Aangan kheliyai jhanak manak . larika youth sanga munn bhohan

आँगन खेलियै झनक मनक । लरिका यूथ संग मन भोहन बालक ननक ननक ॥१॥ पैयों लागों पर घर जावी छाँडी खनक खनक । परमानंद कहत नैंदरानी बानिक तनक तनक ॥२॥

Baal Leela Ke

Part1-161

Saarang

Moe bhori koo munn bhosyo haye . munn bhaavan binn hii guna munn

मो भोरी को मन भोस्यो है । मन भावन बिन ही गुन मन दोस्बौ है । जुरि जुरि आई ब्रजकी अथाई चितवत ही चीत चोस्बो है ॥१॥ आये चतुर मोही भौराबन और न देख अकोस्थौ है। नंददास प्रभु की चतुराई इत् जोस्बौ इत तोस्यी है ॥२॥

Baal Leela Ke

Part1-161

Todi

Chhoto sou kanhaiya murali madhur chhoti chhote chhote gwal baal chhoti

छोटो सो कन्हैया मुरली मधुर छोटी छोटे छोटे ग्वाल बाल छोटी पाग सिरकी ! छोटे छोटे कुंडल कान मुनिन हूके छूटे ध्यान छोटे पट छोटी लट छूटी अलकन की ॥१॥ छोटी सी लकुट हाथ छोटे छोटे बछवा साथ छोटे से कान्हें देखनि गोपी आई घरनकी । 'नंददास' प्रभु छोटे भेदभाव मोटे मोटे रवायो है माखन सो शोभा देखि बदन की ॥२॥

Baal Leela Ke

Part1-161

Todi

Rahiri gwali joban madmati ! merey chhayan magan seey lalahin

रहीरी ग्वालि जोबन मदमाती ! मेरे छयन मगन से लालहिं कित लै उछंग लगावति छाती ॥१॥ खीजततें अबही राखे हैं शोभित नहानी न्हानी दूधकी दाँती | खेलनदै जाहु घर पर अपुने काहेकों एतौ इतराती ॥२॥ उठि चली ग्वालि लाल लागे रौंवन तब जसुमति फेरी बहु भाँती । परमानंद प्रीति अंतर गति फिरि आई नैनन मुसिकाती ॥३॥

Baal Leela Ke

Part1-161

Saarang

Harinhin joe balkalila bhaav . makhan doodh dahee kii chori soee

हरिंहिं जो बालकलीला भाव । माखन दूध दही की चोरी सोई यसोदा गावै ॥१॥ शकटभंजन पूतना सोषी तृणावर्त दलन कीनौ । केशी हतन यमुला उद्धारन भक्तनकों सुख दीनौ ॥२॥| बछरा चरावन मुरली बजावन जमुनाकाछ बिहारी । परमानंद दासकी जीवनि बूंदावन संचारी ॥३॥

Baal Leela Ke

Part1-162

Saarang

Aavou merey chhagan magan | balgopal lehu balaiyon dadhi makhan

आवोौ मेरे छगन मगन | बालगोपाल लेहु बलैयोँ दधि माखन चलेहु आँगन ॥१॥ सिखवत चलन जसोदा मैया अँगुरी लगन | कोमल चरन कहो कैसें कीनौ शकटभंजन !२)। अरी लै लौनी मैयापै माखन करि गति कान्‍्ह । बालचरित्र रघुनाथदास बलि मुनिमन अठकान ॥

Baal Leela Ke

Part1-162

Saarang

Jaba mero mohan chalaigo dhuturuvan taba houn ree karongi badhaai .

जब मेरो मोहन चलैगो धुटुरुवन तब हों री करोंगी बधाई । सर्वसु बारी देहुँगी तिहिं छिनु मैया कहि तुतराई ॥१॥ यशोदाके बचन सुनत केशौ प्रभु जननी प्रीति जानी अधिकाई । नंदसुवन सुख दियौ मातकों अति कृपाल मेरी नंदललाई ॥२॥

Baal Leela Ke

Part1-162

Saarang

Thaadi liyein khilawat kaniyaan | pramudit munn gawat jasoda hari

ठाड़ी लियें खिलावत कनियाँ | प्रमुदित मन गावत जसोदा हरि लीला मोहनियाँ ॥१॥ काजर तिलक पीत तन झगुली क्वणित पाँइ पैंजनियाँ। हैसुली हेम हमेल बिराजत झर लटकन मनि मनियाँ ॥२॥ हुलरावति हँसि कंठ *ल्गावत प्रीति रीति अति धनियाँ । चुंबत मुख रघुनाथदास बलि बड़भागिन नैंदरनियाँ ॥३॥

Baal Leela Ke

Part1-162

Saarang

Adubhut teree baat kanhaiya | tum joe tanak govardhan dhaaryau

अदूभुत तेरी बात कन्हैया | तुम जो तनक गोवर्धन धारयौ एकही हाथ लियौ कैसे भैया ॥१॥ यमुना पैठि गह्मौ पुनि काली रहे सब लोक दिखैया । केशि तृणावर्त तैं मारे और पूतना हनी यदुरैया ॥२॥ बच्छ बाल अधघासुर लीला तुमही भये ता ठौर नन्हैया । परमानंद प्रभु बहुतक ऐसी अपनो मरम कही नंद डुहैया ॥३॥

Baal Leela Ke

Part1-162

Saarang

Ekasamen jasumati sakhiyanason baat kahat musikaay . moe dekhat

एकसमें जसुमति सखियनसों बात कहत मुसिकाय । मो देखत कबधों मेरौ लालन भूमि धरैगौ पाँय ॥१॥ पुनि मैया मोसों कब कहि है कुँवर कछ्ू हँसि आय । अरि है दूध दही के कारन तन गोरज लपटाय ॥२॥ खरिक दुहावन मोय जात ही आय मिलेंगे धाय | वह धीं चौस होइगी कबहूँ ललन हुहेंगे गाय ॥३॥ सोंपिहें सुत चरावन गैया सुनि सजनी नँंदराय । यह अभिलाष करति जसुमति जिय परमानेंद बलि जाय ॥४॥

Baal Leela Ke

Part1-163

Saarang

Maaee merau gopal ladaiton . apani kaahu chhuban naan dehon yaaheete

माई मेरौ गोपाल लड़ैतों । अपनी काहू छुबन न देहों याहीते लोग बड़ैती ॥१॥ मेरेंई धन गोरस बहुतेरी लैन उधार न जाइवौ । राखोंगी कंठ लगाई लालकों पलना माँझ झूलाइवौं ॥२॥ परम विचित्र पौँय पेंजनियाँ चलन घुटुरुवन धाइवौ । परमानंद नंदके आँगन ले लै नाम बुलाइवो ॥३॥

Baal Leela Ke

Part1-163

Saarang

Tumare laal roop parr vaari | mrigamad tilak kanth kathula vali

तुमारे लाल रूप पर वारी | मृगमद तिलक कंठ कठुला वलि मुख मुसिकान पियारी ॥१॥ घूँघरवारे बार श्यामके लर लटकत गजमोती । देखि स्वरूप नैंदर्नैंदनकौ प्रान बारति सब जोती ॥२॥ कर पोर्होंची हँंसुली प्यारे मोहन पीत झगुलिया सोहै । परमानंददासकौ ठाकुर देखि ब्रह्म हर मोहै ॥३॥

Baal Leela Ke

Part1-163

Saarang