Daan maangat kunwar kanhai .. bahut berry chori dathi bechyo abb

दान माँगत कुँवर कन्हाई ॥ बहुत बेरी चोरी दथि बेच्यो अब कैसे जान पाई ॥१॥ जासों रीती लरी मृगनैनी नहीं सयानी बात दिखाई ॥ लेहु निबेरि आजु सब दिनकी जानन देहु व्रजराज दुहमई ॥२॥ मोहनलाल गोवरधनधारी हरि नागर बातन अरुझाई ॥ परमानंद प्रभु बतरस अटकी दान लियो अरु डगर बताई ॥३॥

Daan ke

Part1-246

Saarang

Daan dey ree naval kisori .. maangat laal ladillau naagar pragat

दान दे री नवल किसोरी ॥ माँगत लाल लाडिलौ नागर प्रगट भई दिनदिनकी चोरी ॥१)| नवनागर हारावलि विदुम सरस जलज मन गौरी॥ पूरित रस पीयूष जुगल घट कमल कदली खंजन की जोरी ॥२॥ तापैं सकल सोंज दामनकी कित सतरात कुटिल द्रग मोरी ) नूपुर रव किंकिनी पिय सुनियत हित हरिवंंस कहत नहीं थोरी ॥३॥

Daan ke

Part1-246

Saarang

Dadhi leey aaungi unti bhor .. tum tau ihi bunn bachhara charawat

दधि ले आउँगी उँटि भोर ॥ तुम तौ इहि बन बछरा चरावत नागर नंदकिशोर ॥१॥ जान देहु बड़ी बार भई है घन मिलि दामिनी घोर ॥ जो न पत्याओ तौ गहनें राखो उर मनि कंचन मोर ।! तुम गोविंद सब गुनन कहावत मानों इतनौ निहोरि ॥ परमानंद स्वामि मनमोहन अटके नैनकी कोर ॥२॥

Daan ke

Part1-246

Saarang

Muri muri chitwat khirak chully .. dugg naan parat vrajnath saath

मुरि मुरि चितवत खिरक चली ॥ डग न परत व्रजनाथ साथ बिन बिरह बिथा सगली ॥१॥ कीर कुमुदिनी सारैंग रिपुकै केहरि कटि कदली ॥ चितवत दृष्टि दै पीठ बुलाई अंग अनग अली ॥२॥ बारबार मोहन मुख चाहत निरखत नंदगली ॥ सूरदास प्रभु तुमरे मिलनकों चली वृषभानु लली॥

Daan ke

Part1-246

Saarang

Dekhyau ree kahun nandkishore .. shyam burren aroo peet pichhaura

देख्यौ री कहुँ नंदकिशोर ॥ श्याम बरन अरू पीत पिछौरा अंचल ढरके गौर ॥१॥ बरबट दान दहीकौ माँगत वृंदावनकी ठौर ॥ कहिहों जाय रायजूके आगें करिंहे औरसों और ॥२॥ बरजि जसोदा अपुने ढोटाकों अँचराके किये कोर ॥ परमानंद प्रीतकौ ग्राहक त्रिभुवनकौ सिस्मोर ॥३॥

Daan ke

Part1-246

Saarang

Doodh daheekau daan aaj tou sunyau kaana merey zaan nandke kaanh

दूध दहीकौ दान आज तो सुन्यौ कान मेरे जान नंदके कान्ह अनौखे भये बैंडे ॥ मल्लकाछ गुंजा गरें मोर पंख शिर धरैं याही सिंगार पर डोलत ऐँड़े ॥१॥ अबल सों सबल भये सबल कंस लौं न गये नये ठठत ठाठ रोकत आय पैंड़े ॥ गोपीजन सों इतरात मधुपुरी लगि क्‍यों न जात कुंभनदास प्रभु गोवर्धनकी ग्वैंडे ॥र॥

