Muraliya aise shyam rijhaaye .. nandanandanke guna naheen jaanat

मुरलिया ऐसे श्याम रिझाये ॥ नंदनंदनके गुण नहीं जानत अतिश्रमतैं यह पाये ॥१॥ तु॒व ब्रतकौ फल बहै दिखायौ चीरकदंब चढाये ॥ कह्नौँ कहा सब वैसेंहि आवहु युवतिन लाज छुड़ाये ॥२॥ तब दै चीर आभूषण बोले धन्य धन्य शब्द सुनाये ॥ सुनहुँ सूर ब्रजनारी भारी इतनेही हरख बढ़ाये ॥३॥

Murali

Part1-290

Saarang

Yeh hamkaun vidhana likh raakhi .. naam naan gaam kahaante

यह हमकौं विधना लिख राखी ॥ नाम न गाम कहाँते आई श्याम अधर रस चाखी ।|१॥ यह दुख काहि कहाँ को जानें ऐसौ कौन निबारे ॥ जो रस धरत्ौ कृपनकी नाई सो सब एसेंई डारै ॥२॥ यह दूषण वाहीकों कहिये कै हरिहूलों दीजै ॥ सुनहूँ सूर कछु बच्यौ अधररस कैसेहूँ करि लीजै ॥३॥

Murali

Part1-290

Saarang

Bawri joe baansurisaun larai .. vaha unasaan prem nein masaun tumsaun

बावरी जो बाँसुरीसौं लरै ॥ वह उनसाँ प्रेम नें मसौं तुमसौं नाहिन आली यातें गिरिधारी लाल लै लै अधर धरै ॥१॥ जौलों मधु पीवत रहत तौलौं जोबतहै घरीघरी पलपल छिनछिन नहि बिसरै ।। सूरदास प्रभु वाके रसबस भये रहत आली तातें वाकी सरवर कहौ धौं कवन करै ॥

Murali

Part1-290

Saarang

Nainan neend gaee ree aalee nishdin chhatiyaan lagyau hii rahat

नैंनन नींद गई री आली निशदिन छतियाँ लाग्यौ ही रहत धरकौ ॥ जबतें मोहन मुरली धुनि कीनी सुधि न रही री कछु और महा डर घरकौ ॥१॥ छतियाँ उसास लेत नमदिया गारी देत सास तकत मेरे पाँयनकौ खरकौ ॥ कैसेंके जईये कैसेंके दरसन पैये प्रभु कल्यान गिरिधरकौ मेरे हाथ भयौ पाथर तरकौ ॥२॥।

Murali

Part1-291

Saarang

Murali bhaee saut bajaay .. kabahuun banamen rahat daari taahi yeh

मुरली भई सौत बजाय ॥ कबहूँ बनमें रहत डारी ताहि यह सुघराय ॥१॥| बचन हीं हरि रिझ्लाय लीने अधर पूरत नाद ॥ दिनहिं दिन अधिकान लागी अब करैगी बाद ॥२॥ सुनहु री यह दूर कीजे यह करो बिचार ॥ अबहीतें करनी करी यह बहुरि कहा लगार ॥३॥ ढंग याके भले नाहीं बहुत गई इतराय ॥ सूरश्याम सुजान रीझे देह गति बिसराय ॥४॥

Murali

Part1-291

Nat

Sunhu ree murali kii utapati .. banamen rahat baans kull yakau

सुनहु री मुरली की उतपति ॥ बनमें रहत बाँस कुल याकौ यह तौ याकी गति ॥९१॥ जलधर पिता धरनि है माता अवगुण कहौं उघार॥ बनहूँ तैं याकौ घर न्यारो निपजे जहाँ उज़ार ॥२॥ एकतें एक गुणन है पूरे मातपिता अरु आप ॥ ना जानिये कौन फल प्रगट्यौ अतिहीं कृपा प्रताप ॥३॥विश्वासी परकाज न जानें याके कुलकौ धर्म ॥ सुनहुँ सूर मेघन की करनी ओर धरनी कौ कर्म ॥४।॥।

