Aatho bhadaunki ujiyari . raavalmein vrishbhan gopke pragati

आठो भादौंकी उजियारी । रावलमें वृषभान गोपके प्रगटी श्रीराधा प्यारी !१॥ श्रुति स्वरूप सब संग करि लीने व्रजपति हेत बिचारी ! दास गोपाल बलल्‍्लभजूकी स्वामिनी वश कीने गिरिधारी ॥२॥

Shri Radhaji Ki Badhayi

Part1-201

Kanharo

Sabal aaj kulahal maaee . baajan baajat bhavanan gaajat

सबल आज कुलाहल माई । बाजन बाजत भवनन गाजत प्रगटी सेबन सुखदाई ॥|१॥ धरत साथिये बंदनवारे रोपी द्वार सुहाई । गावत गीत अली गोकुलकीं जे जुरि न्‍यौंते आई ॥२॥ वृषभानके आँगन रानीजू बैठी देति बधाई ॥ श्रीविड्डलगिरिधरन कुंवरिकी वरसगांठि मन भाई ॥३॥|

Shri Radhaji Ki Badhayi

Part1-202

Kanharo

Shree vrishbhaanke betty bhaee. bhaadon sudi ashtami shubh dinn dhanya

श्री वृषभानके बेटी भई। भादों सुदी अष्टमी शुभ दिन धन्य कुखि कीरतिजू माई ॥१॥ श्रवन सुनत सहचरी मिलि आई अति प्रफुलित सब देत बधाई । ध्वजा पताका तोरनमाला आंगन मोतिन चौक पुराई ॥२॥ पंच शब्द बाजै बाजत है प्रमुदित ब्रजजन मंगल गाई । विप्र वेद उचारन लागे जाचकजन बहु करत बडाई ॥३॥ त्रिभुवनकी शोभाजू प्रगट भई श्री गिरिवरधरकों सुखदाई । जैजैकार भयो वसुधामें हरखि इन्द्र पुष्प बरखाई ॥४॥ यह जोरी रहो ब्रज अविचल राज करो राधा व्रजराई । श्री वललभ सुत चरनकमल रज 'हरिदास” नौछावर पाई ॥५॥

Shri Radhaji Ki Badhayi

Part1-202

Kanharo

Maharas pooran pragatyo aani .. atee foolin ghar ghar vrajnari

महारस पूरन प्रगट्यो आनि ॥ अति फूलीं घर घर व्रजनारी श्रीराधा प्रगटी जानि ॥१॥ धाई मंगल सजि सबै लै महामहोत्सव मानि ॥ आईं घर बृषभान गोपकें श्रीफल सोहत पान ॥२॥ कीरति बदन सुधानिधि देख्यौ सुंदर रूप बखान ॥ नाचत गावत दे करतारी होत न हरख अघान ॥३॥ देत असीस सीस चरनन धर सदा रहो सुखदानि ॥ रसकी निधि व्रज रसिक रायसों करो सकल दुख हानि ॥४॥

Shri Radhaji Ki Badhayi

Part1-202

Kanharo

Shree vrishbhaanraayake pragati radha nakhshikh rupanidhan | kahaa

श्री वृषभानरायके प्रगटी राधा नखशिख रूपनिधान | कहा बरनों नखसिखकी सोभा त्रिभुवन नाहिन और समान ॥१॥ ब्रजसुंदरि निरखि हुलसत मन भई आनंद मगन गुणगान । जसुमति कूख विरह आतुर अब प्रगटेंगे ब्रज जीवन प्रान ॥१॥ रसिकराय रासबिहारी सकल कला पूरन सब जान । विरह तप हरि है गोपिनके करि मुख कमल सुधारस दान ॥३॥ बाजत ताल पखावज दुंदुभी सुनत न जाय परी कछु कान । वृंदावन मंगल जस गावै दास करत संबको सनमान ॥४॥

Shri Radhaji Ki Badhayi

Part1-202

Kanharo

Vrishbhan nripati darbara bajebaje mendilra | pragati haye shubh

वृषभान नृपति दरबारा बाजेबाजे मेंदिलरा | प्रगटी है शुभ घरी नक्षत्र ब्रज रोप्यो है बंदनवारा ॥१॥ सखी सहेली मंगल गावें नाखें साँचे तारा । गरीबदास की स्वामिनि प्रगटी बाह्यौ रंग अपारा ॥२॥

Shri Radhaji Ki Badhayi

Part1-203

Bihaag

Maaee barsano varr subus baso ! radha kaanh kunwar chirjio

माई बरसानो वर सुबस बसो ! राधा कान्ह कुँवर चिरजियो न्हात हूँ जिनि बार खसो ॥१॥ गोवर्धन गोकुल वृन्दावन नवनिकुंज प्रति नित विलसो । रास विलास रहसि कर छायो आनंद प्रेम हिये हुलसो ॥२॥ अविचल गा करो यह भूतल गोपीजन देत असीस । परमानंददास को ठाकुर जियो कोटि बरीस. ॥३॥

