Jaanat naheen kahaait daani .. »adhi dehu ghar jaay sawari

जानत नहीं कहाइत दानी ॥ »अड़ि देहु घर जाय सवारी झूँठी लाल तुम अरबी ठानी ॥१॥ नितही नित आवत यह मारग वातन ही करि डारत घानी ॥ यह सुनि हँसि बोले नंटनंदन तू ग्वालिन अति खरी सयानी ॥२॥ ऐसें वचन कहत नवनागरि निरखि बदन तन मुरि मुसिक्यानी॥ श्रीविद्ठलगिरिधिरनलालनें सबके अंतरघटकी जानी ॥३॥

Daan leela ke

Part1-236

Bilawal

Abto merey lalana shree vrindavishin suhavano aur bansivat

अबट्ो मेरे ललना श्री वृन्दाविषिन सुहावनो और बंसीवट की छाँय हो हिलमिल सब दथि लूटिये ॥१॥ प्रात उठे नंदलाल हो लीने सखा * बुलाय हो हिलमिल. ॥२॥ सुबल सुबाहु अर श्री दामा भेख विचित्र बनाय हो हिलमिल. ॥३॥ मोरमुकुट कटि काछनी अरु पीताम्बर वनमाल हो हिलमिल, ॥४॥ करमें लकुटी विराजही घेर लिये व्रजनार हो हिलमिल्र. ॥५॥ सखी मध्य उत राधिका अरु सखन मध्य नंदलाल हो हिलमिल. ॥६॥| दोऊ दल अति प्रबलही इत गोपी उत्त ग्वाल हो हिलमिल. ॥७॥ रोकी सब ब्रजनागरी अरु घेर घेर लियो दान हो हिलमिल्र. ॥८॥ ग्वालिन रोकी ना रहे हो तुम सुनो नंदजूके कहान हो हिलमिल. ॥९॥ ऐक भुजा कंकन गद्मो भुजा सोहे हार हो हिलमिल. ॥१०॥ चितवन में न हर लियो अरु हॉती वृषभान कुमारी हो हिलमिल. ॥११॥ मिसहिं मिस झगरो भयो वृन्दाविषिन मंझार हो हिलमिल. ॥१२॥ मदुकी में लकुटी दई दई सब दि गिराई हो हिलमिल. ॥१३॥ दधि चाख्यों नंदलाड़िलौ और मुदित भई व्रजनार हो हिलमिल, ॥१४॥ पिय प्यारी रस विलसही विड्डल बलि बलिहारी हो हिलमिल. ॥१५॥

Daan leela ke

Part1-237

Bilawal

Mohanlal mille hoe, tere unmad firat gwal hathh chhaand deho.

मोहनलाल मिले हो, तेरे उन्मद फिरत ग्वाल हठ छांड देहो। कबके तुम दानी भये कब तुम लीनो दान । गैयां चरावो नंदकी, हम सुने अनोखे कान्ह ॥१॥ मोहन जानदे. ॥ यह गैयां त्रिलोकतारनी तुम चारो जुग की नार । दान हम छांडे नहीं, तेरों गहने राखो हार ॥२॥ नागरी दानदे. ॥ नैन नचाव हो चातुरी, तुम बड़डें बोलत बोल ! मेरो हार करोरको तेरी सब गायन को मोल ॥३॥ मोहन जानदे. ॥ यह गैयां ब्रैलोककी, सब बिध पूरे काम। दूध देहें त्रैलोकमें तेरो हार लहे दश दाम ॥४॥ नागरी दानदे. ॥ रतनजटितकी इठोनीयां मेरों हीरा जड़ियो हार | ताको तू राखन कहत है, कँमरीको ओढनहार ॥५॥ मोहन जान है. ॥ ब्रह्मा तानो पूरीओ बुनीओ बैठि महेश। सो हम ओढे कामरी जाको पार न पावे सेस ॥६॥ नागरी दानदे. ॥ लाल लकुटियां कर धरी बांस फूंकनी फेट । सीस मोरकी चंद्रिका अब एते साज पर एँट ॥७॥ मोहन जानदे. ॥ गर्व करत कित ग्वालनी जमुना तीरे नहाई ॥ चीर हरे हम तीरतें अब एतो कहा इतराय ॥८॥ नागरी दानदे. ॥ जसोदा बांध्यो वामने, दामोदर सुकुमार । हाहा करी रोयो परे तब हमही छुड़ावनहार ॥९॥ मोहन जानदे. ॥ गर्व करत कित ग्वालनी जब आवेगी यह घाट । दान हम छोड़े नहीं तेरे बाबासों न डरात ॥१०॥ नागरी दानदे.॥ हम जु सुता वृषभानकी तुम नंद महरके लाल । प्रेम प्रीत रस मान लै ठोटा जिन करे ईतनों आल ॥११॥ मोहन जानदे. ॥ बूंदावन क्रीडा करीहो, रचियों रासबिलास । जे जे जे सुरनर करे गुन गावे माधोदास ॥१२॥

