Aink reeti preeti vash keene mohan yaahi tein vrajareeti nyaari '

एंक रीति प्रीति वश कीने मोहन याही तें ब्रजरीति न्यारी ' जाकी माया सब जगत नचावत ताहि नचावत घोषकी नारी ॥१॥ जाकी चरन रज ब्रह्मादिक दुर्लभ सो रज व्रजवधू बन बगर बुहारी डारी | सूरदास मदनमोहन जिनके हरि नैन प्रान कहा कहूँ बुद्धि अनुसारी ॥२॥

Baal Leela Ke

Part1-167

Kanharo

Balibali jaauun chhabile lalki . dhusar dhoori ghuturuvan tekat

बलिबलि जाऊँ छबीले लालकी । धूसर धूरि घुटुरुवन टेकत बोलत बचन रसालकी )॥१॥ कछुक हाथ कछू मुख माखन चितवनि नैनविशालकी । मोतन हँसत नासिका नथुनी कंठबधन बनमालकी ॥२॥ छिटकि रहीं चहूँ दिशा लटुरियाँ लर लटकन सोहै भालकी । सूरदास स्वामी सुखसागर निमिष न तजें ब्रज बालकी ॥३॥

Baal Leela Ke

Part1-167

Iman

Sumirau nandraj kumar . nandaangan karat ringan badan bithure

सुमिरौ नंदराज कुमार । नंदआँगन करत रिंगन बदन बिथुरे बार ॥१॥ चरन नूपुर किंकिनी कटि कठुला हार । करन पोंहोंची उरसि बघनों तिलक सोहै लिलाट ॥२॥ सुनत फिरके चक्ृत चित निज किकिनी झनकार। टठकि टेरत करत निश्चै हँसत परम उदार ॥३॥ पंक लेपन अंग कीने नचत नैन सुढार । करि बड़ाई गोद जननी लेत मोद अपार ॥४॥ गहत बछरा पूछ ऐंचत रूप जीत्यौ मार | देखि परवश हँसत गोपी मुग्ध तजत अपार ॥५॥ कूरके ढिंग जात खेलन फिरत जननी लार | काज बिसरत सबै गृहके विग्रता के भार ॥६॥ बालक संग रासलीला करत ब्रजगृहद्धार । देत आनंद युवतीजनकों पठई गृहगृहचार ॥७॥ करत चोरी भवन प्रति धैंसि लेत गोरस सार । बैठि . जेंमत निडर पतिलों परोसि राखे थार ॥८॥ देत माखन बनचरनको बॉटि बाँटि अपार | खनत चोंहोटी निपट बालक भजत दै करतार ॥९॥ मायके ढिंग लसत सूधे साधु मनखरारि | गोपी दैन उराहनों सब जुरि आवैं दै दस चारि ॥१०॥ सुमिरि कृत संकेत गोपी हँसत झूँठी रार । बारि डारों निरखि शोभा रसिक बारंबार ॥११॥

Baal Leela Ke

Part1-168

Kedaro

Aachho neeki sohat hassan daiy daiy dudhaki datiyaan . ghuturuvan

आछो नीकी सोहत हसन दै दै दुधकी दतियां । घुटुरुवन आंगन रिंगन मोहन खेलत आनआन भतियां ॥१॥ लरलटकन मटकन करपोहोंची बोलत तोतरी बतियां | मुख चुंबत रघुनाथदास बलि हसि लगावत छतियां. ॥३॥

Baal Leela Ke

Part1-168

Kanharo

Bal bal jaaun madhur sur gaavo .. abki vair merey kunwar

बल बल जाउं मधुर सुर गावो ॥ अबकी वेर मेरे कुंवर कन्हैया नंद ही नाच दिखावो ॥१॥ हेरी दे बावा के आगे परम प्रीत उपजावो॥ रतन जटित किंकिणि पग नूपुर अपुने रंग बजायो ॥२॥ कनक खंभ प्रतिबिंब आपनो ले नवनीत खवायो ॥ परम दयाल सूर के उरतें हरि चरे नहि भावो॥३॥

Baal Leela Ke

Part1-168

Kanharo

Auganmein hari soy gayeri .. harey harey douu janani milike

ऑगनमें हरि सोय गयेरी ॥ हरे हरे दोऊ जननी मिलिके सेज सहित तब भवन लहेरी ॥१॥ कहत रोहिणी इन्हें न जगावी खेलत डोलत हार गयेरी । बारंबार जुंभात सॉवरौ बदन देख विस्मित जु भयेरी ॥२॥ कहत नंद ये कछून जानें गायन के संग श्रमित भयेरी | सूरदास बलराम श्याम तब ब्रजरानी संग पौढ़ रहेरी ॥३॥

Baal Leela Ke

Part1-168

Bihaag

Nripati bachan yeh sabani sunaayau. muh chahee senapati keenau

नृपति बचन यह सबनि सुनायौ। मुह चही सेनापति कीनौ शकटासुर सुनि गर्व बढ़ायौ |१॥ दोऊ करजोरी भयौ तब ठाड़ौ प्रभु आइसु में पॉऊँ । हाँते जाय तुर्तही मारों कहौ कहौ तौ जीवत लॉऊँ ॥२॥ यह सुन कि हरख मन कीनौ तुरतही बीरा दीनौ । बारंबार सूर कहै ताकों आप प्रशंसा ॥३॥

