Maiyari tuu mohi badau curr lairi | doodh dahee ghrit makhan meva joe

मैयारी तू मोहि बड़ौ कर लैरी | दूध दही घृत माखन मेवा जो माँगों सो देरी ॥१॥ कछु दुराव राखे जिन मोसों जोइ जोइ मोइ रुचैरी । रंगभूमि में कंस पछारों कहो कथा सुखसोंरी ॥२॥ सूरदास स्वामीकी लीला मथुरावास करोंरी । सुंदर श्याम हँसत जननीसों नंदबाबाकी सोंरी ॥३॥

Baal Leela Ke

Part1-163

Saarang

Jyon jyon nupur baajen tyon tyon dharni dharein poy . bich bich

ज्यों ज्यों नूपुर बाजें त्यों त्यों धरनी धरें पॉय । बिच बिच मनिमय जरायकें राखे पाट पुहाय ॥१॥ दुलरी कंठ दुकानन दुर हीरा ढिंग बनाई । पीतांबरकौ झगा बनायो चौकी पीटि रुराई ॥२॥ किलकि किलकि हँसि कंठ कबहूँ डर लागत लपटाय । सुरनर मुनिजन कौतिक भूले हदे आनंद न समाय ॥३॥ पाछे लागे फिरत मुदित है नंद यशोदा माय । रामदास यह चरन हदे धरि विमल विमल यश गाय ॥४॥

Baal Leela Ke

Part1-163

Saarang

Khelan zaan naan daihaun laal . kaalhi joe drishti luggy munn mohan

खेलन जान न दैहौं लाल । काल्हि जो दृष्टि लगी मन मोहन दीयौ चखोड़ा गाल ॥१॥ ताही तें नहीं पट पहिरावत नहीं मेलत गलमाल । आसकरन प्रभु जतन करत हूँ मोहन मदन गोपाल ॥२॥

Baal Leela Ke

Part1-163

Saarang

Hamaaren gokul anend chaanu . duhiyat gaanee doodh paripuran keenon

हमारें गोकुल आनेंद चानु । दुहियत गांई दूध परिपूरन कीनों कछू पसानु ॥ कहै ग्वाल सब आनंद माते आंनि बन्यो है दानु । कहा करैगो कंस हमारी जो मधुरा कौ रानु ॥ केसी आदि सकल रिपु मारे मेल्यो तृन कौ घानु । आनंद भयो दास 'परमानंद' गोपी मंगल गानु ॥

Baal Leela Ke

Part1-164

Saarang

Shobhit shyam tunn peet jhaguliya . kull hii laal latkan chhavi

शोभित श्याम तन पीत झगुलिया । कुल ही लाल लटकन छवि बघना चलन सिखावत मैया ॥१)| डगमगात पग॑ धरत मनोहर अति राजत पेंजनिया । जसुमति मन प्रफुलित मन आनंद पुनिपुनि लेत बलैया ॥२॥ किलकि किलकि कर लेत खिलौना प्रेम मगन हुलसैया । अरबराय देखत फिर पाछें घुटुुवबन चलत हैं पैया ॥३॥ गोपबधू मुख कमल निहारत ललनसरबबहिं सुख देया । व्रजलीला ब्रह्मादिक दुर्लभ गावत दास सदैया ॥४॥

Baal Leela Ke

Part1-164

Nat

Teree gopal runn-suro | jahi jahi firat pachaari saanvarau taheen

तेरी गोपाल रन-सूरो | जहि जहि फिरत पचारि सांवरौ तहीं परत है पूरो ॥ वृषभ रूप इक दानव आयो सो छिनु में लै मास्यो। दोऊ हाथ : विषान गाढ धरि धरनी माँझ पछास्नौ ॥ कहत ग्वाल जसोदा के आगे भलो पूतु तैं जायो ॥ है कोऊ इह बड़ो देवता लहनें गोकुल आयो । चरन कमल-रज बंदत रहिये निसदिन सेवा कीजै ॥ बारंबार दास “परमानँद” हरि की बलईया लीजै॥

Baal Leela Ke

Part1-164

Saarang

Kahan laage mohan maiya maiya . baabaa baabaa nandrayason aru

कहन लागे मोहन मैया मैया । बाबा बाबा नंदरायसों अरु हलधरसों भैया भैया ॥१॥ छगन मगन मधुसूदन माधौं सब ब्रज लेत बलैया। नाचत मोर रहत संग उनके तोतरे बोल बुलैया ॥२॥ दूरि खेलन जिन जाउ मनोहर मारैगी काहूकी गैया | मात यशोदा ठाड़ी टेरे लै ले नाम कन्हैया ॥३॥ सब गोकुलमें आनंद उपज्यौ घरघर होत बबैया | नंदनंदन की या छबि ऊपर परमानंद बलि जैया ॥४॥

Baal Leela Ke

Part1-164

Nat

Kolahal jamuna key teer . kalinag kahat hain nathyo sankarashan

कोलाहल जमुना के तीर । कालीनाग कहत हैं नाथ्यो संकरषन के बीर ॥ लागी पुकार सकल व्रजबासी नंद जसोमति संग ! उछटत परत सीस कच छूटत रुदै बिरह के दुँद ॥ संकट जाइ भयों इक ठौरे हा हा सबद उचार । 'परमानंददास”' कौ ठाकुर जीत्यो नंदकुमार ॥

Baal Leela Ke

Part1-164

Saarang

Dekhauri runuk jhunuk penjani pug dagmagi chaal lalke tribhuvanaki

देखौरी रुनुक झुनुक पेंजनी पग डगमगी चाल लालके त्रिभुवनकी शोभासिंधु लागी डोलै अंगन । पचरंग पीरी पाटकी कोंधनी कटि पट बाँधे कंचन मनी नूपुर धुरि धूसर रत्ननगन ।॥१॥ आगें चले जात तब जननी डर पावत हैं डरपि डरपि किलकि किलकि जसुमति उर लागत तन । सूरदास मदनमोहन लीलासागर गुनआगर व्रजनारी सुरनर मुनि मगन ॥२॥

Baal Leela Ke

Part1-165

Gori

Bimal jass brandavan key chandkau . kahaa prakaash saum surajkau sou

बिमल जस ब्रंदावन के चंदकौ । कहा प्रकाश सौम सूरजकौ सो मेरे गोविंदकी ॥१॥ कहत यशोदा सखियन आगें वैभव आनंदकंदका । खेलत फिरत गोप बालिक सँग ठाकुर परमानंदकौ ॥२॥

Baal Leela Ke

Part1-165

Gori

Duhuun curr fondana mukh melat . ramkrishna baithe god janani kii

दुहूँ कर फोंदना मुख मेलत । रामकृष्ण बैठे गोद जननी की कबहूँक उतरि घुटुरुवन खेलत ॥१॥ चाहि रहत खुनखुना सुनिसुनि हँसि बसुधा पगसों पग ठेलत । रामदास प्रभु शिशुताके वश अरबराय खिलौना सँकेलत ॥२॥

Baal Leela Ke

Part1-165

Nat

Douu curr chonkhani mukh chonkhat . nitprati mudit jasoda raani

दोऊ कर चोंखनी मुख चोंखत । नितप्रति मुदित जसोदा रानी बल मोहन तन पोषत ॥ नंदराइ बड़ भाग तुम्हारी बाबा कहि मुख घोषतत । “परमानंददास” कौ ठाकुर प्रान पूतना पल में सोषत ॥

Baal Leela Ke

Part1-165

Nat