Daan leela ke

Part1-237

Bilawal

Tum sunau bhaiya balbirke || jaati paanti neeken humm jaanat

तुम सुनौ भैया बलबीरके || जाति पाँति नीकें हम जानत बासी याहीं त्तीरके ॥१॥ जान देहु घर जॉहिं आपुने नहिं सहायक भीरके ॥ बात बातकौ मरम न जानत पावनहारे छीरके ॥२॥ घाट बाट रोकत जु रहत हो मोल करत जनु चीरके ॥ श्रीविट्ठलगिरिधरनलाल तुम दानी जमुना तीरके ॥३॥

Daan leela ke

Part1-237

Bilawal

Moe munn mojhauri laalan kahi kahi thori thori batiyaan ..

मो मन मोझौरी लालन कहि कहि थोरी थोरी बतियाँ ॥ माँगत दान दियी सर्वसु रिस रोस गयौ जिय तें मैं न जान्यौ होंठगी कौन भतियाँ ॥१॥ अटपटी मुरझाय रही देखत किसोर मोकौं भूलीरी सब गतियां॥ रामदास प्रभु अंग अंग नागर तातें भुजनि चाव ले लगाई छतियाँ ॥२॥

Daan leela ke

Part1-237

Bilawal

Dhota kaahe koo badhaavat raari mohi ghar jaann dey ... yeye naina

ढोटा काहे को बढावत रारि मोहि घर जांन दे ।॥ ये नैना तें काहा पाये दधि की बेचन हार जोबन मद माती फिरे प्यारी गुजर गर्व गवार॥१॥ तुम गोकुल की ग्वालिन काहे करत अवेर ॥ दान हमारो दीजियें सो ग्वालिनी राखी घेर ॥२॥ तुम ढोटा ब्रजराज के कान्ह तुम्हारो नाम ॥ हठ जिन कीजे सावरे बसीयत इक ही गाम ॥३॥ दथि बेचन ग्वालिन चली मिले ओंचका कान ॥ रसिक रसीले साँवरे गही मटुकिया आन ॥४॥ दानी नंदकुमार नें तानी भोंह कमान ॥ जात कहा ब्रज सुंदरी गुजर दे हो हमारों दान ॥५॥ तुम दानी कब के भए कब हम दीनों दान ॥ गाई चरावत नंद की भए अनोंखे कान ॥६॥ मोर मुकुट माथें धरों रिमझिम बरषे मेह ॥ मेरी मटुकिया छांडि दे लाला और सबन की लेह ॥७॥ मोर मुकुट माथे धरों जासों बढे सनेह ॥ क्यो हमारों मानीये अचरा छांडि तुम देह ॥८॥ हों गुजरि राजा कंस की गहि पकराऊं तोहि ॥ आधी राति के भाजीयों काहे को परगट हो हि ॥९॥ भुजा ऊखारो तेरे कंस की करो मथुरां कों राज ॥ दान हमारो दीजिये गुजर काहे कों बढ़ावत रार ॥१०॥ तुम दानी कब के भए कब हम दीनो दान ॥ हमपि छाप दिखराव ही तुम कापें पहिराय्रो दान ॥११॥ लें आए तो लेंहिगे कबहु न करि हैं कान ॥ मोहि दुहाई नंद की तुम देहो हमारो दान ॥१२)| सखियन मधि राधिका ग्वालन मधि बलबीर ॥ झगरों ठानो दानकों कालिंदी के तीर ॥१३॥ बारबार हो बरजती कह्मों हमारों मान ॥ मारौंगी रे ग्वालिया मोहि दाऊ की आन ॥१४॥ मोर पखौआ सिर धरों बांस फुंकनी फेंट ॥ हाथ लकुटीया गहि लई यह सिंगार पर ऐंठ ॥१५॥ ब्रिन्दावन की कुंज में मोहन दीनी टेर ॥ नंद महरि के लाडिले ग्वालिन राखों घेर ॥१६॥ माय तुम्हारी जानिये बाप चराई गाय ॥ तुम चराये जेंगयर अब मांगत दि का आय ॥१७॥ मोर चंद्रिका सिर धरो मुख मुरली घनघोर ॥ कुंज गलीन राधा रवन जै जै जुगल किसोर ॥१८॥ गुंजावली चंदन तिलक सुढ़ार ॥ पीतांबर छुद्र घंटिका अरू बैजंती माल ॥१९॥ मोर मुकुट माथें धरो धुंघर बारे केस ॥ यह बांनिक मेरे मन बसों प्यारो नागर नटवर भेष ॥२०॥ दान लीला श्रीकृष्ण की सुनें सुनावें सब कोय ॥ प्रेम भक्ति जिनके बढ़े हरि भजि निर्मल होय ॥२१॥ दि मटुकी आगें धरी ग्वालिन ल्ागी पाय )। हिलि मिलि प्रीत बढ़ाई के 'माधोदास' बलि जाय ॥२३२॥

Daan leela ke

Part1-238

Bilawal

Meal paach saat niksi dii bechan beach meele nand nandanari..