Shaktasur Vadh Leela

Part1-169

Bilawal

Shobhit subhag nandjuki raani. atee anand aanganmein baithi

शोभित सुभग नंदजूकी रानी। अति आनंद आंगनमें बैठी गोद खिलावत सारेंगपानी ॥१॥ तृणावर्तकों करी सुरति जिय पठयौ कंस असुर अभिमानी । गरुवे भये वहीं बैठारे सहि न परै जननी अकुलानी ॥२॥ आपुन गई सदन में दौरी कछू एक काज तहाँ लपटानी । भयौ उर महाभयानक गोकुल सकल प्रलयकौ उदयौ गोपाल जानी ॥३॥ महा दुष्ट ले चल्यो अकासें बालकृष्ण यहे जिय ठानी । चाँपी ग्रीव हरि प्राण हरे ्रगन रंगत चल्यौ अधिकानी ॥४॥ पायल सिला निरखि हरि परयौ उपर खेलत श्याम सुखानी । ब्रज वनिता उपवनमें पाये लये उठाय कंठ लपटानी ॥५॥ लाई गही चूँमत चाहति घर घर सबन बधाई मानी । देत आभूषन बारि बारि सूर सब नारी बारि पीवत पानी ॥६॥

Turnavrat Vadh leela

Part1-169

Bilawal

Paan lai chalyau nripash anand kinau | gayau shirnaaiken garv

पान लै चल्यौ नृपष आनंद किनौ | गयौ शिरनाइकें गर्व बढ़ायकें शकटकौ रूप धरे असुर लीनो ॥१॥ सुनत घहरानि व्रजलोग चकृत भये कहा आघात धुनि करत आयौ । देखि आकास चहुँ पास दसहूँ दिशा डर नरनारी तन सुध भूलायो ॥२) आपु गयौ तहिं जहीं प्रभु रहे पालनें करगही अंगुष्द चरन चचोरहीं । किलकि किलकि हँसत बाल शोभा लसत जानि तिहिं कसत रिपु आयौ भोरहीं ॥३॥ नेंक पटकचौ लात शब्द भयो आघात गिस्थौ कर शकटा संघास्थौ । सूर प्रभु नंदलाल

Shaktasur Vadh Leela

Part1-169

Bilawal

Abaken raakhi lehu gopal . duss dishaten pragatyau davanal

अबकें राखि लेहु गोपाल । दस दिशतें प्रगट्यौ दावानल उपज्यो है तिहिंकाल ॥१॥ पटकत वंश कंस तृण चटकत झपट लपट कर नाल | उड़त अँगार फूल फल पटकत झपटठत लपट कराल ॥३॥ धूम घुँध बाढ़ी घर अंबर चमकत उर मुख जाल । हरिन बराह करि पीक सारस जरत जीव बेहाल ॥३॥ तुम जिन डरौ नैन सब मूँदौ हँसि बोले नंदलाल । सूर अनल सब बदन समानौ निरमे किये व्रजलाल ॥४॥

Davanal Paan leela

Part1-170

Kedaro

Atee vipareet trinaavart aayou . baat chakr miss vraj upar dey

अति विपरीत तृणावर्त आयौ । बात चक्र मिस ब्रज उपर दे नैंदपौरीके भीतर धायौ ॥१॥ पौढ़े श्याम अकेले आँगन लेत उड़यौ आकास चढ़ायौ । अँधाबुँध भयौ सब गोकुल जो रह्यौ सो तहाँ छिपायो ॥२॥ जसुमति आई थाई जो देखे श्याम श्याम कही शोर लगायौ । धावहु नंद गुहार लगौ किन तेरी सुत अँधबाइ उड़ायौ ॥३॥ इहि अंतर आकासतें आवत परवत सम कही सबही बतायौ । मास्यौ असुर शिलासों पटक्यौ आपु चढ़े ता उपर भायौ ॥४॥ दौरे नंद जसोदा दौरी तुरतहि लेतही कंठ लगायौ | सूरदास यह कही जसोदा ना जॉनों बिधिनहिं कहा भायौ ॥५॥

Turnavrat Vadh leela

Part1-170

Suho

Jasumati munn abhilakh karai. kaba merau laal ghutruvan renge

जसुमति मन अभिलाख करै। कब मेरौ लाल घुटरुवन रेंगे कब धरनी पग द्ैक धरे ॥१॥ कब दे दाँत दूधके देखों कब तुतरे मुख बेन झै । कब नंद हि बाबा कहि बोलहे कब जननी कहि मोही रे ॥२॥ कब मेरी अँचरा गहि मोहन जोइ सोइ मोसों कही झगरे | कबहुँ तनक तनक कर खैहै अपने करलै मुखहिं भरे ॥३॥ कब हैँँसि बात कहेंगे मोसों वा छबि देख दुख दूरि हरे । श्याम अकेले आँगन छाँड़े आपु गई कछु काज घरे ॥४॥ या अंतर अँधवाई उठी एक गरजत गगनि सहित घहरे । सूरदास ब्रज लोग सुनत धुनि जो जहाँ तहाँ सब अतिहिं डरे ॥५॥

Turnavrat Vadh leela

Part1-170

Bilawal