Barasganthi vrishabhaankunvariki keerati geet gavayeju . chandan aggar

बरसगांठि वृषभानकुँवरिकी कीरति गीत गवायेजु । चंदन अगर लिपाइ अरगजा मोतिन चौक पुराये जू ॥१॥ नंदीसुरतें नंद जसोदा ससुत न्योंति बुलाये । गोपी गोप गाय गोसुत लै चलि बरसाने आये ॥२॥ तब वृषभान बड़े आदरसों निज मंदिर पधराये । भीतर भवन जसोदा कीरति मिलत परम सुख पाये ॥३॥ जसुमतिकी कनियाँतें लालन लै कीरति योद खिलाये । ब्रजरानी लई कुँवरि गोद व्रजनारिन मंगल गाये ॥४॥ विविध सुगंध फुलेल उबटनों कुँवरि कुँवर उबटाये । तातें नीर न्हवाय पोंछि पट भूषण तन पहराये ॥५॥ तब वृषभान बोलि लये भीतर कीरति मंत्र सुनाये । निश्चय करि यह निजब्रत लीजे कान्ह कुँवरि वर पाये ॥६॥ तब वृषभान बाहिर आये नंदराय पहराये । कुल प्रोहित मुनि गर्ग बोलि कह्मौ परम पदारथ पाये ॥७॥ नंदराय वृषभान परस्पर अद्भुत नाच नचाये । जसुमतिजूसों करचौ समधौरों व्याह के गीत गवाये ॥८॥॥ तब व्रजराज मुदित मन मुनि ऋषिकुल प्रोहित पहराये। अगनित गाय दईं विधि करके पटह निसान बजाये ॥९॥ प्रमुदतित बोहोरि चली नंदरानी गावत सरस बधाये । नंदगोप बलि मोहन लैके नंदगाम फिरि आये ॥१०॥ बंदी मागध सूत बोहोत करि दे सनमान पठाये । रहसे फूले व्रजजन डोलें मानों रंक निधि पाये ॥११॥

Shri Radhaji Ki Badhayi

Part1-198

Malav

Sub milli mangal gaavo. shree vrishbhan udaar vidit jug jaano.

सब मिलि मंगल गावो। श्री वृषभान उदार विदित जग जानो। वंदों चरण महर कीरतिके संपति बहोत लुटावों । “चत्रभुज' प्रभु हित रूप स्वामिनी निरखत नेन सिरावों ॥२॥

Shri Radhaji Ki Badhayi

Part1-198

Malav

Aaj badhaavo maaee bhanrai darbar . vrajnari milli mangal gaave

आज बधावो माई भानराय दरबार । व्रजनारी मिलि मंगल गावे सज लिये कंचन थार ॥१॥ धुजा पताका कदली रोप्यों द्वारे वंदनवार । सज लिये कंचन थार ॥१॥ धुजा पताका कदली रोप्यो द्वारे वंदनवार । सबै सुवासिन धरो साथिये कीरति परम उदार ॥२॥ कंचन रसिक रूप अति राजत मोतिन सजे सुढार | कमल मुख प्रमुदित भरे मानो दिनकर किरन प्रकास ||३॥ कुंवरि हि देखत अति सुख उपजत वारत मुक्‍्ता हार | “गरीबदास” को दई है पंजरी

Shri Radhaji Ki Badhayi

Part1-198

Poorvi

Mudit nissan bajaavahi vrishbhan nrishati darbar hoe . bhaadon sudi

मुदित निसान बजावही वृषभान नृषति दरबार हो । भादों सुदी आठे उजियारी सुभ नछन्न गुन सार हो । प्रगटी कूखि महर कीरति के श्रीराधा अवतार हो ॥१॥ गुह-गृह ते गोपी बनि निकसीं गावत मंड्लचार हो | हरखत चली बधाये कुंवरि कर लिये कंचन थारहो ॥२॥ धन्य कूखि रानी की यों कहि हँसि-हैसि लागत पाय हो । वदन विलोकि कुंवरि राधा को पुनि-पुनि लेत बलाय हो ॥३॥ यह जोरी गिरिधर सम प्रगटी उपमा को नहिं आन हो । “रामदास' विप्र भाटन कों देत राय बहु दान हो ॥४॥

