Tuu dekhi sutaa vashbhaanaki . mriganainni sunder shobhanidhi angang

तू देखि सुता वषभानकी । मृगनैंनी सुंदर शोभानिधि अंगअंग अद्भुत ठानकी ॥१॥ गौर बरन बहु कांति बदन की शरद चंद उनमानकी। विश्व मोहनी बालदशामें कटि केहरि सुबँधानकी ॥२॥ बिधिकी सृष्टि न होई मानों यह बानिक औरे बानकी । चतुर्भुज प्रभु गिरिधर लायक ब्रज प्रगटी जोट समानकी _॥३॥

Shri Radhaji Ki Badhayi

Part1-192

Saarang

Aajki badhaai munn bhaai aaee peeya sukh pragati kunwari shobha

आजकी बधाई मन भाई आई पीय सुख प्रगटी कुँवरि शोभा ब्रजमें सुंदरि | उदेभानकी कुमारि सब रस निधि भारी ऐसी नारि पाई काहु सुकृत करि ॥१॥ रसिक सुदेश माई जिन ऐसी धी जाई सकल सुखदाई आनंद लहरि। धनि धनि धन्य यह महतारी ऐसी प्यारी दुलराई उछंग भरि ॥२॥ रूप नेह उजियारी सबहिंन गुणकारी सहज सुभाव शील धीरज धरि। जोई मनमें बिचारी सोई छबि जात बारी कहा कहीं धीरज धरि गिरिधर ॥३॥

Shri Radhaji Ki Badhayi

Part1-192

Saarang

Janmi shrivrishbhan dulari . bhaadon maas sukhad shubh mangal aathe

जन्मी श्रीवृषभान दुलारी । भादों मास सुखद शुभ मंगल आठे सुदि उजियारी ॥!१॥ प्रीति रीति जननी तनयाकी सुधानिधि बदन निहारी । रूप अवधि सुंदरता सीमा मानों साँचे ठारी ॥२) बरनि न सके सकल अंग शोभा निरखि शारदा हारी । तीन लोक छबि या तन ऊपर बारि फेरि सब डारी ॥३॥ प्रेम मुदित अति अति आतुर है धाई सब व्रजनारी । ऑगन भवन भीर कामिनिकी गाबत सब सुकुमारी ॥४॥ जसुमति सुनि अवतार कुँवरिको मन आनंद बढ़योौ अति भारी । पट नौछावरि बहु विधि कीनी मोती रतन भरि थारी ॥५॥ विधि अति निपुण सुकृत माखनसी अपने हाथ सँभारी । गोकुल प्रभु गोपाललालकी दै हैं प्राणन प्यारी ॥६॥

Shri Radhaji Ki Badhayi

Part1-192

Saarang

Bhaadon sudi ashtami pragat bhaee arnaindki nidhi radha . vrajajan

भादों सुदी अष्टमी प्रगट भई आरनैंदकी निधि राधा । ब्रजजन मन आनंद प्रगट भयौ मिटी विरह की बाधा ॥१॥ अब प्रगटैंगे प्रानजीवन धन अति आतुर अकुलाई । बड़भागिनि रानी जसुमतिं गृह सब ब्रजके सुखदाई ॥२॥ कदलीखंभ कुंभ मंगलके बंदनबार बिराजे । द्वारद्वार कुंकुमके थापे बाजे बहुविधि बाजे ॥३॥| चलौ वेगि मिलि मंगल गावत कीरतिजूके द्वार। मंगलथार लिये हाथनमें साजे सकल सिंगार ॥४॥ भूषन भूषित अंग सबै जन सुरपुर छयौ विमान । अति महारस पूरि वृष्टिसों बरसानों बरसान ॥५॥ निरखौ बदनचंद प्यारीकौ प्रीतमको सुखसार | हम सखियनकौ परम भाग्य फल नैननकौ आधार ॥६॥ पोहोंची जाय सबै प्रफुल्लित लई भीतर भवन बुलाय । तादिनकौ सुख नैंनन निरखत दास परम निधि पाय ॥७॥

Shri Radhaji Ki Badhayi

Part1-193

Saarang

Shrivrishbhanrai grih pragati radha nakhsikh rupanidhan . kahaa

श्रीवृषभानराय गृह प्रगटी राधा नखसिख रूपनिधान । कहा बरनों नखशिखकी शोभा त्रिभुवन नॉँहि न और समान ॥१॥ ब्रजसुंदरी निरखि हुलसत मन भई आनंद मगन गुन गान । जसुमति कूँखि विरह आत्ुर अब प्रगरेंगे ब्रजजीवन प्रान ॥२॥ रसिकराय रसरासबिहारी सकल कला पूरन सब जान ) विरह ताप हरिहें गोपिनके करि मुख कमल सुधारस दान ॥३॥ बाजत ताल पखावज दुंदुभी सुनत न जाय परी कछु कान । वृंदावन मंगल यश गावै दास करत सबका सनमान ॥४॥

