Sriradhajukau janm sunyo merrie maaee . sakal singar chaleen vraj

श्रीराधाजूकौ जन्म सुन्यो मेरी माई । सकल सिंगार चलीं व्रज गोपी घरघर बजत बधाई ॥१॥ अति सुकुमारि घरी शुभ लच्छिन कीरतनें यह जाई । परमानंद करी नौछावरि घर घर जात लुटाई ॥२॥

Shri Radhaji Ki Badhayi

Part1-185

Saarang

Aaj raabalmein jaijaykar . pragat bhaee vrishbhan gofaken sriradha

आज राबलमें जयजयकार । प्रगट भई वृषभान गोफकें श्रीराधा अवतार ॥१॥ भूषण वसन शोभित अँग अंगन कंठ मनोहर हार | हाठक तन बदनारविंद छबि दुहुँ दिशि भयौ उजियार ॥२॥ सब सखियन मिलि दरें आईं गावत मंगलचार । निर्मित जोरी कुँवर मोहनकी रामदास बलिहार ॥३॥

Shri Radhaji Ki Badhayi

Part1-185

Saarang

Baajat rawal maanjh badhaai. shrivrishbhan gopaken pragati sriradha

बाजत रावल माँझ बधाई। श्रीवृषभान गोपकें प्रगटी श्रीराधा आनैँददाई ॥१॥ घरघरतें नर नारि मुदित मन सुनत चले उठि धाई । ललित वचन लोचन भरि निरखत मानों रंक निधि पाई ॥२॥ नाचत गावत करत कुलाहल घर घर बात लुटाई । फूले गात न मात कंजलों मानों तमरिषु दरसाई ॥३॥ कुलमंडन दुखखंडन सुंदरि श्याम शरीर सुहाई । निरबंधि नित्य स्नेह परायण प्रिय दयाल बलि जाई ॥४॥

Shri Radhaji Ki Badhayi

Part1-185

Saarang

Chalau vrishbhan gopke dwaar | janm liau mohan hita kaaran

चलौ वृषभान गोपके द्वार | जन्म लियौ मोहन हित कारन आनँद निधि सुकुमार ॥१॥ गावत युवती मुदित मिलि मंगल ऊँचे मधुर ध्वनि धार । बिबिध कुसुम कोमल किसलय युत तोरन बंदनवार ॥२॥ मागध सुत बंदी चारन यश कहत कछु अनुसार । हाटक हार चीर पार्टबर देत सँभार सँभार ॥३॥ थेनु सकल सिंगार बच्छ चित्र ले चले ग्वाल सिंगार | हितहरिवंश दूध दधि छिरकत माँझ हरा डार ॥४॥

Shri Radhaji Ki Badhayi

Part1-185

Saarang

Aaj badhaai baajat rawal . shrivrishbhanrai ghar pragati shyama

आज बधाई बाजत रावल । श्रीवृषभानराय घर प्रगटी श्यामा श्याम सुखावल ॥१॥ ग्रहगृहतें गोपी बनि आईं आनंदित नंदावलि । मानों कनिक कंज मकरंदहिं पीवत जीवत मधुपावलि ॥२॥ नाचत गावत बेंनु बजावत हेरी देत गोपावलि । दधिकादों भादों झर लायौ प्रेम मुदित ब्यासावलि ॥३॥

Shri Radhaji Ki Badhayi

Part1-185

Saarang

Radha rawal prayat bhaee | vidhina yeh bhaagi niz janakau raski

राधा रावल प्रयट भई | विधिना यह भागि निज जनकौ रसकी सिंधु दई ॥१॥ कीरति श्रीवृषभान मान दे सब जाति बुलाय लई । अति आनंद सबनके मनकी आरति निबरि गई ॥२॥ देखन नंद चले लै सुतकों तबहीं बात जतई । भूषण बसन जन्मदिनके सजि सब बिधि वहै छई ॥३॥ कहा नंद जसुमति कीरतिसों देहु बधाई नई । सुता तिहारी पूत हमारी जोरी सरस ठई ॥४॥ भीतर बोलि पटा बैठाये दोऊ सहज एकही । पगिया बाँधि उतारि आरती सब बितई ॥५॥ ता दिनतें सगरे या व्रजमें सुखकी बात भई । लीला सुमिरतत भई रसिकनकी मति आनंद मई ॥६॥

