Teree kouu haye ray kahaiya sunaiya kanhaiya ..) dathi merrie khaay

तेरी कोऊ है रे कहैया सुनैया कन्हैया ॥) दथि मेरी खाय मटुकिया फोरी ओर प्राननके लिवैया ॥१॥ हार मेरी तोर्चौ कमल कर भोस्यो और फारी है उरकी कंचुकिया ॥ धोंधीके प्रभु हाथ दूर राखौ जानेंगी सास ननदिया ॥२॥

Daan leela ke

Part1-240

Aasawari

Laalan chhaando hau bariaai .. daan aapnon leejai laalan hoe

लालन छाँड़ो हौ बरिआई ॥ दान आपनों लीजै लालन हो व्रजराई ॥ यह अब कहा कहाबै अँचरा ऐँचत हो जु करत बोली ठोली भाँड़े सेती ऐती टठकुराई ॥१॥ जो कछु कहौगे सोई देहुँगी कान्ह गहि और लीजै अपनों . गाम कौन सहै तिहारी दिनदिनकी अधिकाई ॥ गोविंदप्रभुके नयननसों नयना मित्रे चितिय चली मुसिकाई लालनकौ मन लियौ है चुराई ॥२॥

Daan ke

Part1-241

Saarang

Kripa avalokani daan dey ree mahadani vrishbhan kumari ..

कृपा अवलोकनि दान दे री महादानी वृषभान कुमारी ॥ त्रेषित लोचन चकोर मेरे तुव बदन इंदु किरन पान दे री ॥१।| सब विधि सुघर सुजान सुंदरि सुनि बिनति तू कान दे री ॥ गोर्विंदप्रभु पिय चरण परस कह्यौ याचककों तूमान दे री ॥२॥

Daan ke

Part1-241

Saarang

Gujariya bawri bhaee kaiee bair gaee daan maar .. aaj gahan

गुजरिया बावरी भई कैई बेर गई दान मार ॥ आज गहन पाई नंदकी सों लैहों दिनदिनकौ निरवार ॥१॥ जो कबहूँ आइहै यहि मारग सपत लीजै हौ ल्ालन नातर बूज्नियै जू मेरे सेंगकी आगें जात गुवारि ॥ सब सखियनमें गहि राखी गोविंद प्रभु मन मनाय लीजै जान दीजै नारि पनार ॥२॥

Daan ke

Part1-241

Saarang

Etum pendree rokein rahat kaise key aavain jaany vrajabadhu tumahi bichaari

एतुम पेंड्रीई रोकें रहत कैसे के आवैं जाँय व्रजबधू तुमही बिचारि देखो परम सुजान ॥ खिरक दुहावन दिन दिन आयी ऐसें केसे बने गुसांई इत उत गहवर गैलौहू न आन ॥१॥ ऐसी अटपटी कित गहौजू लाड़िले कुँवर जो कबहुँ परिहे ब्रजराज के कान ॥ गोविंद प्रभुसों कहत प्यारी की सखी तुम थों नेंकु इत उतरो हमहि देहु धौं जान ॥२॥

Daan ke

Part1-242

Saarang

Hansat kahaa kachhu leaney moll .. tum hamain jaanat humm tumain jaanat

हँसत कहा कछु लीनी मोल ॥ तुम हमैं जानत हम तुमैं जानत बिन समुझे कित बोलत बोल ॥ समुझत हो तब माँगत हैं ठाढ़े यहि ठौर दान लगत हमारी ॥ लैहें दैहें ऐसी ये जानी तुमकूँ चमकत गोद पसारी ॥२॥ दान लगत गोदही के ऊपरसों तुम कहे देत हों नारी ॥ श्रीविद्लगिरिधर तुम हमसों जीतिही नाहीं ऐसी बात हमारी ॥३॥

Daan ke

Part1-242

Saarang

Chalan naan dethou yeh batiyaan .. rokat aaya shyam ghana sunder

चलन न देतहौ यह बटियाँ ॥ रोकत आय श्याम घन सुंदर जब निकसत गिरि घटियाँ ॥१॥ तोरत हार कंचुकी फारत माँग स्वारत पटियाँ ॥ पकरत बाँह मरोर नंदसुत गहि फोरत दि चटियाँ ॥२॥ कुंभनदास प्रभु कब दान दीनौ नई बात सब ठटटियाँ ॥ गिरधर पाँय पूजियें तिहारे जानत हों सब गटियाँ ॥३॥

