Aaj merrie boondaavan dadhi looty .. kahaan merrie haar kahaan nakbesar

आज मेरी बूंदावन दधि लूटी ॥ कहाँ मेरी हार कहाँ नकबेसर कहाँ मोतियन लर टूटी ॥१॥ बरज यशोदा अपने मोहनकों झकझोरत मटुकी फूटी ॥ सूरदासप्रभुके जु मिलनकों सर्वसु दे ग्वालिन छूटी ॥२॥

Daan ke

Part1-250

Nat

Kahauju daan laihi kaisen .. doodh daheekau daan kabahu naan sunyau kaana

कहौजू दान लैही कैसें ॥ दूध दहीकौ दान कबहु न सुन्यौ कान मानों लोंग लादी काहु जैसें ॥१॥ आपुहीते लेत किधौं काहु लिख दीनौ समुझावी थों तैसें ॥ गोविंदप्रभु तुमें डर न काहूकौ ब्रजराज कुँवरवर तातें गाल मारत घर वैसें ॥२॥

Daan ke

Part1-250

Nat

Aeye tum chaley jaau dhota apane mug kitt rokat vrajabadhoon baat..

ए तुम चले जाऊ ढोटा अपने मग कित रोकत व्रजबधून बाट॥ कहत कहा सोई कहीौ जू दूर भये जिन परसो गोरसके माँट ॥१।| दिन दिनकौ पेंड्रीरी माई हम कैसेंके आवें जाय इनसों परी है आँट ॥ गोविंद प्रभु तुमें डर न काहूकौ व्रजराज कुँवर बर जाय चरावों गोधनके ठॉँट ॥२॥

Daan ke

Part1-250

Poorvi

Balihari chhaando mero anchal .. nandarayakau kunwar laadilau shyam

बलिहारी छाँड़ो मेरो अंचल ॥ नंदरायकौ कुँवर लाड़िलौ श्याम कमलदल चंचल ॥१॥ गिरिधर छैल अबही आउँगी जब लगि सुरभी जाहिं घर ही चल ॥ कृष्णदास प्रभु तब रस अटकी पद परागतें मन न हलचल ॥४॥

Daan ke

Part1-250

Nat

Aeye kaun prakriti tihariho lalana maaee joe dekhe sou kahaa kahai yahaan

ए कौन प्रकृति तिहारीहो ललना माई जो देखे सौ कहा कहै यहाँ ठाढ़ो इत उतकौ ।| सकल व्रजके बगरमें गायनके डगरमें घेरि घेरि राखी हम कहा धराबत तुमारो यह न्याव कितकौ ॥|१॥ दानदान करि राख्यौ झूठेई गाल मारत ऐसें कैसें भरिबो री माई इनसों नित नितकौ ॥ चलो री उलटे भवन जाय दानके मिस लूटत हम कहैंगी जाय नंदजूसौं पायौ मतौ गोविंदप्रभुके चितकौ ॥२॥

Daan ke

Part1-250

Poorvi

Moson naan bolaire nandke laal teree kahaa leeyen jaat .. chhaandi dey

मोसों न बोलैरे नंदके लाल तेरी कहा लीयें जात ॥ छाँड़ि दे अंचल होत गहेरु जानत हौ और सी बाल ॥१॥ बैन बजावत मोहि रिज्ावत तापर गावत गीत रसाल ॥ धोंधीके प्रभु हाथ दूरि राखौ टूटैगी मोतिन माल ॥२॥

Daan ke

Part1-251

Poorvi

Ahoaho shrivrindavipun suhavani aur bansivataki chhaany hoe ..