Shri Radhaji Ki Badhayi

Part1-199

Gori

Bajat badhaai vrishbhan raidhar .. barr barasaane sukh sarsaane

बजत बधाई वृषभान रायधर ॥ बर बरसाने सुख सरसाने नाचत महेर मिले नारी नर ॥१॥ दुब हरद रोरी मुख मांडत हँसहँस धरत फूल परस्पर ॥ गोपीग्वाल महारसमाते गाय जनम मंगल गदगदसुर ॥२॥ गरेबहुधर लटकत डोलत महामुदित अतिराजत रंगभर ॥ भुखन बसन गिनत नहीं जानें सुरदास लाग्यों आनंद उर ॥३॥

Shri Radhaji Ki Badhayi

Part1-199

Gori

Aaj firat duhaai nandaki . yeh sridama kahat sabanso baat

आज फिरत दुहाई नंदकी । यह श्रीदामा कहत सबनसो बात परम आनंदकी ॥१॥ कुँवरी भई वृषभान नृपतिगृह जीवनी गोकुलचन्दकी । नागरी चिस्जीयो यह जोरी राधा 'परमानंद” की ॥२॥

Shri Radhaji Ki Badhayi

Part1-199

Khamaj

Sakhee tere tanaki sundarta .. nakhshikh angang avalokat

सखी तेरे तनकी सुंदरता ॥ नखशिख अंगअंग अवलोकत चकृतभयो करता ॥१॥ अति अनुप कृस कटि अनुप उर अनुपम सुंदरता ॥ छबि अनुप उपजत छिन छिन अनुपम उज्वलता !!२॥ परमत करत बिचार विविध चित नांहिन रह्मो समता ॥ कुंभनदास स्वामिनी तोहि बस गोवरधन धरता ॥३॥

Shri Radhaji Ki Badhayi

Part1-199

Poorvi

Arrie sakhee pragati paramkripal sadan sutaa vrishbhaanke . vrajvasi

एरी सखी प्रगटी परमकृपाल सदन सुता वृषभानके । व्रजवासी सबै आनंद भयो एरी सखी सुन सुन सब व्रजबाल श्रीमुख निरखत आनके ॥१॥ चहुं दिश घुरे हैं निशान झांझ पख्ावज बाजही । एरी सखी मेरी मुर॒ज शहनाई मानों ज्यों घन गाजही ॥२॥ एरी सखी व्रजजन सजे हैं शृंगार बरन बरन बहु भांतिके। एरी सखी शोभा बरनी न जाय मानो उदयो रवि कांतिके ॥३॥ एरी सखी अंगिया पीत सुदेश सारी सुरंग सुहावनी ! एरी सखी लहेंगा ललित सुदेश कटि फोंदी मनभावनी ॥४॥ एरी सखी रही अलक लर छूट कटि किंकिनी लटकावही | एरी सखी बरा बिजोठा बीच बाजूबंध बिराज ही )!५॥ एरी सखी पहुँची पान पछेल चूरी चार सुहागकी । एरी सखी कुमकुम बेंदी बीच मृगमद आड ललाटकी ॥६॥ एरी सखी लर लटकन लटकाये टेढी सोहत कानमें । एरी सखी अंगुरिन बिछुवां बीच लाग रहे पन पानमें ॥७।| एरी सखी जेहरी जात जराय पायल पायन बाजही । एरी सखी करनीके जूथ अति आतुर छै लाजही ॥८॥ एरी सखी नथमणि जटित जडाय ज्यों मुक्‍्ता जल स्वातिकों । एरी सखी त्रिवली तिमनियां हार गजमोतिन बहु भांतिको ॥९॥ एरी सखी कलश लिये गोपी हाथ कनकथार सब साजही । एरी सखी अंग सुधि गई भूल तज्यों सबै धरकाजही ॥१०॥ एरी सखी गावत गीत रसाल मंगलचार बधाईयों। एरी सखी सुनत सब कान भानुराय मनभाइया ॥११॥ एरी सखी कावर ले सब ग्वाल दथि घृत दूध भरावही एशी सखी नाचत दे किलकार भानजू सीस नवावही ॥१ २॥ एरी सखी गलिन बीच भई भीर कोऊ डगर नहीं पावही । एरी सखी मंदिर सोहत वृषभान हाथ पकर नचावही॥१ ३॥ एरी सखी ले नवनीत उडाय हरद कपोल लगावही । एरी सखी हँसत सबै व्रजलोग भलो बन्यो ये पाव ही ॥१४॥ एरी सखी गई सखी एक भाजी ले मुख ललीकों दिखावही । एरी सखी वाटत मुक्तामाल सबै नोछावर पावही ॥१५॥ एरी सखी जाचक हित हरिवेश” विमल विमल गुज गावही । एरी सखी राधे चरन प्रताप अठसिधि नवनिधि पावही ॥१६॥

