Shyamahin dosh jinn maaee .. kahau yahiri bosses jaat kinn

श्यामहिं दोष जिन माई ॥ कहौ याहिरी बॉस जात किन कौनें तोहि बुलाई ॥१॥ उनकी कथा मनहिं दे राखो याकी चलत ढिठाई ॥ वे जो बुरे भले तौउ अपने यह लंगर निठुराई ॥२॥ ऐसी रिस आवत है मोकूँ दूर करी झहराई ॥ सूरस्यामकी कान करत हूँ नातर करत लराई ॥३॥

Murali

Part1-288

Dhanashri

Shyamahin dosh kahaa kahi deejai .. kahaa baat bhurlison kahiye

श्यामहिं दोष कहा कहि दीजै ॥ कहा बात भुरलीसों कहिये सब अपने सिर लीजै ॥१)॥ हमहीं कहत बजाबहु मोहन यह नहीं हम जानी॥ हम जानी यह बॉँस बेंसुरिया को जाने पटरानी ॥२॥ बारेतें मुख लागत लागत अब हैं गई सयानी ।। सुनहीं सूर हम भोरी भारी बाकी अकथ कहानी ॥। ३॥

Murali

Part1-288

Dhanashri

Bidhana murali saut banaai .. sukath baansaki buns binasana

बिधना मुरली सौत बनाई ॥ सुकठ बाँसकी बंस बिनासन सबहि निरास कराई ॥१॥ जो यह ठाट ठाट वौहि राख्यो कुलकी होती कोऊ। तो इतनौ दुख हमहिं न हो तो आगुन आखर दोऊ ॥२॥ ए निर्दयी निटुर वह बनकी घर अब नहीं प्रकाश ॥ सूरदास ब्रजनाथ हमारे जैसे भये उदास ॥३॥

Murali

Part1-288

Dhanashri

Baansuri basey tau vraj humm naa basaingi laal baansuri baraao

बाँसुरी बसे तौ ब्रज हम ना बसैंगी लाल बाँसुरी बराओ तो हमें बिदा दीजिये ॥ जेते राग तेते दाग जेते छेद तेते भेद जेते सुर तेते शूल रौम रौंम छीजिये ॥१॥ ताननके तीखे तान लागत मोय मैंन बान श्रवण सुनत जाय बनमें बसि जिये ॥ बंसी छाँड़ौ गोप श्याम बिनती करत बाम जैसी कीनी सूरश्याम तैसीहू न कीजिये ॥२॥।

Murali

Part1-288

Dhanashri

Yeh murali mohani kahaavai .. sapt suran madhuri kahi baani

यह मुरली मोहनी कहावै ।। सप्त सुरन मधुरी कहि बानी जलथल जीव रिझाबै ॥।१॥ उह रिझये सुर असुरन पढ़ रचि तिनकौं बस्य कराजबै ॥ पुट एकौ इत मत उत अमृत आपुन अच अचवाबै ॥२॥ याके गुण ए सब सुख पावत हमकौं बिरह बढ़ावै ॥| सूरदास याकी यह करनी स्वामहिं नीकीं, भावै ॥३॥

Murali

Part1-289

Saarang

Murali tein hari saban bisari .. banaki vyaadhi kahaan yeh aaee deit sabai milgari ..1.. ghargharaten abb nithur karaai mahaa otpi naari .. kahaa

मुरली तें हरि सबन बिसारी ॥ बनकी व्याधि कहाँ यह आई देत सबै मिलगारी ॥१॥ घरघरतें अब निठुर कराई महा ओटपी नारी ॥ कहा भयौ जो हरि मुख लागी अपनी प्रकृति न टारी ॥२॥ सकुचतहौ काहे तुम सजनी कहौ न बात उघारी ॥ अनौखी सौत भई यह हमकों और नहीं कहुँकारी ॥३॥ इनहूँते अरु निठुर कहात यह आई कुलजारी ॥ सूरदास ऐसी को त्रिभुवन जैसी यह त्यौंनारी ।।४॥