अहोअहो श्रीवृंदाविपुन सुहावनी और बंसीवटकी छाँय हो ॥ प्यारी राधा दधि लै निकसी कन्हैया रोकी आय हो ॥ वृषभान लड़ैती दान दे ॥१॥ अहो प्यारे सबे सयाने साथके और तुमहूँ सयाने लाल हो ॥ लिख्यो दिखाबौ राबरे कब दान लीयो पशुपाल हो ॥ नँदरायलला घर जान दे ॥२॥ अहो प्यारी लै आये तो लैईंगे और नई न करिहे आज हो ॥ मोहि नित पेहेराय पठावही और बीरा दे व्रजराज हो ॥ वृषभान. ॥३॥ अहो प्यारे देश हमारे बापकौ जाकी बॉह बसे नेंदराय हो || घास रखाई सौंवरे तेरी सुखी चरें जहाँ गाय हो ॥नंद.॥४॥ अहो प्यारी देश तिहारे बापकौं सो तौ सो मैं दीनी साथ हो ॥ सब संकलप्यौ ता दिना जादिन पियरे कीये हाथ हो ॥ वृषभान. ॥५॥ अहो प्यारे यहाँ हम लायो है कहा और कहा भरे हम बैल हो ॥ आड़े है ठाढ़े भये मेरी रोकी महीकी गैल हो ॥ नंदराय.॥।६॥ प्यारी अँग अँग रूप सोहावनी और भरे हैं रतन बहु भाव हो ॥ जावक लेख्यौ पारख्यौ तुम निकसी गरियारे आय हो ॥वृषभान.॥७॥ अहो प्यारे कहाँ दुँदुभी घंटा बजें और को नायक यहाँ आय हो ॥ कहाँ लौं उत्तर देउगे तुम मुख ललिताके चाय हो ॥नैंदराय. ॥८॥ अहो प्यारी नूपुर किंकिनी बीछिया और घंटा धुनि नाना भाय हो ॥ नायक रूप लदेनियाँ सो जोबन लादें जाय हो ॥वृषभान.॥९॥ प्यारे इहाँ हैं हॉकन कौं कहा तुम कहत बनाय बनाय हो || यह उत्तर कहाँ लौं देठगे तुम हो दानीनके राय हो ॥नंदराय.॥१०|| अहो प्यारी हम हैं हाकिम गायके तुम छलबल निकसी आय हो ॥ भैया सुबल सयानो साथको या बनको बटतौ खाय हो ।॥वृषभान. ॥११॥ अहो प्यारे गुजराती डॉकोतीया सो लेत ग्रहन में दान हो ॥ जो उनमेंके हौ सावरे वृषभान बाबा राखें मान हो ॥नैंदराय.॥॥१ २॥ अहो प्यारी जनम जनमकी हों कहा कहूँ तुम सुनो सुबल सब साथ हो ॥ अशुभ लछिन ते शुभ करों तुम नेंकु दिखावी हाथ हो ॥ वृषभान. ॥१३॥ अहो प्यारे नव ग्रह कहीये दानके जाकी विधि जानें प्यौसार हो ॥ एक सोनों संक्रांततों और ऊँट भरे ननसार हो ॥नैंदराय.॥१४॥ प्यारी हों दानी बहु भाँतिकौ और जो कोई दानजु देय हो ॥ जोई जोई विधि करि देउँगी सोई सोई विधि करि लेय हो ॥ वृषभान. ॥१५॥ प्यारे ततोई तनकारे भये और लै लै ऐसौ दान हो ॥ क्यों छूटौगे भारतें काहू तीरथहू नहीं नहात हो ।नेंदराय.॥१६॥ प्यारी गौरज गंगा न्हात हों और जपत गायन कौ नॉँऊ हो ॥ परम पुनीत सदा रहों कछु लेत नहीं सकुचाँउ हो ॥बृषभान.॥१७॥ अहो प्यारे दानलै दानलै लाड़िले कछु गाय बजाय रिझाय हो ॥ जैसी विधि हम देखिहें और तैसौई देहि मैंगाय हो ॥नंदराय.॥१८॥ प्यारी नट है नाच्यो साँवरी और विरद पढ़े जैसें भाट हो ॥ महूवरि में हेरी दई अरू मेंटि कुँवर मेरी नॉटहो ॥वृषभान.॥१९॥ प्यारे एक सखी दग चोरिकें और जोरि दई दृढ़ गॉठि हो ॥ दंपति रति पेहेचॉनिके और गये मनमथ दल नॉटि हो ॥ नंदराय.)२०)| प्यारी वे सखीयनमेंकों चली वे तो चले हैं सखनकी ओर हो॥ पट दोउ छबिके छटा तन रहे हैं छबीले छोर हो ॥ वृषभान.॥२१॥ प्यारे घूँघट में अति झलमले और अति आवेसी नैन हो ॥ मुरि चितए त्योंही रहे थकि रहे रसीले बैन हो ॥नेंदराय.॥२२॥ प्यारी को लकुटी आड़ी करै और कौन कहि सके बात हो ॥ रसही रस बस है गये और सुफल भये सब गात हो ॥ वृषभान.॥२३॥ प्यारे युवती अनेक सुहावनी और अति रस बढ़यौ बिहार हो ॥ चतुरन मन दोऊ मिले और दास बली बलिहार हो ॥नेंदराय.॥२४॥

