Badhaai vrishbhaanken pragati raadhe kumari | bhaadon sudi ashtami

बधाई वृषभानकें प्रगटी राधे कुमारी | भादों सुदी अष्टमी रसभरी आई बेगि बिचारी ॥१॥ गृहगृहते बनिता आईं सब भूषन अंग सिंगारी। फूली ललितादिक गावत सब सौभय बदन निहारी ॥२॥ रावलि रैंगरे लिसों भींजी भींजे सब नरनारी । भींजे नंद यशोदा दोऊ और सुत गिरिवरधारी ॥३॥ काहू सुधि न परे काहूकी घर वर रहे बिसारी | श्रीविहलगिरिधर को वैभव देखत बल बलिहारी ॥४॥

Shri Radhaji Ki Badhayi

Part1-181

Dhanashri

They badhaai munn pooji aas . shrivrishbhan gopgrih radha keeyau

थे बधाई मन पूजी आस । श्रीवृषभान गोपगृह राधा कीयौ नेह प्रकाश ॥१॥ फूले नरनारी मिलि गावत सबब्रज भयौ हुलास । रावलि कीरति कूखि सुहाई प्रगट्यौ परम विलास ॥२॥ रूप रंग गुण रसिक छबीली सब सुख निधी निवास | कीनी सुफल अष्टमी दोऊ बरखा भादों मास ॥३॥ चंद्रावलि ब्रजमंगल सुंदरि बदन निहारत हास । श्रीविद्ठडलगिरिधर की जोरी गोकुल रावल पास ॥४॥

Shri Radhaji Ki Badhayi

Part1-181

Dhanashri

Bhaadon sudi aathein ujiyari . shrivrishbhangopke mandir pragati

भादों सुदी आठें उजियारी । श्रीवृषभानगोपके मंदिर प्रगटी राधा प्यारी ॥१॥ नाचत नारि नवेली छबिसों पैंहरे रंग रैंग सारी । घर घर मंगल देखि बरसानें कहत रमा हों वारी ॥२॥ एक आई एक आवति गावति एक साजत सुनि नारी । चंचल कुंडल ललके झलके करन बिराजत थारी ॥३॥ भई बधाई कही न जाई छबि छाई अति भारी | रसभरि खोरि पौरि भई दि घृत बहि चली उम्गि पनारी ॥४॥ कीरति की कुल कीरति जग्रमें भाग सुहाग डुलारी । दामोदर हित वृंदावनमें बिहर्त लाल बिहारी ॥५॥

Shri Radhaji Ki Badhayi

Part1-182

Dhanashri

Barsaanen varr sarovar pragasyi adbhut kamal . vrishbhan kieran

बरसानें वर सरोवर प्रगस्यी अद्भुत कमल । वृषभान किरन प्रकाश पोष्यौँ रहत प्रफुलित सदाई यह सरस सुंदर अमल ॥१॥ सखी चहूँ दिश केसरदल कर्णिका आकार राजत राधिका यश धवल । सूरदास मदनमोहन पिय नव मकरंद हित सेवित सदा अति नलिन अलि ॥२॥

Shri Radhaji Ki Badhayi

Part1-182

Dhanashri

Barsaanen vrishbhan gopaken anand kii nidhi iju . dhanya

बरसानें वृषभान गोपकें आनंद की निधि आईजू । धन्य धन्य कूखि रानी कीरतिकी जिन यह कन्या जाई ॥१॥ इंद्रलोक भुवलोक रसातल देखी सुनी न गाई । सिंधु सुता गिरिसुता सची रति इन समान कोऊ नॉई ॥२॥ आनंद मुदित जसोदा रानी लालकी करों सगाई । प्रभु कल्यान गिरिधर की जोरी बिधिना भली बनाई ॥३॥

