Aho bali darein thaadhe waman .. chaaryon veda padhat mukhpathti

अहो बलि दरें ठाढ़े वामन ॥ चारयों वेद पढ़त मुखपाठटी अति सुमंद स्वर गावन ॥१॥ बानी सुनि बलि बूझ्नन आये अहो देव क्यो आवन ॥ तीन पेंड़ वसुधा हम माँगें परनकुटी एक छावन ॥२॥ अहो अहो विप्र कहा तुम मांग्यौ अनेक रतन देहुं गामन ॥ परमानंद प्रभु चरन बढायौ लाग्यौ पींठ नपावन ॥३॥

Vaaman jayanti

Part1-217

Dhanashri

Balipai jonchat waman baal .. teen paind bhoomi mohi deeje adhik

बलिपै जॉँचत वामन बाल ॥ तीन पैंड़ भूमि मोहि दीजे अधिक कहा कहीं भूपाल ॥१॥ त्तीन पैंड मोपै कहा माँगत बहोत देहु लेहु इहि काल॥ शुक्राचारज कह्मी राजसों छल करि आये श्रीगोपाल ॥२॥ मोय छलन श्रीपति आये हैं यातैं पदवी कहा विशाल ॥ यौं कहि दीनौ वामन लीनोौ दोय पेंड़में किये बेहाल ॥३॥ एक चरन बलि सिर पर धरिकें ततक्षन राख्यौ मुतल रसाल ॥ यदुपति द्वारपाल ढ्ै रहिहें द्ारिकेश प्रभु बड़े दयाल ॥४॥

Vaaman jayanti

Part1-217

Saarang

Daaren thaadhe hain dviv waman .. sunat vachan hiraden sukh upajyo

दारें ठाढ़े हैं द्विव वामन ॥ सुनत वचन हिरदें सुख उपज्यो भयौ कहाँ ते आवन ॥१॥ चरण धोय चरणोदक लीनौ कहौ विप्र मन भावन॥ तीन पैंड धरती हों मार्गों परनकुटी एक छावन ॥२॥ अहो विप्र कहा तुम माँग्यौ बहुत रत्न देहूँ गामन ॥ सूर सुबल हरि सर्वसु लीनों दीयी पीठ पग पावन ॥३॥

Vaaman jayanti

Part1-217

Saarang

Baliraja kau samarpan saanchau .. bahut kahaun guru shukra devta

बलिराजा कौ समर्पन साँचौ ॥ बहुत कह्ौं गुरु शुक्र देवता मनदृढ आप नहिं काँचौ ॥१॥ यज्ञ करत है जाके कारन सो प्रभु आपुहि जाँच्यो ॥ परमानंद प्रभु प्रसन्न भये हरि जो जनकों जानत हैं सौंच्यो ॥२॥

Vaaman jayanti

Part1-217

Saarang

Bali waman hoe jug pavankaran .. kahi naan parat sobha

बलि वामन हो जग पावनकरण ॥ कहि न परत सोभा नीलमणिनकी सी गोभा गगन गयौ जब सुंदर चरण ॥१॥ बन्याहे भेद अति उततें गंगाकी धार चँंसी है धरनि उज्वल बरण ॥ इततें पदकी जोति मानों कारलिंदीकी धार चढ़ी है अमरपुर पापहरण ॥२॥ रहे हैं चक्ृृत चाहि सुर नर मुनिवर दुहुँ दिसि नेह आन कीये बरण ॥ नंददासप्रभु जाके चरित्र दुरित दवन रंचक श्रवण मिटेँ जन्ममरण ॥३॥

Vaaman jayanti

Part1-218

Saarang

Bali raaja koun pataal pathaayo deva abhai-pada paayo. waman-roop

बलि राजा कों पताल पठायो देव अभै-पद पायो। वामन-रूप धस्बो जग-जीवन कस्यप-सुत होइ आयो ॥ अति सुंदर बालक बलि-द्वारें लघु तन देखियत नीकौ । दृष्टि परी बलि राजा महाबलि सबै देवनि कौ टीको ॥ कहाँ सों आए भाग सों पाए कछु सेवा हमें दीजे । जो आग्या दीजै कछु हम कों चाहौ सो तुम लीजै ॥ पद-त्रय भूमि दीजै महाराजा ! कुटी एक पढ़िबे को पहये। और नहीं कछु तुम सों माँगों इतनौं हमकों चहिये ॥ बलि राजा हरष्यो अति मन में रूप-छक्यौ अति भारी । जो भावै सो लीजै महाप्रभु ! 'परमानेंद' बलिहारी ॥