Shri Radhaji Ki Badhayi

Part1-186

Saarang

Aaj vrishbhaanke ghar phool . pragati kunwari radhika jaatein mitte

आज वृषभानके घर फूल । प्रगटी कुँवरि राधिका जातें मिटे सबनके शूल ॥१॥ लोक लोकते टीकौ आयौ बिबिध रतन पटकूल । सूरदास समता को पावै जाके भाग्य अतूल ॥२॥

Shri Radhaji Ki Badhayi

Part1-186

Saarang

Maharas pooran pragatyau aani . atee foolin gharghar vrajnari

महारस पूरन प्रगट्यौ आनि । अति फूलीं घरघर व्रजनारी श्रीराधा प्रगटी जानि ॥१॥ धाईं मंगल साज सबै ले महा महोच्छव मान । आईं घर वृषभान गोपके श्रीफल सोहत पान ॥२॥ कीरति बदन सुधानिधि देख्यौं सुंद'ः रूप बखान | नाचत गावत दै कर तारी होत न हरख अघान ॥३॥ देत असीस शीश चरनन धरि सदा रहौ सुखदानि | रसकी निधि व्रजरसिक रायसों करो सकल दुखहानि ॥४॥

Shri Radhaji Ki Badhayi

Part1-186

Saarang

Pragat bhaee shobha tribhuvanaki shrivrishbhan gopaken aaee. adbhut

प्रगट भई शोभा त्रिभुवनकी श्रीवृषभान गोपकें आई। अद्भुत रूप देखि व्रजबनिता रीझ्नि रीक्षिकें लेत बलाई ॥१॥ नहिं कमला नहिं सची रति रंभा उपमा उर न समाई । जातें प्रगट भये ब्रजभूषण धन्य पिता धनि माई ॥२॥ युगयुग राजकरौ दोऊ जन इत तुम उत नैँदराई । उनके मदनमोहन इत राधा सूरदास बलिजाई ॥३॥

Shri Radhaji Ki Badhayi

Part1-187

Saarang

Aaj rawal mein bajat badhaai . dhanya kukhi taahi kii jinn yeh

आज रावल में बजत बधाई । धन्य कुखि ताहि की जिन यह कुँवरि सुलक्छिन जाई ॥१॥ निरखि निरखि फूलत गोपीजन भई हमारी भाई। पूरब सुकृत बिचारत अपनों अनायास निधि पाई ॥२॥ बोले पग शुभघरी बिचारत सोचि रहे अरगाई । अति लहनों वृषभान गोपकौ भाग्य दशा चलि आईं ॥३॥ जासीं प्रेम सुलक्छिन कहियत सो यह वेद न गाई । सूरदास स्वामीते अधिक है चली तिहुँ लोक बड़ाई ॥४॥

Shri Radhaji Ki Badhayi

Part1-187

Saarang

Bajat vrishbhaanken badhaai | saban bhawati kunwari radhika keeratinen

बजत वृषभानकें बधाई | सबन भावती कुँवरि राधिका कीरतिनें यह जाई ॥१॥ नंदराय और बड़े गोप सब गृह गृह न्‍्यौति बुलाये । सुनतई आनंद भयौ सबनकें हुलसि हुलसिकें आये ॥२॥ तिलक करत नाचत और गावत घोष सकल व्रजनारी । श्रीवि्लगिरिधरन संग लै कुँवरि चौक बैठारी॥३॥

Shri Radhaji Ki Badhayi

Part1-187

Saarang

Keerati aaj prafullit maaee . saubhag bhaagi manawati apane

कीरति आज प्रफुल्लित माई । सौभग भागि मनावति अपने कुँवरि राधिका जाई ॥१॥ है रहो गहगह वृषभान घोष में मंगल गावति धाई। ग्वालिनि गावति चौक पुरावति बदन निहारन आईं ॥२॥ धनि धनि तुमरी डूजवी रतिजू जामें तें ऐसी जाई । श्रीविद्डलगिरिधरन कुँवरिसों रहे दोऊ गोद भरा ॥३॥

Shri Radhaji Ki Badhayi

Part1-187

Saarang