Pragatyaun sub vrajakau shringar | keerati koonkhi autari kanya

प्रगट्यौं सब व्रजकौ शृंगार | कीरति कूँखि औतरी कन्या मुंदरताकौ सार ॥१॥ नखशिख रूप कहॉलों बरनों कोटि मदन बलिहार । परमानंद वृषभान नंदिनी जोरि नंद दुलार ॥२॥

Shri Radhaji Ki Badhayi

Part1-190

Saarang

Rawal radha pragat bhaee . abb vrajabasi sukh lehu sakhiri pragati

रावल राधा प्रगट भई । अब व्रजबसि सुख लेहु सखीरी प्रगटी कुँवरि रसमई ॥१॥ या निधिकों सब विधि चाहत हैं सो कीरति तुमही दई । रामदास सुनि गोकुल आयौ जसुमतिपै बधाई लई ॥२॥

Shri Radhaji Ki Badhayi

Part1-190

Saarang

Aaj badhaai haye barsaanen | punch shabd baaje suni surmuni dekhan

आज बधाई है बरसानें | पंच शब्द बाजे सुनि सुरमुनि देखन मन तरसानें ॥१॥ कीरति कूखि चंद्रमा प्रगटी श्रीशाधाजू पग दरसानें | ललित निर्कुज बिहारिनके उर रहे रूप सरसानें ॥२॥

Shri Radhaji Ki Badhayi

Part1-190

Saarang

Aaj badhaai haye barsaanen . kunwari kishori janm liau haye sub

आज बधाई है बरसानें । कुँवरि किशोरी जन्म लियौ है सब लोकन बजे निसानें ॥१॥ कहत नंद वृषभानरायसों बहोत बात को जानें । आज भैया हम सब ब्रजवासी तेरे हाथ बिकानें ।|२॥ या कन्या के आगें कोटिक बेटनकों को माने । तेरे भलें भ्रौो सबहिनकी आनंद कौन बखानें ॥३॥ ऐैल छबीले गोप रंगीले हरद दही लपटानें | पहरे बसन बिबिध अंग भूषण गिनत न राजारानें ॥४॥ नाचत गावत प्रेम मुदित नरनारीको पहचानें । व्यास रसिक तनमन फूले अति निरख सबै खिसियानें ॥५॥

Shri Radhaji Ki Badhayi

Part1-190

Saarang

Aaj badhaai haye barsaanen | pragat bhaee vrishbhan nandini teenlok

आज बधाई है बरसानें | प्रगट भई वृषभान नंदिनी तीनलोक सरसानें ॥१॥ गोपी नाचत गावति आईं राजत सब हरखानें । छिरके ग्वाल रैंगीले राजत हरद दही लपटानें ॥२॥ छिरकत दूध माखन मुख माँखत बदत न काहू आनें । नंदीसुरते नंदरायजू गाय गोप सब आनें ॥३॥ देत दान वृषभान भवनमें याचक बहु सनमानें | मणि कंचन मुक्ता पटभूषन जो जाके मन मानें ॥४॥ कीरति सुनीं न देखीं कबहूँ जे श्रीवृषभानें | कुंज बिहारि बिहारिन ऊपर शंकर बारत प्रानें ॥५॥

Shri Radhaji Ki Badhayi

Part1-190

Saarang

Gokulaten gaajat baajat yuvatinake youth liyein nandrani phooli phooli

गोकुलतें गाजत बाजत युवतिनके यूथ लियें नंदरानी फूलि फूलि रावलमें आईं । सुनि सुनि चहुँदिशितें नारी दौरीं देखनकों सबै एकसार पॉय परसनकों धाईं ॥१॥ पाछे वृषभान द्वार पौरी आय ठाड़ें भये और बोलि जो बड़ेडी सनमुख पठाई । देखत नंदरानी मनहीं मन मुसिक्यानी आदर दे पान गहे भवन माँझ लाई ॥२॥ निकट जाई लली देखि सब॒हिन मनमें अबरेखि अब भई सांची बात सुख समूह व्रजमें । यह सुनि जन मोहन अंग-अंग आनंद भरयौ गया जाय वृषभानजूपै लोटत पद रजमें ॥३॥

