Daan kaheko kahaanke tum daani .. humm jaihen neeke yeh marag

दान काहेको कहाँके तुम दानी ॥ हम जैहें नीके यह मारग तुह्यारी बात कुँवर किनमानी ॥१) काहेकौ माँगत दान लड्ठैते यह तौ है ठौर हमारी ॥ इतने ऊपर कौन देयगौ ऐसी कौन लाल यह नारी ॥२॥ नीके समुझे हो नैंदनंदन औरनके धोखें जिन भूलहु ॥ श्रीविडलगिरिधरनलाल हम दान न दैहें काहे कौ तुम लेहु ॥३॥

Daan ke

Part1-248

Nat

Kaanh aiso daan naan bhaagiye sopein deeyo naan jaay .. joe russ

कान्ह ऐसो दान न भागिए सोपें दीयो न जाय ॥ जो रस चाहो सो रस नाहीं गोरस पीओ अधाय ॥१॥ जाय कहो जसोदा जू के आगे रहोगे बदन छिपाय ॥ “सूरदास” प्रभु छांडि अटपटी मटुकी व दे हो मंगाय॥२॥

Daan ke

Part1-248

Saarang

Maadho juu jaani deuu chully baat .. kamal nainn kaahe koo rokat

माधो जू जानि देऊ चली बाट ॥ कमल नैंन काहे को रोकत बर बट जमुना घाट ॥१॥ और सषा देखेंगे कोफ गहत सीस तें माट ॥ तुम तों कान्ह ओर परत नहीं नीयरें गोधन ठाट ॥२॥ क्यों बिकायगों गोरस मेरो करत भोर ही नाट ॥ परमानेंद” चंद्रावली खीजति दिन प्रति यही हें डॉट ॥३॥

Daan ke

Part1-248

Saarang

Merau daan laagat ihi thhaam .. neeken samujhaihaun vrajasundari tumahi

मेरौ दान लागत इहि ठाम ॥ नीकें समुझैहौं व्रजसुंदरि तुमही बतावत सो है नाम ॥१॥ भलें भें तोहि बहुत देठँगी दानकी कहि पकरो माल ॥ दान लगत मालनके नीचें सो तुम हमसों कहत हौ बाल ॥२॥ बोलौ सँभारि अहो नैंदनंदन बोलत दान हमारी देहु ॥ श्री विदलगिरिधरनलाल हम दैहैं तुमकों जोई लेहु ॥३॥

Daan ke

Part1-248

Nat

Laaj naheen hain mogat daan .. anta cheer key chor laal tum paayon

लाज नहीं हैं मॉगत दान ॥ अंत चीर के चोर लाल तुम पायों कहाँ सयान ॥१) यह तो राखो घर कों कर तब तुम क्‍यों करत गुमान ॥ लें जु चलत हे महरि मुंड धरि दीने कंस दिवान ॥२॥ कब तें भए नंद राजा ब्रज प्रजा भए वृषभान ॥| कब के तुम गोरस के दानी बाठ्यों अति अभिमान ॥३॥ राखत नाहि हाथ सूधे अब लागे हो करन लरिकान ॥ कहि हो जाय अब ही जसुदा सों जेहें निकसि गुमान ॥४॥ बार बार ताकत तरुनिन तन कसिकसि भ्रोंह कमान )। मेरी बीथा रसिक “माधो” हँसि दे अधरामृत पान ॥५॥

Daan ke

Part1-249

Saarang

Kaanh keso maangat daan doodh dahee koo yeh naan sunyo kabahu kaann..

कान्ह केसो माँगत दान दूध दही को यह न सुन्यो कबहु कांन॥ हम नित आवत यह मारग लिये दधि काऊ भूले रोकी आन ॥१॥ कहेगी जाय ब्रज पति के आगें ढीठों देत न गिनत पहेचांन ॥ 'रसिक' प्रीतम सुन बचन न्रीया के अति उन्‍्मद भए दो गल बैयां दीनी जांन ॥२॥

Daan ke

Part1-249

Saarang

Gwalin goras naikun charwau .. tyaunari tein otti jamaayo

ग्वालिन गोरस नैकुं चरवाउ ॥ त्यौनारी तें ओटि जमायो ताकी किजे भाउ ॥१॥ किते बकत बेकाम बिकाजे ओरन देत जनाउ ॥ मदन गुपाल मोल दे लेंहें तू काहे कों रिसाउ ॥२॥ कहा करें संकित मुसिकानी रस लंपट बज राउ ॥ 'परमानद' नंद नंदन सौं नयो नेह नयो चाउ ॥३॥

Daan ke

Part1-249

Saarang

Deree dey hamaron sudhe daan .. kahanjat herry kataraae rakhyon

देरी दे हमारों सुधे दान ॥ कहांजात हेरी कतराए राख्यों मान ॥१॥ ढिंग आवे तो करों भलाई ऐतो बुलाय करी सयान ॥ रसिक प्रीतम ग्वालन उर लाई कीयो महारस पान ॥२॥

Daan ke

Part1-249

Saarang

Daan dey hari gwalan soun maani .. bhalee bhookh mein chhaak leey aaee

दान दे हरि ग्वालन सों मानी ॥ भली भूख में छाक ले आई प्रिति जिय की तेरी न जानी ॥१॥ अब लेहो बोल ग्वाल बालन को बल भैया हू को टेर बुलाऊं | आई है छाक भई गैया इक ठौरी मंडल जोरि बनाऊं ॥२॥ तिहि छिनु हलधर सँंग सब आए तत्क्षन भोजन कों बैठा रे ॥ “दास चतुरभुज” प्रभु तरू कदंब के पनवारों लै गिरिधर डारै ॥३॥

Daan ke

Part1-249

Saarang

Daan maangatahi mein aani kachhu keeyau .. dhaay laee matakiya aaya

दान माँगतही में आनि कछु कीयौ ॥ धाय लई मट॒किया आय कर सीसतें रसिकवर नंदसुत रंच दघि पीयौ ॥१॥ छूटि गयौ झगरो हैँँसि मंद मुसिक्यानमें तबहीं कर कमलसों परसि मेरौ हीयौ || चन्नभुजदास नयननसों नयन मिले तबहीं गिरिराजधर चोरि चित लीयौ ॥२॥

Daan ke

Part1-250

Nat

Yahaan abb kaheko daan dekhyo naan sunyon kahun kaann .. aise

यहां अब काहेको दान देख्यो न सुन्यों कहुं कांन ॥ ऐसे ओटपाउठि आओ मोहनजु दूधदहीं लीयो चाहे मेरे जान ॥ खिरक दुह्यय गोरस लिये जान अपने भवन तापर इन ऐसी ठानी आनकी आन ॥ गोविंदप्रभुसों कहेत ब्रज सुंदरी चलो रानी जसोदा आगे नातर सुधे देहों जान ॥२॥

Daan ke

Part1-250

Saarang

Jaao gujariya jhutee .. larika meron ghar khelat haye kaun chor

जाओ गुजरीया झुटी ॥ लरिका मेरों घर खेलत हे कौन चोर बन लुटी ॥१॥ माखन खायो मही ढरकायो मोतिन की लर टुटी ॥ “आसकरन' प्रभु मोहन नागर सरबसु दें ववालन छुटी ॥२॥

Daan ke

Part1-250

Nat