Sonjhi bhalee bunn aire .. sriradhe brikhbhanlali .. burren

सॉँझी भली बन आईरे ॥ श्रीरधे बृुखभानलली ॥ बरन बरन फूल बीनकें ॥ अपने हाथ बनाईरे ॥१॥ नंदगामतें सखी भेखले आये कुंवर कन्हाईरे ॥ पुरुषोत्तम प्रभु की छबी निरखत ॥ नैन निरखि सचुपाइरे ॥२॥

Saanzhi

Part1-277

Khamach

Arrie tum kaun hauri phulwa beanon haaree ..

अरी तुम कौन हौरी फुलवा बीनन हारी ॥ नेहलगन कौ बन्यौ बगीचा फूल रही फुलवारी ॥१॥ मदनमोहन पीय यों बूझत हैं तू कोहै सुकुमारी ॥ ललिता बोली लालसों यह वृषभान दुलारी ॥२॥ या बनमें हम सदा बसतहैं हमही करत रखवारी || बिन बूझें तुम ५,लवा बीनत जोबन मद मतवारी ॥३॥ ललित बचन सुन लालके सब रीझ रहीं व्रजनारी ॥ सूरदास प्रभु रस बस कीनी बिरह बेदना टठारी ॥४॥

Saanzhi

Part1-277

Jangalo

Arrie sakhee saanwari akeli yaa vann kahaante aaeen. tarun tarun

एरी सखी सांवरी अकेली या वन कहांते आईं। तरुन तरुन चमकत तेरे नैना श्री राधाके मन भाई ॥१॥ नंदगामकी ग्वालिनी हों श्यामा मेरे नाम । सांझी खेल कुशल सुनि राधे दरसन ही को काम ॥२॥जब ललिता भुज भरि लई अपने राधे सूं भेटाई । नये नेह सों मिलत परस्पर बरसाने ले आई ॥३॥ सांझी भरत धरत बहु मेवा बीरा विधिसों बनाई । ले ले तन मन आरती उतारत फूली अंग न समाई ॥४॥ भई अवार कीरति जू बोली सोई रहो तुम हाई । “आरतराम” प्रभु तन मन वारत सुख लूटत सुखदाई ॥५॥

Saanzhi

Part1-277

Jangalo

Phulwa beanon houn gairi jamnakool kusuman kii bheer .. urajh

फुलवा बीनन हों गईरी जमनाकूल कुसुमन की भीर ॥ उरझ रही अरनी की डरीयाँ तिहिं छिन मेरी अंचल चीर ॥१॥ तब कोऊ तहाँ अचानक आयौ मालती लता सघन निरबार ॥ वाहीनें मेरो पट मुरझायौ एकटक मोतिन रह्ौ निहार ॥२॥ मन अरुझाय बसन सुरझायौं और कहा कहूँ लाज की बात ॥ हों अपने मग चली जात सखी वे सैननसों हाहाखात ॥३॥ नाम न जानों वह श्याम बरन है पीरैपट बाकौ हतौ दुकूल ॥ अब बाई बन लै चल नागर फिर सॉँझी बीनन कूँ फूल ॥४॥

Saanzhi

Part1-277

Jangalo

Doun kii ankhiya ankhiyan maanjh .. ankhiya huun saanjhi kii

दोऊन की अंखिया अंखीयन मांझ ॥ अंखीया हूं सांझी की खेलन अखीयाँ भूली सॉज ॥१॥ रूप बगीचन करत रंग भर गरे बहीयां दे अंखीया ॥ अंखीया हूं सांझी की उरजन उरजन नागर सखीयां ॥२॥

Saanzhi

Part1-278

Jangalo

Ree kouu shyam sakhee ree saanjhi poojan aave ree .. curr singar

री कोऊ श्याम सखी री सांझी पूजन आवे री ॥ कर सिंगार चोली आभुखन डलियन कमल धरावे ॥१॥ भान भुवन राधाजूके गुन गावत गावत आवे ॥ नागरीया मिल नैन दोऊनके देख देख मन भावे ॥२॥

Saanzhi

Part1-278

Jangalo

Arrie sakhee saanmari hoe, akeli yeh vann kahaan tey aaee ..

