Radhaju shobha pragat bhaee . voondaavan gokul galiyanmein sukhaki

राधाजू शोभा प्रगट भई । वूंदावन गोकुल गलियनमें सुखकी लता छई ॥१॥ प्रति प्रति पद गोपुर कुंजनमें उपजी उपमा नई | कुंभनदास गिरिधर आबेंगे आगें पठे दई ॥२॥

Shri Radhaji Ki Badhayi

Part1-187

Saarang

Bhaee vrishbhaanken sutaa | ruparasi anga anga madhuri maanon kanak

भई वृषभानकें सुता | रूपरासि अंग अंग माधुरी मानों कनक लता ॥१॥ सब अंग निपुन बनी अति मृदु छबि कंचनहूते गोरी । आसकरन वब्रजराज नंदसुत बनी अनूपम जोरी ॥२॥

Shri Radhaji Ki Badhayi

Part1-187

Saarang

Aaj bohot vrishbhan gopaken bheer bhaee atee bhaari . baajan

आज बोहोत वृषभान गोपकें भीर भई अति भारी । बाजन बजत होत कुलाहल प्रगटी है प्रान पियारी ॥१॥ सुंदर शील सुलक्छिन पूरन विधि रचिपचि ही संभारी | आनंदभरी सबै मित्रि गावत नौछावर करि डारी॥२॥ देखि देखि मुख कुँवर कुँवरीकौ सबहीन सर्वसु बारी | सुखदायक प्रगर्टीं भ्रीविद्डल इनकें ये उनकें गिरिधारी ॥३॥

Shri Radhaji Ki Badhayi

Part1-187

Saarang

Aadar dey vrishbhan sabankau curry sunman baithaaye . hansi hansi

आदर दे वृषभान सबनकौ करि सनमान बैठाये । हँसि हँसि पॉय गहत गोपनके तुम भागिन मेरे आये ॥॥१॥ तब हँसि कहत वे अति आनंद सों हमन बोहोत सुखपाये । उत उनके और इसे तुमारें यृह हैवो करी बधाये॥२॥ तब निकसीं गावति ब्रज सुंदरि पहरि जरकसी सारी । श्रीविड्डलगिरिधरन कुँवरिकों असीस देत ब्रजनारी ॥३॥

Shri Radhaji Ki Badhayi

Part1-188

Saarang

Rawal aaj kulahal maaee . baaje baajat bhavanan gaajat pragati

रावल आज कुलाहल माई । बाजे बाजत भवनन गाजत प्रगटी सबन सुखदाई ॥१॥ धरत साधथिये बंदनवारें रोपी द्वार सुहाई । गावति गीत गली गोकुल की जे जुरि न्यौतें आईं ॥२॥ वृषभानके ऑगन रानीजु बैठी देति बधाई । श्रीविदलगिरिधरन कुँवरिकी बरसगॉँठि मनभाई ॥३॥

Shri Radhaji Ki Badhayi

Part1-188

Saarang

Maaee pragati kunwari vrishabhaanaten. sub milli kahat gwali keertison

माई प्रगटी कुँवरि वृषभानतें। सब मिलि कहत ग्वालि कीरतिसों आनंदनिधि जाई आजतें ॥१॥ बाजत तूर करत कुलाहल रावल शोभा बरनी न जाई । गाम गामतें टीकौ आयो अरु संग बजत बधाई ॥२॥ नंदलाल कुँवरि राधिका जानि कंचन बेलि किशोरी । फिरि फिरि रहत निहारी श्रीविदलगिरिधर सदा रहो यह जोरी ॥३॥

Shri Radhaji Ki Badhayi

Part1-188

Saarang

Phooli phooli vrishbhan gopanen aachhe busson maingaaye | burren baranaken

फूलि फूलि वृषभान गोपनें आछे बसन मैँँगाये | बरन बरनकें चीर बीनिकें अपने पास धराये ॥१॥| दोऊ सुतन समेत राय हँसि पहलेही पहराये । फिरि फिरि गोप ग्वाल सबहिंनकों आगें ह्वै जु दिवाये ॥२॥ फिरि हँसि बोलि लईं व्रजमुंदरि ठाड़ी करि पहराई । श्री विद्ठल गिरिधरन कुँवरिकें तिलक करन सब आईं ॥३॥