Shri Radhaji Ki Badhayi

Part1-182

Dhanashri

Ghar vrishbhaanken hoe raajat rung badhaai . nandbhavan gopinke guh

घर वृषभानकें हो राजत रंग बधाई । नंदभवन गोपिनके गुह ब्रजलोक सकल सुखदाई ॥१॥। कुँवरि प्रगट भई अति सुँदारि रूपरसिक मृगनैंनी। तरुणी तिलक त्रिभुवन की शोभा चंदमुखी पिकबैनी ॥२॥ घरघरते सुनि सुनि सब गोपी ग्वाल मुदित मन आवें | बालक बिरध अरु तरुन घोषजन हँसि हँसि मंगल गावें ॥३॥ एक नाचत एक करत कुतूहल अरस परस मिलि खेलें । मुखजु कहत चिरजीयौ लड्ैती पुलकि प्रेम रस झेलें |४॥ बंदीजन मागध सूत आँगन जाचक बहु यश भाखें । परमउदार भये कीरतिपति देत कोटी अरु लाखें ॥५॥ सुरभि हेम रतन पट भूषण द्विज जनकों बहुदीनें | जयजयकार भयौ त्रिभुवनमें सबै फिरत रंगभीने ॥६॥ ढोल दमामा भेरि सहनाई ताल पखावज बाजे । आनंद बढ़यौ अनूपम व्रज में नादहीते भरगाजे ॥७॥ जोरी बनी लालगिरिधर हित यह मन सबै विचारी । श्रीराधा पदपंकज पर जन गोकुल के बलिहारी ॥८॥

Shri Radhaji Ki Badhayi

Part1-182

Dhanashri

Arrie maaee pragathati haye anandkand lalijukau sohilau ..dhri...

अरी माई प्रगठटी है आनंदकंद ललीजूकौ सोहिलौ ॥धृ.॥ धन्य कूखि कीरतिदे रानी कीनौ कुल परकास | कौतिक अवधि कु्मारे यह जाई सुफल कियौ ब्रजवास ॥१॥ जग उद्योत मुदित मुख सुंदरि है शोभाकी धाम। देखी सुनी न ऐसी कन्या अंगअंग अति अभिराम ॥२॥ आज उदय वृषभान भवनकी निजसुख देखों नैंन । सब सुकृतकी संपत पाई कहत बनें नहिं बेंन॥३॥ होत कुलाहल गावत मंगल घोष बधायो आयो। पुन्य पुंज वृषभान नृपतिको देखी मनको भायी ॥४॥ मुक्तन चौक माल मणिवंदन गली सुगंध संभारी । रावल रमत रमासी रानी जन्मीहै सुकुमारी ॥५॥ रतन कलश बहु भांति पताका मारग छाये फूल | मानिक खबचित पदिक द्वारनमें सब रतननके मूल ॥६॥ महामहोच्छव गोपराय घर दूध दहीकौ कांदौ कुंकुम चोवा चंदन छिरकत झरलायौ भरि भादों ॥७॥ गोरस मॉट ढुराये आंगन नाचत मगन भये । बल्लभराजके हित चिरजीयौ उपजत मोद नये ॥८॥ घृत मधु माखन गली गिरारेन अजर मुदित ब्रजवाला । नरनारी हँसि परत परस्पर मानौ मत्त मराला ॥९॥ गोपी ग्वाल मिले मद निर्तत लटकत रंगभरे | भूषण बसन गिरत नहीं जानत कवरिन कुसुम झरे ॥१०॥ गदृगद सब तन पुलकि हरखि भरी झूमत ग्रीवा बाँह । अति आवेश सुदेश सोहियत उपज्यौ प्रेम प्रवाह ॥११॥ तबहीं हरखि रावल रानीजू हाटक हीर मंगाये । चीर अमोल विविध रंग रंगनी वधू वधू पहिराये ॥१ २॥ तब मागध बंदीजन वसुधा जाचक धनिक करे | भवन भंडार खोलि सोंज सब बकसत शकट भरे ॥१३॥ आयुस भयौ खरिक लक्ष द्वै को ग्वाल हुँकार लये । महाराज राजनके राजा लेंहडे बिडरि दये ॥१४॥ पूरन करी कामना सब विधि रसिक सरस आनंदे | कुंभनदास बास बरसानें गौर चरनरज वंदे. ॥१५॥

