Kreedat kaanh kanak aangan. niz pratibib biloki kilkiken

क्रीड़त कान्ह कनक आँगन। निज प्रतिबिब बिलोकी किलकिकें धावत पकरन की परछाँडन ॥१॥ पकरन धावत श्रमित होत तब आबत उलटि लाल तिहें टॉइन । सूरदासप्रभु की यह लीला निरखत जसुमति हँसि मुसिकाइन ॥२॥

Baal Leela Ke

Part1-165

Gori

Chhotausau kanhaiya aeka murali madhur chhoti chhote chhote gwalball chhoti

छोटौसौ कन्हैया एक मुरली मधुर छोटी छोटे छोटे ग्वालबाल छोटी पाग शिरकी । छोटेसे कुंडल कान मुनिनके छूटे ध्यान छूटे पट छूटी लट छूटी अलकन की ॥१॥ छोटीसी लकुट हाथ छोटे बच्छ लीये साथ छोटे से बनेरी कान्ह गोपी देखन आईं घर घरको । नंददास प्रभु छोटे भेदभाव मोटे मोटे खायी है माखन शोभा देखो ये बदनकी ॥२॥

Baal Leela Ke

Part1-165

Poorvi

Merrie maaee shyam manohar jeevan | nirakh nayan bhoolat badan

मेरी माई श्याम मनोहर जीवन | निरख नयन भूलत बदन छवि मधुर हँसन पय पीवन ॥१॥ कुंतल कुटिल मकर कुंडल भुव नयन बिलोकनि बंका । सिंधु सुधातें निकसि नयौ शशि राजित मानों मृगंका ॥२॥ शोभित सुमन मयूर चंद्रिका नील नलिन तनु श्याम । मानहूँ छत्न समेत इन्द्र धनु सुभग मेघ अभिराम ||३॥ परम कुशल कोविद लीला लखि मुसकनि मन हर लेत । कृपा कटाक्ष कमलकर फेरत सूर जननी सुख देत ॥४॥

Baal Leela Ke

Part1-166

Gori

Teree laal mohi laagau balaay . balgopal chhagnuwa merey chalo

तेरी लाल मोहि लागौ बलाय । बालगोपाल छगनुवा मेरे चलो अँगना धाय ॥१॥ लालजू के लटकन मटकन कर पोहोंची नूपुर बाजें पॉय । चुटकी दे दे ग्वाल नचावत मुदित यशोदामाय ॥२॥ आनदभरी नंदजूकी रानी अंगरअँग निरखत भाव । परमानंद नंदनंदनकों राखों उर लपटाय ॥३॥

Baal Leela Ke

Part1-166

Gori

Chalau merey ladile hoe poyne pann dharo manmohan enhan

चलौ मेरे लाडिले हो पॉयन पण धरो मनमोहन ेंहँ बलाय ॥१॥ आजकोौ दिन सुहावनों बलिजाऊँ लालरे ऑगन खेलियै धाय । बाझुँगी सर्वसु नारायन विप्रन पैंऊँगी गाय ॥२॥

Baal Leela Ke

Part1-166

Iman

Sohat paay penjaniyaan nupur dhuni baajat cutty kinkini bunny atee

सोहत पाय पेंजनियाँ नूपुर धुनि बाजत कटि किंकिनी बनी अति सुरंग तनियाँ ॥|१॥ कर पोंहोंची भुज बीच बाजूबंद उर बघनां कंठ कौस्तुभ मनियाँ । लर लटकन शिर बेंनी गूंथी कर लकुट रसिक प्रीतमकों लेत धाय कनियाँ ॥२॥

Baal Leela Ke

Part1-166

Iman

Chhaganmagan baare kanhaiya nenku urr dhon aure laal . banamen khelan

छगनमगन बारे कन्हैया नेंकु उर धों आउरे लाल । बनमें खेलन जात लाल डै रहे सब मलिन गात अपने लालकी लैहँ बलायरे लाल ॥१॥ संगके लरिका सब बनि ठनि आये यों कहेंगे कैसी है तेरी मायरे लाल | यशोदा गहत धाय बैयाँ मोहन करत नहैयाँ न्हैयाँ नंददास बलिजायरे लाल ॥२॥

Baal Leela Ke

Part1-166

Iman

Adhaiyaan baithe hain vrajraj . maayadh soot purohit aur badey sub gope

अधैयाँ बैठे हैं व्रजराज । मायध सूत पुरोहित और बड़े सब गोप समाज ॥१॥ रामकृष्ण निकसे मंदिरतें पाछें लागी माज । हँसि मुसक्याय उछंग लिये गोविंद पूरन भये काज ॥२॥

Baal Leela Ke

Part1-166

Gori

Merey chhaganmagan khelo augan jasumatike baare. latkan latkat

मेरे छगनमगन खेलो ऑगन जसुमतिके बारे। लटकन लटकत लिलाट धूरि धूसर भरे गात कहत मीठी तोतरी बात कुंतल घूँघखारे ॥१॥ कंठ कठुला बिराजै केहरिनख हीरा छाजै पॉइन पैंजनी सोहै नंदके दुलारे । धोंधीके मी बाललीला अवगति अविनाश क्रीड़ा कहत निगम नेति नेति ब्रह्म वेद हारे ॥२॥

Baal Leela Ke

Part1-167

Iman

Jhanak manak tanakse chhaganon . nahani nahani sohai doodhaki datiyon

झनक मनक तनकसे छगनोँ । नहानी नहानी सोहै दूधकी दतियोँ किलकि किलकि लागत छतियाँ रज झारत री झपगनौं ॥!१॥ गोद लियें हुलरावै खिलावै कंठ सोहै कनक बघनां | सूरदास मदनमोहन संग लागी लागी डोलेलाल घुटुरूवन चलत री अँगनों ॥२॥

Baal Leela Ke

Part1-167

Iman

Tihari baat mohi bhawat laal | barbar jasumatike bhawan mein

तिहारी बात मोहि भावत लाल | बारबार जसुमतिके भवन में यह सुनत हों आवत लाल ॥१॥ पारपरौसिन अनख करति हैं औरें कछू लगावत लाल । ताकी साखि विधाता जाने जिहिं लालच उठि धावत लाल ॥२॥ दधिकौ मथन और गृह कारज तुम्हारी प्रेम विसरावत लाल । परमानंद प्रभु कुँवर लाड़िलि निरेखि बदन सचुपावन लाल ॥३॥

Baal Leela Ke

Part1-167

Iman

Abb hathh chhaadi dehu ray merey baare kanhaiya | joe maangi sou daihon lalaa

अब हठ छाडि देहु रे मेरे बारे कन्हैया | जो मांगी सो दैहों लला रे ! माखन दूध मलैया ॥ चकई भौंरा पाट के लटकन और मैँँगाई दैहों फेर कन्हैया । सब लरिकिनि के संग मिलि खेली अरू बलदाऊ भैया ॥ दोऊ मैया निरखि निरखि के फुनि फुनि लेति बलैंया । 'परमानैंद” प्रभु बालरूप धरि क्रीडत नैंद-अँगनैया ॥

Baal Leela Ke

Part1-167

Iman