Daan ke

Part1-242

Saarang

Kahi thon moll yaa dshikauri gwalin shyam sunder hansi hensi

कहि थों मोल या द्षिकौरी ग्वालिन श्याम सुंदर हँसि हेंसि बूझत हैं ॥ बेचैगी तो ठाढ़ी रहे देखोंधों कैसो जमायौ काहेकों भागी जाति नयन विशालन ॥१॥ वृषभाननंदनीकौ निर्मोलक दह्मौं ताकौ मोल श्याम हीरा तुमपे न दीयौ जाय सुनि व्रजराज लाड़िले ललन हैँसि हँसि कहत चलत गज चालन ॥ गोविंद प्रभु पिय प्यारी नेह जान्यों तब मुसिकाय ठाढ़ी भई सेंना बेनी कर सबै आलिन _॥३॥

Daan ke

Part1-242

Saarang

Daan dey rasikani chully que‍yon jaat haye .. sunau tum gwalini

दान दे रसिकनी चली क्‍यों जात है ॥ सुनौ तुम ग्वालिनी आज मेरी बात पियें दधि दूध बिन लालन अघात है ॥१॥ नैननकी सैनन सौं मीन लज्जित भये पहरि तन नीलपट कंचुकी गात है ॥ चरन नूपुर बजे माँग मोतिन सजे भरे जोबन जोर अंग न समात्त है ॥२॥ बैन मुखसों बोल नैंक घूँघट खोल सुनि ग्वालिनी मनहि मुसक्यात है ॥ कुचन अंचल ढॉँक लगी मोतिन पॉति भरे रस कलश दोऊ मदन ललचात है ॥३॥ नेंक रस चाखिहों कुचनके कलशकौ कृपा करि नेंक अब कहा कछु बात है ॥ स्याम सुंदर कह्यो दास कुंभन लह्यो सोंह ब्रजराजकी दान दधि खात है ॥४॥

Daan ke

Part1-242

Saarang

Savaareni houn aayhon .. babakison abahi jaay ghar dahmau bhalo

सवारेंई हों आयहों ॥ बाबाकीसों अबही जाय घर दह्मौ भलो _ जमायहीं ॥१॥ रुचिदायक गोपालही लायक आएछी जुगति बनायहीं ॥ कनक मटुकिया शिर धर दि भर श्याम सुंदरपैं लायहों ॥२॥ होत अवार च॒तुर्भुज प्रभु मोहि बोहोरि घोष कब जायहों ॥ गिरिधर नागर सकुचत अँचरा नाहिंन सकत छुडायहों ॥३॥

Daan ke

Part1-243

Saarang

Aaj dadhi kanchanmol bhaee .. jaa dadhikon brahmaadik ichchat

आज दधि कंचनमोल भई ॥ जा दधिकों ब्रह्मादिक इच्छत सो ग्वालन बांटि दई ॥१॥ दब्षिके पलटें दुलरी दीनी जसुमति खबर भई ॥ परमानंददासकौ ठाकुर बरबट प्रीति नई ॥२॥

Daan ke

Part1-243

Saarang

Abb houn yaa dhotaaten haaree .. goras lait atak jaba keaney hansat

अब हों या ढोटातें हारी ॥ गोरस लेत अटक जब कीनी हँसत देत फिर मारी ॥१॥ निशदिन घरघर फेरौ करत है बालक यूथ मँँझारी ॥ गोविंद बलि इमि कहत ग्वालिनी ये बातें कैसे जात सहारी ॥२॥ # राग सारंग ऋ कहि दधि मोल आज हों लैहों ॥ यह गजमोतिन हार कंततें चंद्रावलि गुप्त तोहे देहों ॥१॥ पान पान गहि ठाढ़ि कीनी बाट माँझ कियो झगरौ ॥ बाबाकी सों जान न दैहौं गिरिधरलाल हटीलौ अचगरौ ॥२॥ लोभ दिखाय प्रीति जो कीनी नीकी ये बात और सब फीकी ॥ परमानंद प्रभु जान महातम जो हरि भजे चतुर सोई नीकी ॥३॥

Daan ke

Part1-243

Saarang