Bansi bajaavai saanmari hoe kihin miss dekhan jaaun ree ..tech..

बंसी बजावै साँमरी हो किहिं मिस देखन जाँउ री ॥टेक॥ में तोय पूछूँ हे सीरी कहा कुँमर कौ नॉउ री ॥ मोर मुकुट माथें धरे वाकौ ललित त्रिभंगी नॉउ री ॥१॥ लाल काछनी पीतांबर री पग नूपुर झनकार री ॥ कुंजन निर्तत सौमरी जहाँ मधुप करें गुंजार री ॥२॥ कोमलकर कटि पट गहेरी करत मुरली धुनि गान री ॥ नादसुनत मन नारहै मेरी कैसें राखों प्रान री ॥३॥ पचिहारी हों पियसों मेसे कह्यौ न मानें कंत री ॥ परबस वाके बस परी मेरे लीयौ चाहे अंत री ॥४॥ दया बिहूनौ निरदई मेरौ पीउ न जाने पीर री ॥| चलती बेर आड़ौ रहै मेरी कबकौ दामनगीररी ॥५॥ मायबाप वर खोजकें मेरें बेड़ी डारी पाँव री ॥ कमलनैन निरखे बिना मेरी रह्मौ न ऐसी हावरी ॥६॥ इतनों कहिकें उठ चली री ज्यों कंचुकी तजि नागरी ॥ सूर॒स्याम सों यों मिली जैसें कंचन मिल्यौ सुहाग री ॥७॥

Murali

Part1-285

Bilawal

Bayne bajayori sunder nandke kanhaiya .. jall sthal chala

बेन बजायोरी सुंदर नंदके कन्हैया ॥ जल स्थल चल अचल भए है त्रन न चरत मृग गैया ॥१॥ व्योम विमान सुरन छायो गिरिराज धरनके काज लाजतज छबि निरखत और लेत बलैया ॥ उदेराज प्रभु मदनमोहन जगजीवन जायो मैया ॥२॥

Murali

Part1-286

Bilawal

Sunari sendai gwalanakon mohanlal bajaayo bayne ..

सुनरी सेनदई ग्वालनकों मोहनलाल बजायो बेन ॥ प्रातसमे जागे अनुरागे वृंदावन धन आनंद माई चले चरावन धेन ॥१।॥| बरन वरन वानिक बनिआये पटभूषन जसोमति पहेराये भाल तिलक दे आंजे नैंन ॥ हरिनारायन श्यामदासकेप्रभु माई प्रगटभये धरि सीसचंद्रिका सब व्रजजन सुखदेन ॥२॥

Murali

Part1-286

Bilawal

Aaju neekau jamyo raag asawari . madangopal benu neekau

आजु नीकौ जम्यो राग आसावरी । मदनगोपाल बेनु नीकौ बाजै नाद सुनत भई बाबरी ॥ कमलनयन सुंदर ब्रज-नाइक सब गुन-निपुन कथा है रावरी सरिता थगित ठगे मृग पंछी खेवट चकित चलति नहिं नाव री ॥ बछरा खीर पिबत थन छाँड्यो दंतनि तृन खंडति नहिं गाव री ॥ 'परमारनेंद” प्रभु परम विनोदी इहे मुरली-रस कौ प्रभाव री ॥

Murali

Part1-286

Aasawari

Binn jaanen hari jaahi badhaai .. vaha mill bachan madhur kahat

बिन जानें हरि जाहि बढ़ाई ॥ वह मिल बचन मधुर कहत हैं सुनत हि दई बड़ाई ॥१॥ रिश्े लियोौ हरिकौं टौंनाकर तुरतहिं बिलेंब न लाई ॥ उन लैकर अधरन पर धारी अनुपम राग बजाई ॥२॥ मानों एकहि संग रहे तें ऐसे मिले कन्हाई ॥ सूरश्याम हम सबन बिसारी जबहीतें वह आई ॥३॥

Murali

Part1-286

Aasawari

Main apanen bal rahat syaam sanga tum kaahe dukh paavat ree ..

