Maaee aaj tou rawal gaam caso rahyo phoolke . phooli gopi sub

माई आज तो रावल गाम कैसो रह्यो फूलके । फूली गोपी सब ब्रजपति आनंदन कुलके कुंजनके कुंज फूले विटपन झूलके ॥१॥ फूली फूली ब्रजनारी हंसकर देत तारी | भादो सुद उजियारी आठे अनुकूल के ॥२॥ फूले वृषभान चंद्रभान हि मान देहे | द्विजन जनन दान कोटि रासि खोलके ॥३॥ फूले है जाचक सब भये हैं अचानक अब । माँगत मागत आये लेत तोल तोलके ॥४॥ “नंददास” देखत फूले ग्रहपद पाये झूले | देखि दन्द्र भूले जनम अमोके.. ॥५॥

Shri Radhaji Ki Badhayi

Part1-204

Jejevanti

Apani kunwari kishoreekun keerati paalane jhulaavai .. nirakhi

अपनी कुँवरि किशोरीकुँ कीरति पालने झुलावै ॥ निरखि निरखि छवि अपनी ललीकी पुल्नकि पुलकि हुलरावै ॥१॥ रतन जटित को पलना रच्यो है रेशम डोरि बुनावै ॥ मोतिन झालरि झूमरि चहुँदिश हीरालाल लगावै ॥२॥ नंदीसुरतें रानी जसुमति मंगल गावति आवै ॥ कुँवरि किशोरीको पलना झुलावै दास गोपाल गुन गावै ॥३॥

Radhaji Ke pana

Part1-205

Aasawari

Aho merrie laadili kunwari kanchan paalane jhoole . moodu musikani

अहो मेरी लाड़िली कुंवरि कंचन पालने झूले । मूदु मुसिकानि निरखि नैन सुख कीरतिजू मनहीं मन फूल ॥१॥ कबहुँक चटकोरी चटकावति कुक बोलन बोले । सूरदास मदनमोहन पियकी आनंदकी रसखान

Radhaji Ke pana

Part1-205

Bilawal

Rasikani radha palana jhoole .. dekhi dekhi gopijan phoole

रसिकनी राधा पलना झूले ॥ देखि देखि गोपीजन फूले ॥१॥ रतनजरितको पलना सोहे | निरखि निरखि जननी मन मोहे ॥२॥ शोभा की सागर सुकुमारी ॥ उमा रमा रति वारि डारी ॥३॥ डोरी ऐंचत भोंह मरोरे ॥ बारबार कौरति तृण तोरे ॥४॥ तिहिं छिनुकी शोभा कछु न्यारी ॥ अखिल भुवन पति हाथ सवारी ॥५॥ मुख पर अंबर वारति मैया॥ आनंद भयौ परमानंद भैया ॥६॥

Radhaji Ke pana

Part1-205

Aasawari

Ladeti paalnen jhoole | rangmahal ruchi rachyau vidhaata nirakhi

लड़ेती पालनें झूले | रंगमहल रुचि रच्यौ विधाता निरखि निरखि मन फूले ॥१॥ नवनिधि सिद्धि जाकी आज्ञाकारी सो जाई कीरति बाल । सरस सरोवर भान भवनमें प्रगटी है कुलपाल ॥२॥ आज उदय सब ब्रजममंडलको गोरी रसिकगोपाल । कृष्णदास प्रभु अति आनंदे जोरी परम रसाल ॥३॥

Radhaji Ke pana

Part1-205

Bilawal

Keerati raani paalane jhulaavai | rattan jatit koo palana banyau

कीरति रानी पालने झुलावै | रतन जटित को पलना बन्यौ है मोतिन जाल गुथावै ॥१॥ विबिध भांति पाटकी डोरी हीरा बहुत जरावै । गजमोतिनके बने झूमका पचरैंग चीर विछावै ॥२॥ नंदीसुरते जसुमति रानी ग गावत आवै ॥ सब सखियन मिलि पलना झुलावै गरीबदास गुन गावे ॥३॥

Radhaji Ke pana

Part1-205

Aasawari

Jhooli jhooli rajkumari chhabili pyaari. srikirati praan aadhaar

झूली झूली राजकुमारी छबीली प्यारी। श्रीकीरति प्रान आधार छवीली हो प्यारी ॥ सब सुंदरताकी सार छबीली हो प्यारी ॥टेक॥ नवल कनकको पालनो प्यारी रतन जटित जराई ॥ गजमोतिनके झूमका प्यारी लटकत परम सुहाई ॥१॥ आसपास झालर बनी प्यारी पीत जरीकी कोर । पचरेंग - फोंदा पाटके प्यारी सोभित है चहुँ और ॥२॥ ऐसौ पलना लाड़िली प्यारी तोकों बनायी सँवारि । तुम झूलो हों झूलाऊँ हो प्यारी अब किन छांडो ओर ॥३॥ कबहूँ किलक हँस हँस उठे प्यारी चितवत नैन बिसाल । जननी डीठ डर जानके प्यारी देत चखोड़ा भाल ॥४॥ जरतारी टोपी लसे प्यारी झगुली पीत सुदेस॥ कंठ बघना कर पोहोंचियाँ प्यारी सोभित सुंदर वेस ॥५॥ माखनमिश्री देऊँगी प्यारी घुटुरूवन चलौ सुहाई ॥ तेरे चरन रुनझुन करे प्यारी खटपद सुनत लजाई ॥६॥ वह दिन केसौ होयगौ प्यारी तुतरे बैन बुलाई । मैया कही टेरे तबै प्यारी सर्वस देहुँ लुटाई ॥७॥ मैया मनोरथ यों करै प्यारी जाकौ श्री कीरति नॉऊ । दीजै यह फल रसिककों प्यारी श्रीवललभ गुन गाउँ ॥८॥