Shri Radhaji Ki Badhayi

Part1-200

Kafi

Pragati adbhut kunwari chalo barasaane jaiye . mangal bhuv roopaki

प्रगटी अद्भुत कुंवरी चलो बरसाने जैये । मंगल भुव रूपकी रानी कीरति कंठ लगैये ॥१॥ भयो महा आनंद नंदके जसोमति भले नचैये! फुली अंगनमें ऐसे ये ताल मृदंग बजैये ॥२॥ सब सुख मनभावन आवनको सुन सुन अति सचुपैये । भादो भाग सबै व्रज खेती 'नंददास” बरसैये ॥३॥

Shri Radhaji Ki Badhayi

Part1-200

Khamaj

Briloki nidhi nirmit vidhana rachi pachi keaney pyaari |

ब्रिलोककी निधि निर्मित विधना रचि पचि कीनी प्यारी | मुख ससी षोडसकला संपूरन देखत छीन होत तुव वचनामृत सुन कोकिला कुहुकत भई कारी ॥१॥ दारयों हु दरकी दसन ज्योति देखत पेखत धसि पाताल व्याल बेनीको जंघ खंभ देख कदली कही होत नारी । केहरी कंचन कपोत खंजन मृग मीन हीन “विचित्र” बखाने सोई श्री वृषभानदुलारी ॥२॥

Shri Radhaji Ki Badhayi

Part1-201

Kalayan

Shree vrishbhan prabhaavati jaaee haye. nirakh nripati vrishbhan sue deit

श्री वृषभान प्रभावती जाई है। निरख नृपति वृषभान सु देत बधाई है ॥॥१॥ खटदस साज सिंगार चली व्रजनागरी । पहोंची भानभवन मथी रूप ऊप ऊजागरी ॥२॥ कुंवरी निरखि मन हरखि सबै तन फूल ही । नाचत कर उत्साह गई उर सुल ही ॥३॥ घर घर त्तोरममाल बधाई सजाई । हेम कलस नग जटित धुजा फहराई ॥४॥ बंदी मागध सुत सबै सुन धाये । वंस प्रसंस असीस देत मन भाये ॥५॥ श्री वृषभानराय मन हरखाय के । देत बहु दान सबै सनमानके ॥६॥ देव विमान आय कुसुम वरखावही । “जगन्नाथ! मन मुदित विमल जस गावही ॥७॥

Shri Radhaji Ki Badhayi

Part1-201

Kafi

Pragat bhaee vrishbhan nandini chalo badhaai baaje ree | bhaado maas

प्रगट भई वृषभान नंदिनी चलो बधाई बाजे री | भादो मास उजियारी आठे मंद मंद घन गाजे री ॥१॥ व्रजवनिता धावति कल गावति गांव गांव ते आई री । विगलित वसन लटकत लट ही नाचत पै नहीं लाजे री |॥२॥ आनंद भरी नंदजूकी रानी देत वसन पसु भ्राजे री । उदय भयो ब्रज वल्लभ कुलको “व्यास! वचन पर छाजे री ॥३॥

Shri Radhaji Ki Badhayi

Part1-201

Kalayan