Naval kishore naval mriganayani naval neh terau laag rahauri ..

नवल किशोर नवल मृगनयनी नवल नेह तेरौ लाग रहौरी ॥ चल चलरी तोय स्याम बुलावत काहे न करत तू मेरी कह्यौ री ॥१॥ सुन राधे एक बात छबीली आज माँग्यौ हरि तेरी महौ री ॥ छिन छिन बिलंब करत काहेकों तेरी बिरह नहीं जात सह्यौ री ॥२॥ अधरबिंब राजत कर मुरली राधे राधे ऐसी नाम लह्यौरी ! आसकरन प्रभु मोहन नागर लेओ न प्रेम रस जात बह्योगी ॥१॥

Daan ke Dinan mein maan ke

Part1-262

Kanharo

Nandanandan daan niverat ree .. raakhe roki dathi samet gwalini

नंदनंदन दान निवेरत री ॥ राखे रोकि दथि समेत ग्वालिनी सखाबूंद प्रति टेरत )१॥ जब उठि चलत प्रबल ग्रोपीजन तब आगें उठि घेरत ॥ बॉँघि जठर पटपीत ललित गति कर लै लकुटी फेरत ॥२॥ काहूके कुच भुज अंचल गहि सबहिनकौ मन फेरत। परमानैंदप्रभु रसिकशिरोमणि मुसकत निरखत हेरत ॥३॥

Daan ke Dinan mein maan ke

Part1-262

Bilawal

Grih grihaten aavat vrajnari .. dhari dhari matuki maathe oopar

गृह गृहतें आवत व्रजनारी ॥ धरि धरि मटुकी माथे ऊपर गजमोतिन माँग सवारी ॥॥॥ आभूषण सगरे रचि पहिरें और सुहाई पाटीपारी ॥ कंचुकी कसि लीनीजु हीये पर तन सोहत अंचल डारी ॥२॥ जुरि सब झुंड भईं इकठोरी चंद्रावलि वृषभानदुलारी ॥ आओ तहाँ सब चलि देखें दान निबेरत हैं गिरिधारी ॥ सूधी चली गई बह नागरि आड़ी कीनी ललिता मुसिकान ॥ जाइ न कछू कहिहे हमसों काहे देत अटपटी बान ॥४॥ छाडौ नहीं दान बिनु लीनें भत्नी बौहनी है है प्रात । दधिकी मटुकी छीन सब लैहें काहे कौ अकुलात ॥५॥ उतर होत सब नंदनंदनसौ दान कहत काहे कौ नाम ॥ कौन दमनसो देहुँ लड़ते रहतत हमारे गाम ॥६॥| तुम जो चलावति एक दही की इहाँ लीजियत अँगर्जेगकौ दान ॥ तनकौ दान लेत सबहिनपै भरे हैं ऐसे ठान ॥७॥ दान देंन घरतें लै आवहुँ तब तुमरौ सब देहुँ चुकाई ॥ इतनी दूर तुम जाहु काहेकों तुमहीं पे सब देहुँ बताई !॥८॥ हमपे कहा कहै किन हमसों हमहैं रीति परी तहोँ आईं ॥ रीती नहीं झूठी सौ बोलत नखशिखलों हम भरि भरि लाईं ॥९॥ सो तुम कहो अहो नंदनंदन पैंड़े घाट पाइयत कैसे) काहे करत नॉहि किशोरी दैवेकी दीसत है वैसें ॥१०॥ मटुकी उचक लई सिरपरतें करिकरि स्वाद लाल भल खाई ॥ चितवत हँसत कहत सबहीसों कहा मेल तुम ओट जमाई ॥११॥ आजहू जान देहु घर अपने नये नये अँचरा डरे फार ॥ तुमतौ बैठिहो घर भीतर मनसों देखो क्‍यों न बिचार ॥१२॥ शिविल भई सुनि बचन लालके सुखरस आज बढ़यौ बन माँझ ॥ श्रीविद्वलनगिरिधरके हिंगते निश भई घर आई सौँझ ॥१३॥

Daan ke Dinan mein maan ke

Part1-262

Dhanashri

Neeken daan niberat hoe piya loot machawat .. jihin tteeya daav

नीकें दान निबेरत हो पिय लूट मचावत ॥ जिहिं त्तीय दाव पाय जुबती जन कछुक लगावत ॥१॥ कंचुकी कुच निहारि लाल गहि बाँह डुलावत ॥ करसों अलक छुवो गिरिवरधर मुख चुमि चुमावत ॥२॥ यहि मारग आवतही देखत तबही उठि धावत ॥ कृष्णदास प्रभु कर ठाढ़ी लै नाम बुलावत ॥३॥

Daan ke Dinan mein maan ke

Part1-262

Dhanashri

Kunwar kunwari aaye daan niber .. lait balaay

कुँवर कुँवरि आये दान निबेर ॥ लेत बलाय करत न्यौछावर अपने लालकौ श्रीमुख हेर ॥१॥ यह रस ऐसौई दिनदिनकौ रह्ौ चंद्रावलि कुँवरि तिहारी ॥ श्रीविद्डलगिरिधर संग खेलौ गिरिधर सबहिन प्रानपियारा_॥२॥

