Vaahike bal thenu charawat .. vahai lakut jaaki vaha murali

वाहीके बल थेनु चरावत ॥ वहै लकुट जाकी वह मुरली वाते वे सुख पावत ॥१॥ वह अति निटुर वे बातें अतिही मिलिकें घात बनावत ॥ बनही बनमें रहत निरन्तर ताहि बजावत गावत ॥२॥ वाके बचन अमृत हैं इनकों ताहि अधररस प्यावत ॥ सूरश्याम बनवारी कहियत वह बन बाँस कहावत ॥३॥

Murali

Part1-282

Bilawal

Murali manmohan kii suniken gaj gamini damini deh bhaee ree..

मुरली मनमोहन की सुनिकें गज गामिनी दामिनी देह भई री॥ जिनके पतिकौ ब्रत नेंम हुतो तिनहूँ तितकूँ डग द्वैक दई री | अभिमान भरी पुनि ते गई जे नेह न जानत नार नई री | दुलहा दुलहनि मधि मंडप तें कर कंकन छोरत दौर गई री ॥२॥

Murali

Part1-282

Khat

Bosuri baajat madanmohanju kii tant jamunaake teer ree .. shravan

बॉसुरी बाजत मदनमोहनजू की तंट जमुनाके तीर री ॥ श्रवन सुनत मेरी सुध बुध बिसरी कहा करूँ मेरी बीर री ॥१॥ एक डरतौ मभोहे सास नर्नेंदकौ दूजी लोक लाज कुलभीर री ॥ कृष्णदास गिरिधर नहिं मानत नहिं जानत मेरी पीर री ॥२॥

Murali

Part1-282

Khat

Suna sajani yeh saanchi baani baare tein nagdhar kahavaayau ..

सुन सजनी यह साँची बानी बारे तें नगधर कहवायौ ॥ धन्य धन्य कवि ता पितु माता जिन कहि कहि उपमां वह गायो ॥१॥ इन्दुबदन तन श्याम सुभग घन तड़ित बसन सत भाव उटायो ॥ अलक भृंग पटतरकों साँचे कर मुख चरण कमल कर गायौ ॥२॥ ये उपमा इनहींकों छाजे अब मुरली अधरन परसायौं ॥ सूर अंग यह आहि हमारी मुरली सबै अकेलें पायी ॥३॥

Murali

Part1-282

Bilawal

Kaun thagori bharee hari aaj bajaai ree bosuria rangabheeni ..

कौन ठगोरी भरी हरि आज बजाई री बॉसुरिया रँगभीनी ॥ श्रवण परी जिनके तिननें तबहीं कुल कान बिदा कर दीनी ॥१॥ घुमें घरी घरी नंदकेदारे नवीनी कहा कहूँ बात प्रवीनी ॥ या व्रजमंडलमें रसखान सो कोन भटूरी लू नहीं कीनी ॥२॥

Murali

Part1-282

Khat

Murali harikon apane buss keene maay ..| joee joee kahat

मुरली हरिकों अपने बस कीने माय ॥| जोइ जोइ कहत सो करत हैं अति हरख बढ़ाय ॥१॥ घर बन संग फिरें सदा कबहूँ करत न न्यारी ॥ राधा आधी देह शयामकी तातें यह प्यारी ॥२॥ सोवत जागत चलत हूँ बैठत रस वासों ॥ दूर कौनसों होयगी लुब्धे हरि जासों ॥३॥ अब काहेकों झूकतहौ वह भई लड्ढैती ॥ सूरश्यामकी भावती यह अन्त चड्ठैती ॥४॥

