Badhaai deeje hoe vrishbhan deeje deeje deeje . jachakjanaki bidaa

बधाई दीजे हो वृषभान दीजे दीजे दीजे । जाचकजनकी बिदा भइ है एक ठाडो ढाढ़ी छीजे ॥१॥ कुंवरि जनम तिहारे सुनके हों उठि धायो वेगि । कोटि कल्प लों को छल छूट्यो गयो आज उद्वेगी ॥२॥ वेरी विरह बहुत दुख दीनो कीनो छात्ती छेग । ताते मदमात्यो न रहायो परे ते रीते तेग ॥३॥ यह अब शिव विरंचि नहीं जानत मानत अमर अधाई । चंद सुर नटवायां नाचे पंचम दरकी माई ॥४॥ उपमा नाही करी करता कोऊ कहासों कहों समताई । कौन पुण्य गिरिधर ताके वस तिहारे सुता कहाई ॥५॥ धेनु धान . धन अवतरी दाता गोपनमें बडभागी । मासन बंध रच्यो मन हि मन अपनो सो अनुरागी ॥६॥ दे न सकोगे ढरि कछु नाही बात बनाऊ ताग । रच्यो नहीं कनक मुकता लेहु कछु मोहि लाग ॥७॥ हरखि कहत महर मुसक्‍यानि जो चाहो सो लीजे । असीस दई धन्य चिरजीयो देकर प्रान पतीजे ॥८॥ दुलहनि बुल्हे नंदघर ढोटा ब्याह बड़े कर लीजे | मंगल चोरी मंगल गावत दास “चत्रभुज' जीजे. ॥९॥

Radhaji ke Daadhi

Part1-208

Maru

Taadhin nandisurate aaeen. apane patiko sanga liye hain atee atur

टाढ़िन नंदीसुरते आईं। अपने पतिको संग लिये हैं अति आतुर उठि धाईं ॥१॥ उदै देखि ब्रज बल्‍लभकुल को फूली अँग न समाईं | नाचत गावति प्रमुदित है कें टेरि असीस सुनाई ॥२॥ महाभाग्य कीरति आदर दे भीतर भवन बुलाई । कंचन बहु भूषन पार्टंबर नखशिखते पहिराई ॥३॥ रतनभान रतननकी पोहोंची ढाढ़िन हाथ गहाई । उदैभान सोनेके टोडर देत बहुत सुख पाई ॥४॥ दिये खता अगनित धानन के ललित भान लुटाई | अष्टभान और कुंतभानजू गोधन ठाठ बताई ॥५॥ महाराज वृषभान बहुत करि मनकी आस पुजाई । किशोरीदासकों बाँह पकरिकें बरसाने जो बसाई ॥६॥

Radhaji ke Daadhi

Part1-208

Maru

Merey munn anand bhayau houn tou phooli anga naan maau ..dhru... saat

मेरे मन आनंद भयौ हों तो फूली अंग न माऊ ॥ध्रु.॥ सात साखिको मेरो राजा जा घर बजत बधाई । देव कुसुम बरषत हैं नीके रानी कीरति कन्या जाई ॥१॥ हय गज हीर चीर मणि माणिक भादों झरी लगाई । कुँवरि भई वृषभान नृषति घर अष्ट महासिद्धि आई ॥२॥ बाजे बाजत सुचिसों नीके रानी जसुमति भली नचाई । भाभीजूसों झगरो कीजे आज भली बनि आई ॥३॥ चलौ सुवासिन सब मिलि साथिये कंचन थार सजाई । गरीबदासकों सुबुद्धि दीजे बहोत पँजीरी पाई ॥४॥