अरी सखी सांमरी हो, अकेली यह वन कहां ते आई ॥ तरुन तरुन तेरो तन प्यारी श्री राधे के मन भाई ॥१॥ नंदगाव की सांमरी हो स्यामा मेरो नाम ॥ सांझी फूल कुशल सुन राधे दरशन ही को काम ॥२॥ जब ललिता जु भुज भर अपुने श्रीराधासों भेटाई ॥ नये नेह सों मिलत परस्पर बरसाने ले आई ॥३॥ कीरतजु आदर कर लीनी सोय रहो तुम यहांई ॥ श्यामा भामा संबे मिलके फूलन डलियां लाई ॥४॥ सांज्ञी भरत धरत बोहों मेवा बीरा विधिसों खवाई | पुरुषोत्तम सखी तन मन वारत सुख लुंटत सुखदाई ॥५॥

Kot ki aarti

Part1-278

Jangalo

Raheri douu vadan nihaar nihaar .. saanjhi poojat syaam sakhee

रहेरी दोऊ वदन निहार निहार ॥ सांझी पूजत स्याम सखी इत उत्त राधा सकुमार ॥१॥ लता सघन में द्वै गई इत उत्त सकेन कोऊ निरवार॥ नागरीया मिल नैन दोऊनके बड़े ठगन ठगवार ॥२॥

Saanzhi

Part1-278

Jangalo

Khelat sonjhi rung rahou .. nandanandan vrishbhan nandini antarpatju

खेलत सॉँझी रंग रह्ौ ॥ नंदनंदन वृषभान नंदिनी अंतरपटजु दयौ ॥१॥ फूलन डलियाँ भर भर लीनी चित्रबिचित्र भयौ ॥ बहु प्रकार व्यंजन धर आगें बिनय करत नयोौ ॥२॥ आरती करत कोट की सुंदरी रागही रंग छयो ॥ श्रीविद्लगिरिधरन क्ृपानिधि व्रजजन सुखही दयौ ॥३॥

Saanzhi

Part1-278

Malav

Murali hari tein naan chhootatahai .. vaahike vash bhaye nirantar vaha adharan

मुरली हरि तें न छूटतहै ॥ वाहीके वश भये निरंतर वह अधरन रसलूटतहै ॥१॥ तुमतें निठुर भई वह बोलत तन तें मन उचटावतहै ॥ आरज पथ कुल कान मिटावत सबकों निलज करावतहै ॥२॥ निडरी रहत डरत नहीं काहू मुख पायें बहु फूलतहै ॥ अब यह हरितें होत न न्‍्यारी तू काहेकों भूलतहै ॥३॥ रोमरोम नखसिख रस पागी अनुरागिन हरे ध्यारी है ॥ सूरश्याम वाके रस लुब्बे जानी सौत हमारी है ॥४॥

Murali

Part1-279

Bhairav

Yaake guna main jaanat huun.. abtau aaya bhaee yahaan murali vee hii

याके गुन मैं जानत हूँ॥ अबतौ आय भई यहाँ मुरली वी ही नातो मानत हूँ ॥१॥ हरिकी कान करत वह को है कहा करों उनमानत हूँ! अबही दूर करूँ गुण कहिकें नेंकु सकुच जिय आनतहूँ ॥२॥ यातें लगी रहतत भुख हरिके सुखपावत पहिचानत हूँ ॥ सूरदास यह निदुर जाति किन अब मैं यासों ठानतहूँ ॥३॥

Murali

Part1-279

Bhairav

Hoe raadhe, phoolan mutt leey . tuun tou merrie madan sukhada kunj phoolan *

हो राधे, फूलन मत ले । तुँ तो मेरी मदन सुखदा कुंज फूलन * मत ले ॥ नित्य नित्य कलियां बीन जातहों अब वश परी हें तुं मेरी ॥१॥ चीर हरे सो भुल जातहो यह जमुना के तीरे ॥ नागरिया पिय प्यारी दोऊ मील विहरत कुंज कुटीरे ॥२॥

Kot ki aarti

Part1-279

Jangalo