Daan ke

Part1-251

Gori

Jaay sakai koo itake ghaat .. humm jaihen vashbhan kumari jaanat

जाय सकै को इतके घाट ॥ हम जैहें वषभान कुमारि जानत नितकी है ये बाट ॥१॥ भली भई जानी आऑँट तिहारी दान तो कछू नॉँहि तिहारी ॥ बाट हमारी तौ दान काहे कौ इन बातन कुँवर तुम हारी ॥२॥ दान दहीकौ दान दूध को दान तुमारौ सगरे अंग ॥ श्रीविद्लगिरिधर अनबोले जाऊ चले इन गायन संग ॥३॥

Daan ke

Part1-251

Poorvi

Tumri haye tou tum sumiriye .. maanon maanon kahou hamarau bekaj

तुमरी है तो तुम सुमिरिये ॥ मानों मानों कह्ौ हमारौ बेकाज कित झगरिये ॥१॥ सोई काम करौ किन राधे काहेकों मोहि बहुत रिसायौ॥ श्रीविद्ठलगिरिधर हारे चंद्रावलि किन बोल बढ़ायौ ॥२॥

Daan ke

Part1-251

Poorvi

Chaley kinn jaau lalaa tum sudhe apani gell .. humm nita prati

चले किन जाउ लला तुम सुधे अपनी गेल ॥ हम नित प्रति आवतत गिरघटीया गोवर्धन की सेल |॥१॥ दूध दही को दान अनोखो भल्ों चलायो खेल ॥ 'परमानंददास” को ठाकुर घर लरिका बन छेल ॥२॥

Daan ke

Part1-251

Poorvi

Goras bechtahi joo thhagi .. kahaa kairai aapan buss nohi mansa

गोरस बेचतही जु ठगी ॥ कहा कैरै आपन बस नॉही मनसा अनत लगी ॥१॥ खेलत बीच मिले नंदनंदन कार्लिदी के तीर ॥ चितयो नेंक कमलदल लोचन मनमोहन बलवीर ॥२॥ और सखी बूझन लगी करत कौनकौ मोल ॥ परमानंद दासकौ ठाकुर मीठे तेरे बोल ॥३॥

Daan ke

Part1-253

Gori

Daan maange ree hoe kaanh bansuriwala aaee vrajbala hoe ..1..

दान मांगे री हो कान्ह बांसुरीवाला आई व्रजबाला हो ॥१॥ हाथ लकुटिया कांधे कामरिया हो गौधनके रखवारा ॥आई.॥२॥ मोर मुकुट सिर तिलक बिराजै री हो पीतांबर वनमाला ॥कान्ह.॥३॥ “कृष्णजीवन लछीराम' के प्रभु प्यारे जीवनप्राण हमारा ॥४॥

Daan ke

Part1-253

Peelu