Murali

Part1-291

Nat

Murali atee chully itaraay .. akshayanidhi jinn loot paaee que‍yon

मुरली अति चली इतराय ॥ अक्षयनिधि जिन लूट पाई क्‍यों नहीं सतराय ॥९।॥| आदि ज्यों यह बडी होत चलत सीस नवाय ॥ सबनकों ले संग चलती दौर मिलती धाय ॥३॥ बाँसतें उतपत्ति याकी कहा बुद्धि ठहराय ॥ सूरप्रभु ताके बस जैसें रहत नहीं बिसराय ॥।३॥

Murali

Part1-292

Nat

Yeh tau bhalee upaji aaya .. nidharak baithi saut hwackain dekh dekh

यह तौ भली उपजी आय ॥ निधरक बैठी सौत ह्वैकैं देख देख रिसाय ॥९॥ कहा याकी सकुच मानत कहौ घात सुनाय ॥ तबहि बस कर लियौ हरिकों हम सबन बिसराय ॥२॥ प्रबल पावस शरद ग्रीषम कियौ तप तनगार ॥ तिनहिं तरतलै आप बैठे प्राणपति बनवार ॥३॥ जो भई सो भई अब यह छोड़दै रसवाद ॥ सूरप्रभुके अधर लगि लगि कहा बोलत नाद ॥४॥

Murali

Part1-292

Nat

Aur kahau harison samajhaay .. taba yeh dubidha kaahe raakhat

और कहौ हरिसों समझाय ॥ तब यह दुबिधा काहे राखत वाही मिलवे जाय ॥॥९॥ हम अपनौ मन निदुर करायौ बात तुम्हारे हाथ ॥ भली भई अब शंकन लागे कवि गावत ब्रजनाथ ॥२॥ अब मुरलीपति जाय कहाबहु वह बाँसिन तुम काठ ॥ सूरदास प्रभुनहिं चतुराई ॥ मुरली पढायौ पाठ ॥३॥

Murali

Part1-292

Nat

Badeki maaniyai joe kaana || kahaa ochhe kii karein badaai yaahi

बड़ेकी मानियै जो कान || कहा ओछे की करें बड़ाई याहि ओछी बान ॥१॥ बड़ौ इतरै नहीं कबहूँ ओछेही इतराय ॥ नीर नारी नीच ही कूँ चलै जैसें धाय ॥॥२॥ रही बनमें घरहि लाये महाबुरी बलाय || निदरक यह सबन बैठी सौत उपजी आय ॥।३॥ दिनहिं दिन अधिकार बाढ्यौ आगें रहत कहाय ॥ सूरदास उपाधि बिधिना कहा रची बनाय ॥॥४॥

Murali

Part1-292

Nat

Murali kaun tapa tein keeyau .. rahat girdhar mukhahin laagi

मुरली कौन तप तें कीयौ ॥ रहत गिरधर मुखहिं लागी अधरकौ रस पीयौ ॥१॥ नंदनंदन पानि परसकें तोय तनमन दीयों ॥ सूरश्रीगोपाल बस भये जगतमें जस लीयौ ॥२॥

Murali

Part1-292

Sorat

Tapa humm bahut bhaantin karchayau .. himm barsha sahee sir parr ghaamaten naa durchou ..1.. cutt bredhi sapt randhnan hiyou chhoonchhau karchau ... tumahin begg bulaayvekon laalan adhar dhara ..2.. itane tapa main kiye jabahi laal

तप हम बहुत भाँतिन करचञौ ॥ हिम बरषा सही सिर पर घामतें ना डरचौ ॥१॥ कट ब्रेधी सप्त रंध्नन हीयौ छूँछौ करचौ ॥। तुमहिं बेग बुलायवेकों लालन अधर धर ॥२॥ इतने तप मैं किये जबही लाल गिरधर वरचौ ॥ सूर श्रीगोपाल सुमिरत सकल कारज सरचौ ॥३॥

Murali

Part1-292

Sorat