Shri Radhaji Ki Badhayi

Part1-183

Jetashri

Gokulraj sadanki daaee shree vrajrani juu pathaai hoe. aeye hoe kunwari

गोकुलराज सदनकी दाई श्री ब्रजरानी जू पठाई हो। ए हो कुँवरी मुख देखन आई || बजे इन्द्रगज धुनि सुनि उपजी मनमें आतुरताई जू। तन पाछे मन आगे ऐसे आनंद मांझ बधाई जू ॥१॥ बोली लई वृषभान घरणि आदर दे निकट बिठाई जू। “जगन्नाथ” स्वामिनी प्रगटी है पाई मैं बहोत बधाई जू ॥२॥

Shri Radhaji Ki Badhayi

Part1-183

Dhanashri

Aaj atee anand haye barasaane | vrishbhan kunwariki barasganth

आज अति आनंद है बरसाने | वृषभान कुँवरीकी बरसगांठ सुठि सब व्रजजन सरसाने ॥१॥ गांव गांवतें हितु कुटुंबी जे जियमें तरसाने । सुनि आई लाई नौछावर निरख निरख हरसाने ॥२॥ बंदी मागध विप्र गुनिजन गावत मंगल गाने । 'कृष्णदास” इच्छा मन पूजी लेत देत अरसाने ॥३॥

Shri Radhaji Ki Badhayi

Part1-183

Dhanashri

Herry haye aaj vrishbhaanke anand bhayau | naachat gopi gwal

हेरी हे आज वृषभानके आनंद भयौ | नाचत गोपी ग्वाल परस्पर छिरकत हरद दह्मौ ॥१॥ श्रवन सुनत ग्रह ग्ृहतें निकरसी सुंदरी साज सिंगार | हरद दूब अक्षत दि कुमकुम चली कंचन भरि थारी ॥२॥ बीना बेंनु बखान महुवरी बाजे प्ावज ताल । हँसत परस्पर प्रेममुदित मन गावत गीत रसाल ॥३॥ धन्य वृषभान गोप धन्य कीरती धन्य बरसानों गाम | धन्य धन्य प्रकट भये आनेंद निधि धन्य श्रीराधा नाम ॥४॥ सिंधुसुता गिरिसुता सची रति कोऊ नॉँहि समान । धन्य धन्य गोविंददासकी स्वामीनी ब्रजकी जीवन प्रान ॥५॥ ह

Shri Radhaji Ki Badhayi

Part1-184

Saarang

Aaj vrishbhaanken anand | bundavipin vihaarini pragati sriradhaju

आज वृषभानकें आनंद | बूंदाविपिन विहारिनि प्रगटी श्रीराधाजू आनैंदकंद ॥१॥ गोपी ग्वाल गाय गो सुत ले चले यशोदा नंद । नंदीसुर ते नाचत गावत आनंद करत सुछंद ॥२॥ लेत विमल यश देत बसन पशु धरत दूब शिर बूंद । लोचन कुमुद प्रफुल्लित देखियत ज्यों गोरी मुखचंद ॥३॥ जाचक भये परम धन कहियत गोधन सुधा अमंद । भये मनोरथ व्यासदासके दूरि गये दुख दंद ॥४॥

Shri Radhaji Ki Badhayi

Part1-184

Saarang

Aaj vrishbhaanken anand . badan prabhasi laagat maani pragatyau

आज वृषभानकें आनंद । बदन प्रभासी लागत मानी प्रगत्यौ पूरनचंद ॥१॥ एक जो दूब बँधावत गावत एक सुनाबत टेर । सुनि सब नारि बधावन आईं अपने अपने मेर ॥२॥ जो आवत सो करत नौछावर तृन तोरत बलि जात । परम भाग्य दंपति के यह कहि फूली अंग न मात ॥३॥ अपने अपने मनकौ भायौ करत सकल ब्रज लोग । सूरदास प्रगर्टीं भुवि ऊपर भक्तन के हित जोग ॥४॥

Shri Radhaji Ki Badhayi

Part1-185

Saarang