Radhaji ke Daadhi

Part1-208

Gori

Dhaadhin houn jasumati kii keerati jaachan aaee | param sujan daan

ढाढ़िन हों जसुमति की कीरति जाचन आई | परम सुजान दान मान वृषभान निरखि सचुपाई ॥१॥ पैठि पौरि दोरि गई भीतर बरनत कुँवरि बधाई । सुनि रानी सनमानी जानी अपने निकट बुलाई ॥२॥ नॉचति गावति झाँझ बजावति अति प्रफुलित मन धाई । नमन करति कीरति मुख निरखत दुहँ कर लेति बलाई ॥३॥ बूझी सब कुशलात बात बलि बदति विरद सुखदाई । भई है और होनी है जो कछु सो सब जानत माई ॥४॥ अब हों आदि अनादि बखानों वेद पुरातन गाई । पूरन रस प्रगठ्यौ अब व्रजमें जब तुम कन्या जाई ॥५)॥ यह गोलोक सकल व्रजमंडल जो श्रुति दीयौ बताई । पुरुषोत्तम निज अंशन प्रगटे ब्रजवासी समुदाई ॥६॥ श्रीवृषभान प्रकाश तिमिर हर किरति सब जग छाई । करि यह थान रमा क्रीड़नकों सदेही चलि आई ॥७॥ रसनिधि रसपोषनके कारन कमला दई है दिखाई | जसुमति सुत श्रीकृष्ण आदि हरि जोरी सहज सुहाई ॥८॥ वेई नंद शुक व्यास बखानें जिनके घर दोऊ भाई । वासुदेव संकर्षण जे हरि कहे ते बलभद्र कन्हाई ॥९॥ अब है हैं उनके घर तुमसों हित्त संबंध सगाई । राधामोहनजू मिलि खेलें तुमरे भवन सदाई ॥१०॥ लीलारस बरननकों मो मति तुम आगें सकुचाई । कीरति कुँवरिकों गोद लै आई उर आनेंद न समाई ॥११॥ ढाढ़िन निरखि कुँवरिकों फूली देत असीस सुहाई । नंदलाल वृषभाव ललीकीं अविचल जोरी सदाई ॥१२॥ कंचन मनि भूषन बसन कीरति बरखा बरखाई । अगनित गाय भैंसि रथ दैंकें जसुमति भवन पठाई ॥१३॥ खेलत बैठि गोद मनमोहन देखे नंद अथॉई । पायो सो सरवसु बारें और घर घर बात लुटाई ॥१४॥ ब्रजरानी तब बोलि लई अपनो उतरथौ पहिराई । शीश हाथ धरि करि ग्रृहदासी निज व्रजवास बसाई ॥१५॥

Radhaji ke Daadhi

Part1-209

Maru

Thataadhin nrityat sulap sudes bhawan vrishbhan key . barnat buns

ठटाढ़िन नृत्यत सुलप सुदेस भवन वृषभान के । बरनत बंस निकट कीरति के पहरे अद्भुत वेस | लटकि चलत गति ललित भाल पर श्रमजल सिथिल सुकेस ॥१॥ जो पायो सो सबहि लुटायो भूखन वसन अपार । “हित अनूप” बैठारी नियरे राखी अपने द्वार ॥२॥

Radhaji ke Daadhi

Part1-210

Gori

Meheri juu yachan tumpain aayou . dehu badhaai manki bhaai tihuun

मेहेरि जू याचन तुमपैं आयौ । देहु बधाई मनकी भाई तिहूँ लोक यश छायौ ॥१॥ कीरति कूखि प्रगटी श्रीराधा सुनि सुनि मंगल गायौ । कृष्णदास ढाढ़ी अपनेकों बहुत भाँति पहिरायौ ॥२॥

Radhaji ke Daadhi

Part1-210

Gori

Kirtiju deejai mohi badhaai . keerati koonkhi shiromani pragati

कीरतिजू दीजै मोहि बधाई । कीरति कूँखि शिरोमनि प्रगटी कीरति सब जग छाई ॥१॥ नेंदनंदनकी जोरी प्रगटी श्रीराधा सुखदाई । अब तो मनको भायो भयौ है विधिना भली बनाई ॥२॥ हीं ढाढ़ी नृपनंदमहेरको आयोौ तुमपैं धाई । क्ृष्णदास पहरायौ विधि करि फूल्यौ अंग न माई ॥३॥