Daan ke Dinan mein maan ke

Part1-263

Nat

Jamuna ghaant rokiho rasik chandravali .. hansi musikyay kahati

जमुना घांट रोकीहो रसिक चंद्रावलि ॥ हँसि मुसिक्याय कहति व्रजसुंदरि छबीले छैल छाँड़ा अंचल ॥१॥ दान निबेरि लैहों ब्रजसुंदर छाँड़ौ अटपटी कित गहत अलकावलि ॥ करसों कर गहि हृदयसों लगाय लई गोविंद प्रभुसों तू रासरंग मित्रि ॥२॥

Daan ke Dinan mein maan ke

Part1-263

Saarang

Jeeti hoe chandravali naari jeeti hain vrajamangal

जीती हो चंद्रावलि नारि जीती हैं व्रजमंगल राधे जीती सुंदरि गोपकुमारि ॥१॥ हररे हैं व्रजराज लड़ैते रहे हैं सबनके बदन निहारि ॥ पकरौ पॉय कह्गौ करो मेरौ कहि रही जिय माँझ विचारि ॥२॥ पहेरौ हार इन्हें पहेरावी करौ कुंवर आपुन मन भाये ॥ श्रीविद्लगिरिधर सबहीकी गहि गहि भुजा हियेसों लाये ॥३॥

Daan ke Dinan mein maan ke

Part1-263

Saarang

Sub dadhi liau liau matukia phore .. auraki aur kahaa

सब दधि लीयौ लीयौ मटुकिया फोर ॥ औरकी और कहा कहा कहों सखी जैसी बिधि बह मरोर ॥१॥ अति धन बनमें अकेली करि पाई नॉँहि करति सहति हों होरी ॥ कृष्णदास प्रभु गिरिधरनकी अटपटी कौने लखी जात कहै त्तेती थोरी ॥२॥

Daan ke Dinan mein maan ke

Part1-264

Dhanashri

Tumason koo jhagare naindlal .. chalo chalau ghar

तुमसों को झगरे नैंदलाल ॥ चलो चलौ घर जाएँ आपने इनतौ पकरी उलटी चाल ॥१॥ तुम रहौ घर बैठ आपुने हमतौ कहूँ न बैठनहार ॥ तुमरी जीत बहुत याही में बस करि लेत कछू पढ़ि डार॥२॥ बिगरत तुमें कहाबस मेरौ फिर फिर तुम मानौगी हार ॥ श्रीविद्दनगिरिधरनलाल तुम देखो बोली बचन सेँभार ॥३॥

Daan ke Dinan mein maan ke

Part1-264

Gori

Koo jeetyau kinn maani haar .. tum haare vavrajraj ladaite humm jeetin

को जीत्यौ किन मानी हार ॥ तुम हारे वब्रजराज लड़ैते हम जीतीं उदैभान कुबार ॥१॥ और सब जीती फूफी हमारी हमहूँ तो कछु लगत तुमारे॥ तुम दानी हम दान चुकावत जीतनमें को बहुत जितारे ॥२॥ मेरौ दान लियें तुम ठाढ़ी तुमती जीतत बात बनाई ॥ श्रीविद्नलगिरिधरनलाल की ललिता होई ओर किन आई ॥३॥

Daan ke Dinan mein maan ke

Part1-264

Poorvi

Zaan dey houn ghar nandkumar .. sagro dinn jhagaremen beetyau yeh

जान दे हों घर नंदकुमार ॥ सगरो दिन झगरेमें बीत्यौ यह देखो निपट भई है अबार ॥१॥ तब हँसे कहत लाल सबहिनसों आज कठिन होत है जाद ॥ काहेकों मोल तुम लीनो और समझौं तुमारो ठान ॥२॥ दान देहु कहि नंददुहाई सबन बसाऊँ मैं बनमाँह ॥ श्रीविद्ठलगिरिधर सबहीकी हँसि हँसि पकरी बाँह ॥३॥

Daan ke Dinan mein maan ke

Part1-264

Dhanashri

Daan niveri laal ghar aaye .. aarti karat

दान निवेरि लाल घर आये ॥ आरती करत नंदजुकी रानी और हँसि हँसि मंगल गीत गवाये ॥१॥ ऐसे बचन सुने मैं श्रवणन बड़े महरि के पूत कहाये ॥ फिरि फिरि राय बात हँसि बूझत हमकों कहौ कहा तुम लाये ॥२॥ लाऊँ कहा सुनों किन मोपै छीन छीन सबने दथि खाये॥ श्रीविड्डलगिरिधरनलालनें बातन ही दोऊ बौराये ॥३॥

Daan ke Dinan mein maan ke

Part1-264

Bihagaro