Shri Radhaji Ki Badhayi

Part1-188

Saarang

Keerati aur vrishbhan kunwarin lai baith chauk suhaaye . soney roope

कीरति और वृषभान कुँवरिं लै बैठ चौक सुहाये । सोने रूपे वसन समेत दिवावत विप्रन गाये ॥१॥ दोहरी देत सबन पहरामनि मन आनंद बढ़ाये । गोपी ग्वाल सुरंग कुंकुमके माथें तिलक कराये ॥२॥ अपने कुँवर और इनकी कुँवरि तन देखि रहत व्रजरानी ! फिरि मुसिक्याय कहति कीरति सों मेरी तेरी तपति बुझानी ॥३॥ सब सबसों गोकुल और राबल और सकल ब्रजवासी । श्रीविहलगिरिधरन राधिका प्रगर्टी है सुखरासी ॥४॥

Shri Radhaji Ki Badhayi

Part1-188

Saarang

Aaj badhaai kii bidhi neeki . pragati sutaa vrishbhan gopaken

आज बधाई की बिधि नीकी । प्रगटी सुता वृषभान गोपकें परम भावती जीकी ॥१॥ जिन देखत त्रिभुवन की शोभा लागत है अति फीकी । परमानंद बलि बलि जोरी यह सुंदर साँवरें पीकी ॥२॥

Shri Radhaji Ki Badhayi

Part1-189

Saarang

Bhaee vrishbhaanken kumari | atee udyog chahun dish dekhiyat pragati

भई वृषभानकें कुमारी | अति उद्योग चहुँ दिश देखियत प्रगटी ब्रज उजियारी ॥१॥ भले नक्षत्र भई यह नागरि शील रूप शुण माई । ऐसी और नाँहि तिभुवनमें भागि बड़ेई पाई ॥२॥ दिनदिन लगति सुहाई भामिनि सबहिन लगत पियारी । देखि आनंद श्रीविद्नगिरिधर अरु वृषभान दुलारी ॥३॥

Shri Radhaji Ki Badhayi

Part1-189

Saarang

Aaj bahot vrishbhan ghoshamen mangalchar badhaaye | prakatin aaya

आज बहोत वृषभान घोषमें मंगलचार बधाये | प्रकटीं आय कूखि कीरतिकी भये सबन मन भाये ॥१॥ आनैदराय जसोदारानी सुनत सबन ले धाये | गोप ग्वाल और सब व्रजसुंदरि यूधन जूरि जूरि आये ॥२॥ बाजे बजत गावत मंगल सबहिन हुलसि बढ़ाये | देवभान वृषभान सबन मिलि हैँसिहँसि भवन बुलाये ॥३॥ देखि देखि सौभग मुख सुंदर अपने भाग्य मनाये । श्रीविद्लगिरिधरन राधिका अलभ लाभ सो पाये ॥४॥

Shri Radhaji Ki Badhayi

Part1-189

Saarang

Aaj vrishbhaanken param badhaai. pragati kunwari radhika sukhanidhi

आज वृषभानकें परम बधाई। प्रगटी कुँवरि राधिका सुखनिधि कीरति कूँखि सुहाई ॥१॥ आये हुलसि रायजु राजत गिरिधारी बलिभाई । गोपग्वाल और सब व्रजवासिन रावल बहोत भराई ॥२॥ देवभान वृषभान भान सब आदर देत अघाई । फिरि फिरि कहत यही विधि कीनी रानी गोद सुत लाई ॥३। धावति गावति गीत सबै वृषभानके आँगन आई । धरि घरि साधिये हरद रोरिन के बंदनवार रुपाई ॥४॥ कीरतिनें हँसि अपनी कुँवरि जसुमतिकी गोद बैठाई । फिरि फिरि कहत तुमारे भागिन ऐसी कुँवरि हम पाई ॥५)॥ सबहिन बदन निहारी बारि नौछाबरि दीनी मन भाई । श्रीविइलगिरिधरन कुँवरिकी सब कोऊ बलिजाई ॥६॥

Shri Radhaji Ki Badhayi

Part1-189

Saarang