Shri Radhaji Ki Badhayi

Part1-193

Saarang

Main dekhi sutaa vrishbhaanaki . janani sanga aaee vraj ravari shobha

मैं देखी सुता वृषभानकी । जननी संग आई व्रज रावरि शोभा रूप निधानकी ॥१॥ नेंक सुभायते भूकुटी टेढ़ी बैनी सरस कमानकी । नैंन कटाक्ष रतत चितवतही चितवनि निपट अयानकी ॥२॥ पग जेहरि कंचन रोचनसी तनकसी पोहोंची पानकी । खगवारी गलें द्वै लर मोती तनक तरुवनी कानकी ॥३॥ लै बैठी हँसि गोद जसोदा मनमें ऐसी बानकी । सूरदास प्रभु मदनमोहन हित जोरी सहज समानकी ॥४॥

Shri Radhaji Ki Badhayi

Part1-193

Saarang

Radhajukau janm bhayau suni maaee . shuklapaksh bhaadon nish aaen

राधाजूकौ जन्म भयौ सुनि माई । शुक्लपक्ष भादों निश आएें घर घर होत बधाई )!१॥ अति सकुमारि घरी शुभ लक्षन कीरति कन्या जाई। परमानंद नेंदके आंगन जसुमति देति बधाई ॥२॥

Shri Radhaji Ki Badhayi

Part1-194

Saarang

Aaj barsaanen bajati badhaai . bhaagi badey raani keeratike jinn

आज बरसानें बजति बधाई । भागि बड़े रानी कीरतिके जिन यह कन्या जाई ॥१॥ दुंदुभी ढोल भेरी सहनाई बाजे बाजत दरें । श्रीवृषभानरायजूकी पौरी धूम मची अति भारें ॥२॥ दान देत वृषभान भावते जिन जाँचौ तिहिं काल । कृष्णदास सब देत असीसन चिरजीवोौ यह बाल ॥३॥

Shri Radhaji Ki Badhayi

Part1-194

Saarang

Rawal radha pragat bhaee . shrivrishbhan gope guru way kull prayati

रावल राधा प्रगट भई । श्रीवृषभान गोप गुरु वे कुल प्रयटी अति आनंद भई ॥१॥ रूपरासि रसरास रसिकनी नव अंकुर अनुराग नई । चिरजीवो चतुर चिंतामणि प्रगटी जोरी पुन्यमई ॥२॥ गुण निधान अति रूप रसिकनी करत ध्यान गिरिधरन सई। च॒तुर्भुजप्रभु गिरिधर यह जोरी त्रिभुवन शोभा तोलि लई ॥३॥

Shri Radhaji Ki Badhayi

Part1-194

Saarang

Anand kii nidhi pragati radha . bhadonsudi aathein shubhavela nirakhat

आनंद की निधि प्रगटी राधा । भादोंसुदि आठें शुभवेला निरखत मिटत्‌ सकल तन बाधा ॥१॥ सिंधुसुता गिरिसुता शची रति उनहूँ ते अधिक रूप अगाधा | ब्रजपति देखि तनमन धन बारत नैंदनंदन मन पूँजी साथा ॥२॥

Shri Radhaji Ki Badhayi

Part1-194

Saarang

Sundari subhag kunwari aeka jaaee | kahaa kahon yeh guna roop prem

सुंदरि सुभग कुँवरि एक जाई | कहा कहों यह गुन रूप प्रेम पोट भरि लाई ॥१॥ फूलि गये जित तित सब ब्रजमें सुखकी लहरि जु बढ़ाई। धनि लहनों वृषभान गोपकौ भागि दशा चलि आई ॥२॥ धनि आनंद जसोदारानी अपने भवन खिलाई । वृंदावनमें सखी यह प्यारी भागि अधिक सुखपाई ॥३॥ यह गिरिधर कहत फिरि फिरि कें हमारे भागिन माई । उदैभान नंदनी प्रगटी परमानंद बलिजाई ॥४॥

Shri Radhaji Ki Badhayi

Part1-194

Saarang

Aaj raavalmein jaijaykar . pragat bhaee vrishbhan gopaken shree

आज रावलमें जयजयकार । प्रगट भई वृषभान गोपकें श्री राधा अवतार ॥१॥ गृहगृहतें सब चली वेग दे गावत मंगलचार । प्रगट भई त्रिभुवनकी शोभा रूप राशि सुखसार ॥२॥ निर्तत गावत करत बधाई भीर भई अति द्वार । परमानंद वृषभानुनंदिनी जोरी नंददुलार ॥३॥

Shri Radhaji Ki Badhayi

Part1-194

Saarang