Murali

Part1-289

Saarang

Adhar muratvi rutton laagi .. jaa raskau shatritu tanu gaayau

अधर मुरत्वी रटन लागी ॥ जा रसकौ षटऋतु तनु गायौ सो रस पिवत सभागी ॥१॥ कहाँ रहत कहाँते यह आई कौनें याहि बुलाई॥ चकृत कहत भई व्रजबासिन यहतौ भली न आई ।॥।२॥ सावधान क्यों होत नहीं तुम उपजी बुरी बलाय ॥ सूरदास प्रभु हम पर याकौं कीन्ही सौत बजाय ॥।३॥

Murali

Part1-289

Saarang

Murali humm parr rose bharee .. uns hamarau puni puni anchavat

मुरली हम पर रोस भरी ॥ अंस हमारौ पुनि पुनि अँचवत नेंकहु नहि न टरी ॥१॥ बारबार अधरनिसौं परसत देखत सबै खरी ।। ऐसी ढीठ टरी नहीं यहाँते ज्याँ हस रिसनि जरी ॥२॥ यह तौ किधौं अकाज हमारौ अब हमें जान परी ॥ सूरदास प्रभु निठुर कराये ऐसी करनी करी ॥।३।॥।

Murali

Part1-289

Saarang

Aavat hii yakau yeye dhang .. manmohan buss bhaye turat hii

आवत ही याकौ ये ढंग ॥ मनमोहन बस भये तुरत ही है गये अंग त्रिभंग ॥१॥ ना जानौं यह टौना जानत करिहै नाना रंग ॥ देखौ चरित्र भये हरि कैसे या मुरली के संग ॥२॥ बातनमें कहि धुनि उपजावत सर्जत तान तरंग ॥ सूरदास प्रभु इंदुबदनमें पैठ्यों बड़ौ भुजंग ॥।३॥

Murali

Part1-289

Saarang

Aaj nandnand govind girivardharan tarantanaya nikat adhar

आज नँदनंद गोबिंद गिरिवरधरन तरनतनया निकट अधर मुरली धरी ॥ सुनत सुर श्रवण तजि भवन सुर सुंदगी आन आकाशतें सुमन बरषा करी ॥१॥ थेंनु और बच्छ खग मृग ध्वनि सुनि सबै रहे धर ध्यान नहीं चरत तृण मुख परी ॥ भूल प्रतिकूल जल अनिल थक्‍्यौ ता समें शिला द्वुम द्रवित रजनीश गति मति हरी ॥२॥ सकल द्वुम बेलि प्रफुल्लित मुदित भ्रमर बर गुंज मत्तपान मधुकरत सुभता धरी ॥ नाथ बारिजबदन मदनमोहन और मोहे कोटिक मदन हरत अधघवूंद री ॥३॥।

Murali

Part1-290

Saarang

Murlito adharan parr gaajat .. cassie baithi douu curran chadh

मुरलीतो अधरन पर गाजत ॥ कैसी बैठी दोऊ करन चढ़ अँगुरी रंध्र न राजत ॥।९॥॥ श्यामहि मिलि हम सबन दिखावत नेंकहु मन नहिं लाजत ॥ दान शब्द मोदसों उपजत मधुरी मधुरी बाजत ॥२॥ कबहूँ मौन है रहत कबहुँ कहत रहत नहीं हाजत ॥ सूरश्याम वाकौ सुर साजत वह उनहींतें भ्राजत ॥३॥

Murali

Part1-290

Saarang

Gwalin kitt urahanau dehu .. boojhahu thaun yeh baat shyamason

ग्वालिन कित उराहनौ देहु ॥ बूझहु थौं यह बात श्यामसों जेते दुख जुरदौ सनेह ||९॥ जनमतही हम भईं बिरत चित छाँड़ि गाम गुण गेहु ॥ एकहि पाँय रहत नित ठाढ़ी ग्रीष्मशीत ऋतु मेह ॥२॥ तज्यौ मूल शास्त्रा सुपत्र सब सोच सुकानी देह ॥ मुरौ न तनमन अग्निसु लागत बिकट बनायौ वेह ॥३॥ क्ितहो बकत बाँसुरी जाने कर कर तामस तेह ॥ सूरश्यामकों तुमहुँ रिझ्ले कर क्यों न अधररस लेह ॥४॥

Murali

Part1-290

Saarang