Dekho dadhisuttamen dadhijaat | aeka achambhau suniye sajani pipumein

देखो दधिसुत्तमें दधिजात | एक अचंभौ सुनिए सजनी पिपुमें रिपुजु समात ॥१॥ त्ापर कीर कीर पर पंकज पंकज के द्वै पात । सुंदर बदन बिलोक श्यामकौ चिते नंद मुसिकात ॥२॥ अति अचरज भयौ पशुपालैं फूले अंग न मात । ऐसौ ध्यान धै जो हरिकौ तिनहिं सूर बलिजात ॥३॥

Baal Leela Ke

Part1-158

Jetashri

Aaj gopal hamhinkon deree | dekhon badan kamal nainan bhari

आज गोपाल हमहींकों देरी | देखों बदन कमल नैनन भरि पुनि तू लाल आपनी लैरी ॥१॥ अति कोमल कर चारु सरोजें अधर दशन नासा सोहैरी | लटकन शीश कंठ मणि आजत मनमथ कोटि वारने कैरी ॥२॥ : दिवसही निशा बिचारत हों सखी यह सुख कबहुँ न पायो मैंरी । निगम निधान सनातन बालक भागि बड़े पायो है तैंरी ॥३॥ ताकौ रूप जगतके लोचन कोटि चंद रवि आलय हैरी । सूरदास बलि जाय ग्वालिनी गोकुलनाथ पूतना बैरी ॥४॥

Baal Leela Ke

Part1-158

Dhanashri

Chalan chaahat payan gopal . laye lagaay anguri nendrani

चलन चाहत पायन गोपाल । लये लगाय अँगुरी नेंदरानी सुंदर मूरति श्याम तमाल ॥१॥ डगमगात गिरि परत पोहोमिपर भुज आ्राजत नंदलाल | जनु शिर पर शशि पर शशि जनु आधौमुख झुकत नल्रिन नमिताल ॥२॥ धूरि घूसर तन नैनन अंजन चलत अटपटी चाल | जन पगधरि उपजत्त सगरी गति विहरत बाल मराल ॥३॥ लट लटकत अरु चारूु चखोड़ा सुटि शोभित भूभाल ॥ सूरदास ऐसी सुख देख्यौ नहीं कहा जियो बहु काल ॥४॥

Baal Leela Ke

Part1-158

Jetashri

Laal tere mukh oopar vaari . bali keshav merey nayanan laagai

लाल तेरे मुख ऊपर वारी । बलि केशव मेरे नयनन लागै रोग बलाय तुम्हारी ॥१॥ सुंदरता कौ पार न पावत रूप देखि महतारी । उर अंतर आनंद बढावत हँसत देत किलकारी ॥२॥ अल्प दशन तुतरात बोल बिंब तहाँ न जात बिचारी । सूर सिंधुमें बूंद भई मिलि मनसा मगन हमारी ॥३॥

Baal Leela Ke

Part1-159

Dhanashri

Laal main yaa chhabi oopar baari | bali gopal lagai inn nayanan

लाल मैं या छबि ऊपर बारी | बलि गोपाल लगै इन नयनन रोग बलाय तुम्हारी ॥१॥ कुटिल अलक मोहन मुख बिहँसन भ्रकुटी बिकट लिलारी । मनहूँ कमल अलि शावक पंगति उड़त मधुर छबि भारी ॥२॥ लोचन ललित कपोलनि काजर छवि उपजत अधिकारी | सुखमें सुख औरौ रुचि बाढृत हँसत देत किलकारी ॥३॥ अल्प दशन कलबल करि बोलत बुध नहीं परत बिचारी | निकसत जोत अधरनके बीच मानों विधिमें बिज्जु उजारी ॥४॥ सुंदरताकौ पार न पावत रूप देख महतारी । सूर सिधुकी बूंद भई मिलि मति गति दृष्टि हमारी ॥५॥

Baal Leela Ke

Part1-159

Dhanashri

Aunguriya chhaandi aray tharag ! nupur baajat tyon tyon dharani

ऑँगुरिया छाँडि अरय थरग ! नूपुर बाजत त्यों त्यों धरनि धरत पग ॥१॥ कबहुंक यशोदामाई भुजा पसारत हँसि डगमगाइकें उलटि भरत डग । जननी मुदित मन चिते शिशुतन कंठ लगाइ सुंदर श्याम सुभग॥२॥ मूदुवानी तुतरात मांगि नवनीत खात भुजन भाव जैसें जनावत बाल खग। चतुर्भुज प्रभु गिरिधरके बाल विनोद नंद आनंद मुख देखें ठाड़े डगमग ॥३॥