Daan ke

Part1-247

Saarang

Tum kaun hoe kinn thaadhi rahau .. tumhe aiso sou kahaa kaaj haye

तुम कौन हो किन ठाढ़ी रहौ ॥ तुम्हे ऐसो सो कहा काज है हम कोऊ हैं तुम डगर गहौ ॥१॥! काम नृपंत वृषभाननंदिनी दियौ दानको बाधि कहौ | ऐते राजकाज में दियो दूध दहीकौ दान न हो ॥२॥ दान हमारो सब दिन लागत तुमहु जानि बूझि करहो ॥ परमानंद गोपाल हठीलौ दान लिया अरू डगरी गहौ ॥३॥

Daan ke

Part1-247

Saarang

Daan deuun thaheri iktaiyaan .. shramjal bindu parat mukhparaten baithi

दान देऊँ ठहेरी इकटैयाँ ॥ श्रमजल बिंदु परत मुखपरतें बैठी आय कदमकी ऐयाँ ॥१॥ कुचकलशनकों छँँक धरे क्‍यों चाखन देहु पलोट्ट पैयोँ ॥ यह रस तुमकों नाहिं मिलैगो छाँड़ौ लाल हमारी बैयाँ ॥२॥ बहुत अबार भई घर जैहों मोकों आज लड़ैगी मैया ॥ माँड़ी ओक प्याऊँ दधि मीठौ बेग करो आवत बलभैया ॥३॥ प्यारी दि प्यावत करि हितसों श्याम सुंदर पीवत न अधैया ॥ यह सुस्वाद कछु कहत न आवत नंददास आनैँद न समैया ॥४॥

Daan ke

Part1-247

Saarang

Shyam rokat firiau aaj vrajaki galle .! laihon sanga gwal gaay

श्याम रोकत फिरीौ आज व्रजकी गैल ।! लैहों संग ग्वाल गाय बछरा चारो जाय दान कहा लेउगे करो बनकी सैल ॥१॥ किये बन धातुके चित्र सब अंगमें भये ठाढ़े आय करत मो सौं फैल अनखटोंटी बात करौ मनहि बिचार कोऊ ऐसो भयौ नौंहि ब्रजमें छैल ॥२।। जात हों निस दिना याही हम गैलमें दान कोऊ ना लियौ आज पाये पहेल ॥ मदन मोहन कहैं व्यास स्वामिनि सुनौ धरी महुकी धरनि चलौ अपने महल ॥३॥

Daan ke

Part1-247

Saarang

Gwal ray tuu anaukhau daani .. chaley jaau dhota apane mug hamson

ग्वाल रे तू अनौखौ दानी ॥ चले जाउ ढोटा अपने मग हमसों कहा चतुराई ठानी ॥१॥ सैंननमें सब सखा बुलावत फिरि फिरि कहत अटपटी बानी ॥ ते बातें रस बहोर कहूँगी जहाँ बैठी जसोदा रानी ॥२॥ अंतरंग हरिसों मिलि भावत यह नागर मुखही रिसानी ॥ प्रान बसतहैं कमलनैनमें जिय की तौ परमानेंद जानी ॥३॥

Daan ke

Part1-247

Saarang

Goras bechibe mein bhaanti .. naindanandan binu kou naan laihe kaahekon

गोरस बेचिबे में भाँति ॥ नैंदनंदन बिनु कोउ न लैहे काहेकों मथुरा जाति ॥१॥ दूध दहीके दाम न दैहों छुबत कहा सतराति ॥ परमानंद ग्वालिनी सयानी मोल करत मुसिक्याति ॥२॥

Daan ke

Part1-247

Saarang

Dinn sub jaat hoti haye raati .. kahaa bahut darr hott raatikau

दिन सब जात होति है राति ॥ कहा बहुत डर होत रातिकौ तुम्हें तो राति बहुत सुहाति ॥१॥ तुम हित बोलत अहो नैंदनंदन तुमतौ है बैठे लियें दान ॥ जान न दैहों आजहों क्यौंकर बहोरि बहुतेक आन ॥२॥ जान न देहों तो लेह कहाँते इहाँ तौ हमपै भूषणसारी ॥ मेरी दान बहुत सारिनपै सो तुम दैहौ चंद्रावलि प्यारी ॥३॥ हाँ पै ही तुम रहौ सयानी दानदेहु हमें होत अबार ॥! श्रीविदइलनगिरिधर हम जानत हम हारे लैहौ कर हार ॥४॥

Daan ke

Part1-248

Nat