Murali

Part1-282

Bilawal

Hari murali key haath bikaane .. vaha apamaan karat naan

हरि मुरली के हाथ बिकाने ॥ वह अपमान करत न लजाने ॥१॥ वह अपने कर लियें दिवाने ॥ बारबार वा यशहिं बखाने ॥२॥ ठाढ़े रहत पाँय न पिराने ॥ ऐते पर मन रहत डराने ॥३॥ आयुस देत सुनत मुसकाने ॥ जीवन जन्म सुफल कर माने ॥४॥ वह गरजत वे हरे बताने ॥ बारवार अधरन पर ठाने ॥५॥ त्रिभुवनपति जे कहियत बाने ॥ तातें सब तन दशा भुलाने ॥६॥ वा आगें हम सब बस गाने ॥ वह गावत वे सुनत पगाने ॥७॥ सूर नेति निगम निज गाने ॥ ते मुरली के नाद ठगाने ॥<८॥

Murali

Part1-283

Bilawal

Yeh murali kull dahanhari .. sunhu shravan daiy daiy narr naari

यह मुरली कुल दाहनहारी ॥ सुनहु श्रवन दै दै नर नारी ॥१॥ कपटी कुटिल बाॉसकी जाई ॥ बनतें कहा घरहिं यह आई ॥२॥ जे अपने घर बैर बढ़ावै ॥ तनकी तन अति आग लगावै ॥३॥ ऐसीको हरि संगत कीनी ॥ जात नहीं वाकी उन चीन्हीं ॥४॥ जैसे वे तैसी वह आई।॥ बिधना जोरी भली बनाई ॥५॥ मुरली के संग बने मुरारी ॥ भाग सुहागिन पिय अरु प्यारी ॥६॥ ये कुलटा कुलीटहैं दोऊ ॥ एकतें एक घटै नहिं कोऊ ॥७॥ अधरन धरत सबन के आगें ॥ करतें नेंक कबहुँ नहिं त्यागें ॥८॥ इनके गुण कहियै सो थोरे ॥ सूरस्याम बंसी बस मोरे ॥९॥

Murali

Part1-283

Bilawal

Vaha murali banjhaarki binn laayen aaee .. hamheekon

वह मुरली बनझारकी बिन लायें आई ॥ हमहीकों दुखदैनकीं व्रज भये कन्हाई ॥१॥ ओरहि तें हमसों लरैं करते बरिआई ॥ गागर फोरें घाटमें दधिं माँट ढराई ॥२॥ पुनि रोकत हैं दानकों अंग भूषण माई ॥ सीखी चोरी आदितें मन लियो चुराई ॥२॥ पुनि लोचन अठके रहे अजहूँ नहीं आये ॥ हमसों उचटे रहत हैं मुरली चित लाये ॥४)॥ दोष कहा वाकौ सखी इनके गुण ऐसे ॥ सूर परस्पर नायरी कहें श्याम अनैसे ॥५॥

Murali

Part1-283

Bilawal

Sunder sawre jabaten murali adhar dharee .. suna shiv samaadhi

सुंदर सावरे जबतें मुरली अधर धरी ॥ सुन शिव समाधि टरी ॥ सुनि थके व्योंम विमान ॥ सुर बधू चित्र समान | गृह नक्षत्र त्यजत न रास ॥ बाह न बँधे धुनि पास ॥१॥ सुनि आनंद उम्ग भरे ॥ चल थके अचल टरे ॥ चल अचल गति विपरीत | सुन बेंगु कल पद गीत ॥ झरना झरें पाखान ॥ गंधर्व मोहे गान ॥२॥ सुन खग मृग मौन धरी ॥ फल तृणकी सुधिबिसरी ॥ सुन धेनु मृग थक रहे ॥ तृण दंतहूँ न गहे ॥ बछरा न पीबें क्षीर ॥ पक्षी मनों मुनि धीर ॥३॥ द्रुम बेलि चपल भये ॥ नव अंकुर प्रकट नये ॥ तहाँ विटप चंचल पात ॥ हरि निकटकों अकुलात॥ अंकुरित पुलकित गात ॥ अनुराग नयन चुचात ॥४॥ सुन चंचल पवन थक्‍यो ॥ सरिता जल चल न सक्‍योौ ॥ सुन थक्‍्यौ मंद समीर ॥ उलट्यो जु यमुनानीर ॥ सुनधुनि चलीं व्रजनार | सुत देह गेह बिसार ॥५॥ मनमोहन रूप धस्वो ॥ कामकौ गर्ब हस्बो ॥ नव नील तन घनश्याम ॥ नव पीतपट अभिराम ॥ नव मुकुट नवमणि दाम ॥ ल्ावण्य कोटिक काम ॥६॥ मन मोहझौ मदन गोपाल ॥ तन श्याम नयन विशाल ॥ श्रीमदनमोहनलाल ॥ संग नागरी नववाल ॥ नव कुंज यमुनाकूल ॥ देख सूरदास मनफूल ॥७॥