मील पाच सात निकसी दि बेचन बीच मीले नंद नंदनरी॥ भुखचार तंबोल बड़ी अँखियाँ अलके भँवरे मन फंदनरी ॥१॥ मूदु बोलत बेन गरुर भरे ऊर सुन्दर सोरज चंद नरी ॥ तब मांगत दान सबै ठठकी मुख बाद रच्यो दंदनरी ॥ चलकेन सके ईतते ऊतते अटक्यो मन नैनन बंदनरी ॥२॥ लख के व्रजाधीश स्नेह बढ़यौ अत गावत हें गुण छँदनरी ॥३॥

Daan leela ke

Part1-239

Bilawal

Govardhan giridhari thaadhe daan hamari deejai bhamini ||

गोवर्धन गिरिधारी ठाढ़े दान हमारी दीजै भामिनि || सॉमल पीतपट ओढ़ें ज्यों घनमें चमकत दामिनि ॥१॥ बग पंगति मोतिन की माला इंद्र धनुष गुंजा सब कामिनि ॥१॥ द्वारिकेश प्रभु रीझ लई तब दीनौ दान सकल सब स्वामिनि ॥२॥

Daan leela ke

Part1-240

Aasawari

Kaun daan daanikon .. curran laage naee reet anokhe doodh

कौन दान दानीकों ॥ करन लागे नई रीत अनोखे दूध दहींको महीको अजहु हम जानीकों ॥१॥ करतहो विचित्र चाल सुबल तोककें चखाय काहुसों कहेत गाठो जमायो कहुसों कहेत पानीकों ॥ नंददास आसपास लटक रही कनक बेलि भोंहनकी अमेठनमें सबही अरुझ्ानीकों ॥२॥

Daan leela ke

Part1-240

Bilawal

Cassie yeh purry baan baat chalat gahat paani jaani juvatinkau

कैसी यह परी बान बाट चलत गहत पानि जानि जुवतीनकौ अचरा गहि तानौ ॥ अबलों लरिकाई मानि राखी मैं बहुत कानि गुनकी हो खानि तुम नीके करि जानो ॥१॥ छोडी कपड़ानि लाल देखत सब सखा ऑन लोक लाज बड़ी हानि मानहु न मानौ || रसिक प्रीतम रसके दानि इह थीं कहा अकुलानि . समयौ पहिचानि लंगर नीकें बतरानो ॥२॥

Daan leela ke

Part1-240

Aasawari

Yaa gokulke chohate rung raachi gwal. maandi kanhaiyaane raari

या गोकुलके चोहटे रंग राची ग्वाल। मांडी कन्हैयाने रारि सुघर सज़ोनि हो रंग राची ग्वाल ॥१॥ दान दे दान दे ग्वालिनी ॥रंग। ठाडी रहो ब्रजनारि ॥सुघर॥२) कबके तुम दानी भये ॥रंग॥ कहांके हो बसनार ॥सुघर॥२॥ वबूंदावन के दानी है ॥रंग॥ गोकुलके वसनार ॥सुघर||३|| तुम कहांकी हो ग्वालिनी ॥रंग। दि कहुं बेचन जाय ॥सुघरा।४। बरसानेकी ग्वालिनी ॥रंग। मथुरा बेचन जाय ॥सुघर॥५॥ गोरस दान न देहि हो ॥रंग। कैसे हो तुम ढीठ ॥सुघर॥६॥ दान हे लवंग सुपारियां ॥रंग। दान हे मीन मजीठ ॥सुघर॥७॥ गोरस दान नहीं छांडहु ॥रंग। जित भावे तित जाय ॥सुघर।८॥ जाय पुकारों कंसपे ॥रंग।॥ पकराबों मोहि जाय ॥सुघर॥९॥ कंस पुकार हम मारीयो ॥रंग॥ मथुरां करीयो उजार |सुघर॥१०॥ उग्र छोड़ियो बंधते ॥रंग॥ सास्बी उनको काज ॥सुघर।११॥ दधि दान मोहन लियो ॥रंग॥ रस गोरस लियो जाय ॥सुघर॥१२॥ राधा रसिक गोपालकी ॥रंग। आसकरन बलि जाय ॥सुधर॥१ ३॥

Daan ke

Part1-240

Aasawari

Aaj humm karihe nandjuki kaann .. baraj jasoda yathaa chhotaakon

आज हम करीहे नंदजुकी कांन ॥ बरज जसोदा यथा छोटाकों हम लुटी पहचान ॥१॥ बाठघाट सखा संग लै मारग रोकत आन ॥ सूरदास प्रभु झगरत ठाढ़े प्रीत पुरातन जान ॥३॥

Daan leela ke

Part1-240

Bilawal