Vaaman jayanti

Part1-218

Saarang

Merey kyon aaye vipra waman . sunike veda hudd ruchi baathi kadyo

मेरे क्यों आये विप्र वामन । सुनिके वेद हद रुचि बाठी कद्यो जु भीतर आवन ॥१॥ चरन धोय चरनोदक लीनो मांग विग्र मनभावन । तीन पेंड धरती हों मांगो द्वार कुटी एक छावन ॥२॥ वाको विप्र कहा तुम माँग्यो हीरा रतन देहुं गामन । सूरदास” प्रभु इतनो मांग्यो लाग्यों पीठ मपावन ॥३॥

Vaaman jayanti

Part1-218

Saarang

Kashyap pitaa aditi maataa prakate waman roop .. bhaadin maas

कश्यप पिता अदिति माता प्रकटे वामन रूप ॥ भादीं मास सुभग सुदि द्वादशी लीनौ रूप अनूप ॥१॥ सुर तेतीसों हरखन लागे होहिं हमारे काम ॥| बटु स्वरूप धर दरशन दीयौ आये बलिके धाम ॥२॥ तब हैंसि राजा कहौ विप्रसों कहो कहा है काम ॥ सुन राजा हों अधिक न माँगू रहिवे को इक ठाम ॥३॥ तब तुलसीदल लीनों करमें शुक्र करी है घात ॥ परमानंद दासकौ ठाकुर जानत हैं सब बात ॥४॥

Vaaman jayanti

Part1-218

Saarang

Pichhodi baanhan dey hoe daan | soodhe munn tum lehu gursai raakhi

पिछोड़ी बाँहन दे हो दान | सूधे मन तुम लेहु गुरसाई राखि हमारे मान ॥१॥ मारग रोकि रहत मनमोहन सब गुन रूपनिधान । बदन भोरि मुसिकाय भामिनी नयन बान संधान ॥२॥ नंदरायके कुँवर लाड़िले सबके जीवनप्रान । परमानंद स्वामी नागर हो तुमतें कौन सुजान ॥३॥

Daan ke

Part1-219

Devgandhaar

Jayati vamnakar vistaar sakumar tunn trivikrama kranti tribhuvan

जयति वामनाकार विस्तार सकुमार तन त्रिविक्रमा क्रांति त्रिभुवन उदारी ॥ प्रसर पदन स्वर निरभेद ब्रह्मांड वर विवर गति जनित सुर सुरि त्रिधारी ॥१॥ जयति अश्र वपु श्याम अति सोभे उपवीत वर चिर कृष्ना अजिन जटा धरि दंड धारी ॥ मेखला भुज कोपीन कर कुस पानी जप माल सर्व व्रत ब्रह्मचारी ॥२॥ जयति सक्र सुर राज दायक दया सिंधु वलि द्वार पालक गदाधर मुरारी ॥ दास 'माधो” सोई भक्त हित वषु धरे श्री जगन्नाथ नील गिरि बिहारी ॥३॥

Vaaman jayanti

Part1-219

Saarang

Hamarau daan daiy hoe gujraiti | bahut dinan chori dii bechyau

हमारौ दान दै हो गुजरैटी | बहुत दिनन चोरी दि बेच्यौ आज अचानक भेटी ॥१॥ अति सतरात कहाधों करैगी बड़े गोप की बेटी । कुंभनदास प्रभु गोवर्द्धाधर भुज ओठनी लपेटी ॥२॥

Daan ke

Part1-219

Devgandhaar

Bali raaja haye munn kau moto . shukra-guru kii baat naan maani hari

बलि राजा है मन कौ मोटो । शुक्र-गुरु की बात न मानी हरि सों परयो न खोटौ ॥ जो .बोल्यो सो प्रतिपालन कीनों | मति कहूँ न इति-उति डोलै । ताकौ प्रण राख्यो हरि-नागर जो बोले सो बोले ॥ देखो बलि राजा के कारन वामन-नतु वर लीनो । पद-त्रय-मिस छल पहुँच्यो पाताल मापि पीठ दृढ़ कीनों ॥ बलि राजा बड़भागी कहियतु जाके हेत अवतरन कीनों । 'परमानंद' देव-दुख निबरधो भकक्‍तनि कों सुख दीनों ॥

Vaaman jayanti

Part1-219

Saarang