Murali

Part1-284

Bilawal

Chalauri murali suniye kaanh bajaai yamunatir .. ttaj

चलौरी मुरली सुनिये कान्ह बजाई यमुनातीर ॥ त्तज लोकलाज कुलकी कान गुरुजनकी भीर ॥१॥ यमुना जल थकित भयौ बछरा न पीवें क्षीर ॥ सुर विमान थकित भये थकित कोकिल कीर ॥२॥ देहकी सुध बिसर गई विसस्यौ तनकौ चीर )। मात तात बिसरगये बिसरयौ पूत घालम बीर ॥३॥ मुरली ध्वनि मधुर बाजै कैसें कि धरों धीर ॥ सूरदास प्रभु मदनमोहन जानत हो परपीर ॥४॥

Murali

Part1-284

Bilawal

Barrin baansuri toy bajat naan aavai laaj .. jalthal anil

बैरिन बाँसुरी तोय बजत न आवै लाज ॥ जलथल अनिल थकित भये तें पायौ है सुखराज ।!१॥ इतनौ सो पौंगा बाँसकौ री निकस्यो घरती फोरि ॥ जो मैं ऐसौ जानती तोय डारती तोर मरोर ॥ बैरिन.॥२॥ इतने तें इतनी भई री सींच सुधा रस नीर ॥ तोहि दया आवै नहीं री तू निपट कठिन बेपीर ॥बैरिन.३॥ और न या मुखकौं लगैरी तू जो रही मुख लागि॥ दीजै कहा उराहनौ हेली आपुस में की आगि ॥बैरिन.॥४॥ मेरे पीयसीौं क्‍यों रची क्‍यों अधरन रस लेहि ॥ हों वारूँ तेरे नेहकीं मेरे कंत बिसारयौ गेह ॥बैरिन.॥५॥ तपसी तप खंडन भये री सुरनर मुनि आधीन ॥ तीन लोक थुनि है रही तैं कठिन दुहाई दीन ॥बैरिन.॥६॥ कामनगारी बॉँसुरी तैं मोहे त्रिभुवनराय ॥ कामहीन सब तैं किये दीये अचल चलाय ॥बैरीन.॥७॥ अनहद नाद बजावहीं री बिन फंदा बिन डोर ॥ खग मृग सब पिंजर किये तें लीयौ चिते चितचोर ॥बैरिन.।८॥ मारग राख्यो रोकिकें जल जमुना उलट बहाय ॥ जो न भई सो तैं करी तैं सिंघ निकट प्याई गाय ।बैरिन.॥९॥ सुरनर सब विथकित भये री तो बाजनके चाय ॥ टेढे है रहे रासमें हरि ठाड़े एकही पाय ॥बैरिन.॥१०॥ जो मैं ऐसी जानती तोही सों अनुराग ॥ मोय खेद या बात कौरी तोय लगन न देती लाग ॥बैरिन.॥११॥ सप्त सुरन बसी बजी कालिदी के तीर ॥ श्रवनन सुनत सब गोपिका सुर मुड़त न जान्यो चीर ॥बैरिन.॥१ २॥ पतिव्रता पति छांड़िकें री उलट बसन तन आनि ॥ एक छाँड़े एक सँँग लीयें इक मारें मनसिज बानि ॥बैरिन.॥१ ३॥ क्ृष्णदास प्रभु राखियो श्रीगोवरधन बाम ॥ मुरली तू मुख पाटवी तैं मोहे सुंदरश्याम ॥बैरिन.॥१४॥

Murali

Part1-285

Bilawal