मैं अपनें बल रहत स्याम सँग तुम काहे दुख पावत री ॥ मो पर रिस पावत हो पुनि पुनि कहा कहि बरन करावत री ॥१॥ तुमहूँ करो सुख में बरजत हो ऐसेंहि सोर लगावत री | कहा करों मुख श्याम निबाजी कहि नहिं दूर करावत री ॥२॥ वृथा बैर तुम करतीं निश दिन आछौ जनम गमावत री ॥ सूर सुनहूँ ब्रजनारि सयानी मूरख द्वै समझावत री ॥३॥

Murali

Part1-286

Aasawari

Kaahe naan murali saun hita jorein .. kaahe naan adharan dhaaren punishuni

काहे न मुरली सौं हित जोरें ॥ काहे न अधरन धारें पुनिषुनि मिली अचानक भोरें ॥१॥ काहे न ताहि कर धरि राखैं क्‍यों नहिं ग्रीव नवावैं॥ काहे न तन त्रिभंग कर धारें ताके मनहि चुरावैं ॥२॥ काहे न यों आधीन रहे है ये अहीर वह बेनु ॥ सूर श्याम करते नहीं टारत बनबन चारत थेनु ॥३॥

Murali

Part1-287

Dhanashri

Muralike aise dheng maaee .. jabatain shyam parey bush vaake hamahin

मुरलीके ऐसे ढेंग माई ॥ जबतैं श्याम परे बश वाके हमहिं सबन बिसराई ॥१॥ अपनौ गुन यह प्रगट करायौ निदुर काठकी जाई ॥ अपनी आग दहै कुल अपनो सो गुण गुन पछिताई ॥२॥ जैसी निटुर आपने गा औरन की क्‍यों माने ॥ सूर बड़ी यह आप स्वारथी निपट राग कर गानें ॥३॥

Murali

Part1-287

Dhanashri

Murali bhayein rahat ladbo ree .. dekhat naheen nayan nishivasar

मुरली भयें रहत लड़बो री ॥ देखत नहीं नयन निशिवासर लावत कैसी ढोरी ॥१॥ कर पर धर अधरन आगें कर राखत ग्रीव निहोरी ॥ पूरन नाद स्वाद सुख पावत तान बढ़ावत गोरी ॥२॥ आयुस लियें रहत ताहीको डारी सीस ठगोरी ॥ सूरश्यामकी बुधि चतुराई लीनी सबै अजोरी ॥३॥

Murali

Part1-287

Dhanashri

Murali aap swardhin naar .. taaki hari prateet karat hain

मुरली आप स्वारधिन नार ॥ ताकी हरि प्रतीत करत हैं जीत न जानत हार ॥१॥ ऐसे वश भये हरि वाके कहा ठगोरी डार ॥ लूटत है अधरनको अमृत खात देत हैं ठार ॥२॥ को बक मरे बनी है जोरी तृण तोरत हैं वार ॥ सूर श्यामकों भलें कहत हीं देहुँ कहा अब गार ॥३॥

Murali

Part1-287

Dhanashri

Maat pitaa guna kaheen bujhaay .. abb inahuunke guna suna laihi

मात पिता गुण कहीं बुझाय ॥ अब इनहूँके गुण सुन लैही जाते श्रवण सिराय ॥१॥ उनके बेगुण निठुर कहावत मुरलीके गुण देखो ॥ तब याकौ तुम अवगुन मानों जब कछु अचरज पेखौ ॥२॥ जाकुलतें उपजी ता कुलकौं जार करत है छार ॥ तनहीं तनतें अग्नि प्रकाशत ऐसी जाकी झार ॥३॥ वह जो श्याम सुने श्रवनन भर करते दैहें डार ॥ सूरदास प्रभु धोखें याके राखत अधरन धार ॥४॥

Murali

Part1-287

Dhanashri

Nandlal bajaai baansuri sriyamunaju key teer ree .. adharkar

नंदलाल बजाई बाँसुरी श्रीयमुनाजू के तीर री ॥ अधरकर मिल सप्त स्वरनसौं उपजत राग रसाल री ॥|१॥ व्रजयुवतती ध्वनि सुन उठि धाई रही न अंग संभार री ॥ छूटी लर लपटात बदन पर टूटी मुक्ता माल री ॥२॥ बहत न नीर समीर न डोलत वृंदाबिपिन संकेत री || सुनि थावर अचेत चेत भये जेंगम भये अचेत री ॥३॥ अफल फले फलफूल भयेरी जरे हरे भये पातत री॥ उमंग प्रेम जल चल्यौ सिखरतैं गरे गिरिनके गात री ॥४॥ तृण न चरत मृगामृगी दोऊ तानपरी जब कान री ॥ सुनत गान गिर परे धरणि पर मानों लागे बान री ॥५॥ सुरभी लाग दियो केहरिकौ रहत श्रवणहीं डार री ॥ भेक भुजंग फण चढ बैठे निरखत श्रीमुख चार री ॥६॥ खग रसना रस चाख बदन नयन मूँद मौन धार री ॥ चाखत फलहिं न परे चोंचते बैठे पाँछ पसार री ॥७॥ सुर नर असुर देव सब मोहे छाये व्योंम विमान री ॥ चतुर्भुजबदास कही कोन वश भये या मुरलीकी तान री ॥८॥

Murali

Part1-288

Dhanashri