रसना होतीं तो कहतीं रूप बनाय । चिरजीयो जसुदाकौ नंदन मानदास बलि जाय ॥१०॥

Baal Leela Ke

Part1-156

Aasawari

Dhaurikau paya peejai hoe gopal jaason teree baini badhe . sub

धौरीकौ पय पीजै हो गोपाल जासों तेरी बैनी बढ़े । सब लरिकनमें सुनि सुंदर सुत तुव शिर अधिक चड़े ॥१॥ देखि देखि और व्रजबालिक बलि और बच्छ बड़े ॥ कंस केशी सब बैरिनके उर अनुदिन अनल दढ़े ॥२॥ छिनु अँचवत छिनुहीं छिनु टटोवत ऐसेही जचन रहे । सूरदास मुसिकाय यशोदा शिरतें काढ़ी न कड़े ॥३॥

Baal Leela Ke

Part1-157

Aasawari

Adbhut aeka chita dhon sajani nandamaharke aangan ree ..

अदभुत एक चित धों सजनी नंदमहरके आंगन री ॥ सोमैं निरख अपनपो खोयोगई मथनियां मॉगन री ॥१॥ बालदशा मुखकमल अवलोकत कछु जननीसों बोलें री ॥ प्रकटत हँसत द्वै दतियां मानो सीपजदुरतदलओलें री ॥२॥ सुंदर भाल तिलक गोरोचनमिल मशिबिंदुका लाग्यो री ॥ मानोमकरंद अचेरुचिसों अलिशावकसोयन जाग्यो री ॥३॥ कुंडललोल कपोलन झलकत मानो दरपनमें झांई रीं॥ रही अवलोक विचार चारु छबि पर मित किनहुँन पाई री ॥४॥ मंजुल तारनकी चपलाई चित चतुरानन करखे री ॥ मानों शरासनसमरधरेंकर भ्रोंह चढायशरवरखें री ॥५॥ जलधि थकित जनुकागपोत ज्यों कूलन कबहूँ आयो री ॥ ना जानों किहि अंग मगन मन चाहि रही नहिं पायो री ॥६॥ कहांलों कहों बनायबनाय सखी छवि निरखतहीं वारी री ॥ सूरश्यामके एकरोमपर प्राणकर्रू बलहारी री ॥७॥

Baal Leela Ke

Part1-157

Aasawari

Ghuturuvan chalat shyam manee aangan maat pitaa douu dekhat

घुटुरुवन चलत श्याम मनि आँगन मात पिता दोऊ देखत री । कबुँक किलकिलात मुख हेरत कबहूँ जननी मुख पेख तरी ॥१॥ लटकत लटकत ललित भाल पर काजर बिंदु भुव ऊपर । यह शोभा नयनन देखे जे बढ़हि उपमा तिहुँ भूपर ॥२॥ कबहुँक दौर घुटुरूवनि टेकत गिरत उठत फिरि धावता इतते नंद बुलाय लेत हैं उतते जननी बुलावत ॥३॥ दंपति हाउ करत आपुस में श्याम खिलौना कीन्हौ । सूरदास प्रभु ब्रह्म सनातन सुत हित करि दोऊ लीन्हों ॥४॥

Baal Leela Ke

Part1-157

Aasawari

Zadin kanhaiya moson maiya kahi bolego | tadin atee

जादिन कन्हैया मोसों मैया कहि बोलेगो | तादिन अति आनंद गीनोरी (माइ) रूनक झुनक ब्रज गलिन में डोलेगो ॥१॥ प्रातही खिरक जाय दुहवे को धाय बंधन बछरुवा के चटकदे खोलेगो । परमानंद प्रभु नवल कुंवर मेरो ग्वालन के संग बन में कीलोलेगो ॥२॥

Baal Leela Ke

Part1-157

Aasawari

Maaee lainn dehu joe merey laalahi bhaav | dadhi makhan chauguno

माई लैंन देहु जो मेरे लालहि भाव | दधि माखन चौगुनो देहुँगी सुतके लेखें जाकौ जितनी आवबे ॥१॥ पालनें झूलै कुलदेव अराधे जतन जतन करे घुटुरुवन धावै । सरबस ताहि दैहुँगी जो मेरे न्हेनरे गोपालें चलन सिखावै ॥२॥ यह अभिप्राय होत दिन दिन प्रति कब मेरौ मोहन थेंनु चरावै। चतुर्भुजदास गिरिधर पिय यह रस निरखि निरखि उर नैन सिरावै ॥३॥

Baal Leela Ke

Part1-158

Dhanashri

Painjani pug manohar. chalat shyam baajat raajat nirakhi vinod

पैंजनी पग मनोहर। चलत श्याम बाजत राजत निरखि विनोद मगन मोहे सुर ॥१॥ अरु मन मुदित यशोदा जननी पाछें फिरत गहाय अँगुरी कर । मानों धेनु तृणचारि बच्छहित्त प्रेम पुलकि पय श्रवत्त पयोधर ॥२॥ कुंडल लोल कपोल बिसजत लर लटकन लटुरिया भरूपर | सूरदास अवलोकनकौ सुख भलकत बल गोपाल जाके घर ॥३॥

Baal Leela Ke

Part1-158

Dhanashri