Radhaji Ke pana

Part1-206

Dhanashri

Nandrayakon dhaadhi aayou . bhanurai ghar sutaa janam suni

नंदरायकों ढाढ़ी आयौ । भानुराय घर सुता जनम सुनि कुँवरिको मंगल गायो ॥१॥ महाराज वृषभानु जानि यों बड़घरनी बहुविधि पहरायौ । हेम रत्न मुक्‍्ता मणि भूषण पट दे याचकको मान बढ़ायौ ॥२॥ बड़े सिंघासन बैठे भानजू विप्रन दान दीयौ मन भायौ ॥ मागध चारन बंदीजनको मान राखि कंचन झरलायो ॥३॥

Radhaji ke Daadhi

Part1-206

Ramkali

Naachat gawat dhaadhinke sanga dhaadhi hurak bajaabai hoe . saat

नाचत गावत ढाढ़िनके संग ढाढ़ी हुरक बजाबै हो । सात साखि वृषभानजूकी नंदराय माथों नावै हो ॥१॥ गरोपिन लै संग मेहेरि यशोदा आपुन मंगल गावे । ब्रजवासी उपनंद मिले सब घर घर बात लुठावै ॥२॥ वस्साने में घर घर कौतिक मोतिन चौक पुरावै | द्वै है सब मेरे मन भायौ कुलदेवता मनावे ॥३॥ मनि मुक्ता रतनन भरि थारन ढाढ़ी गोद भरावै ॥ झगा पगा उपरना टोडर ढाढीकूँ पहिरावै ॥४॥ देत असीस हाथ ऊँचे करि ज्यों सवहिन मन भाव । सुता तिहारी पूत नंदको विधिना बात बनावै ॥५॥ ऐसी सुनियत सब काहूकें जाये याचक आवै । यह कन्या कुल मंडन व्यास वचन मोहि भाव ॥६॥

Radhaji ke Daadhi

Part1-206

Jetashri

Yaduvanshi jijman tihaaro thaadhi aayo hoe . kunwari janm sunike

यदुवंशी जिजमान तिहारो ठाढ़ी आयो हो । कुँवरि जन्म सुनिके हों आयी राखि हमारो मान ॥१॥ एकबार हों पहलें आयौ देन बधाई ताकी। नंदीसुर व्रजराज घरनि घर कूँखि सिरानी जाकी ॥२॥ अबतो मेरे मनको भायौ दोऊ नेग चुकावौ । नँदरानी कीरतिदे रानी ढाढ़िनकों पहिरावी ॥३॥ बोहोत आँति ढाढ़िन पहराई गोपराय बड़ दानीं। किशोरीदासको निरभय करिकें व्रज राख्यौ व्रजरानी. ॥४॥

Radhaji ke Daadhi

Part1-207

Maru

Dhaathi bhandwar haye aayee . suraj vansh rajanke raaja taako yash

ढाठी भानद्वार है आयी । सूरज वंश राजनके राजा ताको यश मैं गायो ॥१॥ वृषभान नृपतिके सुन्यों बधावों अति आतुर द्ै धायौ ! प्रगटी है श्रीकुँवरि लाड़िली भयौ मैया मन भायौ ॥२॥ लोक चुतुर्दश दूंदुभी वाजे गगन विमानन छायौ । वृंदावन की राधारानी नारद भेद बतायौ ॥३॥ जाको ध्यान धरतहैं मुनिजन अंत न काहू पायौ । जाके हित प्रगटे त्रिभुवव पति निगमन सुजस सुनायौ ॥४॥ ऐसे बचन सुनत ढाढ़ी के आगे टेरि बुलायौ । व्यास वंश की जानि आनि ये गरीबदास पहरायौ ॥५॥

Radhaji ke Daadhi

Part1-207

Maru

Haye heen dhaadhin vrajranijuki keerati jaanchan iju. bhawan prakas

है हीं ढाढ़िन ब्रजरानीजूकी कीरति जाँचन आईजू। भवन प्रकास करन कुल कन्या वृषभान नृपततिकें जाईजू ॥१॥ मम पति हरखे और देव सब॑ उर आनंद न समाई ॥ उमड़े सब जाचक ब्रिभुवनके सुनि यह सुजस बधाई ॥२॥ कीजै मोहि अजाचक रानी जाँचन अनत न जाई | दीजै रतन मणि मानिक मुक्ता नग निरमोल मेँगाई ॥३॥ जो दीजै तो सात साखिकों दोऊ वंश बखानों ॥ नंदराय वृषभान नृपतिकी कुल परपाटी जानों ॥४॥ वंश अहीर महा बहु नृष भये कंजभानको गाऊँ। भुजबल चित्रसेन अजमीड़े यश पर्यत सुनाऊँ ॥५॥ बड़े भाग्य कुल तिलक नंदजू जा कुल कीरति भाई । तिहिं फल सुभग श्याम घन सुंदर मंगल मोद निकाई ॥६॥ अब सुनि गोपदंश कुल रानी सर्वोपरि रजधानी । अष्टसिद्धि नवनिधि जोरिकर कमलासी ललचानी ॥७॥ भये रति भान सकल भान नृप चित्रभान सुखदाई । भान अषछ्में जोतभान बड़े कंजभान बड़राई ॥८॥ बड़ों वंश बरनन को लघुमति कीरति जाति न जानी । ता कुल श्रीवृषभाननृपतिकी कन्या व्यास बखानी ॥९॥

Radhaji ke Daadhi

Part1-207

Maru