Shri Radhaji Ki Badhayi

Part1-203

Kanharo

Vrishbhan kunwari radha namini . pragati haye mangal munny vraj

वृषभान कुंवरी राधा नामिनी । प्रगटी है मंगल मनी ब्रज जीवनकी प्राण संजीवनी अदभुत अभिरामिनी ॥१॥ व्रजदेवी सुरनर मुनि सेवी परम प्रेमनीकी स्वामिनी । “नंददास” रस रास रसीली वृन्दावन धामिनी ॥२॥

Shri Radhaji Ki Badhayi

Part1-203

Kedaro

Aaj chhati kii raat dyos atee hii madoolkaari . sujas sunyo

आज छटी की रात द्योस अति ही मड़ूलकारी । सुजस सुन्यो वृखभानराय को भादों पक्ष अति उजियारी॥१॥ दूर देस के जुरे न्‍्योतकी सब मन यह ही बिचारी | लगन एक साध्यो सुभ तबहीं यह न होय विधि की ओलारी ॥२॥ नाग लोक सुरलोक सुभूतल नाहिन यह सोभा अति सारी । अर्धाड़ी मोहन की जाई श्री वृषभान सुता री ॥३॥ कवि को विधि ये कहत न आवे सेस सारदा त्रिपुरारी | कुंवरि सो मड़्ूलमय अति कीरति “अग्रदास' यह सुता उर धारी ॥४॥

Shri Radhaji Ki Badhayi

Part1-203

Kanharo

Dhani-dhani prabhaavati jinn jaai aisee betty dhani-dhani hoe vrishbhan

धनि-धनि प्रभावती जिन जाइ ऐसी बेटी धनि-धनि हो वृषभान पिता । गिरिधर नीकी मानी सो तो तीन लोक जानी उरझ परी मानों कनक लता ॥१॥ चरन पर गंगा ठारों मुख पर ससि वारों ऐसी त्रिभुवन में नाहिन वनिता ॥ “नन्ददास' प्रभु स्याम बस करन कों स्यामाजू के तोलों नावे सिन्धु सुता. ॥२॥

Shri Radhaji Ki Badhayi

Part1-203

Bihaag

Shravan suni sajani ree baaje baaje mandilas . aaj nisi laagat

श्रवण सुनि सजनी री बाजे बाजे मंदिलस । आज निसि लागत परम सुहाई अति आवेस होत तन मनमें रावल बजत बधाई ॥१॥ दे दै कान सुने और फूले रावलकी नर नारी । कीरति रानी कन्या जाई होत कुलाहल भारी ॥२) आनंद भरे अकुलाय चली सखी सहज सुंदरी गोपी । प्रादुर्भाव कीरति सुताको जासो तन मन ओपी ॥३॥ अति ऊंचे चढ-चढके टेरत पसर उठे सब ग्वाल । गैया बगदावों रे मैया भई वृषभानके बाल ॥४॥ आय जुरे सब गोप आपसे भयो सबन मन भायो | पंचामृत ढारत सीसनतें नावत वृषभान नयायो ॥५॥ मंगल साज शुंगार मंगल मुखी चंचल कुंडल हार | हाथन कंचन थार रहे लसी पग नुपूर झनकार ॥६॥ धन दिन धन यह प्रात आजकी सखी धन धन थे गोपी । कुंवरी किसोरी चंदा निरखत अंखियां तृषित चकोरी ॥७॥ नाचत सिव सनकादि नारद हरद दही भर राजे । इत निसान उत भेरी दुंदुभी हरखि परस्पर बाजे ॥८॥ जा सुखको सनकादिक इच्छत सो विलसत ब्रज गेही । कहे “भगवान हित रामराय' प्रभु प्रगटे प्राण सनेही ॥९॥

Shri Radhaji Ki Badhayi

Part1-203

Bihaag

Laadili surang paalane jhoole | keerati baithi jhulaavati harkhat

लाड़िली सुरंग पालने झूले | कीरति बैठि झुलावति हरखत अति आनंद मन फूले ॥१॥ सुरंग खिलौना भाँति भाँतिके प्रमुदित गोद खिलावै | देखि देखि मुसिक्यात सलोनी दे देंतियाँ दरसावै ॥२॥ प्रमुदित गावै अति हरखाबै उपमा को नहीं आन । रूप अंग सब विधि व्रजपतिकी जोरी परम सुजान ॥३॥

Radhaji Ke pana

Part1-204

Ramkali