Radhaji ke Daadhi

Part1-210

Gori

Betty bhaee bhaan key aroo nand key farjand .. hodgy wahwa haaji

बेटी भई भान के अरू नंद के फरजंद ॥ हॉजी वाहवा हाजी वाहवा ॥ कीरत को कन्याभई जसोदा के कान्ह ॥हाँजी.॥१॥ मिटे दुखबंद भयो ब्रज के आनेंद ॥हाँजी.॥ हरद दही दूध घृत रंगे सब ग्वाल ॥ हॉजी.॥२॥ हम तो ठाठी व्रजके तुम ब्रज के सिरदार ॥हाँजी.॥ आये नंदराय दान देत लाय लाय ॥हॉजी.॥३॥ नंदराय भानुराय जीयो महाराज ॥हॉँजी.) ढाठी माँझ जनम जनम जाँचू ब्रजराज ॥हॉँजी.॥४॥

Radhaji ke Daadhi

Part1-210

Desh

Aangan kheliye jhanak bhanak . keerati kunvareeko deit khilauna

आंगन खेलिये झनक भनक । कीरति कुँवरीको देत खिलौना झुनझुना खनक खनक ॥१॥ रानीजू हरखी मन ही मन मुख निरखत छिनक छिनक । 'कुंभनदास” स्वामिनी पद बाजे झांझरी झनक झनक ॥२॥

Shri Radhaji ke Baal leela

Part1-210

Bhairav

Bhaan aangan khelat juu ladaiti . chakai bangi firki dorry

भान आंगन खेलत जू लडैती । चकई बंगी फिरकी डोरी खेलत स्याम संग राधे हरख बढावती ॥१॥ ले लेहंटू कर गेंद उछारत सब बालकनमें गुनन सरसेंती । “लालदास” गुन राग नित कहिये चन्द्रकला मुखचन्द्र लहैती. ॥२॥

Shri Radhaji ke Baal leela

Part1-211

Bilawal

Aaj chhathi vrishbhan kunwariki keerat karat badhaai hoe .

आज छठी वृषभान कुंवरीकी कीरत करत बधाई हो । प्रात समे उठि करि जू उबटनों ताते नीर न्हवाई हो ॥१॥ विविध वसन पट जदित आभूषण अमोलक पहिराये हो । गर्ग पराशर सनक देव गुरु विप्रन सब बुलाये हो ॥२॥ द्वार द्वार प्रति धरत साथिये चंदन भवन लिपाये हो । गजमोतिनके चौक पुराये तोरन द्वार बंधाई हो ॥३॥ विप्र वेद धुनि हरख पढत हैं विधि सों छठी पूजाई हो । भाल कर्यौ कुमकुमकों टीको कुंवरी गोद बिठाई हो ॥४॥ आरती करत देत नौछावरि मंगल गीत गवाई हो । अगनित गाय सिंगारी अलंकृत दान देत मन भायो हो ॥५॥ बहो विधि पाट्टंबर पहिराये दिये भंडार लुटाई हो । मागध सुत विदित गुनि गंधर्व मंगल सुजस सुनाई हो ॥६॥ देत असीस लली चिरजीयो जहं तक यमुना बहाई हो । श्यामा श्याम देखी यह जोरी “दास! बल बल जाई हो ॥७॥

Shri Radhaji ke Baal leela

Part1-211

Aasawari

Shree yamuna tata khelat dekhi vrishbhan gopki kanya . chalo

श्री यमुना तट खेलत देखि वृषभान गोपकी कन्या । चलो श्याम अब तुम्हें बताऊ व्रजमें प्रकवी कोऊ अनन्या ॥१॥ यह सुन रतिगढ़ जीतन कारन मानो चढी मदनकी सेना। “नंददास” ललिता मन प्रफुलित भलिभाव रससिंधु सुधन्या ॥१॥

Shri Radhaji ke Baal leela

Part1-211

Bilawal