Baal Leela Ke

Part1-159

Dhanashri

Lalana houn vaari tere mukh parr . maaee merey hadey bich bilage taatein

ललना हों वारी तेरे मुख पर । माई मेरे हदे बिच बिलगे तातें मसि बिंदा धौभूपर ॥१॥ दमकत हैं दूध दतुलियाँ बिहसत मनौ सीपज घर कियौ कमल पर । लघु लघु लट शिर घूँघखवारे लटकन लटकि रहौ लिलाट पर ॥२॥ यह उपमा कापै कहि आवै कछु कहों सकुचत हों जिय डर । नवतन चंद्ररेख मधि राजत सूर गुरु शुक्र उद्योत परस्पर ॥३॥ मैया छबि पर तन मन देवता बारे तनक घुटुरुबहु होत है भूषर

Baal Leela Ke

Part1-159

Dhanashri

Augan khelein nandke nandaa | yadukulkumud sukhad chaaru

ऑगन खेलें नंदके नंदा | यदुकुलकुमुद सुखद चारु चंदा ॥१॥ संग संग बलमोहन सोहे । शशिभूषण सबकौ मनमोहै ॥२॥ तन दुति मोर चंद जिमि झलकै । उमगि उम्रगि अँगर्अंग छबि छलकै ॥३॥ कटि किंकिनि पग पेंजनि बाजें । पंकज पाणि पहुँचिया राजें ॥४॥ कटुला कंठ बघनखानिके । नैन सरोज मैन सरसीके ||५॥ लटकन ललित ललाट लटूरी । दमकत द्वै द्वै दतुलियाँ नूरी ॥६)| मन हरत मंजु मसिबिंदा । ललित बदन बलि बाल गोविंदा ॥७॥ कुलही चित्र विचित्र झगूली | निरख जसोदा रोहिनी फूली ॥८॥| गहि मन खंभ बिंव ढिंग डोले । कलबल बचन तोतरे बोले ॥९॥ निरखत झुकि झाँकत प्रति बिंबहिं | देत परम सुख पितु अरू अंबहिं ॥१०॥ ब्रजजन निरखत हिय हुलसाने | सूरश्याम महिमा को जाने॥

Baal Leela Ke

Part1-160

Dhanashri

Balgopal shobhit atee khelat manimay anganaa. runak jhunak

बालगोपाल शोभित अति खेलत मनिमय अँगना। रुनक झुनक पग नूपुर बाजें मुखरित रव कटि किंकिनी राजें । पोहोंची कर हीरा बिच सोहै फुदना बिराजत घना ॥१॥ लटकन खुनखुना सोहे अलक जरूली लटकन मोह बालक बूंद सैगना । आसकरन प्रभु मोहन नागर देखि विमोहीं ब्रजकी बाल चितवत चित चोरि लियो मोहन छगन मगना ॥२॥

Baal Leela Ke

Part1-160

Todi

Hansat gopal nand key aagein nand swaroop naan jaanen . nirgun brahm

हँसत गोपाल नंद के आगें नंद स्वरूप न जानें । निर्गुन ब्रह्म सगुन जे लीला ताहिष्ब सुत करि मानें ॥ एक समे पूजा के औसर नंद समाधि लगाई । सालिग्राम मेलि मुख महियाँ बैठि रहे अरगाई ॥ जब नैंद ध्यान बिसर्जन कीनों मूरति आगें नाहीं। कहौ मेरे कान्ह ! देवता कहा भये है विस्मय चितमाही।! मुख तें काढि लिए जग-जीवन दिये नंद जू के हाथ | 'परमानँद” स्वामी मनमोहन खेल रच्यो ब्रजनाथ ॥

Baal Leela Ke

Part1-160

Dhanashri

Niranjan anjan diyein sohein nandke aangan maaee . sabke nain praan

निरंजन अंजन दियें सोहें नंदके आंगन माई । सबके नैन प्रान प्रकासिक ताके ढिंग रच्यौ चखोड़ा छाजे छबि न कही जाई ॥१॥ निगम अगम जाकौं बोलैं सो अलबल कल कछू कहत बनाई । नंददास जाकी माया जगत भूल्यौ सो भूल्यां अपनी परछाँई ॥२॥

Baal Leela Ke

Part1-161

Todi

Sakhiri nandnandan dekhi | dhoori dhusar jataa jaruli hari kiau harr

सखीरी नँद्नंदन देखि | धूरि धूसर जटा जरूली हरि कियौ हर भेख ॥१॥ केहरी के नखन देखत रही सोच बिचारि । बाल शशि मानों भालतें ले उर धरबौ त्रिपुरारि ॥२॥ नील पाट परोहि मणिगण फनिग धोखेंजाय। खुनखुनाकर लियौ मोहन नाचत डौरु बजाय ॥३॥ जलज माल गोपालके उर कहा कहूँ बनाय । गंग मानों गौरी के डर लई कंठ लगाय ॥४॥ देखि अंग अनंग लज्जित निरखि भयौ भय मान । सूर हिरदें सदा बसियै श्याम शिवकी बान ॥५॥

Baal Leela Ke

Part1-161

Saarang