Shri Radhaji Ki Badhayi

Part1-190

Saarang

Badhaai deejai hoe vrishbhan . pragat bhaee tribhuvanaki shobha rasik

बधाई दीजै हो वृषभान । प्रगट भई त्रिभुवनकी शोभा रसिक जनन सुखदान ॥१॥ गोपी नाचति गावति आईं तिनको दीजे मान । जाके हित प्रकटे नंदनंदन सुंदर सुघर सुजान ॥२) गावत गुण गंधर्व अरु किन्नर तिनकौो सुनिये गान । बंदीजन भूपति सब कीने विप्रन दीने दान ॥३॥ श्रीवललभ श्रीविद्लनंदन जाके लागे कान | कुंज बिहारि बिहारिन दोऊ बृंदावनके प्रान ॥४॥

Shri Radhaji Ki Badhayi

Part1-191

Saarang

Aaj basarsaanen bajat badhaai . shrivrishbhanrayaki raani kunwari

आज बसरसानें बजत बधाई । श्रीवृषभानरायकी रानी कुँवरि मनोहर जाई ॥१॥ गोपीजन सब मंगल गावति महरि यशोदा आई । नंदीसुरते आबतही नंद घर घर बात लुटाई ॥२॥ छैल छबीले ग्वाल रंगीले दधिकी कीच मचाई । लटकतत फिरत गोप श्रीदामा दीनी नंद ठुहाई ॥३॥ सुरनर मुनिजन प्रेम मुदित भये कुसुमावलि बरखाई । भयौ मनोरथ व्यासदासकौ फूलभई अधिकाई ॥४॥

Shri Radhaji Ki Badhayi

Part1-191

Saarang

Rawal aaj badhaai baajai. bhoopati mani vrishbhan bhavanmein sutaa

रावल आज बधाई बाजै। भूपति मणि वृषभान भवनमें सुता सुलभ भआजे ॥१॥ जाके रूप कटाक्षकी शोभा सब लोकन में छाजै । जाके प्रेम बँधे मनमोहन बृंदाविषिन बिराजै ॥२॥ जाकी भूकुटी की छबि निरखत . कोटि काम रति लाजै । जाके बल्न आनंद मगन मन रसिक सभा सब गाजै॥३॥ सुंदर रसकी रासि विलासिन प्रगटी बल्‍लभ काजै । गावत हैं यश दामोदर हित मंगल मोद सदा जै ॥४॥

Shri Radhaji Ki Badhayi

Part1-191

Saarang

Shrivrishbhaanaken aaj badhaai . aanedanidhi shobhanidhi sukhanidhi

श्रीवृषभानकें आज बधाई । आनेदनिधि शोभानिधि सुखनिधि कीरति कन्या जाई ॥१॥ फूले नरनारी बरसानें घर घर मंगल माई । फूले नंद यशोदा मनमें फूले कुँवर कन्हाई ॥२॥ फूलीं आँगन नाचत युवत्ती अंगअंग छबि छाई । फूले रसिक श्रीदामोदर हित आनेंद उर न समाई )!३॥

Shri Radhaji Ki Badhayi

Part1-191

Saarang

Sakal lokaki sundarta vrishbhan gopaken aaee . jaakau yash

सकल लोककी सुंदरता वृषभान गोपकें आई । जाकौ यश सुरमुनि जो कहत हैं भुवन चतुर्दशगाई ॥१॥ नवल किशोरी रूप गुण श्यामा कमलासी ललचाई । प्रकटे पुरुषोत्तम श्रीराधा दै विधि रूप बनाई ॥२॥ उड़ेलें दान देत विप्रनकों जस जो रही जग छाई । छीतस्वामी गिरिधरकौ चेरी जुग जुग यह सुखपाई ॥३॥

Shri Radhaji Ki Badhayi

Part1-192

Saarang

Anand bhawan vrishbhaanken . jaaee sutaa bhaay keerati varr aisee

आनंद भवन वृषभानकें । जाई सुता भाय कीरति वर ऐसी कुंवरि नहीं आनकें ॥१॥ नहिं कमला नहिं शची नहिं रति सुंदररूप समानकें। चतुर्भुज प्रभु हुलसी ब्रजवनिता राधामोहन जानिकें ॥२॥

Shri Radhaji Ki Badhayi

Part1-192

Saarang